အခန်း ၁၃
ယေရှုရဲ့တပည့် ဖြစ်လာသူတွေ
သူ ဘယ်သူလဲ။ ယေရှုရဲ့တပည့် ဘယ်လို ဖြစ်လာသလဲ
အသက်ရှင်ခဲ့သမျှမှာ ဘယ်သူဟာ ဘုရားသခင်ရဲ့ အကောင်းဆုံး အစေခံကျွန် ဖြစ်သလဲ။— မှန်တယ်၊ ယေရှုခရစ်ပဲ။ တို့တစ်တွေကော ယေရှုနဲ့ တူနိုင်မယ် ထင်သလား။— ဒါပေါ့၊ ယေရှုဟာ တို့တစ်တွေ လိုက်လျှောက်ဖို့ စံနမူနာ ထားခဲ့တယ်လို့ ကျမ်းစာက ဆိုထားတယ်။ ပြီးတော့ သူ့တပည့် ဖြစ်လာဖို့လည်း ဖိတ်ခေါ်ထားတယ်။
ယေရှုတပည့် ဖြစ်တယ်ဆိုတာ ဘာအဓိပ္ပာယ်လဲ သိသလား။— အဓိပ္ပာယ်အမျိုးမျိုး ရှိတယ်။ ပထမအနေနဲ့ ယေရှုဆီက နည်းခံသင်ယူရမယ်။ ဒါတင်မကသေးဘူး။ ယေရှု ပြောတာတွေကို တကယ် ယုံကြည်ရမယ်။ ယုံကြည်ရင် သူခိုင်းတာကို တို့တစ်တွေ လုပ်ကြရမယ်။
ယေရှုကို ယုံကြည်တယ်လို့ လူအတော်များများ ပြောကြတယ်။ သူတို့အားလုံး ယေရှုရဲ့တပည့် အစစ်တွေလား။— အများအားဖြင့် မဟုတ်ကြဘူး။ ဘုရားကျောင်း သွားချင်သွားမယ်။ ဒါပေမဲ့ အများစုကတော့ ယေရှု သင်ပေးခဲ့တာကို မလေ့လာ၊ မသင်ယူကြဘူး။ တကယ်တော့ ယေရှုရဲ့ စံနမူနာကို လိုက်လျှောက်သူတွေသာ ယေရှုတပည့် ဖြစ်ကြတယ်။
ယေရှု ကမ္ဘာပေါ် လူသားတစ်ဦးအနေနဲ့ ရှိစဉ်က ယေရှုတပည့် ဖြစ်ခဲ့သူတချို့အကြောင်း ပြောကြရအောင်။ ယေရှုရဲ့ ဦးဆုံးတပည့် ဖြစ်လာသူ တစ်ယောက်ကတော့ ဖိလိပ္ပုပါ။ ဖိလိပ္ပုဟာ ပုံမှာ သစ်ပင်အောက် ထိုင်နေတဲ့ မိတ်ဆွေ (ဗာသောလမဲ လို့ခေါ်တဲ့) နာသနေလကို သွားရှာတယ်။ နာသနေလ လာတဲ့အခါ ယေရှုက ‘သူဟာ လှည့်စားခြင်း ကင်းတဲ့သူ၊ အစ္စရေးပီသတဲ့သူပဲ’ လို့ပြောတယ်။ နာသနေလက တအံ့တသြနဲ့ ‘ကျွန်တော့်ကို ဘယ်လို သိတာလဲ’ လို့ မေးတယ်။
တပည့်ဖြစ်ဖို့ ဘယ်သူတွေကို ယေရှု ဖိတ်ခေါ်နေသလဲ
ယုဒရှကာရုတ်၊ ယုဒ (သဒ္ဒဲလို့လည်းခေါ်)၊ ရှိမုန်
ဖိလိပ္ပုနဲ့ နာသနေလတို့ မတိုင်ခင်မှာ ယေရှုတပည့် ဖြစ်လာသူတွေ ရှိတယ်။ သူတို့ကတော့ ပေတရုနဲ့ သူ့ညီ အန္ဒြေ၊ ယာကုပ်နဲ့ သူ့ညီ ယောဟန်တို့ ဖြစ်ကြတယ်။ (ယောဟန် ၁:၃၅-၅၁) ဒါပေမဲ့ မကြာခင် ဒီလေးယောက်ဟာ သူတို့ရဲ့ ငါးဖမ်းလုပ်ငန်းကို ပြန်လုပ်ကြတယ်။ တစ်နေ့ ဂါလိလဲအိုင်ကမ်းစပ်မှာ ယေရှု လမ်းလျှောက်နေတုန်း ပေတရုနဲ့ အန္ဒြေတို့ ပိုက်ကွန်ချနေတာကို မြင်လိုက်တယ်။ ယေရှုက “ကျွန်တော့်နောက်ကို လိုက်ခဲ့ပါ” ဆိုပြီး သူတို့ကို ခေါ်တယ်။
ယာကုပ် (အာလဖဲရဲ့သား)၊ သောမ၊ မဿဲ
နာသနေလ၊ ဖိလိပ္ပု၊ ယောဟန်
သူတို့ ယေရှုနောက်လိုက် ဖြစ်လာပြီးနောက် အမြဲ မှန်တာချည်းပဲ လုပ်ကြတယ်လို့ ဆိုလိုသလား။— မဟုတ်ဘူး။ သူတို့ထဲမှာ ဘယ်သူ အကြီးမြတ်ဆုံးလဲဆိုပြီး အငြင်းပွားခဲ့ကြတာ သတိရမှာပေါ့။ ဒါပေမဲ့ ယေရှုရဲ့ စကားကို နားထောင်ပြီး ပြုပြင်ပြောင်းလဲခဲ့ကြတယ်။ တို့တစ်တွေလည်း ပြုပြင်ပြောင်းလဲချင်စိတ် ရှိမယ်ဆိုရင် ယေရှုရဲ့တပည့် ဖြစ်နိုင်တာပဲ။
ယာကုပ် (ယောဟန်ရဲ့ အစ်ကို)၊ အန္ဒြေ၊ ပေတရု
ယေရှုက မိမိတပည့်ဖြစ်ဖို့ လူအမျိုးမျိုးကို ဖိတ်ခေါ်တယ်။ တစ်ခေါက်ကျတော့ ချမ်းသာတဲ့ အရာရှိလေးတစ်ယောက် ယေရှုဆီ လာပြီး ထာဝရအသက် ရဖို့ ဘာလုပ်ရမလဲလို့ မေးတယ်။ ငယ်ငယ်ကတည်းက ဘုရားပညတ်တွေကို လိုက်နာခဲ့ပါပြီလို့ ပြောတော့ ယေရှုက “ကျွန်တော့်နောက်လိုက် လုပ်ပါ” လို့ ဖိတ်ခေါ်လိုက်တယ်။ ဘာဆက်ဖြစ်သလဲ သိသလား။—
ယေရှုတပည့် ဖြစ်တယ်ဆိုတာ ချမ်းသာကြွယ်ဝတာထက် ပိုအရေးကြီးမှန်း အဲဒီအရာရှိ သိလိုက်ရတဲ့အခါ တအားဝမ်းနည်းသွားတယ်။ သူဟာ ဘုရားသခင်ထက် ငွေကို ပိုချစ်လို့ ယေရှုရဲ့တပည့် ဖြစ်မလာဘူးလေ။—လုကာ ၁၈:၁၈-၂၅။
တစ်နှစ်ခွဲလောက် ဟောပြောပြီးနောက် တပည့် ၁၂ ယောက်ကို တမန်တော်များအဖြစ် ယေရှု ရွေးချယ်လိုက်တယ်။ တမန်တော်ဆိုတာ အထူးလုပ်ငန်း ထမ်းဆောင်ဖို့ စေလွှတ်ခံရတဲ့ အမျိုးသားတွေကို ပြောတာ။ သူတို့ရဲ့နာမည်ကို သိသလား။— ကြည့်ရအောင်။ သူတို့ပုံကို ကြည့်ပြီး နာမည်တွေ ပြောနိုင်မလား။ ပြီးတော့ သူတို့နာမည်ကို အလွတ်ပြောပြပါလား။
ယေရှု ဟောပြောဖို့ သွားတဲ့အခါ လိုက်ပါကူညီပေးတဲ့ ဒီအမျိုးသမီးတွေက ဘယ်သူတွေလဲ
နောက်တော့ တမန်တော် ၁၂ ယောက်ထဲက တစ်ယောက် လူဆိုး ဖြစ်သွားတယ်။ ယုဒရှကာရုတ် ပဲပေါ့။ ပြီးတဲ့နောက် တပည့်တစ်ယောက်ကို တမန်တော်အဖြစ် ရွေးချယ်လိုက်ရတယ်။ တမန်တော် ၁:၂၃-၂၆။ ၁၄:၁၄။
သူ့နာမည်သိသလား။— မဿိပဲ။ နောက်ပိုင်းမှာ ပေါလုနဲ့ ဗာနဗတို့လည်း တမန်တော်တွေ ဖြစ်လာပေမဲ့ ၁၂ ယောက်အဝင်တော့ မဟုတ်ကြဘူး။—ဒီစာအုပ် အခန်း ၁ မှာ သိခဲ့ရတဲ့အတိုင်း ယေရှုက ကလေးတွေကို စိတ်ဝင်စားတယ်။ ဘာဖြစ်လို့လဲ။— ကလေးတွေလည်း သူ့တပည့် ဖြစ်လာနိုင်မှန်း သိလို့ပေါ့။ တကယ်တော့ ကလေးတွေဟာ လူကြီးတွေ နားထောင်ချင်အောင်၊ ကြီးမြတ်တဲ့ဆရာအကြောင်း ပိုပြီး သင်ယူချင်အောင် ပြောတတ်ကြတယ်ကွဲ့။
အမျိုးသမီး အတော်များများလည်း ယေရှုရဲ့ တပည့်တွေ ဖြစ်လာကြတယ်။ တချို့က တခြားမြို့ရွာတွေကို ယေရှု သွားဟောပြောတဲ့လုကာ ၈:၁-၃။
အခါ လိုက်သွားကြတယ်။ မာဂဒလ မာရိ၊ ယောဟန္န၊ ရှုရှန္နတို့လည်း ပါတယ်။ ယေရှုအတွက် စားဖို့သောက်ဖို့ ပြင်ဆင်တာ၊ အဝတ်အစား လျှော်ဖွပ်တာတို့ လုပ်ပေးကြမှာပဲ။—ကလေးတို့ကော ယေရှုရဲ့တပည့် ဖြစ်ချင်ကြသလား။— ယေရှုတပည့်ပါလို့ ပြောရုံနဲ့ တပည့်ဖြစ်မလာဘူးဆိုတာ မှတ်ထားရမယ်။ ဘယ်နေရာ ရောက်ရောက် ယေရှုရဲ့ တပည့်တစ်ယောက်လို ပြုမူရမယ်။ ခရစ်ယာန် အစည်းအဝေးတွေ တက်ချိန်လောက်ပဲ မဟုတ်ဘူး။ ယေရှုရဲ့တပည့်လို ပြုမူရမယ့် နေရာတွေကို စဉ်းစားမိသလား။—
ဟုတ်တယ်၊ အိမ်မှာ။ နောက်တစ်နေရာကတော့ ကျောင်းမှာပဲ။ တို့တစ်တွေအားလုံး မမေ့ရမယ့် အချက်ကတော့ ယေရှုရဲ့တပည့်စစ် ဖြစ်ဖို့ဆိုရင် ဘယ်နေရာမှာရှိရှိ အမြဲတမ်း ယေရှုလိုပဲ ပြုမူနေထိုင်ရမယ်ကွဲ့။
ဘယ်နေရာမှာ ယေရှုရဲ့ တပည့်တစ်ယောက်လို ပြုမူရမလဲ
ယေရှုတပည့်တွေအကြောင်း ကျမ်းစာ ဘာပြောသလဲဆိုတာ မဿဲ ၂၈:၁၉၊ ၂၀။ လုကာ ၆:၁၃-၁၆။ ယောဟန် ၈:၃၁၊ ၃၂။ ၁ ပေတရု ၂:၂၁ တို့မှာ အခုပဲ အတူတူ ဖတ်ကြမယ်။