SEKSION 3
“Makabat ed Puso”
Say puron kakabatan so sakey ed sankablian iran kayamanan a nayarian mon anapen. Si Jehova labat so lapuan na satan. Diad sayan seksyon et maapit tayon imanoen so andiay geter a kakabatan nen Jehova a Dios, say sakey ya angibagaan nen matoor a toon si Job: “Sikato makabat ed puso.”—Job 9:4.
DIAD SAYAN SEKSION
KAPITULO 17
“O Agaylan Kaaralem na Kakabatan . . . na Dios!”
Akin a mas matalonggaring so kakabatan na Dios nen say mismon pikakabat, pakatalos, tan pakatebek to?
KAPITULO 18
Kakabatan a Walad “Salita na Dios”
Akin ya impaisulat na Dios ed totoo so Biblia imbes a diad saray anghel odino isulat to itan a mismo?
KAPITULO 19
“Kakabatan na Dios dia ed Sagradon Sekreto”
Anto so sagradon sekreto ya agtampol imparungtal na Dios balet natan et ipaparungtal to la?
KAPITULO 20
“Makabat ed Puso”—Ingen Mapaabeba
Panon a say Soberanon Katawan na uniberso et magmaliw a mapaabeba?
KAPITULO 21
Ipaparungtal nen Jesus so “Kakabatan a Manlapud Dios”
Panon ya lapud bangat nen Jesus et anggapoy agawaan na saray sundalon malabay a mangarestod sikato?
KAPITULO 22
Kasin Iimpluensyaan na “Kakabatan a Manlapud Tagey”so Bilay Mo?
Deneskribe na Biblia so apatiran paraan ya ontulong pian nawalaan kay maridios ya kakabatan.