13 تاراۋ
يسانىڭ شاكىرتتەر
مىنا كىسى كىم جانە ول قالاي يسانىڭ شاكىرتى بولدى؟
قۇدايدىڭ ەڭ جاقسى قىزمەتشىسى كىم دەپ ويلايسىڭ؟ ~ دۇرىس، ول — يسا ٴماسىح. ٴبىز دە يسا سياقتى بولا الامىز با؟ ~ يسا بىزگە ەلىكتەۋىمىز ٷشىن ۇلگى قالدىردى. ٵرى ول ٴبىزدى ٶزىنىڭ شاكىرتى بولۋعا شاقىرادى.
يسانىڭ شاكىرتى بولۋ ٷشىن نە ىستەۋىمىز قاجەت؟ ~ الدىمەن، يسادان ٴتالىم الۋىمىز كەرەك. سودان كەيىن ونىڭ ايتقاندارىنا شىن سەنۋىمىز كەرەك. ال سەنەتىن بولساق، ايتقاندارىن ورىندايتىن بولامىز.
كوپ ادام يساعا سەنەمىز دەپ ايتادى. ولار شىنىمەن يسانىڭ شاكىرتى مە؟ ~ جوق، ٴبارى ەمەس. كوبىسى وزدەرىن يسانىڭ شاكىرتىمىز دەپ ايتقانىمەن، ودان ٴتالىم العىسى كەلمەيدى. تەك يسانىڭ ۇلگىسىنە ەلىكتەيتىندەر عانا ونىڭ شاكىرتتەرى بولىپ تابىلادى.
ال قازىر يسا جەردە قىزمەت ەتكەندە، ونىڭ شاكىرتى بولعان كەيبىر ادامدارمەن تانىسايىق. ونىڭ العاشقى شاكىرتتەرىنىڭ ٴبىرى — ٴفىلىپ. ول يسا تۋرالى ەستي سالىسىمەن، ٶزىنىڭ دوسى ناتانايىلدى ىزدەۋگە شىعادى. سۋرەتتەن كورىپ وتىرعانىڭداي، ناتانايىل اعاشتىڭ تۇبىندە وتىر ەكەن. كەيىن ەكەۋى يساعا كەلگەندە، ول ناتانايىلعا: «مىناۋ — شىنىمەن قۋلىق-سۇمدىعى جوق يسرايلدىك»،— دەدى. سوندا ناتانايىل اڭ-تاڭ بولىپ، يسادان: «مەنى قايدان بىلەسىڭ؟»— دەپ سۇرادى.
يسا ٶزىنىڭ سوڭىنان ەرۋگە كىمدەردى شاقىرىپ جاتىر؟
يسا وعان: «ٴفىلىپ سەنى شاقىرماي تۇرىپ، ٸنجىر اعاشىنىڭ تۇبىندە وتىرعانىڭدى كوردىم»،— دەپ جاۋاپ بەردى. يسانىڭ تۋرا ايتقانىنا ناتانايىل قاتتى تاڭعالىپ، وعان: «سەن قۇداي ۇلىسىڭ، ٴيسرايلدىڭ پاتشاسىسىڭ»،— دەدى (جوحان 1:49).
ياھۋدا يسقاريوت، ياھۋدا (تادەي دەپ تە اتالادى)، شيمون
ٴفىلىپ پەن ناتانايىلدان ٴبىر كۇن بۇرىن دا يساعا شاكىرتى بولىپ ەرگەندەر بار ەدى. ولار — ٵندىر، ونىڭ اعاسى پەتىر جانە جوحان. ارالارىندا جوحاننىڭ اعاسى جاقىپ تا بار بولسا كەرەك (جوحان 1:35—51). الايدا كوپ ۇزاماي ولار قايتادان بالىق اۋلاۋ كاسىبىنە ورالعان ەدى. ٴبىر كۇنى يسا عاليلەيا تەڭىزىنىڭ جاعاسىمەن كەلە جاتىپ، تەڭىزگە اۋ تاستاپ جاتقان پەتىر مەن ٵندىردى كوردى دە، ولاردى: «سوڭىمنان ەرىڭدەر»،— دەپ شاقىردى.
جاقىپ (الپەيدىڭ ۇلى)، توما، ماتاي
شامالى جۇرگەن سوڭ، يسا جاقىپ پەن جوحاندى كەزدەستىردى. ولار اكەسىمەن بىرگە قايىقتىڭ ىشىندە اۋ جاماپ وتىر ەكەن. يسا ولاردى دا سوڭىنان ەرۋگە شاقىردى. يسا سەنى دە شاقىرسا، نە ىستەر ەدىڭ؟ بىردەن ونىڭ سوڭىنان ەرەر مە ەدىڭ؟ ~ بۇل كىسىلەر يسانىڭ كىم ەكەنىن جاقسى بىلگەن جانە ونى قۇداي جىبەرگەنىنە سەنگەن. سوندىقتان ولار كاسىپتەرىن بىردەن تاستاپ، يسانىڭ سوڭىنان ەردى (ماتاي 4:18—22).
ناتانايىل، ٴفىلىپ، جوحان
وسى ادامدار يسانىڭ ٸزباسارى بولعاننان كەيىن، ٵردايىم دۇرىس ارەكەت ەتىپ ٴجۇردى مە؟ ~ جوق. ەسىڭدە مە، ولار ٴتىپتى قايسىمىزدىڭ جولىمىز ۇلكەن دەپ ٶزارا داۋلاسقان بولاتىن. دەگەنمەن دە ولار يسانىڭ ايتقانىن تىڭداپ، وزگەرۋگە دايىن بولعان. ٴبىز دە وزگەرۋگە دايىن بولساق، يسانىڭ شاكىرتى بولا الامىز.
جاقىپ (جوحاننىڭ اعاسى)، ٵندىر، پەتىر
يسا وزىنە شاكىرت بولۋعا ٵرتۇرلى ادامداردى شاقىرعان. بىردە يساعا ٴبىر باي جىگىت كەلىپ، ماڭگى ومىرگە يە بولۋ ٷشىن نە ىستەۋ كەرەكتىگىن سۇرادى. ول قۇدايدىڭ وسيەتتەرىن كىشكەنتاي كەزىنەن ورىنداپ كەلە جاتقانىن ايتقاندا، يسا: «مەنىڭ ٸزباسارىم بول»،— دەدى. ٵرى قاراي نە بولعانىن بىلەسىڭ بە؟ ~
يسا جىگىتكە بايلىقتان گورى شاكىرت بولۋدىڭ ماڭىزدى ەكەنىن تۇسىندىرگەندە، ونىڭ كوڭىلى قاتتى ٴتۇسىپ كەتتى. ول ٶز بايلىعىن قۇدايدان كوبىرەك جاقسى كورگەندىكتەن، يساعا شاكىرت بولىپ ەرمەدى (لۇقا 18:18—25).
يسا شامامەن ٴبىر جارىم جىل قىزمەت ەتكەن سوڭ، شاكىرتەرىنىڭ اراسىنان ون ەكى ادامدى ەلشى ەتىپ تاڭدادى. ەلشىلەر — ەرەكشە تاپسىرمامەن جىبەرىلگەن كىسىلەر. سەن ولاردىڭ ەسىمىن بىلەسىڭ بە؟ ~ كەل، قازىر سولارمەن تانىسىپ كورەيىك. كەلەسى بەتتەگى سۋرەتكە قاراپ، ولاردىڭ ەسىمدەرىن اتاشى. ەندى ٴارقايسىسىنىڭ ەسىمىن جاتقا ايتىپ كور.
ۋاعىز ايتىپ جۇرگەن يساعا كومەكتەسكەن مىنا ايەلدەر كىمدەر؟
الايدا 12 ەلشىنىڭ ٴبىرى كەيىن جامان بولىپ كەتەدى. ول — ياھۋدا يسقاريوت. سوندىقتان ونىڭ ورنىنا باسقا ٴبىر ادام ەلشى بولادى. ونىڭ ەسىمىن بىلەسىڭ بە؟ ~ ول — ماتيا. كەيىنىرەك پاۋىل مەن بارنابا دا ەلشى بولدى، ٴبىراق ولار 12 ەلشىنىڭ قاتارىنا كىرمەدى (ەلشىلەردىڭ ىستەرى 1:23—26؛ 14:14).
وسى كىتاپتىڭ ٴبىرىنشى تاراۋىنان بىلگەنىمىزدەي، يسا بالالارعا كوڭىل بولگەن. نەگە ەكەنىن بىلەسىڭ بە؟ ~ ويتكەنى يسا ولاردىڭ دا وزىنە شاكىرت بولا الاتىنىن بىلگەن. شىنىندا دا، ٴجيى بالالاردىڭ ايتقانى ۇلكەندەردى ۇلى ۇستازدى تىڭداۋعا جانە ودان ٴتالىم الۋعا تالپىندىرىپ جاتادى.
يسانىڭ شاكىرتتەرىنىڭ اراسىندا ايەلدەر دە بولعان. يسا باسقا قالالارعا ۋاعىزداۋعا بارعاندا، ولاردىڭ كەيبىرى قاسىندا جۇرگەن. ولاردىڭ كەيبىرى — ماعدالا دەپ اتالاتىن ٴماريام، جوحاننا جانە سۋزاننا. بۇل ايەلدەر سونداي-اق يساعا تاماق ٴپىسىرىپ، كيىمدەرىن جۋىپ كومەكتەسكەن بولۋ كەرەك (لۇقا 8:1—3).
سەنىڭ دە يسانىڭ شاكىرتى بولعىڭ كەلە مە؟ ~ ەسىڭدە بولسىن، يسانىڭ شاكىرتىمىن دەپ ايتۋ شىنىمەن ونىڭ شاكىرتى بولۋدى بىلدىرمەيدى. قايدا جۇرسەك تە، ٴجۇرىس-تۇرىسىمىز يسانىڭ شاكىرتىنە لايىقتى بولۋ كەرەك. ماسىحشىلەر قاۋىمىنىڭ كەزدەسۋىنەن باسقا تاعى قاي جەردە يسا سياقتى ارەكەت ەتۋ ماڭىزدى دەپ ويلايسىڭ؟ ~
ٴيا، ۇيدە، سونداي-اق مەكتەپتە. يسانىڭ شىنايى شاكىرتى بولۋ ٷشىن ٴبىز كۇن سايىن، 24 ساعات بويى، قايدا جۇرسەك تە، يسا سياقتى ارەكەت ەتۋىمىز قاجەت. وسىنى ەشقاشان ۇمىتپا!
يسانىڭ شاكىرتى ەكەنىمىزدى قاي جەردە كورسەتۋ ماڭىزدى؟
قازىر يسانىڭ شاكىرتتەرى تۋرالى كيەلى كىتاپتا نە جازىلعانىن وقىپ كورەيىك: ماتاي 28:19، 20؛ لۇقا 6:13—16؛ جوحان 8:31، 32 جانە پەتىردىڭ 1-حاتى 2:21.
قىزىقتى بولار مالىمەتتەر
يسا پايعامبار — جول، شىندىق، ٶمىر
شاكىرت بولۋ شەشىمىنىڭ ماڭىزدىلىعى
يسانىڭ شاكىرتى بولۋ ادامعا ۇلكەن جاۋاپكەرشىلىك جۇكتەيدى. يسا شاكىرت بولۋدىڭ نەنى بىلدىرەتىنىن اشىق ايتتى.
يسا پايعامبار — جول، شىندىق، ٶمىر
يسا شاكىرت جيناي باستادى
يسانىڭ التى شاكىرتى ٴماسىحتى تاپقاندارىنا قالاي سەنىمدى بولدى؟
