18 تاراۋ
راقمەت ايتۋدى ۇمىتپاي ٴجۇرسىڭ بە؟
سەن بۇگىن تاماق جەدىڭ بە؟ ~ ونى كىم دايىنداعانىن بىلەسىڭ بە؟ ~ اناڭ نە ۇيدەگىلەردىڭ بىرەۋى دايىنداعان شىعار. وندا نەگە تاماق ٷشىن قۇدايعا راقمەت ايتۋىمىز كەرەك؟ ~ ويتكەنى بىزگە ازىق بولاتىن داقىلداردىڭ ٴبارىن وسىرگەن — قۇداي. استى ازىرلەگەن ادامعا دا راقمەت ايتۋىمىز كەرەك.
كەيدە ٴبىز جاقسىلىق جاساعان ادامعا راقمەت ايتۋدى ۇمىتىپ كەتىپ جاتامىز، كەلىسەتىن شىعارسىڭ. ۇلى ۇستاز جەردە قىزمەت ەتكەن كەزدە، الاپەستەن ايىققان بىرنەشە ادام وعان ريزاشىلىق ٴبىلدىرۋدى ۇمىتىپ كەتكەن بولاتىن.
الاپەس دەگەننىڭ نە ەكەنىن بىلەسىڭ بە؟ ~ بۇل — جۇقپالى اۋرۋ. الاپەسپەن اۋىرعان ادامنىڭ ٴتىپتى كەيبىر دەنە مۇشەسى ٴشىرىپ ٴتۇسىپ قالۋى مۇمكىن. يسا جەردە ٶمىر سۇرگەن زاماندا الاپەسپەن اۋىراتىن ادامدار وزگەلەردەن بولەك ٶمىر سۇرەتىن. ەگەر الىستان بىرەۋدىڭ كەلە جاتقانىن كورسە: «تازا ەمەسپىن!»— دەپ ايعايلايتىن. سوندا ادامدار اۋرۋدى جۇقتىرىپ الماس ٷشىن، الاپەس ادامنان اۋلاق جۇرەتىن.
يسا الاپەستەرگە وتە مەيىرىمدى بولعان. بىردە ول يەرۋساليمگە بارا جاتادى. جولدا شاعىن ٴبىر قالاعا جاقىنداعاندا، يسانى الاپەسپەن اۋىرعان ون ادام كورەدى. قۇداي يساعا بارلىق اۋرۋدى ساۋىقتىراتىن قۇدىرەت بەرگەنىن ولار بىلەتىن.
ولار يسانىڭ قاسىنا جاقىنداماي، شەتتە تۇردى. سويتسە دە يسانىڭ وزدەرىن الاپەستەن ايىقتىرا الاتىنىنا
سەنىپ، الىسىراق جەردەن: «يسا، ۇستاز، بىزگە كومەكتەسە كورىڭىز!»— دەپ ايعايلادى.اۋىرىپ جۇرگەن ادامدارعا سەنىڭ جانىڭ اشي ما؟ ~ يسانىڭ جانى اشىعان. ول الاپەس ادامنىڭ قاتتى قينالاتىنىن تۇسىنگەن. سوندىقتان الاپەس كىسىلەرگە: «بارىپ، وزدەرىڭدى ٴدىني قىزمەتكەرلەرگە كورسەتىڭدەر»،— دەدى (لۇقا 17:11—14).
نەگە يسا ولارعا بۇلاي دەدى؟ ويتكەنى الاپەستەرگە قاتىستى ەحوبانىڭ زاڭىندا سولاي ەتۋ قاجەت ەكەنى ايتىلعان. ٴدىني قىزمەتكەر ولاردىڭ ٷستى-باسىن تەكسەرىپ، اۋرۋدان جازىلعان-جازىلماعانىن انىقتاپ بەرەتىن. ەگەر ادام الاپەستەن تازارسا، وعان كوپشىلىكپەن بىرگە ٶمىر سۇرۋگە رۇقسات ەتىلەتىن (لەۋىلىكتەر 13:16، 17).
ٴبىراق مىنا ادامدار الاپەستەن ٵلى ايىقپاعان ەدى. سوندا دا ولار يسانىڭ ايتقانىن ىستەپ، ٴدىني قىزمەتكەرگە بارار ما ەكەن؟ ~ ٴيا، ولار بىردەن جولعا شىقتى. ويتكەنى يسانىڭ وزدەرىن ايىقتىرا الاتىنىنا سەنگەن ەدى. ٵرى قاراي نە بولدى ەكەن؟
ٴدىني قىزمەتكەرگە بارا جاتقان جولدا ٴبارى دە الاپەستەن ساۋىعىپ، دەنەلەرى تازارادى. يسانىڭ كۇشىنە سەنگەندەرىنىڭ ارقاسىندا ٴبارى دە قۇلانتازا ايىعىپ كەتتى. سوندا ولاردىڭ قالاي قۋانعاندارىن ەلەستەتىپ كورشى! ال ەندى ريزاشىلىقتارىن ٴبىلدىرۋ ٷشىن ولار نە ىستەۋ كەرەك ەدى؟ سەن نە ىستەر ەدىڭ؟ ~
ساۋىققان ادامنىڭ ٴبىرى يساعا قايتىپ كەلدى. ول ەحوبا تۋرالى جاقسى سوزدەر ايتىپ، ونى ماداقتاي باستادى. بۇلاي ەتكەنى دۇرىس ەدى، ويتكەنى ادامداردى ساۋىقتىرۋ ٷشىن يساعا كۇش بەرگەن — قۇداي. سوسىن، ول ۇلى ۇستازدىڭ اياعىنا جىعىلىپ، وعان دا راقمەت ايتتى. ويتكەنى جاقسىلىعى ٷشىن يساعا ريزا ەدى.
قالعان توعىز كىسى شە؟ «ساۋىققاندار ون كىسى ەمەس پە ەدى، توعىزى قايدا؟ قۇدايدى ماداقتاۋعا باسقا ەشكىم قايتىپ كەلمەدى مە؟»— دەپ سۇرادى يسا.
لۇقا 17:15—19).
شىنىندا دا، قۇدايدى ماداقتاپ، يساعا راقمەت ايتۋ ٷشىن ون كىسىنىڭ بىرەۋى عانا كەلگەن. ول ساماريالىق بولاتىن، ياعني باسقا ەلدەن كەلگەن ادام ەدى. قالعان توعىزى قۇدايعا دا، يساعا دا ريزاشىلىق بىلدىرمەدى (وسى ادامداردىڭ قايسىسى ساعان ۇنادى؟ ٴبىز ساماريالىق كىسىگە ۇقساعىمىز كەلەدى عوي، ٴيا؟ ~ سونىمەن، بىرەۋ بىزگە جاقسىلىق جاساسا، نەنى ۇمىتپاۋىمىز كەرەك؟ ~ دۇرىس، راقمەت ايتۋدى ۇمىتپاۋىمىز كەرەك. ادامدار مۇنى ٴجيى ۇمىتىپ كەتەدى، ٴبىراق بۇل دۇرىس ەمەس. راقمەت ايتۋدى ادەتكە اينالدىرساق، ەحوبا قۇداي مەن ونىڭ ۇلى يساعا ۇنامدى بولامىز.
ويلانىپ كورسەڭ، ساعان كىمنىڭ قانداي جاقسىلىق جاساعانى ەسىڭە تۇسەدى. مىسالى، اۋىرعان كەزىڭ ەسىڭدە مە؟ ~ ون كىسى سياقتى الاپەسپەن اۋىرماساڭ دا، تۇماۋراتقان شىعارسىڭ نەمەسە ٸشىڭ اۋىرعان بولار. سوندا ساعان كىم قارادى؟ ~ ول ساعان ٴدارى-دارمەك بەرىپ، قامقورلىق كورسەتتى. وسى كومەكتىڭ ارقاسىندا سەن جازىلىپ كەتكەنىڭە قۋاندىڭ با؟ ~
ساماريالىق كىسى ساۋىققانى ٷشىن راقمەت ايتقاندا، يسا قۋانىپ قالدى. قالاي ويلايسىڭ، قامقورلىق كورسەتكەنى ٷشىن اكەڭە نەمەسە اناڭا راقمەت ايتساڭ، ولار قۋانا ما؟ ~ ارينە، قۋانادى.
كەيبىر ادامدار بىزگە كۇن سايىن، اپتا سايىن جاقسى ىستەر جاساپ جاتادى. بۇل ولاردىڭ جۇمىسى بولسا دا، ونى قۋانىشپەن
ىستەپ جۇرگەن شىعار. كەيدە ولارعا راقمەت ايتۋدى ۇمىتىپ كەتۋىڭ مۇمكىن. مىسالى، ٴمۇعالىمىڭ ساعان ٴبىلىم بەرۋ ٷشىن كوپ ەڭبەك ەتۋدە. بۇل — ونىڭ جۇمىسى بولسا دا، ەڭبەگى ٷشىن العىس ايتساڭ، ول قۋانىپ قالادى.كەيدە ساعان ادامدار كىشىگىرىم كومەك كورسەتۋى مۇمكىن. مىسالى، بىرەۋ سەنىڭ اۋىر زاتىڭدى كوتەرىسكەن شىعار. نەمەسە داستارقان باسىندا قولىڭ جەتپەي تۇرعان تاماقتى اپەرگەن بولار. وسىنداي كىشىگىرىم كومەككە دە راقمەت ايتقانىڭ دۇرىس.
ەگەر جەردەگى ادامدارعا راقمەت ايتۋدى ۇمىتپاساق، كوكتەگى اكەمىزگە دە ريزاشىلىق ٴبىلدىرۋدى ۇمىتپايتىن بولامىز. ەحوبانىڭ العىس ايتۋىمىزعا لايىق جاقسىلىقتارى كوپ! ول بىزگە ٶمىر سيلادى جانە قۋانىش اكەلەتىننىڭ ٴبارىن بەردى. سوندىقتان قۇداي تۋرالى جاقسى سوزدەر ايتىپ، ونى كۇن سايىن ماداقتاپ جۇرەيىك.
ريزاشىلىق ٴبىلدىرۋ تۋرالى مىنا تارماقتاردان وقى: زابۋر 91:2؛ ەفەستىكتەرگە 5:20؛ قولوستىقتارعا 3:17 جانە سالونيكالىقتارعا 1-حات 5:18.