Seexaanaynne daydanttati hagaappe sinttau daro wodiyau asaa naata balettokkona. Yihooway saluwaappe eta kessidi oliichchiis. (Ajjuutaa 12:9) Xoossay mata wodiyan, Seexaanaa bollinne daydanttatu bolli haranttuwakka tangguwaa ekkana. Xoossaappe yiida ajjuutan, Yesuusi kiittido Yohaannisi hagaadan yaagiis: “Ciimma ollaa qulppiyaanne gita sanssalataa ba kushiyan oiqqida issi kiitanchchai saluwaappe yiyaagaa taani be7aas. Kiitanchchai miimminttiyaa, he ceega shooshshaa, xalahe halaqaa woi Seexaanaa giyoogaa oiqqiis; oiqqidi sha7u laittau qachchiis. Kiitanchchai ciimma ollan a yeggidi, sha7u laittai wuranaashin, asa zareta naa77anttuwaa balettenna mala, he ciimma ollaa qulppi gorddidi attamiis.” (Ajjuutaa 20:1-3) Hegaappe takkidi, Dablloosinne daydanttati merinau xayana.—Ajjuutaa 20:10.

Saˈaa bollan deˈiya iita asaykka hegaatuwa xayana.—Mazamure 37:9, 10; Luqaasa 13:5

Seexaanaynne daydanttati xayi simmin, Yihooway asaa naatussi daro anjjuwaa ehaana. Hayqqidaageeti haˈˈi deˈuwan deˈenaagaa hassyaasa. Yesuusi hayquwaa xiskkuwan, hary atto, aymoy baynna kayrissiya xiskkuwan leemissiis. (Yohaannisa 11:11-14) Hayquwan xiskkidaageeti sinttappe denddiyo wodee deˈiyoogaa i eriyo gishshau hegaato giis. I “Duufuwan de7iyaageeti a cenggurssaa siyiyo wodee yees. . . . duufuwaappe gaxi kiyana” yaagiis.—Yohaannisa 5:28, 29; Oosuwaa 24:15 ra gatta xeella.

Eti ha saˈaa bolli deˈuwau simmidi yaana. Asay hayqqin kiitay odettiyooga gishshaa, ufayssan deˈuwayyo denddida asaabay odettana! Issi asi ba siiqiyo hayqqidaageeta duufuwaappe mokkiyoogee ayba ufayssiyaaba gidaneesha!