Bilumbu kekwisa ke ya mbote

Satana na bampeve ya imbi nandi takukusa dyaka ve bantu ntangu yonso. Jéhovah mekulaka bau tuka ntama na zulu. (Nzayikusu 12:⁠9) Yempi kubika fyoti, yandi tasukisa Satana mpi bampeve ya imbi nandi, ikele yau ntumwa Yoane tendulaka na kumonaka monameso ya yandi bakaka na Nzambi: “Mono monaka wanzyo kekulumuka tuka zulu, ya vandaka na nsabi ya dibulu ya ndá, ye munyololo ya nene na maboko. Yandi simbaka Dalaka, nyoka ya nkulu, ya ikele Diabulu ye Satana, ye yandi kangaka yandi mvu funda mosi. Ye yandi losaka yandi na dibulu ya ndá ye kangaka yau, mpi tulaka kidimbu na zulu na yandi, sambu yandi kukusa dyaka ve makanda ya bantu tii mvu funda mosi kumana.” (Nzayikusu 20:1-3) Na nima, Diabulu kumosi na bampeve ya imbi nandi tafwa kimãkulu.​—Nzayikusu 20:⁠10.

Bantu ya imbi mpi takufwa.​—Nkunga 37:9, 10; Luka 13:⁠5.

 Bafwa tazinga dyaka!

Ntangu Satana na bampeve ya imbi nandi takusa dyaka bantu ve, Jéhovah tanata mambote mingi sambu na bantu. Nge keyibuka dyaka nde bafwa kesalaka kima mosi ve, bau kezingaka dyaka ve. Yezu fwanisaka lufwa bonso mpongi​—mpongi ya mudindu ya kukonda ndosi. (Yoane 11:11-14) Yandi tubaka mpidina sambu yandi zabaka nde na ntangu takwisa bayina yonso melala na kati na lufwa bau tavumuka sambu na kuzinga dyaka. Yandi tubaka nde: “Na ntangu kekwisa bayina yonso ke na mazyami . . . tabasika.”​—Yoane 5:28, 29; tala Bisalu 24:15.

Bau tavutuka na luzingu, awa, na ntoto. Na sika ya baluzayisu ya lufwa, beto takuwa bansangu ya kitoko: mazina ya bantu yina tafutumuka na luzingu! Inki kyese tavanda ya kuyamba bayina beto kezolaka na ntangu bau tafutumuka na mazyami!

[Kifwanisu ya kele na lutiti 28]

Kubika fyoti, Satana kumosi na bampeve ya imbi takusa dyaka bantu ve

[Kifwanisu ya kele na lutiti 29]

Bafwa tazinga dyaka na ntoto