E Uxua ñe yo sʼoanxe dya kja ra søø ra dyøtkʼeji na punkjꞹ paa. E Jehová ya go pjongꞹ ajensʼeyo. (Revelación 12:⁠9.) Dya kja ra mezhe ma e Jehová ra nuji pje xi ra tsjapꞹ nu Uxua ñe yo sʼonrrajma. Kja dʼa visión ke e Jehová o jichi e Juan, kʼe apóstol go mama: “Nuk’ua ro janda kʼua na anxe kʼꞹ ma sjøbʼꞹ ajensʼe. Mi jꞹn kʼꞹ e sjogꞹ kja kʼꞹ e tʼoʼo kʼꞹ na je̱e̱ kʼꞹ dya ñetse ja sⱥtʼⱥ. Mi ka̱ja̱ na cadena kja o dyɇɇ. Nukʼua o zꞹrꞹ kʼua kʼꞹ e trjakʼijmi kʼꞹ ya me mezhe, kʼꞹ ngeje e Satanás kʼꞹ dya jo. kjanu o ndꞹntʼꞹ ko cadena kʼꞹ ro mezhe na mil o kjɇɇ. kjanu o pantrʼa kja kʼꞹ e tʼoʼo kʼꞹ me na je̱e̱. Kjanu o ngobʼꞹ na joo; kjanu o kuatʼꞹ o sello, ngekʼua kʼꞹ dya jo, dya kja ro dyompꞹ yo ntee, hasta ma kja ro zⱥsʼⱥ kʼo mil kjɇɇ.” (Revelación 20:​1-3. Nu O̱ Jña Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya.) Ma ra nguarꞹ kʼo mil kjɇɇ, e Yose ra chjo̱tʼꞹ e Uxua ñe kʼo sʼoanxe.​(⁠Revelación 20:10.)

Texe yo na sʼonte kja ne Xoñijomꞹ e Diosi ra chjotꞹyo.​(⁠Salmo 37:​9, 10; Lucas 13:⁠5.)

Ma dya kja ra bʼꞹbʼꞹ e Satanás ñe kʼo demonio, e Jehová ra mbøxkꞹji na punkjꞹ. Mbeñe ke yo a nrru̱u̱ dya kja bʼꞹnji, ni dya kja ja bʼꞹnji. E Jesús go mama ke kʼo a nrru̱u̱ chjenjui kʼꞹ na i̱ji̱.​.⁠. ke me na i̱ji̱ i dya pje kjinchʼi. (Juan 11:​11-14.) Bo mamayo nangeje mi pa̱ra̱ ke kʼꞹ na i̱ji̱ o kʼo a nrru̱u̱ ke søø ra søji. Bo mama: “ra e̱je̱ nu paa ꞌma ra dyⱥtkⱥ in jñagø texe kʼo ya ndu̱u̱ [. . .] texeji ra mbɇsʼeji kʼua ja tʼøgꞹji.”​(⁠Juan 5:​28,  29 Nu O̱ Jña Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya; xo ri ñuu kʼo mama kja Hechos 24:⁠15.)

Ra sinkijiba, ngekʼua ra minji kja ne Xoñijomꞹ. Nzakja ma xitsʼiji kʼo a go nrru̱u̱, akjanu ¡ra xitsʼiji kjo a go nanga na yeje! ¡Me ra to̱jiaji rga zɇnguaji i ra chabʼꞹji yo in bʼedyiji ke ra nangaji nuja bi dyøgꞹji!