AR­NAQ 25-nik ukiulik ima al­lap­poq: „1981-imi anaanaga kræfterluni toquvoq. Toqunera af­farmik aq­qalus­san­nut uan­nul­lu aliasuutaaqaaq. Taamani uanga 17-inik ukioqar­punga aq­qalugalu 11-nik. Anaanaga maqaasisorujus­suuara. Paasitin­neqar­punga qilam­miit­toq, taamaat­tumil­lu najuleq­qik­kumal­lugu im­minor­nis­sara kis­saatigileraluar­para. Ikin­ngutiginer­paasarigak­kumi.“

Toqup asasatsin­nik tigusisin­naanera naaper­tuil­luan­ngeqisutut misin­nar­tar­poq. Ar­tor­nar­taqaarlu nalunagu toqusoq oqaloqatigeq­qis­sin­naajun­naarlugu, nuan­naarsaqatigeq­qis­sin­naajun­naarlugu imaluun­niit eqitaaq­qis­sin­naajun­naarlugu. Toqusul­lu qilam­mut pinerar­neqar­nera aliasun­nermik taama it­tumik tamatigut peersineq ajor­poq.

Neriuul­li Biibilimi saq­qum­miun­neqar­toq al­laal­luin­nar­poq. Soorlu siusin­nerusuk­kut taareerip­put Biibilimi ersersin­neqar­poq siunis­sami qanit­tumi asasanik toqusimasunik takun­neq­qin­nis­saq ajor­nan­ngitsoq, qilam­miun­ngitsoq, nunarsuarmili maani pis­sutsit eq­qis­sinar­tut naaper­tuil­luar­tul­lu atuuf­figisaan­ni. Taamanik­kus­samut inuit peq­qil­luin­nas­sutsimik nuan­naarutigin­nis­sin­naas­sap­put, toqun­ngisaan­nas­sal­lutik. ’Takorluuk­kersaar­nerin­naruna,’ im­maqa oqarumas­saatit.

Tamatuma ilumoor­tuuneranik qularun­naarsin­neqas­saguit suna pisariaqas­sava? Neriorsuut up­peris­saagaan­ni qulak­keersimasariaqar­poq neriorsuisoq neriorsuutimi naam­mas­sinis­saanut piumas­suseqarlunilu pis­saaneqar­toq. Kinaana neriorsuisimasoq toqusimasut inuuleq­qik­kumaar­tut?

Ukiumi 31-mi uper­naak­kut Jesus Kristus paasiuminar­tumik ima neriorsuisimavoq: ’Soorlumi Ataatap toqusut makitit­tarai uum­mar­til­lugil­lu, taamat­taaq Er­nerup piumasani uum­mar­tit­tar­pai. Taman­na tupigusuutigis­san­ngilarsi, ul­lut nal­liuk­kumaarmata, taava iliver­niit­tut tamarmik taas­suma [Jesusip] nipaa tusarumaar­paat; anil­lutil­lu.’ (Juánase 5:21, 28, 29) Aap, Jesus Kristus neriorsuisimavoq toqusimasut mil­lionilik­kuutaat nunarsuarmi maani inuuleq­qik­kumaar­tut pis­sutsit eq­qis­sinar­tut paratiiser­palaar­tul­lu ataan­ni inuunermik naas­saan­ngitsumik siunis­saqarlutik. (Lúkarse 23:43; Juánase 3:16; 17:3; naleq­qiuguk Tus­siaat 37:29 aam­ma Matîuse 5:5.) Jesus nam­mineq taamatut neriorsuisimam­mat qularutigin­ngis­sin­naavar­put naam­mas­sinis­saanut piumas­suseqar­toq. Taamaalior­nis­sarli sapin­ngilaa?

Taamatut neriorsuinerminit ukiut marluun­ngitsut qaangiut­tut Jesusip tupin­nar­tumik takutis­simavaa inuit toqusunit makitin­nis­saan­nut piumas­suseqarlunilu pis­saaneqarluni.

Pisimasoq alianar­poq. Lazarus nap­parsimasorujus­suuvoq. Taamaat­tumik qatan­ngutai ar­nat marluk, Maria  Martalu, Jesusimut, Jordanip kuus­suata il­lua’tungaaniit­tumut, ima oqariar­tor­titsip­put: ’Naalagaq, ata asasat nap­parsimavoq.’ (Juánase 11:3) Nalun­ngilaat Jesusip Lazarus asagaa, taamaat­tumik isumaqar­put ikin­ngutini nap­parsimasoq pulaan­ngitsoorumanavian­ngik­kaa. Eq­qumiikuluk­kaluar­tumil­li Jesus ul­luni tul­liut­tuni marlun­ni unin­ngaan­nar­poq, ingerlaan­naq Betanialiarani. — Juánase 11:5, 6.

Oqariar­tor­tut aal­larsimatsiaan­nar­tut Lazarus toquvoq. Jesusip nalun­ngilaa Lazarus qanga toqusoq, akuliun­nis­sanilu siuner­taraa. Kiisamilu Jesus Betaniamut apuum­mat ikin­ngutaa ul­luni sisamani toqungareersimavoq. (Juánase 11:17, 39) Inuk taama sivisutigisumik toqungareersimasoq Jesusip uum­mar­teq­qis­sin­naas­saner­paa?

Martap, ar­nap unin­ngaan­narumatuujun­ngitsup, tusaramiuk Jesus aggersoq parsiarasuar­paa. (Naleq­qiuguk Lúkarse 10:38-42.) Aliasun­nera Jesusip kil­litsis­sutigaa, neriorsoq­qis­saarlugulu: ’Qatan­ngutit makis­savoq.’ Taama oqariarmat Martap siunis­sami makititaanis­samut up­per­nini oqaatigaa, Jesusilu oqar­poq: ’Unga makis­sutaal­lungalu inuus­sutaavunga; uan­nut up­per­toq naak toqugaluaruni inuus­savoq.’ — Juánase 11:20-25.

Jesus qaarusum­mut iliviusumut pigami peq­qusivoq ujarak ilerrup matua peer­neqas­sasoq. Nipituumik qujareerluni Jesus oqar­poq: ’Lazarusiaa, aniit!’ — Juánase 11:38-43.

Tamarmik pis­sangal­lutik qaarusum­mut isik­kup­put. Taq­qaman­nga taarmit anisoqar­poq. Isigai as­saalu nimer­neqarsimap­put, kiinaalu an­noraaminermik uleq­qavoq. ’Nermus­saajarsiuk pisul­lilu,’ Jesus peq­qusivoq. Nermutaasa sin­neri nunamut nak­kar­put. Aap, tas­saana Lazarus, angut ul­luni sisamani toqungasimasoq! — Juánase 11:44.

Lazarusimik makititsineq Johan­nesip iivangkiiliuani oqalut­tuarisaanermi pisimasuit­tut saq­qum­miun­neqar­poq. Oqalut­tualiaan­naas­saguni an­nikitsualut­tai  piviusor­palaar­pal­laar­put. Oqalut­tuarisaanik­kut piviusuunera qularutigis­sagaan­ni as­sigiin­nas­savaa tupin­nar­tuliat Biibilimi eqar­tor­neqar­tut tamaasa, ilaatigut Jesus Kristusip nam­mineq makin­nera, qularutigis­sal­lugit. Jesusil­lu makititaasimanera up­periuman­ngik­kaan­ni taava kristumiut up­perisaat tamaat as­sor­tor­neqas­saaq. — 1 Korintumiut 15:13-15.

Guuti up­perigaan­ni taava aam­ma makititsinerup up­perinis­saa ajor­nar­tariaqan­ngilaq. Taman­na ima as­sersuusiarineqarsin­naavoq: Inuup piumasani kingul­leq kingor­nus­sas­sianilu videomut im­miutsis­sin­naavai, taava toqunerata kingor­na pigisami qanoq pineqar­nis­saat oqalut­tuarigaa ilaqutaasa ikin­ngutaasalu takusin­naas­savaat. Ukiut hundredet matuma sior­na taamaalior­nis­saq takorloor­neqarsiman­ngilarluun­niit, ul­lumik­kul­lu inuit nunarsuup ilaani avin­ngarusimasumi najugaqar­tut videomik im­mius­saq tupin­nar­tutut al­laal­lu tupin­nar­tuliatut isigis­savaat. Inatsisit fysik­kimut tun­ngasut Pin­ngor­titsisup aaq­qis­suus­simasai inun­nit taama uumas­suseqar­palutsigisumik pilior­nis­samut ator­neqarsin­naap­pata, taava Pin­ngor­titsisoq suli tupin­nar­nerungaar­tumik iliuuseqarsin­naas­san­ngin­ner­pa? Soorunami taamaaliorsin­naavoq! Taamaat­tumik silatusaar­nerun­ngila isumaqas­sal­luni inuunermik pin­ngor­titsisimasoq aam­ma tamatumin­nga pinngortitseqqissinnaasoq?

Lazarusip tupin­nar­tuliak­kut uum­mar­teq­qin­neqar­nera Jesusimut makititsinermul­lu up­per­nermik nakus­sas­saaqataavoq. (Juánase 11:41, 42; 12:9-11, 17-19) Aam­ma tamatumuunak­kut kil­lin­nar­tumik erser­poq Jehova er­neralu toqusunik makititsinis­samin­nut piumas­suseqarlutil­lu kis­saateqar­tut.

Lazarusip toquneranik Jesusip aliasuutigin­nin­nerata ersersip­paa Guutip er­nera misigin­neqataasorujus­suusoq. Pisumi tamatumani misigis­sutsiminik itisuunik ersersitsineratigut erser­poq toqusunik makititsinis­saminik qamuuna kis­saateqar­toq. Al­las­simavoq: ’Maria taava Jesusip najugaanut pigami takulerlugulu isigaasa saan­nut pal­lor­poq oqarfigalugu: „Naalagaq, tamaaniis­simaguit qatan­ngutiga toqun­ngeq­qajaqaaq.“ Jesusil­li qiasoq aggeqataalu juutit qiasut takugamigit anersaamigut ajual­lap­poq aliatsal­lunilu, oqar­porlu: „Sumut ilivisiuk?“ Akivaat: „Naalagaq takujar­tus­sagit.“ Jesus qul­lililer­poq. Juutit taava oqar­put: „Ata asangaaraluaramiuk.“’ — Juánase 11:32-36.

Jesusip misigin­neqataangaar­nera oqariaatsit pingasut atorlugit eq­qaaneqar­poq. Al­las­simavoq ’anersaamigut ajual­lap­poq aliatsal­lunilu’ aam­malu ’qul­lililer­poq’. Pisimasoq kil­litsin­nar­toq taman­na al­laaseriniarlugu oqaaseq griikerisooq tas­sani ator­neqar­toq ersersitsivoq Jesus qanimut ikin­ngum­mi Lazarusip toqunera pil­lugu qatan­ngutaalu qiasut takul­lugit ima aliatsas­simatigisoq isai qul­linik ulik­kaarsimal­lutik. *

Tamatumun­nga atatil­lugu malugisarialik tas­sa Jesus siusin­nerusuk­kut marloriarluni uum­mar­titsereersimam­mat, Lazarusimil­lu uum­mar­titsinis­sani siuner­tarim­magu. (Juánase 11:11, 23, 25) Taamaak­kaluar­toq  ’qul­lililersimavoq’. Tas­suuna erser­poq Jesusip inuit uum­mar­teq­qik­kaangamigit taman­na naam­mas­sisas­saan­nar­tut isigineq ajoraa. Misigis­susii sak­kor­tuut, pisumilu tamatumani erser­tut, takus­sutis­saal­luar­put toqup ajoqusigaanik tamanik iluarsiinis­sani qaman­nga pisumik kis­saatigigaa.

Jesus ’Jehova Guutip qanoq-is­susiata ersin­nerim­magu’ qularin­ngis­sin­naavar­put Ataatar­put qilam­miusoq aam­ma taama misigisoq. (Eprîarit 1:3) Jehovap nam­mineq toqusunik makititserusus­susia pil­lugu Job aalajaatsoq ima oqarsimavoq: „Toqusoq uum­maq­qis­sin­naaner­pa? . . . Oqaluf­figiumasuugum­ma akis­sagaluar­pak­kit, taava pin­ngor­titat kipilerfigissagaluarpat.“ (Job 14:14, 15) Oqaaseq hebriiarisooq tas­sani ’kipilerfigaa’-mik nutser­neqar­toq ersersitsivoq Guuti qaman­nga pisumik kis­saateqar­toq sak­kor­tuumil­lu kipisagisaqarluni. (1 Moses 31:30; Tus­siaat 84:3) Tas­sa Jehovap makititsif­fis­saq erinigisorujus­suuaa.

Makititsinis­samik neriorsuutip eq­quutitin­neqar­nis­saa tatigisin­naavar­put? Aap, qularutis­saan­ngilarmi Jehova er­neralu toqusunik makititsinis­samin­nut piumas­suseqarlutil­lu pis­saaneqar­tut. Taman­na ilin­nut qanoq isumaqar­pa? Maani nunarsuarmi, pis­sutsil­li al­laanerusut atuun­neran­ni, toquk­kut an­naasimasatit siunis­sami najuleq­qis­sin­naas­sagitit!

Jehova Guuti, aal­laq­qaataani inum­mik naatsiivim­mut alianaatsumut inis­siisimasoq, neriorsuisimavoq Paratiisi nunarsuarmi maani pilerseq­qik­kumaarlugu qilam­mi naalagaaf­fim­mi maan­nak­kut Jesus Kristusip naalan­narsisitaasimasup aqut­tuuf­figisaata ataani. (1 Moses 2:7-9; Matîuse 6:10; Lúkarse 23:42, 43) Paratiisimi pilerseq­qitas­sami tamatumani nunarsuup inui naas­saan­ngitsumik inuujuar­nis­samin­nik siunis­saqas­sap­put, nap­paatinut tamanut aniguisitaasimal­lutik. (sarĸúmersitat 21:1-4; naleq­qiuguk Job 33:25; Jesaja 35:5-7.) Aam­ma uumis­suineq, al­lamik nagguilin­nut iluarisaqan­ngin­neq, naggueqatigiit nakuuser­tar­neri aningaasatigul­lu naqisiman­nin­neq qangan­ngus­sap­put. Nunarsuarmi taamatut minguiarsimasumi Jehova Guuti Jesus Kristusilu toqusunik makititsis­sap­put.

Taman­nar­piaq ar­nap kristumiup, im­mik­koor­tup matuma aal­laq­qaataani eq­qar­tor­neqar­tup, maan­na neriugisaraa. Ukiut arlal­lit anaanaata toqunerata kingor­na Jehovap nalunaajaasuisa Biibilimik peq­qis­saar­tumik misis­suinis­saanik ikiorsimavaat. Ima oqalut­tuar­poq: „Makititaaf­fis­samik neriuut paasigak­ku qian­ngitsoorsin­naasiman­ngilanga. Anaanama takoq­qin­nis­saanik eq­qarsaat nuan­neqaaq.“

Aam­ma il­lit asasavit takoq­qin­nis­saat kipisagiguk­ku Jehovap nalunaajaasuisa nuan­naarlutik ikiorumas­savaatsit qanoq ilil­lutit neriuum­mik up­per­nar­tumik tamatumin­nga pigisaqalersin­naanin­nik paasitil­lutit.