1. Ilaqutariit ilaat sunik iser­tuk­kanik ajor­nar­torsiuteqar­pat?

BIILI pisoqaq asan­neqarlunilu qil­lersar­neqaq­qam­mer­poq. Qil­lingaarami soorlumi tas­sa nutaaq! Iluanili man­nger­tor­neqar­poq biilimik nungul­lariar­tor­titsisumik. Aam­ma ilaqutariit ilar­pas­sui pil­lugit taamatut oqar­toqarsin­naavoq. Naak qal­lik­kut suna tamarmi ajun­ngitsutut isik­koqaraluar­toq siooraneq an­niar­nerlu qungujulanerup ataani toq­qoqasin­naap­put. Ilaqutariin­ni eq­qis­sineq aseroriar­tor­poq, im­maqa imerajut­toqar­nera nakuuser­toqar­tar­neralu pis­sutigalugit.

2. (a) Imigas­sanik aalakoor­nar­tor­talin­nik imer­neq Biibilimi qanoq isigineqar­pa? (b) Imerajut­tuuneq sunaava?

² Imigas­sanik aalakoor­nar­tulin­nik ingasaas­sin­ngitsumik atuineq pin­nagu kisian­ni imerajut­tuuneq Biibilimi as­suarineqar­poq. (Us­satit 23:20, 21; 1 Korintumiut 6:9, 10; 1 Timûtiuse 5:23; Títuse 2:2, 3) Imerajut­tuunerli tas­saan­naan­ngilaq imer­tuar­neq; imerajut­tup imigas­sat aalakoor­nar­tut eq­qarsaatigiuar­tar­pai, aalakoor­nar­tumil­lu atuinini aqus­sin­naajun­naarsimal­lugu. Imerajut­tut inersimasuusin­naap­put, ajoraluar­tumil­li aam­ma meeraasin­naal­lutik inuusut­tuusin­naal­lutil­luun­niit.

3, 4. Imerajut­tuunerup imerajut­tup aap­paanut meeraan­nul­lu qanoq sun­niuteqarsin­naanera nas­suiaruk.

³ Itsarsuarli Biibilimi atuar­neqarsin­naasimavoq aalakoor­nar­tunik ator­nerluinerup ilaqutariin­ni eq­qis­sineq aserorsin­naagaa. (5 Moses 21:18-21) Imerajut­tuunerup ilaqutariit­tut inuuneq tamaat aseroriar­tor­tit­tar­paa. Im­maqa aap­paasup eq­qarsaatigiuar­tar­paa qanoq iliorluni aap­pani  imerajut­tuujun­naarsis­sin­naanerlugu, imaluun­niit pis­susia nalunar­toq qanoq iliuuseqarfigisin­naanerlugu. Im­maqa imigas­saatai toq­qor­tar­pai, igit­tarlugit, aningaasaatai toq­qor­tarlugit ilaqutariin­nul­lu, inuunermut Guutimul­lu asan­neq­qusaar­tarlugu — imer­tuaan­nar­porli. Imerun­naarsitsiniaraluar­nini iluatsin­ngitsoor­tuaan­narmat pakatsisar­poq im­minul­lu amigar­tutut misigisarluni. Im­maqa siooraneq, kaman­neq, im­minut pisuutin­neq, an­nilaanganeq, isumalukun­neq im­minul­lu tatigin­ngin­neq misigiualersar­pai.

⁴ Ataataasup anaanaasul­luun­niit imerajut­tuunera meeq­qanut sun­niuteqan­ngitsoor­neq ajor­poq. Ilaat timik­kut in­narligaasar­put, al­lal­lu kinguaas­siuutitigut ator­nerlun­neqar­tarlutik. Im­maqa al­laat ataatamik anaanamil­luun­niit imerajut­tuunera pil­lugu im­min­nut avoq­qaarisar­put. Imerajut­tup pis­susia nalunar­toq pis­sutigalugu al­lanik tatigin­nin­nis­sar­tik ajor­nakusoor­tit­tar­paat. Angerlarsimaf­fim­mi pisar­tut oqaluuserinis­saat nuan­narin­ngin­namik­ku misigis­sutsimik naqisimanis­saat ilik­kar­tar­paat, amerlasuutigut timik­kut kingunipiloqar­tumik. (Us­satit 17:22) Im­minut tatiginermik imaluun­niit im­minut ataq­qinermik amigaateqar­neq taman­na inersimasun­ngoreeraluaraangamil­luun­niit at­tas­sin­naasar­paat.

5. Imerajut­tuuneq qanoq iliuuseqarfigineqarsin­naava, aam­ma sooq taman­na ajor­nakusoor­pa?

⁵ Im­mik­kut ilisimasal­lit oqar­taraluar­put imerajut­tuuneq katsorsar­neqarsin­naan­ngitsoq, taamaat­torli amerlanerit isumaqatigiip­put imer­naveer­saar­luin­nar­neq ajun­ngitsumik kinguneqarsin­naasoq. (Naleq­qiuguk Matîuse 5:29.) Imerajut­tul­li ikior­neqar­nis­saminik akuersitin­nis­saa taama ajor­nan­ngitsigin­ngilaq, imerajut­tut ajor­nar­torsiuteqar­ner­tik as­sor­tor­tarmas­suk. Im­maqali ilaqutaasut ajor­nar­torsiutinik imerajut­tuunerup pilersis­simasaanik siul­liul­lutik iliuuseqarfigin­niler­pata imerajut­tup paasiar­tulis­savaa ajor­nar­torsiuteqarluni. Nakorsaq imerajut­tunik ilaqutaan­nil­lu ikiuinermik misilit­tagaqar­toq ima  oqarsimavoq: „Isumaqar­punga pingaar­ner­paaq tas­saasoq ilaqutaasut sapin­ngisamik nalingin­naasumik inuuniarsarinis­saat. Taamaalil­luni imerajut­tup paasiar­tuin­nas­savaa nam­mineq ilaqut­tamilu as­sigiin­ngis­suter­tik qanoq atsigisoq.“

6. Ilaqutariit imerajut­tor­tal­lit sumi pitsaaner­paamik un­nersuun­neqarsin­naap­pat?

⁶ Ilaqutariin­ni ilis­sin­ni imerajut­toqar­pat Biibilimi un­nersuus­sutit isumas­sarsiarititaasut sapin­ngisamik ajun­ngin­ner­paamik inuunis­sas­sin­nut iluaqutigisin­naavasi. (Jesaja 48:17; 2 Timûtiuse 3:16, 17) Najoq­qutas­siat ilaqutariit ajor­nar­torsium­mik tamatumin­nga atugaqarsimasut iluaqutigisimasaat maan­na sam­milaariar­tigik.

7. Ilaqutariin­ni imerajut­toqar­nera kia akisus­saaf­figaa?

⁷ Imminut pisuuteqinak. Biibilimi al­las­simavoq ’kialuun­niit akisus­saaf­fik nam­mineq nam­magas­sani nam­mas­sagaa’, aam­ma tamat­ta ’im­mitsin­nik Guutimut nas­suersus­saajumaar­tugut’. (Galâsiamiut 6:5; Rûmamiut 14:12) Im­maqa imerajut­tup ilaqut­tani imerajut­tuunerminut pisuutin­niar­tar­pai. Im­maqa ima oqar­tar­poq: „Ajun­ngin­nerusumik pisar­tuugus­singa imer­tas­san­ngik­kaluar­punga.“ Tamatumun­nga isumaqataanermik ersersitsinerup as­sigiin­nar­paa imer­tuaan­nar­nis­saanik kajumis­saarineq. Naak im­maqa arlaan­nik eq­qor­neqarsimagaluarluta eq­qun­ngitsumil­luun­niit pineqarsimagaluarluta, tamat­ta — aam­ma imerajut­tut — iliuutsitsin­nut nam­mineq akisus­saavugut. — Naleq­qiuguk Filípimiunut agdlagkat 2:12.

8. Qanoq iliorluni imerajut­toq imerajut­tuunermi kingunerinik misigisaqar­nis­saanik ikior­neqarsin­naava?

⁸ Isumaqar­naveer­saarit imerajuttoq imerajut­tuunerata kingunerinut illit sernis­sor­tuaan­nar­tus­saagit. Kis­saam­miaval­laar­toq pil­lugu Biibilimi us­sat aam­ma imerajut­tumut tun­ngatin­neqarsin­naavoq: „Ikiorumaguk­ku ikiuinerit nangeqat­taar­tuar­tariaqas­savat.“ (Us­satit 19:19) Imerajut­toq imerajut­tuunerata kingunerinik misigisaqar­tit­taruk. Min­ngersagaanik nam­mineq asaatit­taruk imaluun­niit imersimanini pis­sutigalugu suliar­tun­ngitsuus­sagaangat sulif­fim­minut nam­mineq sianer­tit­taruk.

9, 10. Sooq imerajut­tumut ilaqutaasut ikior­neqar­nis­sar­tik ilas­sisariaqar­paat, ingam­mil­lu sumut ikior­tis­sarsior­tariaqar­pat?

 ⁹ Allat ikiuiumanerat ilassiuk. Us­satit 17:17-imi al­las­simavoq: „Ikin­ngutaasup asan­nis­sutsi tamatigut takutit­tar­paa, eq­qarliusorlu er­niusimavoq an­nikil­lior­nermi ikior­tis­saal­luni.“ Ilaqutariin­ni imerajut­toqar­nera ilumut an­nikil­lior­nar­tuuvoq, taamaat­tumil­lu ikior­neqar­nis­saq pisariaqar­tar­poq. Nangaanak ikin­ngutin­nut ikior­tis­sarsior­tarit. (Us­satit 18:24) Al­lat ajor­nar­torsium­mik paasin­nit­tut as­singusumil­luun­niit atugaqarsimasut oqaloqatiginerisigut im­maqa qanoq ilior­nis­san­nik qanorlu iliun­ngin­nis­san­nik atoriaan­naasunik siun­nersor­neqarsin­naavutit. Oqimaaqatigiis­saarigil­li. Tatigisan­nik al­lanul­lu ingerlatitseq­qin­navian­ngitsunik oqaloqateqar­tarit. — Us­satit 11:13.

¹⁰ Kristumiut utoq­qaanertat tatiginis­saat ilin­niaruk. Ilagiin­ni kristumiuni utoq­qaaner­tat an­ner­tuumik ikiuisin­naap­put. Angutit inersimal­luar­tut taak­ku Guutip oqaasianik ajoqersor­neqarsimap­put tas­sanilu najoq­qutas­sianik atuinik­kut misilit­tagaqarluarlutik. Taamaat­tumik tas­saasar­pul­lusooq „anorersuarmut oq­quif­fik sialus­suarmul­lu oq­qif­fik, inoqajuitsumi kuun­nguit kuut­tut, nunami imis­saaleqisumi qaarsorsuup alan­ngor­taa“. (Jesaja 32:2) Kristumiut utoq­qaaner­tat ilagiin­nik ataatsitut isigalugit sun­niipilun­nermut ser­nis­suiin­nar­tan­ngil­lat, aam­mali inuit ataasiak­kaat ajor­nar­torsior­tut tup­pal­lersarlugil­lu, qiim­mas­sarlugil­lu inut­tut soqutigin­nin­nermik ersersitsivigerusut­tar­paat. Taak­kua ikiuisin­naanerat tamak­kiisumik iluaqutiginiaruk.

11, 12. Imerajut­tup ilaqutai kia an­ner­paamik ikiorsin­naavai, qanorlu ilior­nik­kut ikiuineq taman­na pisar­pa?

¹¹ Tamanit pingaar­ner­paamik Jehova nukis­sanik aaller­figisaruk. Biibilimi tup­pal­ler­nar­tumik ima neriorsoq­qis­saar­neqar­pugut: „[Jehovap] qanip­pai neriuutaarus­simasut, an­naat­tar­pai sapiis­suseerutitaasimasut.“ (Tus­siaat 34:19) Ilaqutariin­ni imerajut­toqar­neranut atatil­lugu tatineqar­nerup kingunerisaanik neriuutaarus­simaguit imaluun­niit sapiis­suseerutitaasimaguit pitsaas­saaq ’Jehovap qanin­nera’ ilisimas­saguk­ku. Taas­suma ilaqutariin­ni ilis­sin­ni pis­sutsit paasivai. — 1 Pîtruse 5:6, 7.

 ¹² Jehovap oqaatsimini oqaatigisai up­perigaan­ni isumakuluutit nam­man­nis­saat oqin­nerusar­poq. (Tus­siaat 130:3, 4; Matîuse 6:25-34; 1 Juánase 3:19, 20) Guutip oqaasianik atuaq­qis­saar­tar­nik­kut tamatumin­ngalu inuunermi maleruaanik­kut Guutip anersaavanit il­ler­nar­tumit ikior­tit­toqarsin­naavoq, ’pis­saanermik angingaar­tumik’ nakus­satsin­neqarluni, ul­lut ataasiak­kaarlugit anigor­tarsin­naaq­qul­lugit. — 2 Korintumiut 4:7. *

13. Ajor­nar­torsiut al­la suna ilaqutariit ilar­pas­suinut ajoqutaava?

¹³ Imigas­samik ator­nerluineq ajor­nar­torsium­mik al­lamik ilaqutariit ilar­pas­suinut ajoqutaasumik kinguneqarsin­naavoq — angerlarsimaf­fim­mi nakuuser­nermik.

14. Ilaqutariin­ni nakuuser­neq qanga aal­lar­tis­simava, ul­lumik­kul­lu pis­sutsit qanoq ip­pat?

¹⁴ Kainip qatan­ngun­ni Abel toqum­magu inuiaat oqalut­tuarisaaneran­ni nakuuser­neq siul­leq pivoq. Tamatumani pineqar­por­taaq ilaqutariin­ni nakuuser­neq. (1 Moses 4:8) Taamanimiil­li ilaqutariin­ni nakuuser­nerit suul­luun­niit piualersimap­put. Uiusut nuliamin­nut nakuuser­tar­put, nuliaasut uimin­nik saas­sus­sisar­put, angajoq­qaat meeq­qamin­nik mikisunik peq­qar­neeqisumik unataasar­put, qitor­nal­lu inersimasut angajoq­qaamin­nik utoq­qalisunik pinerliisar­put.

15. Angerlarsimaf­fim­mi nakuuser­nermik misigisaqar­neq ilaqutariin­nut misigis­sutsik­kut qanoq at­tuisar­pa?

¹⁵ Angerlarsimaf­fim­mi nakuuser­neq timik­kuin­naaq­qajan­ngitsoq ajoqusiisar­poq. Ar­naq nakuuserfigineqar­tarsimasoq oqar­poq: „Kan­ngusun­nar­torujus­suul­lunilu im­minut pisuutin­nar­torujus­suuvoq. Amerlaner­tigut ul­laak­kut in­nangaan­narusun­nar­tar­poq, neriuutigigaluarlugu suut tamarmik sin­nat­tupiluin­naasut.“ Meeq­qat nakuuser­tunik isigisaqar­tar­tut imaluun­niit nam­min­neq nakuuserfigineqar­tar­tut im­maqa nam­min­neq ilaqutaqalerunik nakuuser­tas­sap­put.

16, 17. Tar­nik­kut naal­liutsitsineq suua, ilaqutariin­nil­lu qanoq suun­niisar­pa?

¹⁶ Angerlarsimaf­fim­mi nakuuser­neq timik­kut nakuuser­nerin­naan­ngilaq. Amerlasuutigut oqaatsik­kut saas­sutarin­nit­toqar­tar­poq. Us­satit 12:18-imi ima al­las­simasoqar­poq: „Eq­qarsariaq­qaar­nani oqaaserisat panatut kapisisar­put.“ ’Panamik kapisinerit’ taama it­tut tas­saasin­naap­put nil­lianerit, aterusersuinerit, isor­nar­torsiuiuar­nerit, imaluun­niit nikas­saasumik ajual­latsitsinerit timik­kul­lu nakuuserfigin­nin­nis­samik sioorasaarinerit. Tar­nik­kut naal­liutsin­neqar­tar­nik­kut ikit takus­saan­ngil­lat al­lanil­lu malugineqarajun­natik.

¹⁷ Ingam­mik alianar­tar­poq meeraq tar­nik­kut naal­liutsin­neqaraangat, isor­nar­torsior­tuaan­nar­neratigut pigin­naanerisalu,  silas­soris­susiata inut­tul­lu naleqas­susiata nikas­saavigisar­neratigut. Taamatut oqaatsik­kut naal­liutsitsineq meeq­qap im­minut tatigineranik ajoqusiisin­naavoq. Meeq­qat tamarmik perorsaatis­sin­neqar­tar­nis­sar­tik pisariaqar­tik­kaluar­paam­mi, kisian­ni angajoq­qaat Biibilimi ima peq­quneqar­put: ’Qitor­nasi uumitsatseqinasigik anusin­ngoq­qunagit.’ — Kulorsamiut 3:21.

18. Angerlarsimaf­fim­mi nakuuser­neq sumi aal­lar­tit­tar­pa, unitsis­sagaan­nilu Biibili naaper­torlugu qanoq ilior­tariaqar­pa?

¹⁸ Angerlarsimaf­fim­mi nakuuser­neq uum­mam­mi isumamilu aal­lar­tit­tar­poq; iliuutsivut eq­qarsaatitsin­nik aal­laaveqar­put. (Jâko 1:14, 15) Nakuuser­neq unitsin­neqas­sap­pat nakuuser­tar­toq al­lamik eq­qarsariar­taaseqaler­tariaqar­poq. (Rûmamiut 12:2) Taman­na ajor­nan­ngila? Aap. Guutip oqaasiata inuit al­lan­ngor­tis­sin­naavai. Al­laat isum­mat aseror­nar­tut ’ip­piliugarsuar­tut’ is­sin­naasut peersin­naavai. (2 Korintumiut 10:4; Eprîarit 4:12) Biibili pil­lugu eq­qorluar­tumik ilisimasaqaler­nermik­kut inuit ima al­lan­ngor­tigisin­naap­put ’inut­taamik’ atisisutut oqaatigineqarsin­naal­lutik. — Evfisumiut 4:22-24; Kulorsamiut 3:8-10.

19. Kristumiup aap­pani qanoq isigalugulu pisus­saavaa?

¹⁹ Aapparmik isigin­ninneq. Guutip oqaasiani al­las­simavoq: ’Taama angutit nuliatik asasariaqar­paat soorlu timitik. Nuliaminik asan­nit­toq im­minik asasaraaq.’ (Evfisumiut 5:28) Biibilimi aam­ma al­las­simavoq angutit ’nuliatik pisat­tatut qajan­nar­nerusutut iliorlugit ataq­qis­sagaat’. (1 Pîtruse 3:7) Nuliaasut siun­nersor­neqar­put ’uitik asas­sagaat’ aam­ma ’ataq­qingaas­sagaat’. (Títuse 2:4; Evfisumiut 5:33, NV) Angut Guutimik mianerin­nit­toq kinaluun­niit eq­qor­tumik oqarsin­naan­ngilaq nuliani ataq­qil­lugu, timik­kut oqaatsik­kul­lu saas­sut­taruniuk. Nuliaasul­lu kialuun­niit uini nil­liaf­figisaruniuk, mital­ler­palut­tumik oqaluf­figisaruniuk imaluun­niit oqalorujuf­figisaruniuk eq­qor­tumik oqarsin­naan­ngilaq asal­lugu ataq­qil­lugulu.

20. Angajoq­qaat meeq­qamin­nut atatil­lugu kimut akisus­saas­suseqar­pat, aam­ma sooq meeq­qatik piviusorsiun­ngitsumik ilimasuf­figisariaqan­ngilaat?

 ²⁰ Meeqqanik eqqortumik isigin­ninneq. Meeq­qat angajoq­qaamin­nit asaneqarlutil­lu soqutigineqar­tus­saap­put, taman­nalu pisariaqar­tit­tar­paat. Meeq­qat Guutip oqaasiani tas­saanerar­neqar­put ’Jehovap tunis­sutai’ aam­ma ’taas­suma akis­sarsiarititai’. (Tus­siaat 127:3) Jehovap angajoq­qaat tunis­sum­mik tamatumin­nga isumas­suinis­samut akisus­saaf­feqar­tip­pai. ’Meerar­palut­tut’ aam­ma ’sianiis­suseq’ inuusut­tuaraanermut atasut Biibilimi eq­qar­tor­neqar­put. (1 Korintumiut 13:11; Us­satit 22:15) Taamaat­tumik meeq­qat sianiitsor­pal­lak­kaluar­pata angajoq­qaat tupaal­laatiginavian­ngilaat. Meeq­qat inersimasuun­ngil­lat. Angajoq­qaat meeq­qatik utoq­qaas­susiat, ilaqut­tamik­kut tunuliaqutaat pigin­naanerilu akimorlugit piumaf­figisariaqan­ngilaat. — Takuuk Mosesimik al­lak­kat siul­liit 33:12-14.

21. Biibili naaper­torlugu angajoq­qaat utoq­qalisut qanoq isigineqarlutil­lu pineqar­tus­saap­pat?

²¹ Angajoq­qaanik utoq­qalisunik eqqor­tumik isigin­ninneq. Mosesimik al­lak­kat pingajui 19:32-mi ima al­las­simavoq: „Qeersuut nikuif­figis­savasi utoq­qaal­lu ataq­qil­lugit.“ Tas­sa utoq­qar­nik ataq­qin­nin­neq Guutip inatsisaani siuarsar­neqar­poq. Taman­na unam­miniar­nar­tuusin­naavoq angajoq­qaat utoq­qalisut piumasaqar­pal­laarsorinaraangata, nap­parsimagaangata im­maqalu eq­qarsariar­tar­nermik­kut arriip­pata imaluun­niit aalas­sarlup­pata. Taamaak­kaluar­torli qitor­naasut eq­qaasin­neqar­put ’angajoq­qaamin­nut akiniaal­luar­nis­samin­nik’. (1 Timûtiuse 5:4) Tas­sa ataq­qin­nit­tumik iliorfigisariaqar­paat, im­maqalu aningaasatigut isumas­sorlugit. Angajoq­qaanik utoq­qalisunik timik­kut al­latigul­luun­niit pinerliineq Biibilimut akerliul­luin­nar­poq.

22. Angerlarsimaf­fim­mi nakuuser­neq pin­ngitsoor­tis­sagaan­ni inut­tut pis­suseq suna pisariaqar­pa, qanorlu ilil­luni taman­na ersersin­neqarsin­naava?

²² Imminut naalak­kersin­naaneq ineriar­tortiguk. Us­satit 29:11-mi al­las­simavoq: „Sianiitsup kaman­nini tamatigut anit­tar­paa, sianisuul­li nunusin­naasar­paa.“ Qanoq ilil­luni nunusoqarsin­naava? Pakatsis­sutit qamani katersuin­nar­nagit  isumaqatigiin­ngis­sutit tak­kun­niariar­tut peer­niapal­lat­tariaqar­put. (Evfisumiut 4:26, 27) Misigiguit im­minut naalak­kersin­naajun­naalerlutit qimagutipal­lat­tariaqar­putit. Guutip anersaavata il­ler­nar­tup im­minut naalak­kersin­naas­sutsimik ersersitsinis­san­nut ikiuinis­saa qin­nutigiuk. (Galâsiamiut 5:22, 23) Im­maqa pisut­tualaar­nik­kut imaluun­niit ilungersuutigerujus­suan­ngik­kaluarlugu timigis­salaar­nik­kut misigis­sutsit naalak­kersimaar­neqarsin­naap­put. (Us­satit 17:14, 27) ’Kamajuitsuuniar­nis­sat’ ilungersuutigiuk. — ússatit 14:29.

23. Ilagiin­nut kristumiunut ilaasor­taq isumataar­nani kamarujus­suaqat­taar­tuaan­nar­pat, im­maqalu aap­parminik timik­kut pinerliisar­pat, qanoq pisoqarsin­naava?

²³ Biibili naaper­torlugu ’qin­ngarsuineq, saqitsaaneq kaman­nerlu’ Guutip as­suarisaanut ilaap­put. Al­las­simavor­taaq ’taamaalior­tut Guutip naalagaaf­fia kingor­nus­saris­san­ngik­kaat’. (Galâsiamiut 5:19-21) Im­minut kristumiuunerar­toq kinaluun­niit isumataas­sanani kamarujus­suaqat­taar­tar­toq im­maqalu aap­parminik meeq­qaminil­luun­niit timik­kut pinerliisar­toq, ilagiin­nit kristumiunit anisitaasin­naavoq. (Naleq­qiuguk Juánasip agdlagaisa áipait 9, 10.) Taamaalil­luni ilagiit inun­nut nakuusersunut ser­nis­sor­neqar­tar­put. — 1 Korintumiut 5:6, 7; Galâsiamiut 5:9.

24. (a) Aap­paasut nakuuserfigineqar­tar­tut qanoq ilior­niarlutik aalajangersin­naasar­pat? (b) Ikin­ngutit utoq­qaaner­tal­lu misigin­neqataasut qanoq ilil­lutik aap­paasumik nakuuserfigineqar­tar­tumik an­ner­toq­qusersuisin­naap­pat, qanorli ilior­naveersaar­tariaqar­pat?

²⁴ Kristumiuli aap­parminit nakuuser­tar­tumit unatar­neqar­taruni, al­lan­ngor­toqar­nis­saalu ilimanan­ngip­pat, qanoq ilius­sava? Ilaasa arlaan­nik pis­suteqarlutik aap­par­tik nakuuser­tar­toq najuin­nar­tar­paat. Al­lal­li qimas­simavaat misigigamik timik­kut, sianis­sutsik­kut anersaak­kul­lu peq­qis­suser­tik ulorianar­torsior­toq, aap, misigigamik al­laat inuuner­tik navianar­torsior­toq. Angerlarsimaf­fim­mi nakuuserfigineqar­tar­tup pis­sutsit taamaatsil­lugit qanoq ilior­nis­sani  nam­mineq aalajangigas­saraa. (1 Korintumiut 7:10, 11) Ikin­ngutit, qanigisat kristumiul­luun­niit utoq­qaaner­tat nakuuserfigineqar­tar­tumut ajun­ngitsus­saq eq­qarsaatigalugu ikiuinis­sar­tik un­nersuus­sinis­sar­til­lu neqeroorutigisin­naavaat, qanorli aalajanger­nis­saanik pin­ngitsaalinias­san­ngilaat. Nam­minermi aalajangiisus­saavoq. — Rûmamiut 14:4; Galâsiamiut 6:5.

25. Jehovap ilaqutariit qanoq siuner­taqarfigai?

²⁵ Jehovap Adam Evalu katitik­kamigit siuner­tarin­ngil­luin­nar­paa ajor­nar­torsiutit ajoqutaasut, soorlu imerajut­tuuneq nakuuser­nerlu, ilaqutariin­nik aseroriar­tor­titsis­sasut.  (Evfisumiut 3:14, 15) Ilaqutariit tas­saasus­saap­put asan­nin­nerup eq­qis­sinerul­lu atuuf­figisaat, inoqutaasut tamarmik im­mik­kut sianis­sutsik­kut, misigis­sutsik­kut anersaak­kul­lu pisariaqar­titamin­nik matus­sutis­sin­neqarfigisar­tagaat. Ajor­tili silarsuarmut pim­mat ilaqutariit­tut inuuneq er­niin­naq an­nikil­liorfiuler­poq. — Naleq­qiuguk Nalunaajaasup oqaasii 8:9.

26. Jehovap piumasaqaatai naaper­torlugit inuuniarsarisut qanoq siunis­saqar­pat?

²⁶ Qujanar­tumil­li Jehovap ilaqutariin­nik aaq­qis­suus­sinermigut siuner­tani taamaatiin­narsiman­ngilaa. Neriorsuisimavoq silarsuarmik nutaamik inuit ’eq­qis­sisimal­lutik an­nilaarsar­neqaratil­lu’ inuuf­figisas­saan­nik pilersitsiniarluni. (Hesekiel 34:28) Taamanik­kus­samut imerajut­tuuneq angerlarsimaf­fim­milu nakuuser­neq, ajor­nar­torsiutil­lu al­lat ilaqutariit­tut inuunermut ajoqutaasut tamarmik, qangan­ngus­sap­put. Inuit qungujulasas­sap­put siooraner­tik an­niar­ner­til­lu toq­qor­tor­niar­nagit, kisian­ni eq­qis­sinermik nuan­naarutigin­nin­ner­tik pis­sutigalugu. — Tus­siaat 37:11.