1, 2. Aap­pariin­neq ajor­nar­torsior­pat qanoq aperisoqarsin­naava?

AR­NAQ Italiamiu Luciamik atilik 1988-imi isumamigut as­sut naner­tisimasimavoq. * Ukiuni qulini aap­pareereerlutik pis­sutsik­kut isumaqatigiis­sin­naan­ngin­neq pis­sutigalugu aap­panilu averuser­put, maan­nalu kisimiil­luni panini marluk perorsar­tus­san­ngorlugit. Arlaleriarluni saam­maateqatigiin­nis­sar­tik anguniar­tarsimagaluar­paa, iluatsitsinanili. Taamani pisut eq­qarsaatigalugit Lucia oqar­poq: „Qularutigiun­naarluin­narsimagaluar­para aap­pariin­ner­put an­naan­neqarsin­naan­ngil­luin­nar­toq.“

² Aap­pariit­tut ajor­nar­torsiuteqarus­si im­maqa Luciap misigisimasaa paasisin­naavat. Im­maqa ajor­nar­torsiutisi ima ingasatsigip­put aap­pariin­nis­si an­naan­neqarsin­naanis­saa qularilersimal­lugu. Taamaap­pat man­na isumaliutigis­sal­lugu pitsaas­saaq: Aap­pariin­nerup ingerlal­luarsin­naanis­saanut siun­nersuutit pitsaasut Guutip Biibilimi al­latsis­simasai tamaasa maleruar­pak­ka? — Tus­siaat 119:105.

3. Naak avin­neq nalingin­naalersimagaluar­toq avit­tut ilaqutaasalu ilar­pas­sui qanoq qisuariar­tar­pat?

³ Uiusup nuliaasul­lu akor­nan­ni an­ner­tuumik najum­mas­simanar­toqaleraangat im­maqa isumaqar­narsin­naasar­poq aap­pariin­nerup kipitiin­nar­nis­saa iliuusis­sat ajor­nan­ngin­nersarigaat. Nunat ilar­pas­suini ilaqutariit avis­saar­tut uis­suum­minar­tumik amerliar­torsimap­put, misis­suineril­li nutaat takutis­simavaat angutit ar­nal­lu avit­tut amerlaqisut avis­simaner­tik peq­qis­simis­sutigigaat. Aam­malu avit­tut amerlanerit aap­pariin­nermin­nik  ataan­nar­titsisunit timik­kut tar­nik­kul­lu peq­qiil­liuuteqar­nerusar­put. Avit­tut meeraat amerlasuutigut ukior­pas­suar­ni pil­luaal­lutil­lu paatsiveerusimaar­tar­put. Avit­tut angajoq­qaavi ikin­ngutaal­lu eq­qor­neqar­tar­put­taaq. Guutim­mi, aap­pariin­nermik pilersitsisimasup, tamatumun­nga isigin­nin­nera?

4. Aap­pariin­nermi ajor­nar­torsiutit qanoq il­liuuseqarfigineqar­tariaqar­pat?

⁴ Soorlu kapitalini matuma siuliiniit­tuni eq­qaaneqar­toq aap­pariin­nerup inuuneq tamaat atanis­saa Guutip siuner­taraa. (1 Moses 2:24) Taavali sooq aap­pariip­pas­suit avit­tar­pat? Taman­na ul­lormiit ul­lormut pisarunan­ngilaq. Ajor­toqar­neranut malun­naateqar­tar­poq. Aap­pariin­nermi ajor­nar­torsiutit an­nikitsut ima al­litigisin­naap­put naggataatigut aaq­qin­neqarsin­naan­ngitsutut isik­koqalersarlutik. Isumaqatigiin­ngis­sutil­li taama it­tut Biibili ikior­tigalugu piaar­tumik aaq­qin­neqar­tar­tuup­pata avin­nerit ilar­pas­sui pin­ngitsoorsin­naasimas­sagaluar­put.

5. Aap­pariit tamarmik qanoq piviusorsior­tumik isumaqar­tariaqar­pat?

⁵ Amerlasuutigut ajor­nar­torsiutinik pilersitsisar­toq tas­saavoq aap­paasup imaluun­niit aap­pariit piviusorsiun­ngitsunik ilimasuuteqar­tar­nerat. Oqalut­tualiat asan­nin­nilersaarutit, tv-mi isigin­naagas­siat, atuagas­siat filmil­lu takorluuk­kanik ilimasuutinil­lu pis­sutsinit piviusunit ungasil­luin­nar­tunik pilersitsisin­naap­put. Takorluuk­kat tamak­ku piviusun­ngun­ngitsooraangata sal­loqit­tar­neqar­tutut misiginarsin­naavoq, naam­magit­taal­liulerluni im­maqaluun­niit al­laat kamalerluni. Inuit naam­mal­luin­nan­ngitsut marluk qanoq ilil­lutik pil­luarlutik aap­pariilersin­naap­pat? Ataqatigiil­lualerumagaan­ni iliuuseqar­nis­saq pisariaqar­poq.

6. (a) Aap­pariin­neq Biibilimi qanoq piviusorsior­tumik eq­qar­tor­neqar­pa? (b) Suut aap­pariin­nermi isumaqatigiin­ngin­nermik pilersitsisin­naap­pat?

⁶ Biibili piviusorsior­tuuvoq. Aap­pariin­nerup nuan­nersor­tai tas­sani oqalut­tuarineqar­put, aam­mali katit­tut ’uin­ngup piisigut naal­liuuteqalerumaar­nerat’ mianersoq­qus­sutigineqarluni. (1 Korintumiut 7:28) Taaneqareersutut aap­pariit naam­mal­luin­nan­ngitsuul­lutil­lu ajor­tiliup­put. Aam­ma tar­nik­kut misigis­sutsik­kul­lu as­sigiin­ngil­lat, kiisalu eq­qaamasariaqar­poq as­sigiin­ngitsumik perorsagaasimam­mata. Aap­pariit ilaan­nik­kut aningaasanut tun­ngasutigut isumaqatigiin­ngis­suteqar­tar­put, meeq­qanil­lu perorsaaneq sakinul­lu at­taveqar­neq as­sigiim­mik isumaqarfigiuaan­nas­sanagit. Aam­mat­taaq atoqatigiin­nik­kut ajor­nar­torsiutit sam­misaqaqatigiin­nis­samul­lu pif­fis­saalatsineq akerleriis­suteqalersitsisin­naasar­put. * Ajor­nar­torsiutinik taama it­tunik aaq­qiiniar­neq sivikitsuun­ngilaq, taamaak­kaluar­torli isumal­luarit! Aap­pariit amerlanerit aaq­qiis­sutis­sanik marluul­lutik akuerisin­naasamin­nik nas­saar­niar­nermin­ni iluatsitsisimap­put.

7, 8. Paatsoor­toqar­pat ajual­lat­toqar­pal­luun­niit aap­pariit Biibili naaper­torlugu qanoq ilior­tariaqar­pat?

⁷ Misigis­sutsik­kut ajual­latsin­neqar­neq, paatsooqatigiin­neq kuk­kunerluun­niit pineqaraangat inuit ilaasa eq­qis­sisimasumik pis­susilersor­nis­sar­tik ajor­nakusoor­tit­tar­paat. Im­maqa aap­paasoq ima oqar­nani: „Paatsoorunar­parma,“ ajual­las­simal­luni ajor­nar­torsiut sorujus­suan­ngor­tip­paa ima oqarluni: „Im­minuin­naq eq­qarsaatigaatit,“ imaluun­niit: „Asan­ngilarma.“ Aap­paasul­lu as­sor­tuun­nis­sar­tik kis­saatigin­ngin­namiuk nipangiin­nar­poq.

⁸ Biibilimi un­nersuus­sut man­na malis­sal­lugu pitsaaneruvoq: ’Kamatsil­lusi ajor­tulin­ngin­niaritsi; seqineq tarrisinaveersiuk narrutsas­simanis­sin­ni.’ (Evfisumiut 4:26) Aap­pariit ukiut 60-in­ngorlugit katif­fis­sior­nermin­ni aperineqar­put pil­luarlutik aap­pariin­nermin­nut suna iser­tugaatigineritsik. Uia akivoq: „Isumaqatigiin­ngis­sutit qanorluun­niit mikitigigaluar­tut aaq­qitsin­nagit in­nar­tan­ngin­nis­sar­put ilik­karsimavar­put.“

9. (a) Biibili naaper­torlugu suna oqaloqatigiin­nermi pingaar­tuua? (b) Naak sapiis­suseq maniguun­nerlu tamatumani pisariaqarsin­naagaluar­tut aap­pariit suna atorfis­saqar­tis­sin­naasar­paat?

⁹ Aap­pariit isumaqatigiin­ngik­kunik marluul­lutik ’tusarasuarlutik pilik oqaluk­kumaar­ner­tul­lutil­lu kamak­kumaar­ner­tul­lutil­lu’. (Jâko 1:19) Im­min­nut tusar­naaq­qis­saareerunik imaas­sin­naavoq marluullutik paasigaat utoq­qatser­nis­saq naleq­qut­toq. (Jâko 5:16) Ilumuuil­luni ima oqarsin­naas­sagaan­ni sapiis­suseqarlunilu maniguus­suseqar­tariaqar­poq: „Utoq­qatser­punga ajual­latsik­kak­kit.“ Taamaalior­nerli aap­pariit ajor­nar­torsiutimin­nik aaq­qiiniar­nermin­ni iluaqutigis­savaat, aam­mali najor­tigiin­nermin­nik nuan­naarutigin­nin­nerulis­sutigisamin­nik kis­salaar­tumik qanimut at­taveqalis­sutigis­sal­lugu.

10. Paulusip kristumiunut Korinthimiit­tunut il­lersuutis­satut siun­nersuutigisaa suna aam­ma ul­lumik­kut kristumiunut atorsin­naava?

¹⁰ Apustilip Paulusip Korinthimiunut al­lak­kamini ’uersaaniar­neq’,  kan­ngunar­tulior­neq, atugaaqisoq pis­sutigalugu katin­nis­saq siun­nersuutigisimavaa. (1 Korintumiut 7:2) Ul­lumik­kut silarsuarmi pis­sutsit itsaq Korinthimi pis­sutsisul­li ajor­tigip­put, im­maqaluun­niit ajor­nerup­put. Kan­ngunar­tut ul­lumik­kut silarsuarmi inuit quleqaratik oqal­lisigisar­tagaat, atisalersoriaasiat kan­ngut­taap­pasis­soq, kiisalu oqalut­tuat tiinganermut tun­ngasut atuagas­siatigut, atuak­katigut, tv-k­kut filmitigul­lu saq­qum­miun­neqar­tar­tut tamarmik kinguaas­siuutitigut eq­qun­ngitsumik perusus­suseqalersitsiniutaap­put. Korinthimiunut, tamatumun­nga as­singusumik avatangiiseqar­tunut, apustili Paulus ima oqarsimavoq: ’Aap­panil­luni pileritsaan­nar­nermit iluar­neruvoq.’ — 1 Korintumiut 7:9.

11, 12. (a) Uiusoq nuliaasorlu sumik akiitsoqarfigeqatigiip­pat, tamatumanilu suut eq­qumaf­figisariaqar­pat? (b) Aap­pariit atoqatigiit­tan­ngik­kal­lar­tariaqalis­sagaluarunik qanoq ilior­tariaqar­pat?

¹¹ Tamatuma erseq­qis­sar­paa qanoq pingaar­tigisoq kristumiut aap­pal­lit Biibilimi peq­qus­sum­mik matumin­nga maleruaanis­saat: ’Angutip nulii ileq­qus­samisut ilas­siliuk; taamat­taaq nuliaasup uini.’ (1 Korintumiut 7:3) Tunisineq, piumasaqar­nerun­ngitsoq, tas­sani pingaar­tin­neqar­poq. Aatsaat aap­pariit marluul­lutik aap­parmik iluarusun­nis­saa soqutigisarip­pas­suk atoqatigiit­tar­nerat nalerisimaar­nar­tuus­saaq. As­sersuutigalugu, uiusut Biibilimi peq­quneqar­put nuliatik ’silalim­mik inooqatigis­sagaat’. (1 Pîtruse 3:7) Aap­pariit­tut atoqatigiit­tar­neq eq­qarsaatigalugu ingam­mik taman­na atuup­poq. Nuliaasup qajas­suar­tumik pineqar­tan­ngik­kuni aap­pariin­nerup ilaanik tamatumin­nga nuan­narin­nin­nis­sani ajor­nakusoor­tis­savaa.

¹² Aap­pariit ilaan­nik­kut atoqatigiin­nis­saq pin­ngitsoor­tit­tariaqar­tarsin­naavaat. Nuliaasoq eq­qarsaatigalugu, qaam­matip ingerlanerani pif­fis­sami aalajangersimasumi imaluun­niit qasugaangat taamatut pisoqarsin­naavoq. (Naleq­qiuguk Mosesimik al­lak­kat pingajui 18:19.) Uiusoq eq­qarsaatigalugu, as­sersuutigalugu sulif­fim­mini ajor­nar­torsium­mik an­ner­tuumik isumagin­nin­nini pis­sutigalugu  misigis­sutsik­kut qasuf­fiani taman­na pisin­naavoq. Atoqatigiit­tan­ngik­kal­lar­nis­sap isumaqatigiis­sutigereer­neratigut pis­sutsit am­masumik oqaloqatigiis­sutiginis­saat pitsaanerus­saaq. (1 Korintumiut 7:5) Taman­na aap­pariit eq­qun­ngitsumik iner­niliin­ngin­nis­saan­nik pinaveersimatitsis­saaq. Nuliaasup piaaraluni uini atoqatiginaveersaar­pagu, imaluun­niit uiusup nuliani inooqatigiin­nermin­ni qajas­suun­neq ajor­pagu, aap­paasoq us­ser­nar­torsiulersin­naavoq aap­pariin­nermilu ajor­nar­torsiuteqalersin­naal­luni.

13. Kristumiut qanoq iliorlutik eq­qarsaatimik­kut minguit­tuaan­nar­nis­sar­tik sulis­sutigisin­naavaat?

¹³ Guutip kif­faasa katis­simasut, kristumiutul­li al­latut, aliik­kutas­siat kan­ngunar­tut ingalas­simasariaqar­paat, kan­ngunar­tunik pis­susis­samisuun­ngitsunil­lu kis­saateqalersitsisin­naam­mata. (Kulorsamiut 3:5) Aam­mat­taaq angutaagunik ar­nat ar­naagunil­lu angutit peqatigigaangamik­kik eq­qarsaatitik iliuutsitil­lu sianigisariaqar­paat. Jesus ima mianersoq­qusisimavoq: ’Pileritsaal­lugu ar­namut isigisup uum­mam­migut ar­naanerereer­paa.’ (Matîuse 5:28) Kinguaas­siuutinut tun­ngasut pil­lugit Biibilimi un­nersuus­sutit maleruar­nerisigut aap­pariit al­lasior­nis­samut us­ser­nar­torsiuler­naveersaar­nis­saat ajor­nan­ngilaq. Atoqatigiit­tar­ner­tik nuan­naarutigisin­naas­savaat taman­nalu aap­pariin­nerup pilersitsisuata, Jehova Guutip, tunis­sutaatut isigis­sal­lugu. — Us­satit 5:15-19.

14. Ilaan­nik­kut pis­sutsit qanoq it­tut pilersin­naasar­pat, aam­ma sooq?

¹⁴ Qujanar­tumik aap­pariit kristumiut amerlanersaasa ajor­nar­torsiutit pilersin­naasut aaq­qis­sin­naasar­paat. Tamatiguun­ngitsorli. Inuit ajor­tiliunerat silarsuarmilu ajor­tun­ngorsimasumi Satanip aqutaani inuunerat pis­sutigalugu aap­pariit ilaat aseroq­qajaasar­put. (1 Juánase 5:19) Pis­sutsini misilin­neqaataasuni taama it­tuni kristumiut qanoq ilior­tariaqar­pat?

15. (a) Biibili naaper­torlugu suna avis­sutaasin­naasutuaava kateq­qin­nis­samut periarfis­siisoq? (b) Sooq ilaat aalajangersimap­pat aap­par­tik al­lasiorsimasoq najuin­narumal­lugu?

 ¹⁵ Soorlu kapitalimi 2-mi taaneqareersoq kan­ngunar­tulior­neq Biibili tun­ngavigalugu avis­sutaasin­naasutuaavoq kateq­qin­nis­samut periarfis­siisoq. * (Matîuse 19:9) Aap­par­pit al­lasiorsimaneranut erseq­qis­sunik up­per­narsaatis­saqaruit ajor­nakusoor­tumik aalajanger­tariaqar­putit. Aap­pariin­nersi atatiin­nas­saviuk imaluun­niit avis­savit? Tamatumun­nga aalajangersimasunik maleruagas­saqan­ngilaq. Kristumiut ilaat aap­parmin­nik ilumoorluni peq­qis­simisumik uum­matimin­nit isumak­keerfigin­nis­simap­put, tamatumalu kingor­na aap­pariin­nerat ajun­ngitsumik ingerlasimal­luni. Al­lat meeq­qatik pil­lugit avin­ngin­nis­sar­tik qinersimavaat.

16. (a) Sooq ilaat aap­parmin­nit al­lasiorsimasumit avis­simap­pat? (b) Sooq aap­paasup pisuus­suteqan­ngitsup aalajanger­nera al­lanit isor­nar­torsior­neqar­tariaqan­ngila, avin­nis­sani avin­ngin­nis­saniluun­niit aalajangiuk­kaluar­pagu?

¹⁶ Aap­paatigul­lu ajor­tuliaq naar­tuler­nermik kinguaas­siuutitigul­luun­niit nap­paam­mik tunil­latsin­nermik kinguneqarsimasin­naavoq. Im­maqaluun­niit meeq­qamik kinguaas­siuutitigut ator­nerluisoqarsimavoq, ataataasumut anaanaasumul­luun­niit maajun­nar­tulior­tumut ser­nis­sor­neqar­tariaqar­tumik. Taamaat­tumik aalajangin­ngin­nermi eq­qarsaatigisas­sar­pas­suaqar­poq. Aap­par­pil­li al­lasiorsimanera paasereerlugu atoqatigiit­tar­nersi ingerlateq­qik­kus­siuk takutis­savat aap­pat isumak­keerfigisimagit aap­pariin­nis­silu ingerlaq­qin­nis­saa kis­saatigigit. Taava Biibili tun­ngavigalugu avin­nis­saq al­lamul­lu katin­nis­saq ajor­narsis­saaq. Aalajanger­nerit al­lat akuliuf­figisus­saan­ngilaat sun­ner­niar­tus­saanal­lu, kinaluun­niil­lu aalajanger­nin­nik isor­nar­torsiuisus­saan­ngilaq. Il­linuna nam­mineq aalajanger­ner­pit kinguneri ator­tus­saagitit. „Kialuun­niim­mi  akisus­saaf­fik nam­mineq nam­magas­sani nam­mat­tus­saavaa.“ — Galâsiamiut 6:5.

17. Kan­ngunar­tulior­toqarsiman­ngip­pat averuser­nis­samut avin­nis­samul­luun­niit atatil­lugu sunik Biibili kil­lis­saqar­titsiva?

¹⁷ Aap­paq kan­ngunar­tuliun­ngik­kaluar­toq averuser­toqarsin­naava imaluun­niit avit­toqarsin­naava? Aap, taamatul­li pisoqar­til­lugu kristumiu al­lamut kateq­qis­sin­naan­ngilaq. (Matîuse 5:32) Tas­sa Biibili naaper­torlugu averuser­toqarsin­naavoq, al­las­simavorli avin­niarluni aalajanger­toq aap­paqan­ngit­tuaan­nas­sasoq ’aap­paniluun­niit saam­marsaq­qis­sagaa’. (1 Korintumiut 7:11) Pis­sutsini ilungersor­nar­tuni qanoq it­tuni averuser­nis­saq ilaler­narsorinarsin­naava?

18, 19. Pis­sutsit ingasal­luin­nar­tut suut pis­sutigalugit aap­paasup inatsisinut naaper­tuut­tumik averuser­nis­sani avin­nis­saniluun­niit isumaliutigilersin­naavaa, kateq­qin­nis­samut periarfis­saqan­ngik­kaluarunil­luun­niit?

¹⁸ Im­maqa uiusup eqiasun­nera ileq­qupiloqar­neraluun­niit pis­sutigalugu ilaqutariit ajor­nar­torsior­torujus­suan­ngorsimap­put. * Im­maqa aningaasat ilaqutariit atugas­saralui aningaasanoorutigalugit nungut­tar­pai, imaluun­niit ikiaroor­nar­tumut aalakoor­nar­tumul­luun­niit ator­tarlugit. Biibilimi al­las­simavoq: ’Kialuun­niit ilani an­nerusumil­lu inoqutini isumagin­ngik­kunigit, taas­suma up­per­neq soraarus­simavaa up­pin­ngitsumit ajor­nerul­luni.’ (1 Timûtiuse 5:8) Angut taama it­toq al­lan­ngoruman­ngip­pat, im­maqalu al­laat nuliami aningaasarsiai ileq­qupilum­minut akiliutigisar­pagit, im­maqa nuliaasup im­minut meeq­qal­lu il­lersor­niarlugit inatsisinut naaper­tuut­tumik averuser­nis­sani qinerumas­savaa.

¹⁹ Aam­ma aap­paasoq ingasat­tumik nakuuser­tar­pat, im­maqalu aap­pani ima ingasatsigisumik unatar­tar­pagu inuunera peq­qis­susialu ulorianar­torsior­til­lugit, averuser­nis­saq  isumaliutigineqarsin­naavoq. Aam­mat­taaq aap­paasup aap­pani arlaatigut Guutip inatsisaanik unioq­qutitsisin­niar­tuaan­nar­pagu, aap­paasup ulorianar­torsior­tin­neqar­tup averuser­nis­sani isumaliutigisin­naavaa, ingam­mik anersaak­kut peq­qis­sutsini ulorianar­torsior­tin­neqalersimap­pat. Aap­paasoq ulorianar­torsior­tin­neqar­toq im­maqa isum­mis­saaq ’Guuti inun­nit naalan­nerus­saguniuk’ iliuuserisin­naasatuani tas­saasoq inatsisinut naaper­tuut­tumik averuser­nis­saq. — apustilit suliait 5:29.

20. (a) Ilaqutariit aseroq­qajaap­pata ikin­ngutit inersimal­luar­tut utoq­qaaner­tal­lu qanoq iliorsin­naap­pat, qanorli ilior­naveersaar­tariaqar­pat? (b) Averuser­nerup avin­nerul­lu Biibilimi eq­qar­tor­neqar­nerat sumut patsisiginiar­neqar­tus­saan­ngila?

²⁰ Aap­paasoq ingasat­tumik nakuuserfigineqar­tar­pat averuser­nis­saanik imaluun­niit aap­parminiigin­nar­nis­saanik al­lat pin­ngitsaaliniar­tus­saan­ngilaat. Ikin­ngutit inersimal­luar­tut utoq­qaaner­tal­lu an­ner­toq­qusersuinis­sar­tik Biibililu tun­ngavigalugu un­nersuus­sinis­sar­tik neqeroorutigisin­naavaat, uiusul­li nuliaasul­lu akor­nan­ni pisar­tut tamaasa ilisiman­ngilaat. Jehovap kisimi ilisimavai. Soorunami kristumiup nuliaasup Guutip aap­pariin­nermik aaq­qis­suus­saa ataq­qinavian­ngilaa avin­niaan­narluni naleq­qutin­ngitsunik patsisis­sarsioruni. Pis­sutsil­li ulorianar­tut atuut­tuaan­nar­pata avin­nis­sani aalajangiup­pagu kimil­luun­niit isor­nar­torsior­neqar­tariaqan­ngilaq. Aam­ma angum­mut averuser­niar­tumut taamaap­poq. ’Tamat­ta Guutip is­siavianut eq­qar­tuus­sivianut sas­sar­titaas­saagut.’ — Rûmamiut 14:10.

21. Misigisimasap suup takutip­paa Biibilip aap­pariin­nut un­nersuus­sutai atorsin­naasut?

²¹ Lucia, aal­laq­qaataani eq­qar­tor­neqar­toq, uiminit averuser­nerminit qaam­matit pingasut qaangiut­tut Jehovap nalunaajaasuinik naapitsivoq taak­kualu ilagalugit Biibilimik atuaq­qis­saar­talerluni. Lucia ima oqalut­tuar­poq: „Tupaal­laatigeqisan­nik ajor­nar­torsiutin­nut Biibilimi atoriaan­naasunik aaq­qiis­sutis­saqar­poq. Sapaatip-akun­nerani  ataasiin­narmi atuaq­qis­saar­tareerlunga uin­nut ajun­ngitsumik at­taveqaleq­qin­nis­sara kis­saatigiler­para. Ul­lumik­kut oqarsin­naavunga Jehovap nalun­ngik­kaa aap­pariin­neq ajor­nar­torsior­toq qanoq ilil­luni an­naan­neqarsin­naasoq, ajoqersuutaatami aap­pariit ataq­qeqatigiin­nis­saan­nik ilin­niar­tit­tar­pai. Ilumuun­ngilaq inuit ilaasa oqar­tar­nerat Jehovap nalunaajaasui ilaqutariin­nik avis­saar­tuutsitsisar­tut. Tamatumami akerlerluin­naanik uan­nut pisoqar­poq.“ Biibilimi najoq­qutas­siat inuunermini ator­nis­saat Luciap ilik­karsimavaa.

22. Aap­pariit tamarmik suna qularutigin­ngis­sin­naavaat?

²² Luciamut pisimasoq kisiar­taan­ngilaq. Aap­pariin­neq pil­luaq­qus­sutisiaasariaqar­poq, naner­tuutaanani. Taamaas­sin­naaq­qul­lugu Jehova oqaatsimini erlin­nangaar­tumi tamanit pitsaaner­paanik aap­pariin­nut un­nersuus­suteqar­poq. Biibili ’paasisakitsunik ilisimatuun­ngor­titsisin­naavoq’. (Tus­siaat 19:8-12) Aap­pariip­pas­suit aseroq­qajaasut an­naas­simavai, al­lar­pas­suil­lu an­ner­tuunik ajor­nar­torsiuteqar­tut ikiorsimal­lugit. Aap­pariit tamarmik Jehova Guutip aap­pariin­nut un­nersuus­sutai tunaar­taril­luin­narsin­naavaat, atorsin­naam­matami.