Satana na gako adaimona anyenga anye kaa nanga aboro kindi te. Yekova aima do yo ngbangbaturũ yo. (Yugoti 12:9) Na fuo regbo ngbutuko, Ko nika guari aguari berewe kutiyo. Mbori aima yugokpia agu apai nika manga kumbatayo. Ko ayuguhe fu gu mokedi nangia Yoane. Yoane apepa gupai ko abihe ki ya: “Mi ki bi kura maraika, ko zorõ ngbangbaturũ yo, gu wiri rifungura nga ga gu due zanga mburuhe ki du be ko, na bakere azogbo. Ko ki zi daragona, nga gu bakuru wo, nga Bakitingbanga, nga Satana, ki vo ko tipa agarã 1000. ki ba ko ku rogo gu due zanga mburuhe, ki kisi he, ki dika ha ku auru ko, ka ko ananga nga arikaaboro berewe wa sa ya, daho agarã ka nyasa ni 1000, fuo gere i ka zaka ko ngbutuko.” (Yugoti 20:​1-3) Fuo gure kusa, i nika imo Satana na gako adaimona bara sa kindi.​—Yugoti 20:10.

I nika nyasariipa gu gbegberẽ aboro du auru kpotosende a kusayo dunduko.​—Atambuahe 37:​9, 10; Ruka 13:5.

Fuo Yekova di Satana kusayo na gako adaimona, ko nika ye na badungu amaku fu aboro. Mo ima ino gupai tigu nga kpikpi aboro ni ungayo rogo kura ba te. Ko aringbisi kpio kuti rame, nga gu dudunguro rame adunga amusumo rogoho ya. (Yoane 11:​11-14) Ko amangihe wo mbiko ko aima inoho nga regbo nika da ada agu aboro nara rogo kpio yo nika zinga kidu ni ungayo berewe. Ko aya: “Ragoho nada, ho agu yo ka gia fugoko ni dunduko du rogo amurã yo, ki kuru.”​—Yoane 5:​28, 29; Amokedi 24:15.

I nika zingisa aboro ku auru kpotosende ane. Ani agianga pakpio aboro berewe rogo apangbanga te, ono ani nikaa gia kina pa agu aboro zingi be kpio! Nairiwo gu pa ngbarago nika ngia ha ka dia agu aboro kugume nika kura murã yo!