1, 2. Angajoq­qaat meeq­qamin­nik perorsaanermin­ni kimit ikior­neqar­nis­sar­tik ujar­tor­tariaqar­paat?

„ER­NERIT tas­saap­put [Jehovap] tunis­sutai,“ ukiut 3000-t mis­saan­niit­tut matuma sior­na ataataq qujamasut­toq taama oqarsimavoq. (Tus­siaat 127:3) Ilumum­mi meeraqar­nerup nuan­naar­nar­tua Guutimit tunis­sutisiaavoq erlin­nangaar­toq, aap­pariit amerlanersaasa misigisin­naasaat. Meeraqalersul­li er­niin­naq paasisar­paat angajoq­qaajuneq nuan­naarutis­sanik nas­sataqaan­narani aam­ma akisus­saaf­fim­mik nas­sataqar­toq.

² Ingam­mik ul­lumik­kut meeq­qanik perorsaaniar­neq imaan­naan­ngitsuuvoq. Taamaak­kaluar­torli amerlasuut iluatsitsisimap­put, tamatumanilu pisariaqar­toq eq­qarsaatigalugu tus­siaasior­toq ima oqarsimavoq: „[Jehovap] il­lu qarman­ngip­pagu il­lulior­tut sulilus­sin­nas­sap­put.“ (Tus­siaat 127:1) Jehovap un­nersuus­sutai malin­nerujar­tuin­nar­til­lugit angajoq­qaajul­luar­nerujar­tus­saasi. Biibilimi ima al­las­simavoq: „[Jehova] tunaariuk uum­matik­kut iluun­ngarlutit, nam­minerlu silaqas­sutsit tatigeqinagu.“ (Us­satit 3:5) Meeq­qanik perorsaaneq, ukiuni 20-ni pilersaarusiamik taaneqar­tar­toq, ingerlatilerus­siuk Jehovap un­nersuus­sutai maleruarumas­savisigik?

3. Ataataasut meeq­qanik perorsaanermi sumik akisus­saaf­feqar­pat?

³ Nunarsuarmi sumi tamaani angerlarsimaf­fiit ilar­pas­suini angutit meeq­qanik perorsaaneq ar­nat sulias­saat­tut isigaat. Ilumoor­poq Guutip oqaasiani ataataasoq pilersuisus­satut pingaar­ner­tut tik­kuar­neqarmat. Aam­mali oqaatigineqar­poq angerlarsimaf­fim­mi akisus­saaf­feqar­toq.  Biibilimi al­las­simavoq: „Silami suliatit naam­mas­sereeruk­kit narsaativil­lu suliarinera isuman­naareerlugu taava aatsaat nuliarsin­naan­ngus­saatit [inoquteqalersin­naas­saatit].“ (Us­satit 24:27) Guutip ataataasoq anaanaasorlu suleqatigiil­lutik meeq­qanik perorsaasus­saatip­pai. — Us­satit 1:8, 9.

4. Sooq nukap­piaq­qat niviarsiaq­qanit pingaar­nerusutut isigisus­saan­ngilavut?

⁴ Meeq­qatit qanoq isigaagit? Oqar­toqar­tar­poq Asiami ’naalungiarsuit niviarsiaq­qat tikil­luaq­qusaaval­laar­neq ajor­tut’. Aam­magooq Amerikami qiterlermi suli niviarsiaq­qat paqumisuf­figineqar­tar­put, al­laat ’ilaqutariit qaam­marsagaanerusut’ akor­nan­ni. Niviarsiaq­qal­li tas­saan­ngil­lat meeq­qat nikanar­nerusut. Itsaq up­perluar­tup Jakobip kinguaani tamaasa, aam­ma panini, ima oqaatigisimavai: „Tas­sa qitor­nak­ka Guutip saam­maal­luni uan­nut tunis­sutigisai.“ (1 Moses 33:1-5; 37:35) Aam­ma Jesusip ’merler­tun­nguit’ tamaasa, (nukap­piaq­qat niviarsiaq­qal­lu) im­minukaan­neqar­tut pil­luaq­qusimavai. (Matîuse 19:13-15) Qularin­ngis­sin­naavar­put taan­na Jehovatut meeq­qanut isigin­nit­taaseqar­toq. — 5 Moses 16:14.

5. Aap­pariit qas­sinik meeraqaler­nis­sar­tik aalajanger­nialerunik­ku suut eq­qarsaatigisariaqar­paat?

⁵ Inuiaqatigiin­ni ilis­si inuuf­figisas­sin­ni sapin­ngisamik amerlasuunik meeq­qior­tar­neq ileq­quua? Soorunami aap­pariit qas­sinik meerar­taar­nis­sar­tik nam­min­neq aalajangigas­saraat. Taavami angajoq­qaat meerar­pas­suar­nut nerisas­saqar­titsinis­samut, atisaqar­titsinis­samut taak­kualu atuar­titaanis­saan­nut naam­mat­tunik akis­saqan­ngip­pata? Taamaap­pat meeq­qatik qanoq amerlatigis­sanersut pilersaarusiorunik­ku tamak­ku eq­qarsaatigisariaqar­paat. Ilaatigut aap­pariit meeq­qamin­nik tamanik pilersuisin­naan­ngitsut ilaasa meeq­qamik ilaat qanigisamin­nut perorsagas­san­ngor­tit­tar­paat. Ileq­qorli taman­na inas­sutiginar­pal­laan­ngilaq. Aam­ma angajoq­qaat meeq­qamin­nut pisus­saaf­fiat tamatumuunak­kut peer­neqan­ngilaq. Biibilimimi ima al­las­simavoq: ’Kialuun­niit ilani an­nerusumil­lu inoqutini  isumagin­ngik­kunigit, taas­suma up­per­neq soraarus­simavaa up­pin­ngitsumit ajor­nerul­luni.’ (1 Timûtiuse 5:8) Aap­pariit akisus­saas­sutsimik misigisimasut ’inoqutimik’ an­ner­tus­susis­saat pilersaarusior­tar­paat ’ilatik isumagisin­naajumal­lugit’. Naar­tunaveersaatinik atuisin­naap­pat? Aam­ma taman­na inuup nam­mineq aalajangigas­saraa, aap­pariil­lu taamaalior­nis­sar­tik qinerunik­ku nam­min­neq aalajangigas­saraat naar­tunaveersaatit sorliit atus­sanerlugit. „Kialuun­niim­mi nam­mineq akisus­saaf­fini nam­magas­sani nam­mat­tus­saavaa.“ (Galâsiamiut 6:5, NV) Naar­tunaveersaatil­li naar­tumik katatsisitsisar­tut Biibilimi najoq­qutas­sianut akerliup­put. Jehova Guuti ’inuunerup puilaf­figaa’. (Tus­siaat 36:10) Taamaat­tumik Jehovamut ataq­qin­nin­ngitsulior­nerujus­suus­saaq naar­toq kinguaas­siarineqar­niariar­toq suujun­naarsis­sal­lugu, taamaalior­nermi inuar­neruvoq. — 2 Moses 21:22, 23; Tus­siaat 139:16; Jeremia 1:5.

6. Meeq­qat qaquguk­kut ajoqersor­neqaler­tariaqar­pat?

⁶ Us­satit 22:6-imi al­las­simavoq: „Inuusut­toq ingerlavis­saanik ajoqersuuguk.“ Meeq­qanik ajoqersuineq aap­pariit­tut pisus­saaf­fiit an­ner­tuut ilagaat. Ajoqersuinerli taman­na qaquguk­kut aal­lar­tit­tariaqar­pa? Siusis­sorujus­suak­kut. Apustili Paulus al­las­simavoq Timoteus ’meeraanerminil­li’ ajoqersor­neqarsimasoq. (2 Timûtiuse 3:15) Griikerit oqaasiat tas­sani ’meeraanermit’-mik nutser­neqarsimasoq isumaqarsin­naavoq naalungiarsuk imaluun­niit al­laat meeraq suli inun­ngorsiman­ngitsoq. (Lúkarse 1:41, 44; apustilit suliait 7:18-20) Taamaat­tumik Timoteus naalungiarsuunerminiil­li ajoqersor­neqalersimavoq, taman­nalu eq­qor­tuuvoq. Meeraq naalungiarsun­nguuneraniil­li ajoqersulis­sal­lugu ajun­ngil­luin­nar­poq, al­laam­mi naalungiarsuit ilik­kagaqarusut­torujus­suusar­put.

7. (a) Sooq pingaar­tuua ataataasup anaanaasul­lu tamarmik naalungiarsum­mut qanimut at­taveqaler­niar­nis­saat? (b) Jehova er­nituaminut qanoq at­taveqarsimava?

⁷ „Meerar­taara takuin­navil­lugu asasorujus­suan­ngor­para,“ anaanaq taama oqarsimavoq. Anaanam­mi amerlanersaat  taamaat­tar­put. Anaanap naalungiarsuul­lu akor­nan­ni at­tavigiin­neq nuan­nersoq taman­na er­ninerup kingor­na najor­tigiin­neran­ni nukit­tunerujar­tuin­nar­tar­poq. Anaanap naalungiarsum­mik milutsitsisar­nera qanimut at­tavigiin­nermik tamatumin­nga sak­kor­tusaasar­poq. (Naleq­qiuguk 1 Tásalûníkamiut 2:7.) Anaanap naalungiarsum­mik aqas­sugarin­nit­tarlunilu oqaluf­figin­nit­tar­nera naalungiarsuup misigis­sutsik­kut pisariaqar­titaanik matus­sutis­siisar­poq, taman­nalu pisariaqarluin­nar­poq. (Naleq­qiuguk Jesaja 66:12.) Ataataasormi? Aam­ma taan­na meerar­taamin­nut qanimut at­taveqaler­niar­tariaqar­poq. Jehova nam­mineq tamatumani maligas­siuil­luarsimavoq. Jehovap er­neratalu at­tavigiin­nerat Biibilip atuagar­taasa ilaan­ni, Us­satit-ni, ima ersersin­neqar­poq: „Uanga tas­saavunga [Jehovap] siul­liutil­lugu pin­ngor­titaa, . . . Taas­sumun­nga nuan­naarutaavunga ul­lut tamaasa.“ (Us­satit 8:22, 30; Juánase 1:14) Taamatut­taaq ataataal­luar­toq meeq­qaminut naalungiarsuuneraniil­li asan­nit­tumik at­taveqar­nermik ineriar­tor­titsisar­poq. „Asan­nin­nermik angisuumik tunisak­kit,“ ataataq taama oqar­poq. „Meeq­qap kialuun­nit eqitaar­neqar­nerit kunin­neqar­neril­lu ajoqutigin­ngisaan­nar­pai.“

8. Angajoq­qaat naalungiarsuuter­tik sapin­ngisamik piaar­tumik anersaak­kut qanoq eqeersar­tariaqar­paat?

⁸ Naalungiarsuil­li taman­naan­naan­ngitsoq atorfis­saqar­tip­paat. Naalungiarsuk inun­ngor­niariar­toq qarasaa paasis­sutis­sanik, pingaar­tumik angajoq­qaavineersunik, tigooraanis­samut im­mer­neqar­nis­samul­lu piareer­tar­poq. Oqaatsinik ilin­niar­neq as­sersuutigeriar­tigu. Misis­sueq­qis­saar­tut oqaatigaat meeq­qap oqalun­nermut atuar­nermul­lu qanoq ilik­kar­tigisin­naanera ’meeq­qap mikisun­nguunerani taas­suma angajoq­qaavisalu akor­nan­ni sun­neqatigiis­simaneran­nut qanimut at­tuumas­suteqarsorinar­toq’. Taamaat­tumik meeq­qap naalungiarsun­nguuneraniil­li oqaluf­figalugulu atuf­fat­tar­nis­saa pitsaasuuvoq. Sivitsun­ngitsoq meeq­qap angajoq­qaani ilaar­niar­talis­savai, erininarsin­ngitsorlu atuar­nermut ilin­niar­tin­neqarsin­naalis­saaq. Taamaap­pat qular­nan­ngitsumik atualer­tin­nani atuarsin­naaleriis­saaq. Taman­na ingam­mik iluaqutaas­saaq nunami ilin­niar­titsisoqar­pian­ngitsumi  tat­toqisaaf­fiusunil­lu atuarfilim­mi najugaqaraan­ni.

9. Anguniagas­saq pingaar­ner­paaq angajoq­qaat siun­niusimasariaqagaat suua?

⁹ Angajoq­qaat kristumiuusut isumagisas­saat pingaar­neq tas­saavoq meeq­qamik anersaak­kut pisariaqar­titaan­nik isumas­sor­nis­saat. (Takuuk Mosesimik al­lak­kat tal­limaat 8:3.) Suna anguniarlugu? Meeraq Jesusitut pis­suseqaler­nis­saanik, ’inut­taamik atisinis­saanik’, ikior­niarlugu. (Evfisumiut 4:24) Taamaat­tumik angajoq­qaat ’sanaas­sanik’ ’sanariaatsinil­lu’ eq­qor­tunik atuinis­samin­nik eq­qumaf­figin­nin­nis­saat pingaar­torujus­suuvoq.

10. Pis­sutsit suut meeq­qat ineriar­tor­tit­tariaqar­paat?

¹⁰ Il­luliap pitsaas­susianut sanaas­sat ator­neqarsimasut aalajangiisuusorujus­suup­put. Apustili Paulus oqarsimavoq kristumiutut pis­suseqaler­nis­samut sanaas­sat pitsaaner­paat tas­saasut ’kuulti, siilvi ujaq­qal­lu erlin­nar­tut’. (1 Korintumiut 3:10-12) Sanaas­sat tamak­ku as­sersuutaap­put pis­sutsinut soorlu up­per­nermut, ilisimas­susermut, siuneqas­susermut, ilumoorfigin­nin­nermut, ataq­qin­nin­nermut Jehovamil­lu taas­sumalu inatsisaanik asan­nit­tumik pingaar­titsinermut. (Tus­siaat 19:8-12; Us­satit 2:1-6; 3:13, 14) Angajoq­qaat meeq­qatik naalungiarsuunermin­nit tamak­kunin­nga pis­suseqaler­niar­nis­saan­nik qanoq ilil­lutik ikiorsin­naavaat? Periaatsip itsarsuarli atoq­quneqarsimasup malin­neratigut.

11. Angajoq­qaat Israelik­kuusut meeq­qatik qanoq ilil­lutik Guutimik mianerin­nit­tumik pis­suseqaler­nis­saan­nik ikior­tarsimavaat?

¹¹ Inuiaat Israelik­kut nunamut neriorsuutigisaasumut iser­nis­saat sioq­qutitsiarlugu Jehovap angajoq­qaat Israelik­kuusut ima oqarfigisimavai: „Oqaatsit taak­ku peq­qus­sutil­lu ul­lumi ilin­nut tun­nius­sak­ka uum­mam­miugiuas­savatit. Qitor­nan­nut nangeq­qit­tuar­tas­savatit eq­qar­tor­tarlugil­lu angerlarsimal­lutit is­siasaraangavit, angalaar­taraangavit, in­nar­taraangavit makit­taraangavil­lu.“ (5 Moses 6:6, 7) Angajoq­qaat meeq­qamin­nut maligas­siuisariaqar­put. Aam­mat­taaq  taak­kunun­nga ikin­ngutaal­lutil­lu oqaloqatis­saasariaqar­put, taak­kunun­ngalu ilin­niar­titsisuul­lutik.

12. Sooq angajoq­qaat maligas­siuil­luar­nis­saat taama pingaar­tigaa?

¹² Maligas­siuigit. Jehova siul­lermik ima oqar­poq: „Oqaatsit taak­ku . . . uum­mamiugiuas­savatit.“ Taava ima nangip­poq: „Qitor­nan­nut nangeq­qit­tuar­tas­savatit,“ imaluun­niit nutsigaq pisoqaq naaper­torlugu: ’Puiugaanaveersas­savatit qitor­nan­nut.’ Tas­sa pis­sutsit Guutimik mianerin­nip­palut­tut angajoq­qaat siul­liul­lutik uum­mam­miugisariaqar­paat. Sal­lusuis­sum­mik nuan­narisaqar­tariaqar­put taman­nalu naaper­torlugu inuul­lutik. Taamaap­pat aatsaat meeq­qap uum­mataa angusin­naas­savaat. (Us­satit 20:7) Sooq? Meeq­qat tusaasamin­nit pin­natik isigisamin­nil­li sun­ner­tianerusarmata. — Lúkarse 6:40; 1 Korintumiut 11:1.

13. Meeq­qanik soqutigin­nin­neq eq­qarsaatigalugu angajoq­qaat kristumiuusut Jesusip maligas­siaa qanoq malis­sin­naavaat?

¹³ Meeq­qannut ikin­ngutaagit. Jehovap Israelimi angajoq­qaat ima oqarfigisimavai: ’Meeq­qasi oqaloqatigisarsigik angerlarsimatil­lusi is­siasaraangas­si angalaar­taraangas­silu.’ Angajoq­qaat taamaalius­sagunik qanorluun­niit ulapitsigigaluarunik meeq­qatik pif­fis­saqarfiginiar­tariaqar­paat. Jesus nalunan­ngitsumik isumaqar­poq meeq­qat pif­fis­saqarfigisariaqar­tut. Nunarsuarmi kif­far­tor­nerata naaler­nerani inuit ’merler­tun­nguit taas­sumun­nga aas­simavaat at­toq­qul­lugit’. Jesus qanoq qisuariarsimava? ’Pak­kul­lugil­lu as­sam­minik [at­torsimavai] pil­luaq­qul­lugil­lu.’ (Mákorse 10:13, 16) Takorloorias­sagit! Jesusip inuunera naangajaler­poq. Taamaak­kaluar­torli pif­fis­sami ilaa meeq­qanut ator­paa soqutigin­nin­nermik ersersitsivigalugit. Ilumut maligas­saq pitsak!

14. Angajoq­qaat meeq­qamin­nik pif­fis­saqarfigin­nin­nerat qanoq iluaqutaasar­pa?

¹⁴ Meeq­qatit oqaloqatigisakkit. Meeq­qatit pif­fis­saqarfigisaruk­kit oqaloqatiginis­saan­nut periarfis­saqar­tas­saatit. Oqaloqatigisar­nerujar­tor­til­lugit paasisin­naanerulis­savat inut­tut qanoq pis­suseqaleriar­tor­tut. Eq­qaamas­saval­li at­taveqatigiin­neq oqalun­nerin­naan­ngim­mat. „Uum­mam­mit pisumik  tusar­naar­nis­sara ilin­niar­tariaqarsimavara,“ anaanaq Braziliamiu oqar­poq. Naam­magit­tar­nera kinguneqarluar­poq, er­neratami am­marfigaa misigis­sutsiminil­lu oqalut­tuut­talerlugu.

15. Aliik­kusersor­neq eq­qarsaatigalugu suut eq­qaamasariaqar­pat?

¹⁵ Meeq­qat ’il­larfis­saqar­nis­sar­tik qit­taserfis­saqar­nis­sar­til­lu’ pisariaqar­tip­paat. Aliik­kusersor­nis­samut pif­fis­saqar­tariaqar­poq. (Nalunaajaasup oqaasii 3:1, 4; Sakarja 8:5) Angajoq­qaat meeq­qal­lu ataatsimoorlutik sam­misaqaqatigiit­tar­nerat pitsaasuuvoq. Ajoraluar­tumik angerlarsimaf­fiit ilar­pas­suini tv-mik isigin­naar­neq kisimi aliikusersuutigineqar­tar­poq. Tv-k­kut isigin­naagas­siat ilaat nuan­nersin­naasaraluar­put,  ilaal­li ileq­qunut pitsaasunut aseruutaasin­naap­put, kiisalu tv-mik isigin­naar­tar­neq ilaqutariit at­taveqatigiin­neran­nut kinguarsaataasar­poq. Taamaat­tumik pitsaanerus­san­ngin­ner­pa meeq­qasi arlaan­nik iliuuseqarlusi sam­misaqaqatigisarus­sigik? Erinarsorlusi, pin­nguaatinik pin­nguarlusi, ikin­ngutis­sin­nik pulaar­titsil­lusi, arlaan­nil­luun­niit nuan­nersunik takuniaal­lusi. Sam­misas­sat taama it­tut at­taveqatigiin­nermut siuarsaataasar­put.

16. Angajoq­qaat meeq­qatik Jehova pil­lugu sunik ilin­niar­tit­tariaqar­paat, qanorlu iliorlutik taamaalior­tariaqar­pat?

¹⁶ Ilin­niartis­sigik. „[Oqaatsit taak­ku] qitor­nan­nut nangeq­qit­tuar­tas­savatit,“ Jehova oqar­poq. Suut aam­ma qanoq iliorlutit ilin­niar­titsis­sutigis­sagitit oqaatsit taak­kua ataqatigisaan­ni erser­poq. Siul­lermik: „[Jehova] Guutit asas­savat uum­matik­kut iluun­ngarlutit tar­nik­kul­lu iluun­ngarlutit nukitil­lu tamak­kerlugit.” (5 Moses 6:5) Taava: „Oqaatsit taak­ku . . . nangeq­qit­tuar­tas­savatit.“ Jehovamik taas­sumalu inatsisaanik qaman­nga pisumik asan­nin­nermik ineriar­tor­titsinis­saq anguniarlugu meeq­qanik ilin­niar­titsisarit. (Naleq­qiuguk Eprîarinut agdlagkat 8:10.) „Nangeq­qit­tuar­tas­savatit“, tas­sa ilin­niar­titsis­sutigeqat­taar­tas­savatit. Taamaalil­luni Jehovap oqarfiginiar­paasi meeq­qasi Guutimik mianerin­nit­tun­ngoriar­tor­nis­saan­nik ikius­sagisi taas­suma meeq­qas­sin­nut eq­qar­tor­tuar­tar­neratigut. Tamatumun­nga ilaavoq taak­kunin­nga Biibilimik aalajanger­simasumik atuaq­qis­saaqatigin­nit­tar­neq.

17. Angajoq­qaat meeq­qamin­ni suna ineriar­tor­tin­niar­tariaqar­paat? Sooq?

¹⁷ Angajoq­qaat amerlanerit nalun­ngilaat arlaan­nik meeq­qamut uum­mam­miuliutititsiniar­neq oqitsuun­ngitsoq. Apustilip Peterip kristumioqatini ima oqaaq­qis­saarsimavai: ’Inoorlaan­nguatut im­muk piviusoq oqaasiusoq kajungerisiuk.’ (1 Pîtruse 2:2) Peterip kristumiut taamatut kajumis­saarsimavai inuit ilar­pas­suisa anersaak­kut inuus­sutis­sanut ’kajunger­nis­saq’ ajor­nakusoor­tit­tarmas­suk. Taamaat­tumik angajoq­qaat meeq­qatik anersaamut tun­ngasunut ’kajunger­nis­saan­nik’ ilin­niar­tit­tariaqar­paat.

18. Jesusip ilin­niar­titseriaasiisa suut ator­nis­saan­nik angajoq­qaat kajumis­saar­neqar­pat?

 ¹⁸ Jesusip as­sersuusior­tar­nermigut inuit uum­mataasigut kil­lit­tarsimavai. (Mákorse 13:34; Lúkarse 10:29-37) Ilin­niar­titseriaaseq taman­na ingam­mik meeq­qanut naleq­qut­tuuvoq. Oqalut­tuat soqutiginar­tut qalipaatigis­saar­tunik as­siliar­tal­lit, soorlu Biibilimik oqalut­tuaatikka-miit­tut, atorlugit Biibilimi najoq­qutas­sianik ilin­niar­tit­tak­kit. * Meeq­qat peqataatit­tak­kit. Biibilimi oqalut­tuarineqar­tunik titar­taasin­nerisigut isigin­naar­titsis­sutigin­nin­nerisigul­luun­niit nam­min­neq takorluuisin­naas­susiat ator­tit­taruk. Jesusip aam­ma apeq­qutit ator­tarsimavai. (Matîuse 17:24-27) Taas­suma periaasii ilaqutariit­tut atuaq­qis­saar­nis­sin­ni ator­tarsigik. Meeq­qat Guutip inatsisaanik oqalut­tuutiin­nar­nagit soorlu ima aperisarsin­naavasi: Sooruna Jehova taamatut inatsiseqar­toq? Inatsisaa malik­kutsigu qanoq kinguneqas­sava, malin­ngik­kutsigulu qanoq pisoqas­sava? Apeq­qutit taama it­tut meeq­qamik eq­qarsalersitsisar­put paasititsisarlutil­lu Guutip inatsisai atoriaan­naasut uagutsin­nul­lu iluaqutis­saasut. — 5 Moses 10:13.

19. Angajoq­qaat meeq­qamin­nik perorsaanermin­ni Biibilimi najoq­qutas­siat malip­patigik qanoq meeq­qanut as­sut iluaqutaas­sava?

¹⁹ Angajoq­qaatut meeq­qanut maligas­siuil­luar­tuugaan­ni — ikin­ngutigalugit, oqaloqatigisarlugit, ilin­niar­tit­tarlugil­lu — meeq­qat mikisun­nguunermin­nit nam­min­neq inut­tut Jehova Guutimut at­taveqaleriar­tuaar­nis­saan­nik ikior­neqarsin­naap­put. At­taveqar­neq taman­na meeq­qat kristumiutut pil­lualis­sutigis­savaat. Peqatimin­nit tatineqaraluarlutik us­ser­nar­torsior­tin­neqaraluarlutil­lu up­perisar­tik malil­lugu inuunis­sar­tik ilungersuutigis­savaat. At­taveqar­nermik erlin­nar­tumik tamatumin­nga pingaar­titsiuar­nis­saan­nik ikiorsigik. — Us­satit 27:11.

20. Perorsaatis­siineq qanoq paasisariaqar­pa, qanorlu periaaseqarluni perorsaatis­siisoqar­tariaqar­pa?

²⁰ Perorsaatis­siineq ajoqersuineruvoq isum­mamik uum­mam­mil­lu naq­qiinerusoq. Meeq­qat perorsaatis­sin­neqar­nis­sar­tik  pisariaqar­tit­tuar­tar­paat. Paulusip angajoq­qaat un­nersuus­simavai ’qitor­natik perorsas­sagaat iner­ter­tarlugil­lu Jehovamit’. (Evfisumiut 6:4) Angajoq­qaat Jehovatut iliorlutik asan­nit­tumik perorsaatis­siisariaqar­put. (Eprîarit 12:4-11) Eq­qarsalersitsiniaal­luni oqaaq­qis­saarinik­kut asan­nit­tumik perorsaatis­siisoqarsin­naavoq. Taamaat­tuminguna kajumis­saar­neqar­tugut ’perorsaat tusaq­qul­lugu’. (ússatit 8:33) Qanoq periaaseqarluni perorsaatis­siisoqar­tariaqar­pa?

21. Angajoq­qaat meeq­qamin­nik perorsaatis­siigaangamik najoq­qutas­siat suut eq­qaamasariaqar­paat?

²¹ Angajoq­qaat ilaat isumaqar­put meeq­qanik perorsaatis­siineq tas­saasoq sukan­nersumik oqalun­neq, naveersineq imaluun­niit ajual­latsitsineq. Tamatumun­ngali atatil­lugu Paulus ima eq­qaasitsivoq: ’Ilis­si angajoq­qaat, qitor­nasi narrutsatseqinasigik.’ (Evfisumiut 6:4) Kristumiut tamarmik kajumis­saar­neqar­put ’tamanut inus­siar­nersuus­sasut oqaatseriitsunil­lu qanilaarlutik ajoqersuinias­sasut’. (2 Timûtiuse 2:24, 25) Angajoq­qaat kristumiuusut meeq­qamin­nik perorsaagaangamik oqaatsit taak­ku eq­qaamasar­paat, aam­mali nalunagu aalajangersimanis­saq pisariaqarsin­naasoq. Ilaan­nik­kut oqaaq­qis­saarinerin­naq naam­man­neq ajor­poq, taamaat­tumil­lu arlaatigut pil­laanis­saq pisariaqar­tar­poq. — Us­satit 22:15.

22. Meeraq pil­lar­neqar­tariaqar­pat sumik paasitin­neqar­tariaqar­pa?

²² Meeq­qat as­sigiin­ngitsuup­put as­sigiin­ngitsumil­lu perorsaatis­sin­neqar­tariaqarlutik. Ilaat ’oqaaq­qis­saarutaan­nar­tigut perorsar­neqarsin­naan­ngil­lat’. Ilaan­nik­kut pil­lar­neqar­tar­nerat inuuneran­nut an­nas­sutaasin­naavoq. (Us­satit 17:10; 23:13, 14; 29:19) Meerarli sooq perorsaatis­sin­neqar­nerminik paasitin­neqar­tariaqar­poq. „Unatagaaneq avoq­qaarisaanerlu [perorsaatis­sin­neqar­neq] ilisimas­sum­mik pigisaqalersitsisar­put.“ (Us­satit 29:15; Job 6:24) Aam­mali meeq­qamik pil­laaneq kil­lis­saqar­tin­neqar­tariaqar­poq. „Misil­lersik­kumaar­pas­si, ingasaas­saan­ngitsumilli,“ Jehovap in­nut­tani taama oqarfigisimavai. (Jeremia 46:28b) Kamal­luni meeq­qamik unataaneq Biibilimi akuersaar­neqan­ngil­luin­nar­poq. — Us­satit 16:32.

23. Angajoq­qaaminit pil­lar­neqaraangami meeq­qap suna malugisin­naasariaqar­paa?

 ²³ Jehovap in­nut­tani perorsaatis­sin­nis­saan­nik mianersoq­qun­ngin­neran­ni ima oqarfigeq­qaar­pai: „Siooraqinasi, . . . uanga najoras­si.“ (Jeremia 46:28a) Angajoq­qaatut perorsaatis­siinerup naleq­qut­tup meeraq ajat­tugaasutut neriuutaarut­tutul­lu misigilersin­ngisaan­nar­tariaqar­paa. (Kulorsamiut 3:21) Meeq­qal­li perorsaatis­sin­neqar­nermini misigisin­naasariaqar­paa angajoq­qaami ’najoraan­ni’ ser­nis­soraan­nilu.

24, 25. Ul­lutsin­ni toq­qis­sisimanan­ngitsumut maajun­nar­tumut sumut meeq­qat ser­nis­sor­neqar­tariaqar­pat?

²⁴ Inersimasor­pas­suit meeraaner­tik nuan­nersunik eq­qaamasaqarfigaat. Toq­qis­sisimaneq iluarusun­nar­toq, qanorluun­niit pisoqas­sagaluar­pat angajoq­qaat isumas­suinis­saan­nik qularin­nin­ngin­neq, eq­qaamavaat. Angajoq­qaat meeq­qamik toq­qis­sisimanermik taama it­tumik misigitin­nis­saat kis­saatigisar­paat. Ul­lumik­kul­li silarsuarmi ajor­tun­ngorsimasumi meeq­qanik ser­nis­suiniar­neq qangar­nit ajor­nakusoor­nerulersimavoq.

 ²⁵ Ul­lumik­kut toq­qis­sisiman­ngis­sutaasoq maajun­nar­toq tas­saavoq meeq­qanik kinguaas­siuutitigut ator­nerluineq. Malaysiami meeq­qanik kinguaas­siuutitigut ator­nerluinerit nalunaarutit naaper­torlugit ukiut qulit ingerlaneran­ni sisamariaatin­ngorsimap­put. Tysklandimi ukiut tamaasa meeq­qat 300.000-it kinguaas­siuutitigut ator­nerlun­neqar­tar­put, nunamilu Amerikami kujal­lermiit­tumi misis­suisoqar­nerani mis­siliuun­neqar­poq meeq­qat kinguaas­siuutitigut ator­nerlun­neqar­tar­tut ukiumut 9.000.000-iusar­tut! Ajoraluaqisumik meeq­qat tamak­ku amerlanersaat nam­min­neq angerlarsimaf­fim­min­ni, inun­nit nalun­ngisamin­nit tatigisamin­nil­lu, taamatut pinerlineqar­tar­put. Meeq­qal­li isuman­naan­ner­paamik ser­nis­sor­teqar­tus­saap­put, tas­sa angajoq­qaamin­nit. Angajoq­qaat meeq­qatik qanoq ilil­lutik ser­nis­sorsin­naavaat?

26. Qanoq iliorluni meeq­qat ser­nis­sor­neqarsin­naap­pat, sunil­lu ilisimasaqar­neq meeq­qamut il­lersuutaasin­naava?

²⁶ Misis­suinerit takutim­mas­suk meeq­qat kinguaas­siuutinut tun­ngasunik paasisaqar­tin­neqarsiman­ngitsut ator­nerluinianit pisariuminar­nerusar­tut, pinaveersaar­titsinis­samut al­loriar­neq pingaar­toq tas­saavoq meeq­qamik mikisun­nguuneranit ilin­niar­titsineq. Ilisimasaqar­neq „aq­qum­mit ajor­tumit, inun­nit eq­qun­ngitsumik mumingasumil­lu oqalut­tunit“ meeq­qamut ser­nis­suutaasin­naavoq. (Us­satit 2:10-12) Sunik ilisimasaqar­neq? Biibilimi najoq­qutas­sianik suul­lu ileq­qus­satigut eq­qor­tuuneran­nik eq­qun­ngitsuuneran­nil­lu ilisimasaqar­neq. Inersimasut ilaasa ajor­tumik ilior­tar­neran­nik eq­qun­ngitsumil­lu ilioq­qusigaluar­pata meeq­qat naalat­tariaqan­ngin­neran­nik ilisimasaqar­neq. (Naleq­qiuguk Danielimik al­lak­kat 1:4, 8; 3:16-18.) Tamak­kunin­nga ilitsersuus­sineq ataasiaan­nagas­saan­ngilaq. Meeraaq­qat amerlanersaat eq­qaaman­nilerlualer­nis­samik tungaanut arlaleriarlutik ilin­niar­tin­neqar­tariaqar­put. Meeq­qat inuusut­tun­nguler­pata ataataasup asan­nil­luni panim­mi it­tooruteqaler­nera ataq­qis­savaa, taamatut­taaq anaanaasoq er­nerminut pisariaqar­poq. Tamatuma meeq­qat paasitikan­nis­savai suna naleq­qut­tuusoq. Soorunamilu ator­nerlun­neqar­nis­samut il­lersuineq pitsaaner­paaq tas­saavoq angajoq­qaatut meeq­qanik nak­kutigin­nil­luar­neq.

27, 28. Meeq­qanik perorsaanermin­ni angajoq­qaat kina ikior­tis­saraat pingaar­neq?

²⁷ Aap, meeq­qamik naalungiarsuuneranit ajoqersuineq ilumut imaan­naan­ngilaq. Angajoq­qaal­li up­per­tut tamatumani kisimiit­tariaqan­ngil­lat. Itsaq Israelik­kun­ni eq­qar­tuus­sisut atuun­neran­ni angutip Manoamik atil­lip paasigamiuk ataatan­ngor­tus­san­ngorluni, meeq­qaminik perorsaanis­saminut siulersoq­qul­luni Jehova qin­nuigisimavaa. Qin­nutai Jehovap akivai. — Eq­qar­tuus­sisut 13:8, 12, 24.

²⁸ Ul­lumik­kut­taaq angajoq­qaat up­per­tut meeq­qamin­nik perorsaanermin­ni Jehovamut ikioq­qusin­naap­put. Angajoq­qaajuneq oqitsuun­ngeqaaq, aam­mali nuan­naarutis­sar­tar­pas­suaqar­poq. Kristumiut aap­pariit Hawaiimiut ima oqarsimap­put: „Inuusut­tuaran­ngor­neq ajor­nakusoor­toq nal­liutsin­nagu ukiut aq­qaneq-marluk perorsaaf­fis­saap­put. Biibilimili najoq­qutas­siat ator­nis­saat ilungersuutigisimagaan­ni qitor­nat Jehovamut kif­far­tor­niarlutik aalajanger­pata nuan­naar­nermik eq­qis­sinermil­lu misiginis­samut pif­fis­san­ngus­saaq.“ (Us­satit 23:15, 16) Il­lit qitor­nat taamatut aalajanger­pat qular­nan­ngitsumik imatut nil­lerusus­saatit: „Er­nerit [aam­ma paniit] tas­saap­put [Jehovap] tunis­sutai.“