KAPITALI 10
Ilaqutariinni napparsimasoqaraangat
1, 2. Job assuarnaassutsiminik iperaasinniarlugu Satanip ajunaarnerit nappaatillu qanoq atorsimavai?
QULARUTISSAANNGITSUMIK angut Job pilluartunik ilaqutaqarsimavoq. Biibilimi oqaatigineqarpoq taanna ’angutini kangiamiuni pissaaneqarnerpaasimasoq’. Arfineq-marlunnik erneqarpoq pingasunillu paneqarluni, katillugit qulinik meeraqarluni. Aamma ilaquttaminik pilersuilluarnissaminut pigisaqarluarpoq. Tamanilli pingaarnerpaamik — anersaakkut sammisassatigut ilaquttaminut siuttuuvoq meeqqamilu Jehovamut attaveqarnerat soqutigilluinnarlugu. Tamakku tamarmik ilaqutariinnik pilluartitsipput ataqatigiilluartitsillutillu. — Job 1:1-5.
2 Tamanna arajutsisimaneqanngilaq. Jehova Guutip akeravissuata, Satan Diaavulup, Guutip kiffai assuarnaassutsiminnik iperaasinniarlugit periarfissarsiortuartup, Job saassuppaa ilaqutaasa pilluartut nungutinnerisigut. Taava Job „perlutsippaa ajuarsuarnik aluinit kasseranut“. Satanip neriuutigaa ajunaarnerit nappaatillu ikiortigalugit Job assuarnaassutsiminik iperaasissinnaassallugu. — Job 2:6, 7.
3. Jobip nappaataata suut malunniutigai?
3 Biibilimi oqaatigineqanngilaq Job nappaammik sumik eqqorneqarsimasoq. Nappaatilli malunniutai allaatigineqarput. Timaa kilannik qalliliuunnernillu qallersimavoq, amia qulloorluni marniliorlunilu. Anernera maajunnartorujussuarmik tipeqarpoq, timaalu tipittorujussuuvoq. Aamma anniaqaaq. (Job 7:5; 19:17; 30:17, 30) Job anniaqaluni attani issiasarpoq marriukkallu aseqquanik imminut kiliortorluni. (Job 2:8) Ilumut isigisaq nallinnaq!
4. Ilaqutariit ilaannikkooriarlutik sumit nalaanneqartarpat?
Nalunaajaasup oqaasii 9:11; 2 Timûtiuse 3:16.
4 Illit nappaassuarmik eqqorneqaraluaruit qanoq qisuariassagaluarpit? Ullumikkut Satan Jobimut iliorsimanermisut Guutip kiffaanik nappaateqalersitsineq ajorpoq. Inuttulli naammalluinnanngissutsip, ulluinnarni tatineqarnerup avatangiisillu ajorsiartuinnartut nassatarisaannik ilaqutariinni napparsimalersoqartarnissaa ilimagineqaannarsinnaavoq. Naak pinaveersaartitsiniartaraluarluta tamatta napparsimalertarpugut, naak ikittuinnaat Jobitut naalliuttaraluartut. Ilaqutariinni napparsimalersoqarnera misilinneqaataasinnaavoq annertooq. Taamaattumik misissoriartigu inuiaat akeraat sumi tamaaniittoq tamanna naapitassariuaraluarlugu qanoq ililluta Biibili nikallujuinnissatsinnut iluaqutigisinnaagipput. —ILLIT ISUMAQARFIGINNINNERIT
5. Nalinginnaasumik napparsimasoqaleraangat ilaqutaasut qanoq qisuariartarpat?
5 Ulluinnarni sammisartakkanik aallussisinnaajunnaarneq sumilluunniit pissuteqaraluaraangami tamatigut ajornartorsiutinik nassataqartarpoq, ingammik sivisuumik napparsimanermik pissuteqaraangami. Allaammi sivikitsumilluunniit napparsimasoqartillugu sungiussiniarnissaq, paasinninnissaq pilliuteqarnissarlu pisariaqartarput. Napparsimasoq sinissinnaaniassammat ilaqutaasut nipaarsaartariaqarsinnaasarput immaqalu sammisassat aalajangersimasut unitsikkallartariaqarsinnaallugit. Ilaqutariit amerlanersaanni allaat meeraaqqat qatanngutiminnut angajoqqaaminnulluunniit napparsimasunut misiginneqataanermik ersersitsisarput, naak immaqa ilaannikkut tamatuminnga eqqaasinneqartariaqartaraluarlutik. (Kulorsamiut 3:12) Sivikitsumik napparsimasoqaraangat pisariaqartut naammassinissaannut ilaqutaasut piareersimasarput. Soorunami ilaqutariinnut ilaasut tamarmik neriuutigisarpaat namminneq napparsimalerunik taamatut isumassorneqassallutik. — Matîuse 7:12.
6. Katsorsarneqarsinnaanngitsumik napparsimasoqaleraangat ilaqutaasut qanoq qisuariartarnerat qaqutigoortuunngila?
6 Taavami nappaat annertooq pineqarpat, taamaattumillu annertuumik ataavartumillu allannguinissaq pisariaqarluni? Assersuutigalugu, ilaqutariinnut ilaasoq aanaartoorneq pissutigalugu nukillaarpat, imaluunniit Alzheimerip nappaataanik (’uternermik’) nappaammilluunniit sanngiillinartumik allamik eqqorneqarpat? Imaluunniit ilaqutariinni tarnikkut napparsimasoqalerpat, assersuutigalugu skizofreneertoqalerluni? Aallaqqaataani napparsimalersumut nalligusunneq nappaateqalerneranillu aliasuutiginninneq pissusissamisoorpoq. Nalligusunnerli qisuariarnernik allanik malitseqarsinnaavoq. Ilaqutariinnut ilaasut misigilerunikku napparsimasoqalernera inuunerminnut kiffaanngissutsiminnullu assut sunniuteqartoq, kamalersinnaapput, immaqa ima eqqarsarlutik: „Sooq uannorpiaq taama pisoqassava?“
7. Job napparsimalermat nulia qanoq qisuariarpa, sunalu puiorsimagunarpaa?
7 Jobip nulia taamatut eqqarsarsimagunarpoq. Eqqaamassavarput meeqqani tamaasa annaasimammagit. Ajortorpassuarnik tamakkuninnga pisoqaqattaartillugu isumatsakkaluttuinnarsimassaaq. Uini sulilluartuusimasoq Job 2:9.
uummaarissuusimasorlu nappaammik taama naalliunnartigalunilu maajunnartigisumik eqqorneqartoq isigileramiuk pingaarnerpaaq, naalliuutinik tamanik qulangiisimasoq, puiorsimagunarpaa, tassa nammineq uimilu Guutimut attaveqarnertik. Biibilimi ima allassimavoq: „Nuliata [Job] oqarfigaa: ’Assuarnaassutsit suli aalajangiusimaniinnarniarpiuk? Guuti perloqquinnaruk, toquinnaruit pitsaanerummat.’“ —8. Peruluttumik napparsimasoqarpat ilaqutaasut eqqortumik isumaqarnissaminnut allassimaffik suna iluaqutigissavaat?
8 Inuit ilarpassui allap napparsimanerata kingunerisaanik inuunertik annertuumik allanngoraangat pakatsisarput, aap, immaqa kamattarput. Kristumiulli pissutsit eqqarsaatigeqqissaareerlugit naggataatigut nassuerutigiumassavaa tamanna asannissutsimi piviusuussusianik ersersitsinissamut periarfissiisoq. Piviusumik asannittoq ’kamajuillunilu inussiarneraraaq . . . namminissaminik piniartarinngilaq. . . . Tamatigut kamaginnittaraaq, tamatigut upperaraaq, tamatigut neriuttaraaq, tamatigut ilalaararaaq’. (1 Korintumiut 13:4-7) Eqqarsaatit nuanniitsut nakkaannarfiginagit sapinngisarput tamaat akiorniartariaqarpavut. — Ussatit 3:21.
9. Neriorsuutit suut peruluttumik napparsimasoqarpat ilaqutaasut anersaakkut misigissutsikkullu iluaqutigisinnaavaat?
9 Ilaqutariinni peruluttumik napparsimasoqartillugu ilaqutariit anersaakkut misigissutsikkullu atugarisaatigut sernissorniarlugit qanoq iliortoqarsinnaava? Soorunami napparsimasut ataasiakkaat isumagineqarnissamik suliarineqarnissamillu atorfissaqartitaat assigiinneq ajorput, eqqortuliornerussanngilarlu atuakkami matumani nakorsaariaatsit paaqqutarinneriaatsillu aalajangersimasut siunnersuutigissallugit. Taamaattorli oqartoqarsinnaavoq Jehovap anersaakkut ’massisittarai taaqqungasut tamaasa’. (Tussiaat 145:14) Kunngi David ima allassimavoq: „Pilluarpoq sanngiitsumik isumassuisoq; taanna [Jehovap] annaakkumaarpaa ullormi perlulimmi. [Jehovap] sernigissavaa, inuutillugulu . . . Napparsimalluni nallaviani [Jehovap] ikiussavaa.“ (Tussiaat 41:2-4) Jehovap kiffani anersaakkut uumatittarpai, aamma allaat misigissutsikkut namminneq sapinngisartik qaangerlugu eqqorneqaraangata. (2 Korintumiut 4:7) Amerlasuut ilaqutariinni napparsimasoqalersimasut tussiaasiortutut ima oqarsimapput: ’Naalliungaaqaanga; Jehova, inuummarissannga oqaatsisit malillugit.’ — tugsiaut 119:107.
ANERSAAQ KATSORSAASOQ
10, 11. (a) Ilaqutariit napparsimasoqarnera anigussappassuk suna pisariaqarpa? (b) Qatanngut arnaq uini napparsimalermat qanoq iliorsimava?
10 ’Inuup nappaataa [anersaavata] atorsinnaavaa, [anersaarli] nallartitaasoq kia makitissavaa?’ Biibilimi taama ussateqarpoq. (ússatit 18:14) ’Inuup anersaava’ ilaqutariillu ataatsimut anersaavat nappaatip eqqorsinnaavaa. Biibilimili oqaatigineqarpoq ’uippalliaanneq timip inuummarississutigisaraa’. (Ussatit 14:30) Peruluttumik napparsimasoqaleraangat ilaqutariit tamatuminnga nammassinnaanerannut aalajangiisuusorujussuaq tassaavoq ilaqutariinnut ilaasut ataasiakkaat isumaqarfiginninnerat imaluunniit anersaavat. — Naleqqiuguk Ussatit 17:22.
11 Arnap kristumiup uia, ukiut arfiniliinnaat katissimareerlutik, aanaartoorsimavoq. „Uima oqalunniarnera ilungersunartorujussuuvoq, oqaasii paasissaanngingajattarlutik,“ arnaq oqaluttuarpoq. „Qanoq oqarniarsarinersoq paasiniassallugu isumakkut artorsarnartorujussuuvoq.“ Takorloorneqarsinnaavortaaq uia qanoq pakatsitigalunilu aliasutsigisoq. Aappariit qanoq iliorpat? Ilagiinnit kristumiunit ungasissumi najugaqaraluarlutik qatanngut arnaq anersaakkut nukittujuarniarsarivoq paasissutissat Jehovap peqatigiissortaaneersut nutaat tamaasa malinnaaffiginerisigut, kiisalu atuagassiat Napasuliaq Alapernaarsuiffik aamma Iteritsi! aqqutigalugit
anersaakkut inuussutissat takkussuuttuartut atuartarneratigut. Taamaalilluni ukiut sisamat kingorna uimi toqunissaa tikillugu taassuma paaqqutarinissaanut pisariaqartumik anersaakkut nukissaqartarpoq.12. Soorlu Jobimik pisimasukkut takuneqarsinnaasoq napparsimasoq ilaannikkut susinnaasarpa?
12 Jobimik pisimasoq eqqarsaatigalugu, taanna nammineq nukittuujuartortaavoq. „Ajunngitsut Guutimit pisut tigusinnaasaratsigit ajortut aamma tigusariaqannginerpavut?“ nuliani taama aperisimavaa. (Job 2:10) Tupinnanngitsumik kingorna ajoqersukkap Jakobip Job naammagittarnikkut kamagittarnikkullu maligassatut malugisarialittut eqqartorsimavaa. Jâko 5:11-mi ima allassimavoq: ’Jobip ilalaarsusianik tusarsimavusi, Jehovallu aniguiffigititaa ilisimavarsi, Jehova nallittuillunilu isumassuinertoqimmat.’ Ullumikkuttaaq sapiissuseq napparsimasut ilarpassuisa ersersitaat iluaqutigalugu ilaqutariinnut ilaasut allat isumalluarnermik attassiinnarsinnaasimapput.
13. Ilaqutariit peruluttumik napparsimalersoqartut naleqqiussineq suna pinaveersaartariaqarpaat?
13 Ilaqutariinni napparsimasoqarneranik misigisaqarsimasut ilarpassui oqartarput ilaqutaasut aallaqqaataani pissutsinik piviusunik akueriuminaatsitsisarnerat qaqutigoortuunngitsoq. Tikkuartarpaattaaq pissutsinut qanoq isiginninneq apeqqutaasorujussuusoq. Aallaqqaataani pisariaqartumik allannguinissaq ulluinnarnilu atugarilikkanut nutaanut sungiussiniarnissaq ajornakusoorsinnaavoq. Ilungersorlunili iliuuseqaraanni pissutsit atugarilikkat nutaat naleqqussarfigineqarsinnaapput. Tamatumunnga atatillugu pingaartorujussuuvoq ilaqutariinnut napparsimasortaqanngitsunut imminut naleqqiunnaveersaarnissaq, isumaqarnaveersaarlunilu atugarliunnginnerullutik inuusut tamannalu ’naapertuilluannginnerusoq’. Naluarpummi allat sunik nammagassaqarnersut. Matîuse 11:28.
Kristumiut tamarmik Jesusip oqaasii uku tuppallersaatigisarpaat: ’Ornissinga tamassi erloqisusi nanertugaasusilu, qasuersissavassi.’ —EQQORTUMIK TULLERIIAARINEQ
14. Qanoq eqqortumik tulleriiaarisoqarsinnaava?
14 Ilaqutariinni peruluttumik napparsimasoqalerpat pitsaassaaq oqaatsit isumassarsiarititaasut uku eqqaamassallugit: „Amerlasuunik siunnersuisoqarsimagaangat [pilersaarutit] iluatsittarput.“ (Ussatit 15:22) Ilaqutariit ataatsimoorlutik pissutsit nappaatip kingunerisaanik pilersimasut oqaloqatigiissutigisinnaavaat? Taamaaliornissaq qinunikkullu Guutip oqaasianik siunersiuinissaq pissusissamisoorluinnassapput. (Tussiaat 25:4) Suut oqaloqatigiissutigineqarsinnaappat? Imaassinnaavoq nakorsamit suliarineqarnissaq, aningaasaqarneq ilaqutariinnullu attuumassuteqartut allat aalajangiiffigisariaqartut. Kia pingaarnerpaamik napparsimasoq paaqqutarissavaa? Taanna tapersersorniarlugu ilaqutariit qanoq suleqatigiissinnaappat? Aaqqissuussineq ilaqutariinni ataasiakkaanik qanoq attuissava? Nammagassamik annerpaamik nammattup anersaakkut allatigullu pisariaqartitani qanoq ililluni pisassavai?
15. Ilaqutariit peruluttumik napparsimasoqalersut qanoq Jehovap annertoqqusersortarpai?
15 Jehovamut siulersoqqulluni qamannga pisumik qinusaraanni, taassuma oqaasia eqqarsaatigeqqissaartaraanni Biibilimilu aqqutigeqquneqartoq sapiilluni malikkaanni, takorluugaq akimorlugu pilluaqqusaanartarpoq. Napparsimasut tamakkeratik pitsanngortarput. Qanorluunniilli pisoqaraluaraangat Jehovamik tunaarinninneq tamatigut pitsaanerpaamik kinguneqartarpoq. (Tussiaat 55:23) Tussiaasiortoq ima allassimavoq: „Unneqqarissutsivit najummisarpaanga, [Jehova]. Eqqarsaatima eqqissiviilliortileraangannga tuppallersaanerpit nuannaalersittarpaanga.“ — Tussiaat 94:18, 19; aamma takuuk Tussiaat 63:7-9.
MEEQQANIK IKIUINEQ
Ilaqutariit suleqatigiippata ajornartorsiutit anigorneqarsinnaassapput
16, 17. Meeraaqqat qatanngutaata nappaataanik eqqartuiffigineranni suut tikkuarneqarsinnaappat?
16 Peruluttumik napparsimasoqarnera ilaqutariinni meerartaasunut atoruminaassinnaavoq. Pingaartorujussuuvoq meeqqat pisariaqartinneqalersimasunik qanorlu iliorlutik ikiuussinnaanerannik angajoqqaaminnit paasitinneqarnissaat. Meeqqamik napparsimasoqalersimappat qatanngutai paasitinniartariaqarput napparsimasup immikkut sammineqarlunilu isumagineqalernera isumaqanngitsoq qatanngutai minnerusumik asaneqartut. Qatanngutaasut napparsimasumut iluaaginnileqqunagit imaluunniit sinngaleqqunagit, angajoqqaavisa ikiorsinnaavaat imminnut qaninnerulernissaannik asanninnermillu piviusumik ersersitsisarnissaannik, pissutsit nappaatip kingunerisaanik pilersimasut suleqatigiillutik anigorniaatigalugit.
17 Meeraaqqat ajunnginnerusumik qisuariartarput angajoqqaaminnit misigissutsikkut kajumissaarneqaraangamik, nappaat pillugu takisoorsuarmik paasiuminaaqisumillu nassuiaanneqarnerminninngarnit. Taamaalilluni paasitikannerneqarsinnaapput napparsimasoq sunik atugaqartariaqartoq. Meeqqat peqqissut takusinnaagunikku namminneq taamaattussaannartut isigisamik ilarpassui napparsimasup iliuuserisinnaanngikkai, qularnanngitsumik ’qatanngutitut asanninnermik’ aamma ’nallittuinermik’ ersersitsisinnaanerussapput. — 1 Pîtruse 3:8.
18. Meeqqat annerit qanoq ililluni ilaqutariinni napparsimasoqalernera pissutigalugu ajornartorsiutaalersunik paasitinniarneqarsinnaappat, pissutsillu atulikkatik sumik ilinniarfigisinnaavaat?
18 Meeqqat annerit pissutsinik ajornakusoortunik pilersimasunik paasinninnissaannik ikiorneqarsinnaapput, Filípimiut 2:3, 4.
nassuiaallugillu taamaammat ilaqutariit tamarmik pilliuteqarnissaat pisariaqartoq. Nakorsamit suliaritinnermut nakorsaatinullu akiligassaqarpat immaqa angajoqqaanut ajornarpoq kissaatigisaraluamissut meeqqanik pilersuinissaq. Taamaappat meeqqat tamanna ajuallaatigissavaat misigalutik minnaarunneqarlutik? Imaluunniit pissutsinik paasinnissappat pisariaqartunillu pilliuteqarnissamut piumassuseqarlutik? Pissutsit qanoq oqaloqatigiissutigineqarnerat anersaarlu ilaqutariinni atuuttoq apeqqutaasorujussuupput. ’Saqitsaagajunnginnissamik piunngitsumillu ataqqineqarumatunnginnissamik, qanilaarlunili ilanik annerutitsinissamik’ Paulusip unnersuussutaata maleruarnissaa ilaqutariinni napparsimasoqarnerani amerlasuutigut meeqqat ilikkartarpaat. —NAKORSARTINNERMUT ISUMA
19, 20. (a) Ilaqutariinni napparsimasoqalerpat ilaqutariinnut ’niaquusoq’ sumik akisussaaffeqarpa? (b) Naak Biibili nakorsaatinut tunngasuunngikkaluarluni unnersuussutinik sunik imaqarpa?
19 Kristumiut oqimaaqatigiissumik isumallit nakorsarneqariaatsit Guutip inatsisaanut akerliunngitsut akuerisarpaat. Ilaqutariinni napparsimasoqaleraangat napparsimasup anniaataanik nipaallisaanissartik ilungersuutigisarpaat. Nakorsalli akunnerminni isumaqatigiinngissuteqarsinnaasarput isummerfigisariaqakkatsinnik. Aammalu ukiuni kingulliunerusuni nappaaterpassuit nutaat, nalinginnaasumik akuerisaasumik nakorsaatissaqanngitsut, takkussuussimapput. Ilaatigut allaat nappaatip suussusersinissaa ajornakusoorsinnaasarpoq. Taava kristumiu qanoq iliortariaqarpa?
20 Naak Biibilimik allattut ilaat nakorsaagaluartoq apustilillu Paulusip ikinngunni Timoteus nakorsaatitigut siunnersorsimagaluaraa, Biibili atuagaanngilaq nakorsaatinut tunngasoq; ileqqussatigut anersaakkullu unnersuussutinik imaqarpoq. (Kulorsamiut 4:14; ) Taamaattumik nakorsarneqarnissaq eqqarsaatigalugu kristumiut ilaqutariinni ’niaquusut’ namminneerlutik oqimaaqatigiissumik aalajangiiniartariaqarput. Immaqa nakorsat amerlanerusut isumaannik tusarniaarusussapput. (Naleqqiuguk 1 Timûtiuse 5:23Ussatit 18:17.) Soorunami kissaatigaat napparsimasoq sapinngisamik pitsaanerpaamik ikiorneqassasoq, amerlanersaallu nakorsanut nalinginnaasunut ikiortissarsiortarput. Allat nakorsaariaatsit immikkut ittut piumanerusarpaat. Tamanna inuup nammineq aalajangigassaraa. Aammali nakorsarneqarnermut atatillugu kristumiut ’Guutip oqaasii isikkaminnut naneruarisarpaat qaammaqqutigalugillu aqqutiminni’. (Tussiaat 119:105) Najoqqutassat Biibilimiittut tamatigut malittarpaat. (Jesaja 55:8, 9) Taamaattumik nappaammik suussuserseeriaatsit anersaarsiornermut attuumassuteqartut ingalassimasarpaat, suliarineqariaatsillu Biibilimi najoqqutassianut akerliusut atortarnagit. — Tussiaat 36:10; apustilit suliait 15:28, 29; sarĸúmersitat 21:8.
21, 22. Biibilimi najoqqutassiaq ikiortigalugu arnaq Asiamiu qanoq aalajangersimava, qanorlu ililluni paasinarsiva aalajangernera eqqortuusoq?
21 Arnaq inuusuttoq Asiamiu assersuutitut sammeriartigu. Jehovap nalunaajaasui ilagalugit Biibilimik atuaqqissaartalernermi kingunitsianngua inortumik panissaarpoq, 1470 grammiinnarnik oqimaassusilimmik. Aliatsattorujussuuvoq nakorsap oqarfigimmani panissaani annertuumik innarluuteqartoq pisussinnaalinngisaannassasorlu. Meeqqap immikkut paaqqutarineqartarfimmut pinissaa nakorsap siunnersuutigaa. Qanoq aalajangernissartik uiata nalulluinnarpaa. Arnaq kimut saaffiginninniassava?
22 Arnaq oqaluttuarpoq: „Eqqaamavara Biibilimi ilinniarsimallugu ’ernerit tassaasut Jehovap tunissutai, arnap timaata iluani inerittoq tassaasoq taassuma akissarsiaa’. (Tussiaat 127:3) Aalajangerpoq ’tunissutisiani’ angerlaanniarlugu namminerlu paaqqutariniarlugu. Aallaqqaataani ajornakusooqaaq, Jehovalli nalunaajaasuisa ilagiissaanni kristumiut ikinngutit ikiuineratigut isumagisassani nammalluarpai meerarlu pisariaqartumik immikkut annertoqqusersorlugu. Ukiut aqqaneq-marluk qaangiuttut meeraq naalagaaffilersaartarfimmi ataatsimiinnernut ilaasarpoq meeqqanillu allanik ilaqartarnini nuannaarutigalugu. Anaanaa oqaluttuarpoq: „Qujamasoqaanga Biibilimi najoqqutassiat eqqortumik iliornissannut killissimammannga. Jehova Guutimut ilerasuuteqanngittuaannarnissannik inuunerullu sinnerani peqqissimissutigisassannik iliunnginnissannik Biibilip ikiorsimavaanga.“
23. Napparsimasunut taakkuninngalu paaqqutarinnittunut Biibili qanoq tuppallersaava?
23 Nappaatit naassaanngitsussamut naalliuutiginavianngilavut. Jesaja 33:24) Neriorsuut tamanna silarsuassami nutaami qanilliartorasuartumi eqquutissaaq. Tamannali pitinnagu nappaatit toqulu naammagiinnartariaqarallassavavut. Qujanartumilli Guutip oqaasiani unnersuunneqarfissaqarlutalu ikiortissaqarpugut. Ileqqoreqqusat tunngaviusut Biibilip imarisai allanngortitassaanngitsuupput inuillu naammalluinnanngitsut paasinnittaasiannit allanngorartuartunit qutsinnerujussuullutik. Silatuup tussiaasiortoq ima allattoq isumaqatigaa: „[Jehovap] inatsisai innarluitsuupput, tarnimik tumannguersaasarput. [Jehovap] nalunaajaatai sallusuitsuupput, paasisakitsunik ilisimatuunngortitsisarput. . . . [Jehovap] inassutai aalajaapput, tamarmik naapertuilluarnerupput. . . . maleruaraanni tamanna naammattumik akissarsissutaassaaq.“ — Tussiaat 19:8, 10, 12.
Pruffiiti Esajas siulittuisimavoq ima oqartoqartarunnaarumaartoq: ’Napparsimavunga.’ (