Isaia 40:11 ese Iehova Dirava be inai bamona ia herevalaia: “Ia ese iena mamoe do ia ubua, mamoe naria tauna ia ubua noho bamona. Ia ese mamoe edia natudia do ia haboua, bona iena imana dekenai idia do ia rosia, idia do ia huaia lao.” Mamoe naria tauna be ena kemena dekenai mamoe natuna ia rosia oi itaia neganai, oi ura momokani emu guba Tamana kahirakahira dekenai unai bamona oi noho, a? To edena dala ai Iehova kahirakahira oi lao diba?