العى ٴسوز
قىمباتتى وقىرمان!
سەن قۇدايمەن تىعىز قارىم-قاتىناستاسىڭ با؟ كوپ ادامعا قۇدايعا جاقىنداۋ مۇمكىن ەمەستەي بولىپ كورىنەدى. كەيبىرىن ول تىم الىستا دەگەن وي قورقىتسا، وزگەلەرى قۇدايعا جاقىنداۋعا وزدەرىن لايىقسىز سەزىنەدى. الايدا كيەلى كىتاپ سۇيىسپەنشىلىكپەن ٴبىزدى: «قۇدايعا جاقىنداڭدار، سوندا ول دا سەندەرگە جاقىندايدى»،— دەپ شاقىرادى (جاقىپ 4:8). قۇداي ٴتىپتى ٶزىنىڭ عيبادات ەتۋشىلەرىن: «مەن، سيىناتىن قۇداي يەڭ [«يەھوۆا»، جد]، سەنى وڭ قولىڭنان سۇيەمەلدەيمىن. قورىقپا، مەن سەنى قولداپ قورعايمىن!— دەپ ساعان بەرىك ۋادە بەرەمىن»،— دەپ سەندىرەدى (يشايا 41:13).
قۇدايمەن وسىنداي تىعىز قارىم-قاتىناستى قالاي دامىتۋعا بولادى؟ كەز كەلگەن دوستىق قارىم-قاتىناس اداممەن جاقىنىراق تانىسىپ، وعان ٴتان جاعىمدى قاسيەتتەردى ٴبىلىپ، ولاردى باعالاۋدان باستالادى. سوندىقتان بىزگە كيەلى كىتاپتا ايتىلعان قۇدايدىڭ قاسيەتتەرى مەن جولدارىن وتە مۇقيات زەرتتەۋ قاجەت. يەھوۆا ٶزىنىڭ ٵربىر قاسيەتىن قالاي كورسەتەتىندىگىنىڭ جانە يسا ٴماسىحتىڭ كەمەلدى تۇردە ولاردى قالاي تانىتقاندىعىنىڭ ۇستىنەن وي جۇگىرتۋ، سونداي-اق وسى قاسيەتتەردى بويىمىزدا قالاي دامىتۋعا بولاتىندىعىن ٴتۇسىنۋ ارقىلى قۇدايعا جاقىنداي الامىز. سونىمەن قاتار يەھوۆانىڭ الەمنىڭ قۇقىلى ٵرى بىردەن-ٴبىر ٵمىرشىسى ەكەندىگىنە كوز جەتكىزەمىز. ونىڭ ۇستىنە، بارىمىزگە دە تاپ وسىنداي اكە قاجەت. وراسان زور كۇشى بار، ادىلەتتى، دانالىق پەن سۇيىسپەنشىلىككە تولى ول ٶزىنىڭ ادال بالالارىن ەشقاشان تاستامايدى.
ولاي بولسا، وسى كىتاپ يەھوۆا قۇدايمەن بۇرىنعىدان دا تىعىز قارىم-قاتىناس دامىتىپ، ٵرى ونىمەن اينىماس دوس بولۋىڭا كومەگىن تيگىزە بەرگەي. سوندا ماڭگى ٶمىر ٴسۇرىپ، يەھوۆانى ماڭگى باقي دارىپتەيتىن بولاسىڭ.
ەحوبا كۋاگەرلەرى
