1-3. യേശു​വി​ന്റെ മുൻ അയൽക്കാർ അവന്റെ ഉപദേ​ശ​ത്തോട്‌ എങ്ങനെ പ്രതി​ക​രി​ച്ചു, അവനെ സംബന്ധിച്ച്‌ എന്തു തിരി​ച്ച​റി​യാൻ അവർ പരാജ​യ​പ്പെ​ട്ടു?

 സദസ്സ്‌ നിശ്ചല​മാ​യി. യുവാ​വാ​യ യേശു സിന​ഗോ​ഗിൽ അവരുടെ മുമ്പാ​കെ​നി​ന്നു പഠിപ്പി​ക്കു​ക​യാ​യി​രു​ന്നു. അവൻ അവർക്ക്‌ അപരി​ചി​തൻ അല്ലായി​രു​ന്നു. അവൻ അവരുടെ പട്ടണത്തി​ലാ​ണു വളർന്നത്‌. അവരുടെ ഇടയിൽ വർഷങ്ങ​ളോ​ളം ഒരു തച്ചനായി അവൻ ജോലി ചെയ്‌തി​രു​ന്നു. ഒരുപക്ഷേ, യേശു പണിയാൻ സഹായിച്ച വീടു​ക​ളി​ലാ​യി​രി​ക്കാം അവരിൽ ചിലർ താമസി​ച്ചി​രു​ന്നത്‌. അല്ലെങ്കിൽ അവൻ സ്വന്ത​കൈ​കൾകൊ​ണ്ടു തീർത്ത കലപ്പക​ളും നുകങ്ങ​ളും തങ്ങളുടെ പാടങ്ങ​ളി​ലെ പണിക്ക്‌ അവർ ഉപയോ​ഗി​ച്ചി​രി​ക്കാം. * എന്നാൽ ഈ മുൻ മരപ്പണി​ക്കാ​ര​ന്റെ പഠിപ്പി​ക്ക​ലി​നോട്‌ അവർ എങ്ങനെ​യാ​യി​രി​ക്കും പ്രതി​ക​രി​ക്കു​ക?

² കേൾവി​ക്കാ​രിൽ മിക്കവ​രും ആശ്ചര്യ​ത്തോ​ടെ, ‘ഇവന്നു ഈ ജ്ഞാനം എവി​ടെ​നി​ന്നു കിട്ടി?’ എന്നു ചോദി​ച്ചു. ‘ഇതു മറിയ​യു​ടെ മകനായ തച്ചനല്ല​യോ?’ എന്നും അവർ പറഞ്ഞു. (മത്തായി 13:54-58; മർക്കൊസ്‌ 6:1-3) സങ്കടക​ര​മെ​ന്നു പറയട്ടെ, ഒരു കാലത്ത്‌ യേശു​വി​ന്റെ അയൽക്കാർ ആയിരു​ന്ന​വർ ‘ഈ തച്ചൻ നമ്മെ​പ്പോ​ലെ തന്നെ വെറും ഒരു സാധാ​ര​ണ​ക്കാ​ര​നാണ്‌’ എന്ന്‌ ന്യായ​വാ​ദം ചെയ്‌തു. അവന്റെ വാക്കു​ക​ളി​ലെ ജ്ഞാനം ഗ്രഹി​ക്കാൻ ശ്രമി​ക്കാ​തെ അവർ അവനെ തള്ളിക്ക​ള​ഞ്ഞു. അവൻ പങ്കുവെച്ച ജ്ഞാനം അവന്റെ സ്വന്തമ​ല്ലാ​യി​രു​ന്നു എന്ന്‌ അവർ അറിഞ്ഞില്ല.

³ യേശു​വിന്‌ ഈ ജ്ഞാനം ലഭിച്ചത്‌ എവി​ടെ​നി​ന്നാ​യി​രു​ന്നു? “എന്റെ ഉപദേശം എന്റേതല്ല, എന്നെ അയച്ചവ​ന്റേ​ത​ത്രേ” എന്ന്‌ അവൻ പറഞ്ഞു. (യോഹ​ന്നാൻ 7:16) യേശു ‘നമുക്കു ദൈവ​ത്തി​ങ്കൽനി​ന്നു ജ്ഞാനമാ​യി​ത്തീർന്നു’ എന്ന്‌ അപ്പൊ​സ്‌ത​ല​നാ​യ പൗലൊസ്‌ വിശദീ​ക​രി​ച്ചു. (1 കൊരി​ന്ത്യർ 1:30) യഹോ​വ​യു​ടെ സ്വന്തം ജ്ഞാനമാണ്‌ അവന്റെ പുത്ര​നാ​യ യേശു​വി​ലൂ​ടെ വെളി​പ്പെ​ടു​ന്നത്‌. തീർച്ച​യാ​യും, “ഞാനും പിതാ​വും ഒന്നാകു​ന്നു” എന്ന്‌ യേശു​വി​നു പറയാൻ കഴിയത്തക്ക അളവോ​ളം ഇതു സത്യമാ​യി​രു​ന്നു. (യോഹ​ന്നാൻ 10:30) യേശു ‘ദൈവ​ത്തിൽനി​ന്നു​ള്ള ജ്ഞാനം’ പ്രകട​മാ​ക്കി​യ മൂന്നു മേഖലകൾ നമുക്കു പരി​ശോ​ധി​ക്കാം.

4. (എ) യേശു​വി​ന്റെ സന്ദേശ​ത്തി​ന്റെ വിഷയം എന്തായി​രു​ന്നു, അത്‌ അത്യന്തം പ്രധാ​ന​മാ​യി​രു​ന്നത്‌ എന്തു​കൊണ്ട്‌? (ബി) യേശു​വി​ന്റെ ബുദ്ധി​യു​പ​ദേ​ശം എല്ലായ്‌പോ​ഴും പ്രാ​യോ​ഗി​ക​വും അവന്റെ ശ്രോ​താ​ക്കൾക്കു പ്രയോ​ജ​ന​ങ്ങൾ കൈവ​രു​ത്തു​ന്ന​തും ആയിരു​ന്നത്‌ എന്തു​കൊണ്ട്‌?

⁴ ആദ്യമാ​യി, യേശു പഠിപ്പി​ച്ചത്‌ എന്താ​ണെ​ന്നു പരിചി​ന്തി​ക്കു​ക. അവന്റെ സന്ദേശ​ത്തി​ന്റെ വിഷയം “രാജ്യ​ത്തി​ന്റെ സുവാർത്ത” ആയിരു​ന്നു. (ലൂക്കൊസ്‌ 4:43, NW) യഹോ​വ​യു​ടെ പരമാ​ധി​കാ​ര​ത്തി​ന്റെ ഔചി​ത്യം സംസ്ഥാ​പി​ക്കു​ന്ന​തി​ലും മനുഷ്യ​വർഗ​ത്തി​നു ശാശ്വത അനു​ഗ്ര​ഹ​ങ്ങൾ കൈവ​രു​ത്തു​ന്ന​തി​ലും രാജ്യ​ത്തി​നു​ള്ള പങ്കു നിമിത്തം അത്‌ അതി​പ്ര​ധാ​ന​മാ​യി​രു​ന്നു. തന്റെ പഠിപ്പി​ക്ക​ലിൽ യേശു അനുദിന ജീവി​ത​ത്തി​നു​ള്ള ജ്ഞാനോ​പ​ദേ​ശ​വും നൽകി. മുൻകൂ​ട്ടി പറയപ്പെട്ട “വിസ്‌മ​യ​നീ​യ​നാ​യ ഉപദേ​ഷ്ടാവ്‌” താൻ ആണെന്ന്‌ അവൻ തെളി​യി​ച്ചു. (യെശയ്യാ​വു 9:6, പി.ഒ.സി. ബൈ.) അവന്റെ ഉപദേശം വിസ്‌മ​യ​നീ​യം അല്ലാതി​രി​ക്കാൻ തരമില്ല. കാരണം അവന്‌ ദൈവ​ത്തി​ന്റെ വചനവും ഇഷ്ടവും സംബന്ധിച്ച അഗാധ​മാ​യ അറിവും മനുഷ്യ​പ്ര​കൃ​തം സംബന്ധിച്ച സൂക്ഷ്‌മ ഗ്രാഹ്യ​വും മനുഷ്യ​വർഗ​ത്തോട്‌ ആഴമായ സ്‌നേ​ഹ​വും ഉണ്ടായി​രു​ന്നു. അതു​കൊണ്ട്‌, അവന്റെ ഉപദേശം എപ്പോ​ഴും പ്രാ​യോ​ഗി​ക​വും അവന്റെ ശ്രോ​താ​ക്കൾക്കു വലിയ പ്രയോ​ജ​ന​ങ്ങൾ കൈവ​രു​ത്തു​ന്ന​വ​യും ആയിരു​ന്നു. യേശു​വി​ന്റെ അധരങ്ങ​ളിൽനിന്ന്‌ ഉതിർന്നു​വീ​ണത്‌ “നിത്യ​ജീ​വ​ന്റെ വചനങ്ങൾ” ആയിരു​ന്നു. അതേ, അവന്റെ ഉപദേശം അനുസ​രി​ക്കു​ന്നത്‌ രക്ഷയി​ലേ​ക്കു നയിക്കു​ന്നു.—യോഹ​ന്നാൻ 6:68.

5. യേശു ഗിരി​പ്ര​ഭാ​ഷ​ണ​ത്തിൽ കൈകാ​ര്യം ചെയ്‌ത വിഷയ​ങ്ങ​ളിൽ ചിലത്‌ ഏവ?

⁵ ഗിരി​പ്ര​ഭാ​ഷ​ണം യേശു​വി​ന്റെ ഉപദേ​ശ​ങ്ങ​ളിൽ കാണ​പ്പെ​ടു​ന്ന കിടയറ്റ ജ്ഞാനത്തി​ന്റെ മകു​ടോ​ദാ​ഹ​ര​ണ​മാണ്‌. മത്തായി 5:3-7:27-ൽ രേഖ​പ്പെ​ടു​ത്തി​യി​രി​ക്കുന്ന ഈ പ്രഭാ​ഷ​ണം നടത്തു​ന്ന​തിന്‌ 20 മിനിട്ടു മാത്രമേ എടുത്തി​രി​ക്കാ​നി​ട​യു​ള്ളൂ. എന്നിരു​ന്നാ​ലും അതിലെ ഉപദേശം കാലാ​തീ​ത​മാണ്‌—അത്‌ ആദ്യം നൽകപ്പെട്ട സമയ​ത്തെ​ന്ന​പോ​ലെ ഇന്നും പ്രസക്ത​മാണ്‌. ആ പ്രഭാ​ഷ​ണ​ത്തിൽ യേശു ഒട്ടേറെ വിഷയങ്ങൾ കൈകാ​ര്യം ചെയ്‌തു. മറ്റുള്ള​വ​രു​മാ​യു​ള്ള ബന്ധം എങ്ങനെ മെച്ച​പ്പെ​ടു​ത്താം (മത്തായി 5:23-26, 38-42; 7:1-5,12), ധാർമി​ക​ശു​ദ്ധി എങ്ങനെ കാത്തു​സൂ​ക്ഷി​ക്കാം (5:27-32), അർഥവ​ത്താ​യ ഒരു ജീവിതം എങ്ങനെ നയിക്കാം (6:19-24; 7:24-27) തുടങ്ങിയ വിഷയങ്ങൾ അതിൽ ഉൾപ്പെ​ടു​ന്നു. എന്നാൽ ജ്ഞാനപൂർവ​ക​മാ​യ ഗതി എന്താ​ണെന്ന്‌ തന്റെ ശ്രോ​താ​ക്ക​ളോ​ടു പറയുക മാത്രമല്ല യേശു ചെയ്‌തത്‌, വിശദീ​ക​ര​ണ​ങ്ങ​ളു​ടെ​യും ന്യായ​വാ​ദ​ത്തി​ന്റെ​യും തെളി​വു​ക​ളു​ടെ​യും സഹായ​ത്താൽ അത്‌ എന്താ​ണെന്ന്‌ അവർക്കു കാണി​ച്ചു​കൊ​ടു​ക്കു​ക​യും ചെയ്‌തു.

6-8. (എ) ഉത്‌ക​ണ്‌ഠ ഒഴിവാ​ക്കാ​നു​ള്ള ശക്തമായ ഏതു കാരണങ്ങൾ യേശു നൽകുന്നു? (ബി) യേശു​വി​ന്റെ ഉപദേശം ഉയരത്തിൽനി​ന്നു​ള്ള ജ്ഞാനത്തെ പ്രതി​ഫ​ലി​പ്പി​ക്കു​ന്നു​വെന്ന്‌ എന്തു പ്രകട​മാ​ക്കു​ന്നു?

 ⁶ ദൃഷ്ടാ​ന്ത​ത്തിന്‌, ഭൗതിക കാര്യങ്ങൾ സംബന്ധിച്ച ഉത്‌ക​ണ്‌ഠ കൈകാ​ര്യം ചെയ്യു​ന്ന​തിന്‌ യേശു നൽകിയ ജ്ഞാനോ​പ​ദേ​ശം പരിചി​ന്തി​ക്കു​ക. മത്തായി 6-ാം അധ്യാ​യ​ത്തി​ലാണ്‌ അതു പ്രസ്‌താ​വി​ച്ചി​രി​ക്കു​ന്നത്‌. “എന്തു തിന്നും എന്തു കുടി​ക്കും എന്നു നിങ്ങളു​ടെ ജീവന്നാ​യി​ക്കൊ​ണ്ടും എന്തു ഉടുക്കും എന്നു ശരീര​ത്തി​ന്നാ​യി​ക്കൊ​ണ്ടും വിചാ​ര​പ്പെ​ട​രുത്‌ [“ഉത്‌ക​ണ്‌ഠാ​കു​ല​രാ​കു​ന്നതു നിറു​ത്തു​ക,” NW]” എന്ന്‌ യേശു നമ്മെ ബുദ്ധി​യു​പ​ദേ​ശി​ക്കു​ന്നു. (25-ാം വാക്യം) ആഹാര​വും വസ്‌ത്ര​വും അടിസ്ഥാന ആവശ്യ​ങ്ങ​ളാണ്‌, ഇവ സംബന്ധിച്ച്‌ താത്‌പ​ര്യ​മെ​ടു​ക്കു​ന്നതു സ്വാഭാ​വി​കം മാത്ര​മാണ്‌. എന്നാൽ ഇങ്ങനെ​യു​ള്ള കാര്യ​ങ്ങ​ളെ​ക്കു​റിച്ച്‌ “ഉത്‌ക​ണ്‌ഠാ​കു​ല​രാ​കു​ന്നതു നിറു​ത്തു​ക” എന്ന്‌ യേശു നമ്മോടു പറയുന്നു. * എന്തു​കൊണ്ട്‌?

⁷ യേശു​വി​ന്റെ ബോധ്യം വരുത്തുന്ന ന്യായ​വാ​ദം ശ്രദ്ധി​ക്കു​ക. നമുക്കു ജീവനും ശരീര​വും നൽകി​യി​രി​ക്കു​ന്ന യഹോ​വ​യ്‌ക്ക്‌ ആ ജീവൻ നിലനി​റു​ത്താൻ ആവശ്യ​മാ​യ ആഹാര​വും ശരീര​ത്തിന്‌ ആവശ്യ​മാ​യ വസ്‌ത്ര​വും നൽകാൻ കഴിയി​ല്ലേ? (25-ാം വാക്യം) ദൈവം പക്ഷികളെ പോറ്റു​ക​യും പുഷ്‌പ​ങ്ങ​ളെ അണിയി​ച്ചൊ​രു​ക്കു​ക​യും ചെയ്യു​ന്നു​വെ​ങ്കിൽ തന്റെ മാനുഷ ആരാധ​കർക്കു​വേ​ണ്ടി അവൻ എത്രയ​ധി​കം കരുതും! (26, 28-30 വാക്യങ്ങൾ) യഥാർഥ​ത്തിൽ, അനാവ​ശ്യ​മാ​യ ഉത്‌ക​ണ്‌ഠ അർഥശൂ​ന്യ​മാണ്‌. നമ്മുടെ ആയുസ്സ്‌ അൽപ്പം​പോ​ലും വർധി​പ്പി​ക്കാൻ അതിനു കഴിയില്ല. * (27-ാം വാക്യം) നമുക്ക്‌ ഉത്‌ക​ണ്‌ഠ എങ്ങനെ ഒഴിവാ​ക്കാൻ കഴിയും? യേശു ഈ ഉപദേശം നൽകുന്നു: ദൈവാ​രാ​ധ​ന​യ്‌ക്കു ജീവി​ത​ത്തിൽ മുൻഗണന കൊടു​ക്കു​ന്ന​തിൽ തുടരുക. അങ്ങനെ ചെയ്യു​ന്ന​വർക്ക്‌, തങ്ങളുടെ സ്വർഗീയ പിതാ​വിൽനിന്ന്‌ ദൈനം​ദി​ന ജീവി​ത​ത്തിന്‌ ആവശ്യ​മാ​യി​രി​ക്കു​ന്നത്‌ “ലഭിക്കു”മെന്ന്‌ ഉറപ്പു​ണ്ടാ​യി​രി​ക്കാൻ കഴിയും. (33-ാം വാക്യം, പി.ഒ.സി. ബൈ.) അവസാ​ന​മാ​യി, യേശു തികച്ചും പ്രാ​യോ​ഗി​ക​മാ​യ ഒരു നിർദേ​ശം നൽകുന്നു.—അതതു ദിവസത്തെ കാര്യ​ങ്ങ​ളെ കുറിച്ചു മാത്രം ചിന്തി​ക്കു​ക. നാളത്തെ ഉത്‌ക​ണ്‌ഠ​കൾ ഇന്നത്തേ​തി​നോ​ടു കൂട്ടു​ന്നത്‌ എന്തിന്‌? (34-ാം വാക്യം) മാത്ര​വു​മല്ല, ഒരിക്ക​ലും സംഭവി​ക്കാൻ ഇടയി​ല്ലാ​ത്ത കാര്യ​ങ്ങ​ളെ കുറിച്ചു വെറുതെ വ്യാകു​ല​പ്പെ​ടു​ന്നത്‌ എന്തിനാണ്‌? സംഘർഷം നിറഞ്ഞ ഈ ലോക​ത്തിൽ അത്തരം ജ്ഞാനോ​പ​ദേ​ശം നാം പിൻപ​റ്റു​ന്നെ​ങ്കിൽ വളരെ​യ​ധി​കം ഹൃദയ​വേ​ദന ഒഴിവാ​ക്കാ​നാ​കും.

 ⁸ യേശു​വി​ന്റെ ബുദ്ധി​യു​പ​ദേ​ശം, അതു നൽകപ്പെട്ട 2,000-ത്തോളം വർഷം മുമ്പെ​ന്ന​പോ​ലെ ഇന്നും പ്രാ​യോ​ഗി​ക​മാ​ണെന്നു വ്യക്തമാണ്‌. അത്‌ ഉയരത്തിൽനി​ന്നു​ള്ള ജ്ഞാനത്തി​ന്റെ തെളി​വ​ല്ലേ? മാനുഷ ഉപദേ​ശ​ക​രിൽനി​ന്നു​ള്ള ഏറ്റവും നല്ല ബുദ്ധി​യു​പ​ദേ​ശം പോലും കാലം കടന്നു​പോ​ക​വേ അസ്വീ​കാ​ര്യ​മാ​യി തീർന്നേ​ക്കാം. പെട്ടെ​ന്നു​ത​ന്നെ അതു പരിഷ്‌ക​രി​ക്കു​ന്നു അല്ലെങ്കിൽ അതു നീക്കം ചെയ്‌ത്‌ തത്‌സ്ഥാ​ന​ത്തു പുതിയ ഒന്ന്‌ കൊണ്ടു​വ​രു​ന്നു. എന്നിരു​ന്നാ​ലും യേശു​വി​ന്റെ ഉപദേ​ശ​ങ്ങൾ കാലത്തി​ന്റെ പരി​ശോ​ധ​ന​യെ അതിജീ​വി​ച്ചി​രി​ക്കു​ന്നു. എന്നാൽ അതിൽ നാം ആശ്ചര്യ​പ്പെ​ടേ​ണ്ട​തി​ല്ല, കാരണം വിസ്‌മ​യ​നീ​യ​നാ​യ ഈ ഉപദേ​ഷ്ടാവ്‌ “ദൈവ​ത്തി​ന്റെ വചന”മാണ്‌ പ്രസ്‌താ​വി​ച്ചത്‌.—യോഹ​ന്നാൻ 3:34.

9. യേശു​വി​ന്റെ പഠിപ്പി​ക്കൽരീ​തി സംബന്ധിച്ച്‌ ചില പടയാ​ളി​കൾ എന്തു പറഞ്ഞു, ഇത്‌ അതിശ​യോ​ക്തി അല്ലായി​രു​ന്നത്‌ എന്തു​കൊണ്ട്‌?

⁹ തന്റെ പഠിപ്പി​ക്കൽരീ​തി​യി​ലൂ​ടെ​യും യേശു ദൈവ​ത്തി​ന്റെ ജ്ഞാനം പ്രതി​ഫ​ലി​പ്പി​ച്ചു. ഒരു സന്ദർഭ​ത്തിൽ, അവനെ അറസ്റ്റു​ചെ​യ്യാൻ അയയ്‌ക്ക​പ്പെട്ട ചില പടയാ​ളി​കൾ വെറും​കൈ​യോ​ടെ മടങ്ങി​ച്ചെന്ന്‌ ഇങ്ങനെ പറഞ്ഞു: “ഈ മനുഷ്യൻ സംസാ​രി​ക്കു​ന്ന​തു​പോ​ലെ ആരും ഒരുനാ​ളും സംസാ​രി​ച്ചി​ട്ടി​ല്ല.” (യോഹ​ന്നാൻ 7:45, 46) ഇത്‌ അതിശ​യോ​ക്തി ആയിരു​ന്നി​ല്ല. യേശു “മേലിൽനി​ന്നു” വന്നവൻ ആയിരു​ന്ന​തി​നാൽ, ജീവി​ച്ചി​രു​ന്നി​ട്ടു​ള്ള സകല മനുഷ്യ​രെ​യും അപേക്ഷിച്ച്‌ അറിവി​ന്റെ​യും അനുഭവ സമ്പത്തി​ന്റെ​യും ഏറ്റവും വലിയ കലവറ​യാ​യി​രു​ന്നു അവൻ. (യോഹ​ന്നാൻ 8:23) മറ്റു യാതൊ​രു മനുഷ്യ​നും കഴിയാത്ത വിധത്തിൽ അവൻ പഠിപ്പി​ച്ചു. ജ്ഞാനി​യാ​യ ഈ ഉപദേ​ഷ്ടാ​വി​ന്റെ പഠിപ്പി​ക്കൽരീ​തി​ക​ളിൽ രണ്ടെണ്ണം നമുക്കു പരിചി​ന്തി​ക്കാം.

10, 11. (എ) യേശു​വി​ന്റെ ദൃഷ്ടാ​ന്ത​ങ്ങൾ നമ്മെ അത്ഭുത​പ്പെ​ടു​ത്തു​ന്നത്‌ എന്തു​കൊണ്ട്‌? (ബി) സാരോ​പ​ദേശ കഥകൾ എന്താണ്‌, യേശു​വി​ന്റെ സാരോ​പ​ദേശ കഥകൾ പഠിപ്പി​ക്ക​ലിൽ വളരെ ഫലപ്ര​ദ​മാണ്‌ എന്നതിന്‌ ഒരു ഉദാഹ​ര​ണം നൽകുക.

¹⁰ ദൃഷ്ടാ​ന്ത​ങ്ങ​ളു​ടെ ഫലപ്ര​ദ​മാ​യ ഉപയോ​ഗം. “യേശു ജനക്കൂ​ട്ട​ത്തോ​ടു ദൃഷ്ടാ​ന്ത​ങ്ങ​ളി​ലൂ​ടെ സംസാ​രി​ച്ചു. വാസ്‌ത​വ​ത്തിൽ, ഒരു ദൃഷ്ടാ​ന്തം​കൂ​ടാ​തെ അവൻ അവരോട്‌ ഒന്നും സംസാ​രി​ക്കു​മാ​യി​രു​ന്നില്ല” എന്ന്‌ ബൈബിൾ നമ്മോടു പറയുന്നു. (മത്തായി 13:34, NW) ദൈനം​ദി​ന കാര്യ​ങ്ങ​ളി​ലൂ​ടെ ആഴമേ​റി​യ സത്യങ്ങൾ പഠിപ്പി​ക്കാ​നു​ള്ള അവന്റെ കിടയറ്റ പ്രാപ്‌തി നമ്മെ അത്ഭുത​പ്പെ​ടു​ത്തു​ന്നു. വിത്തു വിതയ്‌ക്കു​ന്ന കർഷകൻ, അപ്പം ചുടാൻ ഒരുങ്ങുന്ന സ്‌ത്രീ​കൾ, വലകൾ വലിച്ചു​ക​യ​റ്റു​ന്ന മീൻപി​ടു​ത്ത​ക്കാർ, കാണാ​തെ​പോ​യ ആടുകളെ തിരയുന്ന ഇടയന്മാർ—അവന്റെ ശ്രോ​താ​ക്കൾ പലവട്ടം കണ്ടിട്ടുള്ള കാര്യ​ങ്ങ​ളാ​യി​രു​ന്നു ഇവയെ​ല്ലാം. മൂല്യ​വ​ത്താ​യ സത്യങ്ങൾ പരിചിത കാര്യ​ങ്ങ​ളു​മാ​യി ബന്ധിപ്പി​ക്കു​മ്പോൾ അവ  പെട്ടെന്ന്‌ മനസ്സി​ലും ഹൃദയ​ത്തി​ലും ആഴത്തിൽ പതിയു​ന്നു.—മത്തായി 11:16-19; 13:3-8, 33, 47-50; 18:12-14.

¹¹ യേശു മിക്ക​പ്പോ​ഴും സാരോ​പ​ദേശ കഥകൾ—ധാർമി​ക​മോ ആത്മീയ​മോ ആയ സത്യങ്ങൾ ഉൾക്കൊ​ള്ളു​ന്ന ചെറു​ക​ഥ​കൾ—ഉപയോ​ഗി​ച്ചു. ആശയങ്ങളെ അപേക്ഷിച്ച്‌ കഥകൾ ഗ്രഹി​ക്കാ​നും ഓർത്തി​രി​ക്കാ​നും എളുപ്പ​മാണ്‌. അതു​കൊണ്ട്‌ ഈ സാരോ​പ​ദേശ കഥകൾ യേശു​വി​ന്റെ ഉപദേ​ശ​ങ്ങ​ളെ ഓർമ​യിൽ സൂക്ഷി​ക്കാൻ സഹായ​ക​മാ​യി. അനേകം സാരോ​പ​ദേശ കഥകളിൽ യേശു തന്റെ പിതാ​വി​നെ എളുപ്പം മറക്കാ​നാ​വാ​ത്ത ഉജ്ജ്വല വാങ്‌മയ ചിത്ര​ങ്ങ​ളാൽ വർണിച്ചു. ഉദാഹ​ര​ണ​ത്തിന്‌, ധൂർത്ത​പു​ത്ര​നെ കുറി​ച്ചു​ള്ള സാരോ​പ​ദേശ കഥയുടെ ആശയം—വഴി​തെ​റ്റി​പ്പോ​യ ഒരുവൻ യഥാർഥ അനുതാ​പം പ്രകട​മാ​ക്കു​മ്പോൾ യഹോവ കരുണ കാണി​ക്കു​ക​യും വാത്സല്യ​പൂർവം അയാളെ തിരികെ സ്വീക​രി​ക്കു​ക​യും ചെയ്യു​മെന്ന്‌—ആർക്കാണു ഗ്രഹി​ക്കാൻ കഴിയാ​ത്തത്‌?—ലൂക്കൊസ്‌ 15:11-32.

12. (എ) യേശു തന്റെ പഠിപ്പി​ക്ക​ലിൽ ഏതു വിധത്തിൽ ചോദ്യ​ങ്ങൾ ഉപയോ​ഗി​ച്ചു? (ബി) തന്റെ അധികാ​ര​ത്തെ ചോദ്യം ചെയ്‌ത​വ​രെ യേശു നിശ്ശബ്ദ​രാ​ക്കി​യത്‌ എങ്ങനെ?

¹² ചോദ്യ​ങ്ങ​ളു​ടെ വിദഗ്‌ധ ഉപയോ​ഗം. സ്വന്തം അനുമാ​ന​ങ്ങ​ളി​ലെ​ത്താ​നും തങ്ങളുടെ ആന്തരങ്ങളെ പരി​ശോ​ധി​ക്കാ​നും തീരു​മാ​ന​ങ്ങൾ എടുക്കാ​നും തന്റെ ശ്രോ​താ​ക്ക​ളെ സഹായി​ക്കാ​നാ​യി യേശു ചോദ്യ​ങ്ങൾ ഉപയോ​ഗി​ച്ചു. (മത്തായി 12:24-30; 17:24-27; 22:41-46) അവനു ദൈവ​ദ​ത്ത​മാ​യ അധികാ​ര​മു​ണ്ടോ എന്നു മതനേ​താ​ക്ക​ന്മാർ ചോദി​ച്ച​പ്പോൾ, “യോഹ​ന്നാ​ന്റെ സ്‌നാനം സ്വർഗ്ഗ​ത്തിൽനി​ന്നോ മനുഷ്യ​രിൽനി​ന്നോ ഉണ്ടായത്‌” എന്ന്‌ യേശു തിരി​ച്ചു​ചോ​ദി​ച്ചു. ആ ചോദ്യം കേട്ട്‌ സ്‌തബ്ധ​രാ​യി​പ്പോ​യ അവർ പരസ്‌പ​രം ഇങ്ങനെ ന്യായ​വാ​ദം ചെയ്‌തു: “സ്വർഗ്ഗ​ത്തിൽനി​ന്നു എന്നു പറഞ്ഞാൽ, പിന്നെ നിങ്ങൾ അവനെ വിശ്വ​സി​ക്കാ​ഞ്ഞ​തു എന്തു എന്നു അവൻ പറയും. മനുഷ്യ​രിൽനി​ന്നു എന്നു പറഞ്ഞാ​ലോ . . . എല്ലാവ​രും യോഹ​ന്നാ​നെ സാക്ഷാൽ പ്രവാ​ച​കൻ എന്നു എണ്ണുക​കൊ​ണ്ടു അവർ ജനത്തെ ഭയപ്പെട്ടു.” ഒടുവിൽ “ഞങ്ങൾക്കു അറിഞ്ഞു​കൂ​ടാ” എന്ന്‌ അവർ ഉത്തരം പറഞ്ഞു. (മർക്കൊസ്‌ 11:27-33; മത്തായി 21:23-27) ലളിത​മാ​യ ഒരു ചോദ്യം​കൊണ്ട്‌ യേശു അവരുടെ വായട​യ്‌ക്കു​ക​യും അവരുടെ ഹൃദയ​ങ്ങ​ളി​ലെ വഞ്ചന തുറന്നു​കാ​ട്ടു​ക​യും ചെയ്‌തു.

13-15. അയൽസ്‌നേ​ഹി​യാ​യ ശമര്യ​ക്കാ​ര​ന്റെ ഉപമ യേശു​വി​ന്റെ ജ്ഞാനത്തെ പ്രതി​ഫ​ലി​പ്പി​ക്കു​ന്നത്‌ എങ്ങനെ?

¹³ ദൃഷ്ടാ​ന്ത​ങ്ങ​ളിൽ ചിന്തോ​ദ്ദീ​പ​ക​ങ്ങ​ളാ​യ ചോദ്യ​ങ്ങൾ നെയ്‌തു​ചേർത്തു​കൊണ്ട്‌ യേശു ചില​പ്പോൾ പഠിപ്പി​ക്കൽ രീതി​ക​ളെ കോർത്തി​ണ​ക്കി. നിത്യ​ജീ​വൻ നേടാൻ എന്താണ്‌ ആവശ്യ​മെന്ന്‌ ഒരു യഹൂദ നിയമജ്ഞൻ ചോദി​ച്ച​പ്പോൾ മോ​ശൈക ന്യായ​പ്ര​മാ​ണ​ത്തിൽ അതിന്‌ ഉത്തരം കണ്ടെത്താൻ യേശു അയാ​ളോട്‌ ആവശ്യ​പ്പെ​ട്ടു. ന്യായ​പ്ര​മാ​ണം ദൈവ​സ്‌നേ​ഹ​വും അയൽസ്‌നേ​ഹ​വും അനുശാ​സി​ക്കു​ന്നു. താൻ നീതി​മാ​നാ​ണെ​ന്നു  തെളി​യി​ക്കാൻ ആഗ്രഹി​ച്ചു​കൊണ്ട്‌ ആ മനുഷ്യൻ ചോദി​ച്ചു: “ആരാണ്‌ യഥാർഥ​ത്തിൽ എന്റെ അയൽക്കാ​രൻ?”(NW) ഒരു കഥ പറഞ്ഞു​കൊണ്ട്‌ യേശു ഉത്തരം കൊടു​ത്തു. ഒറ്റയ്‌ക്കു യാത്ര ചെയ്യു​ക​യാ​യി​രു​ന്ന ഒരു യഹൂദനെ കൊള്ള​ക്കാർ ആക്രമി​ച്ചു. അവർ അയാളെ അർധ​പ്രാ​ണ​നാ​യി വിട്ടി​ട്ടു​പോ​യി. അതുവഴി രണ്ടു യഹൂദ​ന്മാർ വന്നു, ആദ്യം ഒരു പുരോ​ഹി​ത​നും പിന്നെ ഒരു ലേവ്യ​നും. രണ്ടു​പേ​രും അയാളെ അവഗണി​ച്ചു കടന്നു​പോ​യി. പിന്നീട്‌ ഒരു ശമര്യ​ക്കാ​രൻ വന്നു. അനുകമ്പ തോന്നിയ അയാൾ അക്രമ​ത്തി​നി​ര​യാ​യ യഹൂദന്റെ മുറി​വു​കൾ മെല്ലെ വെച്ചു​കെ​ട്ടി സ്‌നേ​ഹ​പു​ര​സ്സ​രം ഒരു സത്രത്തിൽ എത്തിച്ചു. ആ സുരക്ഷി​ത​സ്ഥ​ലത്ത്‌ അയാൾക്കു സുഖം പ്രാപി​ക്കാൻ കഴിയു​മാ​യി​രു​ന്നു. തന്റെ കഥ ഉപസം​ഹ​രി​ച്ചു​കൊണ്ട്‌ യേശു ആ നിയമ​ജ്ഞ​നോ​ടു ചോദി​ച്ചു: “കള്ളന്മാ​രു​ടെ കയ്യിൽ അകപ്പെ​ട്ട​വ​ന്നു ഈ മൂവരിൽ ഏവൻ കൂട്ടു​കാ​ര​നാ​യി​ത്തീർന്നു [“അയൽക്കാ​ര​നാ​യി​ത്തീർന്നു,” NW] എന്നു നിനക്കു തോന്നു​ന്നു?” “അവനോ​ടു കരുണ കാണി​ച്ച​വൻ” എന്ന്‌ ഉത്തരം പറയാൻ ആ മനുഷ്യൻ നിർബ​ന്ധി​ത​നാ​യി.—ലൂക്കൊസ്‌ 10:25-37.

¹⁴ ഈ സാരോ​പ​ദേ​ശ​കഥ യേശു​വി​ന്റെ ജ്ഞാനത്തെ പ്രതി​ഫ​ലി​പ്പി​ക്കു​ന്നത്‌ എങ്ങനെ? യേശു​വി​ന്റെ നാളിൽ യഹൂദ​ന്മാർ അവരുടെ പാരമ്പ​ര്യ​ങ്ങൾ അനുഷ്‌ഠി​ച്ചി​രു​ന്ന​വരെ മാത്രമേ തങ്ങളുടെ ‘അയൽക്കാർ’ ആയി കണക്കാ​ക്കി​യു​ള്ളൂ—തീർച്ച​യാ​യും ശമര്യ​ക്കാ​രെ അവർ അങ്ങനെ കണക്കാ​ക്കി​യി​ല്ല. (യോഹ​ന്നാൻ 4:9) കഥയിൽ അക്രമ​ത്തി​നി​ര​യാ​യത്‌ ശമര്യ​ക്കാ​ര​നും സഹായി​ക്കാ​നെ​ത്തി​യത്‌ യഹൂദ​നും ആയിരു​ന്നെ​ങ്കിൽ അത്‌ മുൻവി​ധി​യെ തകർക്കു​മാ​യി​രു​ന്നോ? ജ്ഞാനപൂർവം യേശു, ഒരു ശമര്യ​ക്കാ​രൻ ഒരു യഹൂദനെ ആർദ്ര​മാ​യി ശുശ്രൂ​ഷി​ക്കു​ന്ന​താ​യി വിവരി​ച്ചു. കഥയുടെ അവസാനം യേശു ചോദിച്ച ചോദ്യ​വും ശ്രദ്ധി​ക്കു​ക. “അയൽക്കാ​രൻ” എന്ന പദത്തി​ന്മേ​ലു​ള്ള ഊന്നലിന്‌ അവൻ മാറ്റം വരുത്തി. ‘ആരോ​ടാണ്‌ ഞാൻ അയൽസ്‌നേ​ഹം കാണി​ക്കേ​ണ്ടത്‌?’ എന്നായി​രു​ന്നു ഫലത്തിൽ നിയമ​ജ്ഞ​ന്റെ ചോദ്യം. എന്നാൽ യേശു​വാ​ക​ട്ടെ, “ഈ മൂവരിൽ ഏവൻ കൂട്ടു​കാ​ര​നാ​യി​ത്തീർന്നു [“അയൽക്കാ​ര​നാ​യി​ത്തീർന്നു,” NW] എന്നു നിനക്കു തോന്നു​ന്നു?” എന്ന്‌ ചോദി​ച്ചു. അങ്ങനെ, ദയ ലഭിച്ച​വ​നല്ല, ദയ കാണിച്ച ശമര്യ​ക്കാ​രന്‌ യേശു ഊന്നൽ നൽകി. ഒരു യഥാർഥ അയൽക്കാ​രൻ മറ്റുള്ള​വ​രു​ടെ വംശീയ പശ്ചാത്തലം നോക്കാ​തെ അവരോ​ടു സ്‌നേഹം കാട്ടാൻ മുൻകൈ എടുക്കു​ന്നു. ഇതിലും ഫലകര​മാ​യി ആ ആശയം ധരിപ്പി​ക്കു​ക സാധ്യ​മ​ല്ലാ​യി​രു​ന്നു.

¹⁵ യേശു​വി​ന്റെ “പഠിപ്പി​ക്കൽ രീതി”യിൽ ആളുകൾ വിസ്‌മ​യം കൊള്ളു​ക​യും അവനി​ലേക്ക്‌ ആകർഷി​ക്ക​പ്പെ​ടു​ക​യും ചെയ്‌ത​തിൽ അത്ഭുത​പ്പെ​ടാ​നു​ണ്ടോ? (മത്തായി 7:28, 29, NW) ഒരു അവസര​ത്തിൽ ‘ഒരു വലിയ പുരു​ഷാ​രം’ ആഹാരം​പോ​ലും കഴിക്കാ​തെ അവനോ​ടു​കൂ​ടെ മൂന്നു ദിവസം കഴിഞ്ഞു.—മർക്കൊസ്‌ 8:1, 2.

16. താൻ ദിവ്യ​ജ്ഞാ​ന​ത്താൽ ഭരിക്ക​പ്പെ​ടു​ന്നു എന്നതിനു യേശു ഏതുവി​ധ​ത്തിൽ “പ്രാ​യോ​ഗി​ക​മാ​യ തെളിവു” നൽകി?

¹⁶ യേശു യഹോ​വ​യു​ടെ ജ്ഞാനത്തെ പ്രതി​ഫ​ലി​പ്പി​ച്ച മൂന്നാ​മ​ത്തെ മേഖല അവന്റെ ജീവി​ത​രീ​തി ആയിരു​ന്നു. ജ്ഞാനം പ്രാ​യോ​ഗി​ക​മാണ്‌, അതു നല്ല ഫലങ്ങൾ കൈവ​രു​ത്തു​ന്നു. ‘നിങ്ങളിൽ ജ്ഞാനി​യാ​യ​വൻ ആർ?’ എന്നു ശിഷ്യ​നാ​യ യാക്കോബ്‌ ചോദി​ച്ചു. അനന്തരം അവൻതന്നെ ആ ചോദ്യ​ത്തിന്‌ ഉത്തരം നൽകി: “അവന്റെ ശരിയായ നടത്ത അതിന്‌ പ്രാ​യോ​ഗി​ക​മാ​യ തെളിവു നൽകട്ടെ.” (യാക്കോബ്‌ 3:13, ദ ന്യൂ ഇംഗ്ലീഷ്‌ ബൈബിൾ) യേശു​വി​ന്റെ നടത്ത അവൻ ദിവ്യ​ജ്ഞാ​ന​ത്താൽ ഭരിക്ക​പ്പെ​ട്ടി​രു​ന്നു എന്നതിനു പ്രാ​യോ​ഗി​ക​മാ​യ തെളിവു നൽകി. തന്റെ ജീവി​ത​രീ​തി​യി​ലും മറ്റുള്ള​വ​രു​മാ​യു​ള്ള ഇടപെ​ട​ലു​ക​ളി​ലും അവൻ വിവേചന പ്രകട​മാ​ക്കി​യത്‌ എങ്ങനെ​യെ​ന്നു നമുക്കു പരിചി​ന്തി​ക്കാം.

17. യേശു ജീവി​ത​ത്തിൽ എല്ലാ കാര്യ​ങ്ങ​ളി​ലും പൂർണ സമനില പാലി​ച്ചി​രു​ന്നു എന്നതിന്‌ എന്തു സൂചനകൾ ഉണ്ട്‌?

¹⁷ വിവേചന ഇല്ലാത്ത ആളുകൾ മിക്ക​പ്പോ​ഴും അതിരു​വി​ട്ടു പ്രവർത്തി​ക്കു​ന്ന​താ​യി നിങ്ങൾ നിരീ​ക്ഷി​ച്ചി​ട്ടു​ണ്ടോ? അതേ, സമനില പാലി​ക്കാൻ ജ്ഞാനം ആവശ്യ​മാണ്‌. ദൈവിക ജ്ഞാനം പ്രതി​ഫ​ലി​പ്പി​ച്ച​തി​നാൽ യേശു​വിന്‌ എല്ലാ കാര്യ​ത്തി​ലും പൂർണ സമനില പാലി​ക്കാൻ കഴിഞ്ഞു. അവൻ ആത്മീയ കാര്യ​ങ്ങൾക്കു തന്റെ ജീവി​ത​ത്തിൽ ഒന്നാം സ്ഥാനം കൊടു​ത്തു. സുവാർത്ത ഘോഷി​ക്കു​ന്ന വേലയിൽ അവൻ തിര​ക്കോ​ടെ ഏർപ്പെ​ട്ടി​രു​ന്നു. “അതിനാ​ണു ഞാൻ വന്നിരി​ക്കു​ന്നത്‌” എന്ന്‌ അവൻ പറഞ്ഞു. (മർക്കൊസ്‌ 1:38, പി.ഒ.സി. ബൈ.) സ്വാഭാ​വി​ക​മാ​യും ഭൗതിക കാര്യ​ങ്ങൾക്ക്‌ അവൻ പ്രമുഖ സ്ഥാനം കൊടു​ത്തി​ല്ല; ഭൗതി​ക​മാ​യി തന്റേ​തെ​ന്നു പറയാൻ യേശു​വി​നു കാര്യ​മാ​യി ഒന്നും ഇല്ലായി​രു​ന്നു എന്നുതന്നെ പറയാം. (മത്തായി 8:20) എന്നിരു​ന്നാ​ലും അവൻ ഒരു സന്ന്യാസി അല്ലായി​രു​ന്നു. “സന്തുഷ്ട ദൈവ”മായ, അവന്റെ പിതാ​വി​നെ​പ്പോ​ലെ യേശു​വും സന്തോ​ഷ​മു​ള്ള ഒരു വ്യക്തി ആയിരു​ന്നു. അവൻ മറ്റുള്ള​വ​രു​ടെ സന്തോഷം വർധി​പ്പി​ക്കു​ക​യും ചെയ്‌തു. (1 തിമൊ​ഥെ​യൊസ്‌ 1:11, NW; 6:15, NW) സംഗീ​ത​വും ഗാനാ​ലാ​പ​ന​വും സന്തോ​ഷ​ത്തി​മിർപ്പു​മൊ​ക്കെ ഉണ്ടായി​രു​ന്നി​രി​ക്കാ​വുന്ന ഒരു വിവാ​ഹ​വി​രു​ന്നിൽ സംബന്ധി​ച്ച​പ്പോൾ, ആ സന്ദർഭ​ത്തി​ന്റെ രസം കെടു​ത്താൻ അവൻ ശ്രമി​ച്ചി​ല്ല. എന്തിന്‌, വീഞ്ഞു തീർന്ന​പ്പോൾ ഒരു അത്ഭുതം പ്രവർത്തി​ച്ചു​കൊണ്ട്‌ അവൻ വെള്ളം “മനുഷ്യ​ന്റെ ഹൃദയത്തെ സന്തോ​ഷി​പ്പി​ക്കു​ന്ന” വീഞ്ഞാ​ക്കി​ത്തീർക്കു​ക​പോ​ലും ചെയ്‌തു. (സങ്കീർത്ത​നം 104:15; യോഹ​ന്നാൻ 2:1-11) ഭക്ഷണത്തിൽ പങ്കു​കൊ​ള്ളാ​നു​ള്ള അനേകം ക്ഷണങ്ങൾ യേശു സ്വീക​രി​ച്ചു, അവൻ മിക്ക​പ്പോ​ഴും അത്തരം സന്ദർഭങ്ങൾ വില​യേ​റി​യ കാര്യങ്ങൾ പഠിപ്പി​ക്കാൻ ഉപയോ​ഗി​ച്ചു.—ലൂക്കൊസ്‌ 10:38-42; 14:1-6.

18. യേശു തന്റെ ശിഷ്യ​ന്മാ​രു​മാ​യു​ള്ള ഇടപെ​ട​ലു​ക​ളിൽ പിഴവറ്റ വിവേ​ച​നാ​പ്രാ​പ്‌തി പ്രകട​മാ​ക്കി​യത്‌ എങ്ങനെ?

 ¹⁸ മറ്റുള്ള​വ​രു​മാ​യു​ള്ള തന്റെ ഇടപെ​ട​ലു​ക​ളിൽ യേശു പിഴവറ്റ വിവേ​ച​നാ​പ്രാ​പ്‌തി പ്രകട​മാ​ക്കി. മനുഷ്യ​പ്ര​കൃ​തം സംബന്ധിച്ച അവന്റെ ഉൾക്കാ​ഴ്‌ച ശിഷ്യ​ന്മാ​രെ കുറിച്ചു വ്യക്തമായ ഒരു വീക്ഷണം ഉണ്ടായി​രി​ക്കാൻ അവനെ സഹായി​ച്ചു. അവർ പൂർണ​ര​ല്ലെന്ന്‌ അവനു നന്നായി അറിയാ​മാ​യി​രു​ന്നു. എന്നിരു​ന്നാ​ലും, അവൻ അവരുടെ നല്ല ഗുണങ്ങൾ മനസ്സി​ലാ​ക്കി. യഹോ​വ​യാൽ ആകർഷി​ക്ക​പ്പെട്ട ആ പുരു​ഷ​ന്മാ​രി​ലെ നന്മയും കഴിവു​ക​ളും അവൻ കണ്ടു. (യോഹ​ന്നാൻ 6:44) അവരുടെ ദൗർബ​ല്യ​ങ്ങൾ ഗണ്യമാ​ക്കാ​തെ അവരെ വിശ്വ​സി​ക്കാ​നു​ള്ള സന്നദ്ധത യേശു പ്രകട​മാ​ക്കി. ആ വിശ്വാ​സം നിമിത്തം അവൻ തന്റെ ശിഷ്യ​ന്മാർക്ക്‌ ഒരു ഭാരിച്ച ഉത്തരവാ​ദി​ത്വം ഏൽപ്പി​ച്ചു​കൊ​ടു​ത്തു. സുവാർത്ത പ്രസം​ഗി​ക്കാൻ അവൻ അവരെ നിയോ​ഗി​ച്ചു. ആ നിയോ​ഗം നിറ​വേ​റ്റാ​നു​ള്ള അവരുടെ പ്രാപ്‌തി​യിൽ അവനു ദൃഢവി​ശ്വാ​സ​മു​ണ്ടാ​യി​രു​ന്നു. (മത്തായി 28:19, 20) അവൻ അവരെ ഭരമേൽപ്പി​ച്ച വേല അവർ അവസാ​ന​ത്തോ​ളം വിശ്വ​സ്‌ത​മാ​യി ചെയ്‌തു എന്ന്‌ പ്രവൃ​ത്തി​ക​ളു​ടെ പുസ്‌ത​കം സാക്ഷ്യ​പ്പെ​ടു​ത്തു​ന്നു. (പ്രവൃ​ത്തി​കൾ 2:41, 42; 4:33; 5:27-32) അതേ, യേശു അവരിൽ വിശ്വാ​സം അർപ്പി​ച്ചത്‌ ജ്ഞാനപൂർവ​കം ആയിരു​ന്നു.

19. താൻ “സൌമ്യ​ത​യും താഴ്‌മ​യും ഉള്ളവൻ” ആയിരു​ന്നു​വെന്ന്‌ യേശു പ്രകട​മാ​ക്കി​യത്‌ എങ്ങനെ?

¹⁹ നാം 20-ാം അധ്യാ​യ​ത്തിൽ കണ്ടതു​പോ​ലെ, ബൈബിൾ താഴ്‌മ​യെ​യും സൗമ്യ​ത​യെ​യും ജ്ഞാന​ത്തോ​ടു ബന്ധിപ്പി​ക്കു​ന്നു. തീർച്ച​യാ​യും യഹോ​വ​യാണ്‌ ഈ കാര്യ​ത്തിൽ ഉത്തമ മാതൃക വെച്ചി​രി​ക്കു​ന്നത്‌. എന്നാൽ യേശു​വോ? യേശു തന്റെ ശിഷ്യ​ന്മാ​രോട്‌ ഇടപെ​ടു​ന്ന​തിൽ പ്രകട​മാ​ക്കി​യ താഴ്‌മ ഹൃദ​യോ​ഷ്‌മ​ള​മാണ്‌. ഒരു പൂർണ​മ​നു​ഷ്യ​നെന്ന  നിലയിൽ അവൻ അവരെ​ക്കാൾ ശ്രേഷ്‌ഠ​നാ​യി​രു​ന്നു. എന്നിരു​ന്നാ​ലും അവൻ തന്റെ ശിഷ്യ​ന്മാ​രെ പുച്ഛ​ത്തോ​ടെ വീക്ഷി​ച്ചി​ല്ല. തങ്ങൾ താഴ്‌ന്ന​വ​രാ​ണെ​ന്നോ അയോ​ഗ്യ​രാ​ണെ​ന്നോ അവർക്കു തോന്നാൻ അവൻ ഒരിക്ക​ലും ഇടയാ​ക്കി​യി​ല്ല. മറിച്ച്‌, അവൻ അവരുടെ പരിമി​തി​ക​ളെ കുറിച്ചു പരിഗ​ണ​ന​യു​ള്ള​വ​നാ​യി​രു​ന്നു, അവരുടെ കുറവു​കൾ സംബന്ധിച്ച്‌ ക്ഷമയു​ള്ള​വ​നു​മാ​യി​രു​ന്നു. (മർക്കൊസ്‌ 14:34-38; യോഹ​ന്നാൻ 16:12) കുട്ടികൾ പോലും യേശു​വി​ന്റെ സാമീ​പ്യം ഇഷ്ടപ്പെ​ട്ടി​രു​ന്നു എന്നതു ശ്രദ്ധേ​യ​മ​ല്ലേ? തീർച്ച​യാ​യും അവൻ “സൌമ്യ​ത​യും താഴ്‌മ​യും ഉള്ളവൻ” ആയിരു​ന്നു എന്നു മനസ്സി​ലാ​ക്കി​യ​തു​കൊ​ണ്ടാണ്‌ അവർ അവനി​ലേക്ക്‌ ആകർഷി​ക്ക​പ്പെ​ട്ടത്‌.—മത്തായി 11:29; മർക്കൊസ്‌ 10:13-16.

20. ഭൂതബാ​ധി​ത​യാ​യ മകളെ സുഖ​പ്പെ​ടു​ത്താൻ ഒരു സ്‌ത്രീ അപേക്ഷിച്ച സന്ദർഭ​ത്തിൽ യേശു ന്യായ​ബോ​ധം പ്രകട​മാ​ക്കി​യത്‌ എങ്ങനെ?

²⁰ മറ്റൊരു വിധത്തി​ലും യേശു ദൈവിക താഴ്‌മ പ്രകട​മാ​ക്കി. അവൻ ന്യായ​ബോ​ധ​വും വഴക്കവും കാണിച്ചു. ദൃഷ്ടാ​ന്ത​ത്തിന്‌, ഭൂതബാ​ധ​യാൽ കഠിന​മാ​യി വലഞ്ഞി​രു​ന്ന തന്റെ മകളെ സുഖ​പ്പെ​ടു​ത്താൻ ഒരു വിജാ​തീ​യ സ്‌ത്രീ അവനോട്‌ അപേക്ഷിച്ച സംഭവം ഓർക്കുക. താൻ അവളെ സഹായി​ക്കാൻ ഉദ്ദേശി​ക്കു​ന്നി​ല്ലെന്ന്‌ ആദ്യം മൂന്നു വിധങ്ങ​ളിൽ യേശു സൂചി​പ്പി​ച്ചു. ഒന്ന്‌, അവളോട്‌ ഉത്തരം പറയാൻ കൂട്ടാ​ക്കാ​തി​രു​ന്നു​കൊണ്ട്‌; രണ്ട്‌, തന്നെ അയച്ചി​രി​ക്കു​ന്നത്‌ വിജാ​തീ​യ​രു​ടെ അടു​ത്തേ​ക്കല്ല, യഹൂദ​രു​ടെ അടു​ത്തേ​ക്കാണ്‌ എന്ന്‌ നേരിട്ടു പ്രസ്‌താ​വി​ച്ചു​കൊണ്ട്‌; മൂന്ന്‌, അതേ ആശയം ദയാപു​ര​സ്സ​രം വ്യക്തമാ​ക്കു​ന്ന ഒരു ദൃഷ്ടാന്തം ഉപയോ​ഗി​ച്ചു​കൊണ്ട്‌. എന്നാൽ ആ സ്‌ത്രീ പിന്മാ​റി​യി​ല്ല, അത്‌ അവളുടെ അസാധാ​ര​ണ​മാ​യ വിശ്വാ​സ​ത്തി​ന്റെ തെളി​വാ​യി​രു​ന്നു. ഈ പ്രത്യേക സാഹച​ര്യ​ത്തോട്‌ യേശു എങ്ങനെ പ്രതി​ക​രി​ച്ചു? താൻ ചെയ്യു​ക​യി​ല്ലെ​ന്നു സൂചി​പ്പി​ച്ച​തു​ത​ന്നെ യേശു ചെയ്‌തു. ആ സ്‌ത്രീ​യു​ടെ മകളെ യേശു സുഖ​പ്പെ​ടു​ത്തി. (മത്തായി 15:21-28) ശ്രദ്ധേ​യ​മാ​യ താഴ്‌മ, അല്ലേ? യഥാർഥ ജ്ഞാനത്തി​ന്റെ അടിസ്ഥാ​നം താഴ്‌മ​യാ​ണെന്ന്‌ ഓർക്കുക.

21. നാം യേശു​വി​ന്റെ വ്യക്തി​ത്വ​വും സംസാ​ര​വും പെരു​മാ​റ്റ​രീ​തി​ക​ളും അനുക​രി​ക്കാൻ ശ്രമി​ക്കേ​ണ്ടത്‌ എന്തു​കൊണ്ട്‌?

²¹ ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും ജ്ഞാനി​യാ​യ മനുഷ്യ​ന്റെ വാക്കു​ക​ളും പ്രവൃ​ത്തി​ക​ളും സുവി​ശേ​ഷ​ങ്ങൾ നമുക്കു വെളി​പ്പെ​ടു​ത്തി​ത്ത​ന്നി​രി​ക്കു​ന്ന​തിൽ നാം എത്ര നന്ദിയു​ള്ള​വർ ആയിരി​ക്കേ​ണ്ട​താണ്‌! യേശു തന്റെ പിതാ​വി​ന്റെ പൂർണ​മാ​യ ഒരു പ്രതി​ഫ​ല​ന​മാ​യി​രു​ന്നു എന്ന്‌ ഓർക്കുക. യേശു​വി​ന്റെ വ്യക്തി​ത്വം, സംസാരം, പെരു​മാ​റ്റ​രീ​തി​കൾ എന്നിവ അനുക​രി​ക്കു​മ്പോൾ നാം ഉയരത്തിൽനി​ന്നു​ള്ള ജ്ഞാനം നട്ടുവ​ളർത്തു​ക​യാ​യി​രി​ക്കും ചെയ്യു​ന്നത്‌. നമ്മുടെ ജീവി​ത​ത്തിൽ ദൈവി​ക​ജ്ഞാ​നം എങ്ങനെ പ്രാ​യോ​ഗി​ക​മാ​ക്കാം എന്ന്‌ അടുത്ത അധ്യാ​യ​ത്തിൽ നാം പരിചി​ന്തി​ക്കും.