1, 2. (a) Juutit up­perisarsior­nik­kut siut­tuisa ilumuun­ngis­susiat erseq­qis­sar­niarlugu Jesus qanoq as­sersuusior­pa? (b) As­sersuusiaq taman­na inuusut­tut pil­lugit sumik ilin­niarfigaar­put?

TOQUNIS­SI sioq­qutitsiarlugu Jesusip juutit up­perisarsior­nik­kut siut­tuisa ilaat eq­qarsariaal­lan­nar­tumik aperisimavai, ima oqarluni: „Qanorli isumaqar­pisi? Inuk marlun­nik er­neqar­toq, taak­kualu arlaat or­nil­lugu oqarfigaa: ’Er­neq-aa, ul­lumi naatsiivin­nut viin­nequtilim­mut suliar­torit.’ Akivaa oqarluni: ’Aap, naalagara.’ Taakun­naranili. Aap­paali or­nil­lugu taamatut oqarfigaa. Taas­sumalu akivaa: ’Naagga.’ Peq­qis­simileramili taakun­nar­poq. Taak­kua  arlaata kia angum­mi peq­qusaa malip­paa?“ Juutit siut­tuisa akivaat: „Kingul­liup.“ — Mattæus 21:28-31.

² Jesusip taamatut as­sersuusior­nermigut juutit siut­tuisa ilumuun­ngis­susiat erseq­qis­sar­niar­paa. Er­ner­tut siul­ler­tut neriorsuisimap­put Guutip piumasaanik ilior­niarlutik, taman­nali eq­qor­tis­simanagu. Jesusil­li as­sersuusiaatigut erser­poq taan­na ilaqutariit­tut inuunermik ilisimasaqarluar­toq, taman­nalu angajoq­qaat ilar­pas­suisa isumaqatigiumas­savaat. Soorlu Jesusip eq­qorluar­tumik tik­kuaraa amerlasuutigut inuusut­tut qanoq eq­qarsar­nerat paasiuminaat­tar­poq, imaluun­niit qanoq ilior­nis­saat siumut eq­qoriaruminaat­tarluni. Im­maqa meeraq peroriar­tor­nermini as­sut ajor­nar­torsior­titsisarsimasoq inersimasun­ngorsin­naasar­poq akisus­saaf­fim­mik misigisimasoq ataq­qisaasorlu. Inuusut­tuaq­qat pikitsitsisut eq­qar­tor­neran­ni taman­na eq­qaamasariaqar­par­put.

3. Sooq angajoq­qaat meerar­tik pikitsitsisutut naqis­suser­niapal­las­san­ngilaat?

³ Im­maqa ilaan­nik­kut tusar­tar­patit inuusut­tuaq­qat angajoq­qaamin­nut toq­qaan­nar­tumik pikitsitsisut. Im­maqa il­lit nam­mineq ilaqutariin­nik aqun­neqarsin­naan­ngil­luin­nar­pasis­sumik inuusut­tuarar­talim­mik nalun­ngisaqar­putit. Meerarli ilumut pikitsitsinersoq aalajanger­nias­sal­lugu taama ajor­nan­ngitsigin­ngilaq. Aam­mali paasiuminaas­sin­naasar­poq sooq ilaqutariin­ni ataatsini meeq­qat ilaat pikitsitsiumatuusoq, uf­fa ilai taamaan­ngitsut. Angajoq­qaat meeq­qamik ilaat pikitsitsiniar­talersoq malugigunik­ku qanoq iliorsin­naap­pat? Siul­lermil­li sam­milaariar­tigu pikitsitsisoq qanoq isumaqar­nersoq.

4-6. (a) Pikitsitsineq qanoq paasisariaqar­pa? (b) Inuusut­tuaraq ilaan­nik­kut naalan­ngit­tar­pat angajoq­qaat suna eq­qaamasariaqar­paat?

⁴ Pikitsitsisoq tas­saavoq im­minit qul­liunerusumut uteriil­luni piaaralunilu naalas­seriit­tuaan­nar­toq, imaluun­niit akerlilersuil­lunilu as­sor­tuisoq. Naluneqan­ngilarmi ’inuusut­tuaq­qat sianiis­susermik pigisaqar­tut’. (Us­satit 22:15)  Taamaat­tumik meeq­qat tamarmik qaquguk­kul­luun­niit angajoq­qaamin­nut oqar­tus­saasunul­luun­niit al­lanut akerlilersueriar­tarsin­naasar­put. Ingam­mik taamaap­poq inuusut­tuaran­ngor­nermi, timik­kut misigis­sutsik­kul­lu ineriar­tor­nermi. Inuup inuunerani al­lan­ngor­nerit tatineqar­ner­nik nas­sataqar­tuaan­nar­put, inuusut­tuaraanermilu al­lan­ngor­nerit amerlaqisut pisar­put. Inuusut­tuaraatit inersimasun­ngoriar­tuler­poq. Taman­na ukiuni tamak­kunani angajoq­qaat meeq­qal­lu aporaas­sin­naasar­neran­nut pis­sutaavoq. Angajoq­qaat ineriar­tor­neq taman­na sianigin­ngisamin­nik kinguarsaq­qajaasar­paat, inuusut­tuaq­qal­li siuarsar­niar­tarlugu.

⁵ Inuusut­tuaq­qap pikitsitsisup angajoq­qaami maleruaq­qusaat tunut­tar­pai. Eq­qaamasariaqar­porli naalan­ngitsulioqat­taatsiaan­nar­pata imaan­ngim­mat pikitsitsisut. Anersaak­kul­lu ineriar­tor­neq eq­qarsaatigalugu meeq­qat tamak­kerlutik sal­lusuis­sum­mut Biibilimeersumut aal­laq­qaataani soqutigin­nin­neq ajor­put. Tamatumali as­sigiin­nan­ngilaa pikitsitsineq. Taamaat­tumik ilis­si angajoq­qaatut meeq­qasi naqis­suser­niapal­lat­tas­san­ngilasi.

⁶ Inuusut­tuaq­qat tamarmik angajoq­qaamik oqar­tus­saas­susian­nut pikitsitsisar­pat? Naamerluin­naq. Pis­sutsit piviusut takutitsip­put inuusut­tuaq­qat ikit­tuin­naat peroriar­tor­nermin­ni sak­kor­tuumik pikitsitsinias­suseqar­tar­tut. Meerarli malar­titas­saanani pikitsitsiualer­pat qanoq ilior­tariaqar­pa? Taamatut pikitsitsiniar­nermut suut pis­sutaasin­naap­pat?

7. Avatangiisit Satanip pilersitai qanoq ilil­lutik meeq­qanik pikitsitsilersitsisin­naap­pat?

⁷ Meeq­qat pikitsitsiniar­tar­neran­nut pis­sutaaner­paaq tas­sa silarsuarmi avatangiisit Satanimit sun­ner­neqarsimasut. „Silarsuaq tamaat ajor­tup pis­saaneqarfigaa.“ (1 Juánase 5:19, NV) Silarsuaq Satanip pis­saaneqarfigisaa kulturimik kristumiut akior­tariaqagaan­nik ineriar­tor­titsisimavoq. (Juánase 17:15) Nalitsin­ni kulturip ilarujus­sua  qangar­nit soq­qusaan­nerul­lunilu navianar­neruvoq sun­niineralu ajor­neroqaluni. (2 Timûtiuse 3:1-5, 13) Meeq­qat angajoq­qaamin­nit ilin­niar­tin­neqan­ngik­kunik, mianersoq­quneqar­tan­ngik­kunik ser­nis­sor­neqan­ngik­kunil­lu ’anersaamit naalas­seriin­nerup qitor­naani maan­na sun­niisumit’ ajugaaf­figineqariaan­naas­sap­put. (Evfisumiut 2:2) Ilagisar­tak­kamin­nit­taaq tatineqar­tar­put. Biibilimi ima al­las­simasoqar­poq: „Silaatsup ikin­ngutaa ajor­tumeer­tus­saasar­poq.“ (Us­satit 13:20) Silarsuup matuma anersaavanit sun­ner­neqarluin­narsimasunik peqateqar­tar­tut sun­ner­teriaan­naap­put. Guutip najoq­qutas­siaanik malin­nin­nerup inooriaatsimut pitsaaner­paamut tun­ngaviuneranik paasin­nis­sagunik inuusut­tut ikior­neqar­tuar­nis­sar­tik atorfis­saqar­tip­paat. — Jesaja 48:17, 18.

8. Aam­ma suut pis­sutigalugit meeq­qat pikitsitsisar­pat?

⁸ Pikitsitsinermik kinguneqarsin­naasoq al­la tas­sa angerlarsimaf­fim­mi pis­sutsit atuut­tut. As­sersuutigalugu, angajoq­qaat arlaat imerajut­tuup­pat, ikiaroor­tar­tuup­pat imaluun­niit aap­parminut nakuuser­tar­pat, inuusut­tuaq­qat inuunermut kuk­kusumik isigin­nit­taaseqaleriaan­naas­sap­put. Aam­mali al­laat angerlarsimaf­fim­mi eq­qis­sisimakan­nersumi najugaqaraluarluni meeraq misigiguni angajoq­qaaminit soqutigineqar­nani, pikitsitsisin­naavoq. Qal­lik­kul­li pis­sutsit kisimik inuusut­tuaq­qanik pikitsitsiniar­tun­ngor­titsineq ajor­put. Meeq­qat ilaasa angajoq­qaamik maleruaq­qusaat tunut­tar­paat, naak angajoq­qaatik Guutip najoq­qutas­siaanik maleruaagaluar­tut meeq­qamin­nil­lu silarsuarmut avatangiisumut ser­nis­suingaatsiaraluar­tut. Sooruna? Inut­tut naam­mal­luin­nan­ngis­suseq, ajor­nar­torsiutitsin­nut pis­sutaaner­paasoq, pisuusin­naavoq. Paulus ima al­las­simavoq: ’Inuk­kut ataasiusuk­kut [Adamik­kut] ajor­ti silarsuarmut tikiup­poq ajor­tik­kul­lu toqu tikiul­luni, taamalu toqup inuit tamak­kerlugit tikip­pai, tamarmik ajor­tuliormata.’ (Rûmamiut 5:12) Adam tas­saavoq pikitsitsisoq nam­minis­sarsior­toq kinguaaminut tamanut ajor­tumik kingor­nus­sisitsisoq. Inuusut­tut ilaat siuaasar­tik taan­na maliin­narlugu pikitsitsisar­put.

9. Meeq­qanik perorsaanermi periaatsit marluk suut meeq­qamik pikitsitsilersitsisin­naap­pat?

⁹ Inuusut­tuaq­qat pikitsitsineran­nik kinguneqar­tar­toq al­la tas­saavoq angajoq­qaat meeq­qanik perorsaanermut al­lan­ngorar­tumik isumaqarfigin­nin­nerat. (Kulorsamiut 3:21) Angajoq­qaat nalun­ngeqatigin­nis­sutsimin­nik malin­nil­luar­niar­tut ilaat meeq­qamin­nik sukan­nersumik perorsaasar­put as­sul­lu kil­lilersuisarlutik. Al­lat maleruutiasuup­put inuusut­tuaraatimin­nul­lu misilit­tagakitsunut ser­nis­suutaasus­sanik najoq­qutas­sior­neq ajorlutik. Periaatsit marluk taak­ku akor­nan­ni eq­qor­tumik oqimaaqatigiis­saarinis­saq ajor­naatsuin­naan­ngilaq. Aam­malu meeq­qat as­sigiin­ngitsuup­put as­sigiin­ngitsunil­lu pisariaqar­titaqarlutik. Im­maqa ilaasa nak­kutigineqar­nerunis­sar­tik ilamin­nit atorfis­saqar­tin­nerusar­paat. Biibilimi oqalut­tuarineqar­tut marluk sukan­ner­pal­laar­nerup imaluun­niit maleruutiaval­laar­nerup navianaataanik ersersitsisut sam­milaariar­tigik.

10. Sooq Eli ataataal­luar­tuusiman­ngila, naak palasiuner­tut aalajaatsuusimagunaraluarluni?

¹⁰ Eli Israelimi ukiuni 40-ni palasiunerusimavoq qular­nan­ngitsumil­lu Guutip inatsisai ilisimasaqarfigil­luarlugit. Qular­nan­ngitsumik palasitut pisus­saaf­fim­minik nak­kutigin­nin­nermigut aalajaal­luin­nar­tuuvoq, im­maqalu er­nini Hofni Pinehasilu Guutip inatsisaanik peq­qis­saar­tumik ilin­niar­tis­simal­lugit. Taamaak­kaluar­torli er­niminut maleruutiasuuvoq. Hofni Pinehasilu palasitut kif­far­tor­put, kisian­ni „inupiluup­put“ nerisas­satigut kan­ngunar­tulior­nik­kul­lu naam­matsin­nis­sar­tik kisiat soqutigalugu. Al­laal­li najuk­kami il­ler­nar­tumi kan­ngunar­tumik ilioraluarmata palasiujun­naarsin­nis­saan­nut Eli sapiis­suseqalin­ngilaq, sukan­ner­pal­laan­ngitsumil­li naviigin­narlugit. Taamatut maleruutianermigut Elip er­nini Guutimit ataq­qineruai. Tamatuma kingunerisaanik er­neri Jehovamik pal­lorfigin­nin­nermut minguitsumut pikitsitsip­put Elil­lu inoqutai  tamarmik ajunaar­nermik eq­qor­neqar­put. — 1 Samuel 2:12-17, 22-25, 29; 3:13, 14; 4:11-22.

11. Elip maligas­siuinerlun­nera angajoq­qaat sumik ilin­niarfigisin­naavaat?

¹¹ Tamatuma pinerani Elip er­neri inersimasuup­put, oqalut­tuamili tamatumani erseq­qis­sar­neqar­poq pisariaqar­tumik perorsaatis­siin­ngitsoor­tar­neq qanoq navianar­tigisoq. (Naleq­qiuguk Us­satit 29:21.) Angajoq­qaat ilaasa maleruutias­suseq asan­nin­nermut paarlaat­tar­paat, eq­qor­tin­neqar­tus­sanil­lu erseq­qis­sunik, aalajangersimal­luin­nar­tunik sianisuunil­lu meeq­qanut maleruagas­siun­ngitsoor­tarlutik. Meeq­qatik asan­nit­tumik perorsaatis­sin­ngitsoor­tar­paat, al­laat Guutip najoq­qutas­siaanik unioq­qutitsigaluaraangata. Taamatut maleruutias­susiat pis­sutigalugu meeq­qat angajoq­qaamin­nut oqar­tus­saasunul­luun­niit al­lanut naalak­kumajun­naar­tar­put. — Naleq­qiuguk Nalunaajaasup oqaasii 8:11.

12. Rehabeam oqar­tus­saas­sutsiminik atuinermini qanoq ilil­luni kuk­kusimava?

¹² Rehabeam tamatuma akerlerluin­naanik sukan­nersorujus­suusimavoq. Taan­na tas­saavoq kun­ngeqarfim­mi Israelimi kun­ngit kingul­lersaat, kisian­ni kun­ngiul­luar­tuun­ngitsoq. Nunamik, ataatami Salomonip nam­mak­kersuutaanik naam­magit­taal­liutigin­nit­tunik inulim­mik, Rehabeam kingor­nus­sivoq. Naam­magit­taal­lior­tunut Rehabeam paasin­nip­pa? Naamik. Nam­mak­kersuutit ilaan­nik piiaanis­saminik aal­lar­titanit qin­nuigineqarami siun­nersor­timi utoq­qaat siun­nersuutaat silatuut malin­nagit peq­qusivoq inuit nam­magaat suli oqimaan­nerulersin­neqas­sasut. Makitas­susiata kingunerisaanik naggueqatigiit avan­naamiut pikitsitsip­put, naalagaaf­fil­lu marlun­ngorlugu avin­neqar­poq. — 1 Kun­ngit 12:1-21; 2 Israelik­kut 10:19.

13. Angajoq­qaat qanoq ilil­lutik Rehabeamitut kuk­kulut­tor­naveersaar­tariaqar­pat?

¹³ Rehabeam pil­lugu Biibilimi oqalut­tuaq angajoq­qaat as­sut ilin­niarfigisin­naavaat. Qinunik­kut Jehova ’or­nit­tariaqar­paat’ an­ner­toq­qutis­sarsiorfigalugu, perorsaariaatsitil­lu Biibilimi najoq­qutas­siat tun­ngavigalugit misis­sorlugit.  (Tus­siaat 105:4) „Ilisimas­susil­lip inoqutini qunusiarigunigit im­minut sianiitsun­ngor­tis­saaq,“ Nalunaajaasup oqaasii 7:7-imi al­las­simavoq. Kil­lilersuutit isumaliutigil­luagaasimap­pata inuusut­tuaq­qat navianar­tunut ser­nis­sor­neqaatigalutik inerik­kiar­torsin­naas­sap­put. Meeq­qat sukan­nerfigineqar­tuarlutil­lu kil­lilersor­neqar­tuar­tut im­minut tatiginermik naam­mat­tumik ineriar­tor­titsisin­naaneq ajor­put. Piumasamik iliorsin­naatitsinerup naleq­qut­tup kil­lilersuutil­lu aalajangersimal­luin­nar­tut erseq­qis­sul­lu akor­nan­ni oqimaaqatigiis­saarinis­sar­tik angajoq­qaat ilungersuutigip­pas­suk inuusut­tuaq­qat amerlanersaat pikitsitsiniaq­qajaan­ngin­nerus­sap­put.

14, 15. Angajoq­qaat meeq­qamik ineriar­tor­nera qanoq isigisariaqar­paat?

¹⁴ Soorunami angajoq­qaat meeq­qatik al­liar­tor­tut isigalugit nuan­naar­taqaat. Taamaak­kaluar­torli er­numaam­min­ngitsoor­neq ajor­put meeq­qatik inuusut­tuaran­ngor­tut  nam­mineer­niar­neruleraangata. Al­lan­ngulerfim­mi tamatumani inuusut­tuaq­qap ilaan­nik­kooriarluni utereeriar­tarsin­naanera imaluun­niit suleqatigiuminaat­tarsin­naanera tupaal­laatigisariaqan­ngilaq. Eq­qaamas­savat angajoq­qaat kristumiuusut anguniagarisariaqarmas­suk meeq­qatik perorsas­sal­lugit kristumiun­ngoq­qul­lugit inersimal­luar­tut, isumamik­kut aalajaatsut akisus­saas­susermil­lu misigisimasut. — Naleq­qiuguk Korintumiunut agdlagkat sujugdlît 13:11; Evfisumiunut agdlagkat 4:13, 14.

¹⁵ Naak saper­narsin­naasaraluar­toq, angajoq­qaat inuusut­tuaq­qap nam­mineerumaneruler­nerinut tamanut akuersun­ngin­neq ileq­quliun­naveersaar­tariaqar­paat. Meeq­qap sianisuumik inut­tut inerik­kiar­tor­nis­sani atorfis­saqar­tip­paa. Inuusut­tuaq­qat ilaat siusingaatsiar­tuk­kut pis­sutsinut inersimar­palut­tumik isigin­nit­taaseqaler­tar­put. As­sersuutigalugu, kun­ngi inuusut­toq Josias pil­lugu  Biibilimi ima al­las­simavoq: „Suli inuusut­tuaraal­luni [15-it mis­saan­ni ukioqarluni] — siuaasami Daavip Guutia sam­miviginialer­paa.“ Inuusut­tuaraq malugisarialik taan­na nalunan­ngitsumik akisus­saas­susermik misigisimasuuvoq. — 2 Israelik­kut 34:1-3.

16. Inuusut­tut kif­faan­ngis­suseqar­nerujar­tor­til­lutik suna eq­qaamasariaqar­paat?

¹⁶ Kif­faan­ngis­suserli akisus­saaf­fim­mik nas­sataqar­poq. Taamaat­tumik meeq­qat inersimasun­ngulersoq aalajangik­kami iliuutsimilu ilaasa kingunerinik misigisaqar­tit­taruk. ’Inuk siaruar­tik­kani naaper­torlugit katersuiumaar­toq’ najoq­qutas­siaavoq inuusut­tuaq­qanut inersimasunul­lu as­sigiim­mik atuut­toq. (Galâsiamiut 6:7) Meeq­qat qaqugorsuarmut ser­nis­sor­neqar­tuaan­narsin­naan­ngil­lat. Taavami meerarsi akuerineqarsin­naan­ngil­luin­nar­tumik iliuuseqarusup­pat? Angajoq­qaatut akisus­saaf­fis­si eq­qor­tit­tariaqar­parsi itigar­til­lugulu. Qular­nan­ngitsumik sooq itigar­tin­nerlugu nas­suiarumas­savarsi, naaggaar­nersili sumil­luun­niit anger­nin­ngor­tin­neqar­tariaqan­ngilaq. (Naleq­qiuguk Matîuse 5:37.) Taamaak­kaluar­torli naaggaar­nis­sin­ni eq­qis­sisimasumik sianisuumil­lu pis­suseqar­niarsarigitsi, ’akis­sut sal­laatsoq kamak­kun­naarsitsisarmat’. — Us­satit 15:1.

17. Inuusut­tuaq­qat pisariaqar­titaat suut angajoq­qaat matus­sutis­sin­niar­tariaqar­paat?

¹⁷ Toq­qis­sisimaneq aalajangersimal­luin­nar­tumik perorsaatis­siinerup kingunerisaa inuusut­tut atorfis­saqar­tip­paat, naak kil­lilersuutit maleruagas­sal­lu malit­tariaqak­katik iluariuaan­nar­neq ajoraluarlugit. Angajoq­qaat isum­mamik al­lan­ngorar­nerat naaper­torlugu maleruagas­siatik al­lan­ngor­tikulasar­patigik paatsiveerun­nas­saqaaq. Inuusut­tuaq­qat nalor­ninermin­nik, it­toor­nermin­nik im­minul­lu tatigin­ngin­nermin­nik qaangiinis­samin­nut kaam­mat­tor­neqarlutil­lu ikior­neqar­tarunik qular­nan­ngitsumik inerik­kiar­tus­sap­put isumak­kul­lu aalajaan­nerujar­torlutik. Inuusut­tuaq­qat­taaq tatigin­nin­nermik pisas­sarisamin­nik ersersitsivigineqaraangamik nuan­naar­tar­put. — Naleq­qiuguk Jesaja 35:3, 4; Lúkarse 16:10; 19:17.

18. Inuusut­tuaq­qanut atatil­lugu suna qiim­maal­lan­nar­tuua?

 ¹⁸ Angajoq­qaanut tup­pal­ler­narsin­naavoq paasil­lugu ilaqutariin­ni eq­qis­sineq, aalajaas­suseq asan­nin­nerlu amerlaner­tigut meeq­qanut peq­qin­nar­tuusoq. (Evfisumiut 4:31, 32; Jâko 3:17, 18) Aam­mali inuusut­tut ilar­pas­sui ilaqutariin­nit imerajut­tor­talin­neersut, nakuuserfiusuneersut imaluun­nit al­latigut ajor­tumik sun­niisuneersut aniguil­luarsimap­put inersimasun­ngorsimal­lutil­lu ingerlal­luar­tut. Taamaat­tumik meeq­qavit asaneqar­nis­samin­nik soqutigineqar­nis­samin­nil­lu ilisiman­nin­ner­tik pis­sutigalugu — naak an­ner­toq­qusersuineq taman­na Biibilip najoq­qutas­siai naaper­torlugit kil­lilersuutinik sianisuunik perorsaatis­siisar­nermil­lu nas­sataqaraluar­toq — toq­qis­sisimanermik misiginis­saat isumagiguk­ku qular­nan­ngitsumik inersimasun­ngor­pata tul­luusimaarutigisin­naalis­savatit. — Naleq­qiuguk Us­satit 27:11.

19. ’Inuusut­tup ingerlavis­saanik ajoqersuun­nis­saa’ angajoq­qaat akisus­saaf­figaat, meeq­qal­li suna akisus­saaf­figaat?

¹⁹ Angajoq­qaat meeq­qanik ajun­ngitsumik ajoqersuinerat pingaarutilerujus­suuvoq. Us­satit 22:6-imi ima al­las­simavoq: „Inuusut­toq ingerlavis­saanik ajoqersuuguk, taava utoq­qaliguni taman­na nigus­san­ngilaa.“ Meeq­qam­mi pitsaasunik angajoq­qaaqaraluarlutik ilungersor­nar­tunik ajor­nar­torsiuteqalersut? Taamaat­toqarsin­naava? Aap. Al­las­simaf­fiit al­lat meeq­qap angajoq­qaaminut tusar­naar­nis­samut naalan­nis­samul­lu akisus­saaf­fianik erseq­qis­saasut ikior­tigalugit us­sat taman­na paasineqar­tariaqar­poq. (Us­satit 1:8) Angajoq­qaat meeq­qal­lu ilaqutariit­tut eq­qis­sinar­tumik inuulis­sagunik suleqatigiil­lutik Biibilimi najoq­qutas­siat malin­niar­tariaqar­paat. Suleqatigiin­ngik­kunik ajor­nar­torsiuteqalis­sap­put.

20. Meeq­qat isumaal­liorlutik kuk­kulut­tor­pata angajoq­qaat silatuut qanoq qisuarias­sap­pat?

²⁰ Inuusut­tuaraq kuk­kulut­tor­pat ajor­nar­torsiulerlunilu, angajoq­qaat qanoq qisuariar­tariaqar­pat? Ingam­mik taamaat­toqar­nerani inuusut­tuaq­qap ikior­neqar­nis­sani  atorfis­saqar­tip­paa. Angajoq­qaat eq­qaamagunik­ku inuusut­toq misilit­tagakitsoq pineqar­toq, taava qisuariapiloor­navian­ngil­lat. Paulusip ilagiin­ni kristumiut inersimal­luar­tut ima un­nersuus­simavai: ’Qatan­ngutik­ka, inuk misigin­ngitsoorluni pinerluk­kaluar­pat taava ilis­si anersaamut atasusi iluarsisin­niarsiuk anersaamik qanilaar­tumik.’ (Galâsiamiut 6:1) Inuusut­toq isumaal­liorluni kuk­kulut­tor­toq isumagigaangamik­ku un­nersuus­sut taman­na angajoq­qaat malis­sin­naavaat. Erseq­qis­sumik nas­suiaat­tariaqar­paat sooq meeq­qap iliuusia eq­qun­ngitsuusoq qanorlu ilil­luni iliuusereq­qin­naveersaarsin­naagaa, taman­nali ilutigalugu erseq­qis­saaf­figisariaqar­paat meeraq pin­nagu iliuusiali eq­qun­ngitsoq ajorigitsik. — Naleq­qiuguk Jûtarsip agdlagai 22, 23.

21. Meeq­qamik ilaat ilungersor­nar­tumik ajor­tulior­pat angajoq­qaat qanoq ilil­lutik ilagiin­ni kristumiuni periaasiusoq malis­sin­naavaat?

²¹ Taavami ilungersor­nar­torujus­suarmik unioq­qutitsineq pineqar­pat? Taamaap­pat im­mik­kut ikior­neqar­nis­saq paasisimasalim­mil­lu un­nersuun­neqar­nis­saq pisariaqar­put. Ilagiin­nut ilaasor­taasoq ilungersor­nar­tumik ajor­tulioraangami al­lamik isumataar­nis­saminik utoq­qaaner­tanul­lu ikior­tis­sarsior­nis­saminik kajumis­saar­neqar­tar­poq. (Jâko 5:14-16) Isumataareer­pat anersaak­kut iluarsinis­saanik utoq­qaaner­tat ikior­niar­tar­paat. Ilaqutariin­ni inuusut­tuaq­qap unioq­qutitsisup ikior­nis­saa angajoq­qaat akisus­saaf­figaat, naak im­maqa tamatuma utoq­qaaner­tanut oqaloqatigiis­sutiginis­saa atorfis­saqar­tik­kaluarlugu. Meeq­qamik ilaat ilungersor­nar­tumik ajor­tuliorsimap­pat soorunami utoq­qaaner­tanut toq­qor­tor­niar­navian­ngilaat.

22. Angajoq­qaat meeq­qamut an­ner­tuumik unioq­qutitsisumut isumaqarfigin­nin­nermik­kut qanoq ilil­lutik Jehova ilaar­niarsin­naavaat?

²² Nam­mineq qitor­nat an­ner­tuumik ajor­nar­torsiuleraangata misilin­neqaataasar­poq sak­kor­tooq. Angajoq­qaat misigis­sutsik­kut ima isumatsatsigisin­naasar­put inuusut­tuaraq aquk­kuminaatsoq kamal­lutik sioorasaarusuum­mersin­naasarlugu; taman­nali narrutsas­simanermik  kinguneqaan­nas­saaq. Eq­qaamas­savat inuusut­tup pisumi nuan­niitsumi tamatumani qanoq pineqar­nera siunis­saanut aalajangiisuusin­naam­mat. Eq­qaamas­savat­taaq Israelik­kut aq­qum­mit eq­qor­tumit nigoraangata isumak­keerfiginis­saan­nut Jehova piareersimasarsimam­mat, al­lamik isumataar­pata. Ny Verden-nutsigaq naaper­torlugu ima oqariarluni: „’Qaaniaritsi, akun­nitsin­ni pis­sutsit isuman­naar­niar­tigik,’“ asan­nit­tumik ima oqarfigisimavai: „Ajor­tuliasi aap­pil­laris­saatitut aap­palutsigigaluarunik aputitut qaqor­tigilis­sap­put; ilami pur­puritut aap­palutsigigaluarunil­luun­niit taamaat­toq savat meq­quisut ilis­sap­put.“ (Jesaja 1:18) Tamatumuuna angajoq­qaat pitsaasumik maligas­sior­pai.

23. Meeq­qamik ilaat ilungersor­nar­tumik ajor­tulior­pat angajoq­qaat qanoq ilior­tariaqar­pat, sunali pinaveersaar­tariaqar­paat?

²³ Taamaat­tumik tam­malersoq eq­qor­tumik ingerlaq­qiler­nis­saanik kajumis­saarsiuk. Angajoq­qaanut misilit­tagaqarluar­tunut ilagiin­nilu utoq­qaaner­tanut ikior­tis­sarsioritsi. (Us­satit 11:14) Isumaliutigeq­qaagaan­ngitsumik, meeq­qas­si ilis­sin­nut saaf­figin­nin­nis­saminut nangaas­sutigiligaan­nik, ilior­naveersaarlusilu oqar­naveersaar­taritsi. Kamarujus­suar­tar­nerit narrutsas­simaar­neril­lu pinaveersaarsigik. (Kulorsamiut 3:8) Nak­kaan­najaval­laar­niaqinasi. (1 Korintumiut 13:4, 7) Ilumoor­poq ajor­toq uumigisus­saagas­siuk, meeq­qas­sin­nul­li sukan­ner­pal­laar­naveersaaritsi narrutsas­simaar­naveersaarlusilu. Pingaar­torujus­suuvor­taaq angajoq­qaatut maligas­siuil­luar­niar­nis­sarsi Guutimul­lu aalajaatsumik up­per­tuaan­nar­niar­nis­sarsi.

24. Ilaqutariin­ni kristumiuni ilaan­nik­kut qanoq alianar­tumik pisoqarsin­naasar­pa, taamaat­toqar­til­lugulu angajoq­qaat qanoq qisuariar­tariaqar­pat?

²⁴ Ilaan­nik­kut ersaril­luin­nar­tar­poq inuusut­toq pikitsitsinis­saminik aalajangiusiman­nil­luin­nar­toq kristumiul­lu maleruagas­saan­nik tunus­sil­luin­narsimasoq. Taama pisoqar­til­lugu ilaqutariin­nut ilaasut sin­neri ser­nis­sor­neqar­tariaqar­put  ilaqutariit­tul­lu inuuneq piorsaq­qit­tariaqarluni. Nukisi tamaasa pikitsitsisumut ator­naveersaarsigik, meeq­qat al­lat sumigin­nar­tooq­qunagit. Ajor­nar­torsiut meeq­qanut al­lanut toq­qor­tor­niar­nagu naleq­qut­tumik an­ner­tus­susilim­mik oqaluuserisin­naavarsi tup­pal­lersarlugil­lu. — Naleq­qiuguk Us­satit 20:18.

25. (a) Meerar­tik pisas­saanani pikitsitsiualer­pat angajoq­qaat ilagiin­ni kristumiuni periaaseq suna malit­tariaqas­savaat? (b) Meeq­qamik ilaat pikitsitsip­pat angajoq­qaat suna puius­san­ngilaat?

²⁵ Ilagiin­ni pikitsitsisoq man­nger­tiin­nar­toq pil­lugu apustili Johan­nes ima al­las­simavoq: ’Il­lusisis­san­ngilarsi, ilas­sinagulu.’ (2 Juánase 10) Angajoq­qaat meerar­tik iluarsiumanani pikitsitsisoq 18-ileereersimap­pat taamatut isum­merfigisariaqas­savaat. Naak taamaalior­nis­saq ajor­nakusoorlunilu an­ner­naraluar­toq pisariaqarsin­naasar­poq, ilaqutariin­niit­tut sin­neri ser­nis­sor­neqaq­qul­lugit. Taak­kua ilis­sin­nit ser­nis­sor­neqar­nis­sar­tik isumas­sor­neqar­nis­sar­til­lu atorfis­saqar­tip­paat. Taamaat­tumik meeq­qat ileq­qus­saat ersaris­sumik aam­mali sianisuumik kil­lis­saqar­tis­sigik. Oqaloqatigisarsigik. Atuarfim­mi ilagiin­nilu qanoq ingerlanerat soqutigisiuk. Paasitis­sigil­lu qatan­ngutaat pikitsitsisoq uumis­sun­ngik­kis­si, naak iliuusii iluarin­ngik­kaluarlugit. Pis­susilersor­neq pitsaan­ngitsoq ajor­nerarsiuk, inuk pin­nagu. Jakobip er­nermi marluk peq­qar­niitsulior­nermik­kut ilaqutariit kan­ngunarsarmatigik er­nini pin­nagit soq­qusaatsumil­li kaman­nerat perloq­qusimavaa. — 1 Moses 34:1-31; 49:5-7.

26. Angajoq­qaat nalun­ngeqatigin­nis­sutsimin­nik malin­nil­luar­tut meeq­qamik ilaat pikitsitsip­pat suna tup­pal­lersaatigisin­naavaat?

²⁶ Im­maqa ilaqutariin­ni pisimasumut akisus­saasutut misigaasi. Jehovamil­li siulersor­neqar­nis­sarsi qin­nutigisarsimagus­siuk Jehoval­lu un­nersuus­sutai sapin­ngisarsi tamaat maleruar­niarsimagus­sigik ingasat­tumik im­mis­sin­nut avoq­qaarinis­sas­sin­nut pis­sutis­saqan­ngilasi. Angajoq­qaat tamavim­mik naam­mal­luin­nan­ngitsuuneran­nik ilisiman­nin­nersi nalun­ngeqatigin­nis­susersilu malil­luarlugu sapin­ngisarsi tamaat ilior­niarsimanersi tup­pal­lersaatigisigik. (Naleq­qiuguk apustilit suliait 20:26.)  Ilaqutariin­ni pikitsitsisoqaraangat alianar­taqaaq; taamatul­li pisoqas­sagaluar­pat qularin­ngis­sin­naavarsi Guutip paasis­sagaasi kif­fanilu tun­niusimasut qiman­ngisaan­nas­sagai. (Tus­siaat 27:10) Taamaat­tumik angerlarsimaf­fis­si meeq­qat sin­nerinut isuman­naatsuul­lunilu toq­qis­sisimanar­tuunis­saa siun­niusimajuarsiuk.

27. Er­nermik tam­maraluar­tumik as­sersuusiaq eq­qarsaatigalugu angajoq­qaat pikitsitsisumik meeral­lit suna neriuutigisin­naavaat?

²⁷ Neriuutaarutin­ngisaan­naritsi! Meeq­qasi eq­qor­tumik perorsar­niarlugit ilungersuutigisimasasi pif­fis­sap ingerlanerani meeq­qas­si pikitsitsisup uum­mataanut sun­nius­sin­naap­put silat­tor­til­lugu. (Nalunaajaasup oqaasii 11:6) Ilaqutariit kristumiut ilar­pas­sui ilis­sisut atugaqarsimap­put, ilaal­lu Jesusip as­sersuusiaani er­nerup tam­maraluar­tup ataataatut meeq­qamin­nik naalas­seriis­simasumik uter­toorsimap­put. (Lúkarse 15:11-32) Aam­ma ilis­si taamatut misigisaqarsin­naavusi.