XOOKIL 36
¿Máaxoʼob kun kaʼa kuxtal? ¿Tuʼux kun kajtaloʼob?
TEʼ KAʼAPʼÉEL xook tsʼoʼok k-ilkoʼ, t-ileʼ yaan máaxoʼob kaʼa kuxkíintaʼabi. ¿Jaytúuloʼob kaʼachi?... Cinco. ¿Jaytúul mejen paalaliʼ?... Óoxtúul, yéetel juntúul táankelem xiʼipal. ¿Baʼax a tuklik ku kaʼansiktoʼon leloʼ?...
2 Ku kaʼansiktoʼoneʼ Dioseʼ u yaabiltmaj le mejen paalaloʼob yéetel le táankelmoʼoboʼ. Baʼaleʼ yaan xan u kaʼa kuxtal yaʼabkach máakoʼob. Baʼaleʼ ¿chéen wa ta tʼaan le máaxoʼob beet baʼaloʼob maʼalobtakoʼ?... Maʼ xaaneʼ k-tuklikeʼ chéen. Baʼaleʼ yaʼabkach máakoʼobeʼ maʼ tu kʼaj óoltoʼob u jaajil yoʼolal Jéeoba yéetel yoʼolal u Hijoiʼ. Tu beetoʼob baʼaloʼob kʼaastak, tumen chéen le tu kanoʼob. ¿Yaan wa ta tʼaan u kaʼa kuxkíintaʼaloʼob xan tumen Jéeoba?...
3 Le Bibliaoʼ ku yaʼalikeʼ yaan «u kaʼa kuxkíintaʼal le kimenoʼo[boʼ] [...], le utsoʼoboʼ bey xan le kʼasaʼanoʼoboʼ» (Baʼaxoʼob 24:15). ¿Baʼaxten yaan u kaʼa kuxkíintaʼal le kʼasaʼan máakoʼob wa le máaxoʼob maʼ tu beetoʼob baʼax utsoʼ?... Tumen maʼ anchaj u páajtalil u kankoʼob baʼax uts tu tʼaan Jéeoba ka u beetoʼobiʼ.
¿Baʼaxten yaan u kuxkíintaʼal tumen Dios tak máaxoʼob maʼ tu beetoʼob baʼaxoʼob maʼalobiʼ?
4 ¿Baʼax kʼiin a tuklik ken kaʼa kuxkíintaʼak le kimenoʼoboʼ?... Tukult lelaʼ: le ka kíim Lázaroeʼ, Jesuseʼ tu yaʼalaj tiʼ Marta, u kiik: «A wíitsʼineʼ yaan u líikʼil», letiʼeʼ tu núukajtiʼ: «Teneʼ in wojel yaan u líikʼil ken kaʼa kuxkíintaʼak le kimenoʼob teʼ tu tsʼook kʼiinoʼ» (Juan 11:23, 24). ¿Baʼax tu yóotaj u yaʼal Marta le ka tu yaʼalaj Lázaroeʼ yaan u kaʼa kuxkíintaʼal «teʼ tu tsʼook kʼiinoʼ»?...
¿Tuʼux kun antal le Paraíso tu yaʼalaj Jesús tiʼ le máakaʼ?
5 Martaeʼ u yuʼubmaj le baʼax u yaʼalmaj Jesusaʼ: ‹Tuláakal le máaxoʼob yanoʼob ichil le muknaloʼoboʼ yaan u jóokʼloʼob› (Juan 5:28, 29). Le «u tsʼook kʼiinoʼ» letiʼe kʼiin ken kaʼa kuxkíintaʼak tuláakal le máaxoʼob yanoʼob tu tuukul Diosoʼ. Maʼ táan u tʼaan tiʼ junpʼéel kʼiin de veinticuatro horasiʼ, baʼaxeʼ táan u tʼaan tiʼ mil jaʼaboʼob. Le Bibliaoʼ ku yaʼalikeʼ teʼ kʼiin jeʼeloʼ ‹Dioseʼ yaan u juzgartik u kajnáaliloʼob Luʼum›, ichiloʼobeʼ tiaʼan le máaxoʼob kun kaʼa kuxtaloʼ (Baʼaxoʼob 17:31; 2 Pedro 3:8).
6 Chéen tukult bukaʼaj wal jatsʼutsil ken béeyakeʼ. Ichil tuláakal le mil jaʼaboʼoboʼ yaan u kaʼa kuxtal u millonesil máakoʼob. Jesuseʼ tu yaʼaleʼ tiʼ junpʼéel Paraíso kun kajtal tuláakal le máaxoʼob kun kaʼa kuxtaloʼ. ¿Tuʼux kun antal le Paraísooʼ, yéetel bixi? Koʼox ilik.
7 Kex óoxpʼéel hora táanil tiʼ u kíimil Jesús teʼ cheʼoʼ, tʼaanaj tiʼ le Paraíso yéetel le máak chʼuykíintaʼan tu tséeloʼ. Le máakoʼ u beetmaj Lucas 23:42, 43).
baʼaloʼob kʼaastak, le oʼolal yaan u kíimsaʼal. Baʼaleʼ le ka tsʼoʼok u kʼaj óoltik Jesús yéetel u yuʼubik le baʼax ku yaʼalaʼal tu yoʼolaloʼ, káaj u creertik baʼax ku kaʼansik, le oʼolal tu yaʼalajtiʼ: «Kʼaʼajsen ken ookkech ta Reino». Jesuseʼ tu yaʼalajtiʼ: «Tu jaajil kin waʼaliktech bejlaʼeʼ: Yaan a wantal tin wéetel teʼ Paraísooʼ» (Ken k-xok yoʼolal le Paraísooʼ, ¿tiʼ baʼax unaj k-tuukul?
8 ¿Baʼax tu yóotaj u yaʼal Jesús yéetel le tʼaanoʼobaʼ? ¿Tuʼux yaan le Paraísooʼ?... ¿Kʼajaʼan wa tech tuʼux anchaj le yáax Paraísooʼ?... Kʼaʼajaktecheʼ, Dioseʼ tu tsʼáaj Adán yéetel Eva, u yatan, tiʼ junpʼéel paraíso way Luʼumeʼ. Ku kʼaabaʼtik kaʼacheʼ Edén. Teʼeloʼ yaan kaʼach baʼalcheʼobiʼ, baʼaleʼ maʼatech u beetkoʼob loob tiʼ mix máak. Yaan xan cheʼob ku yichankiloʼob utiaʼal jaantbiliʼ, yéetel yaan junpʼéel nojoch áalkab jaʼiʼ. Junpʼéel jatsʼuts kúuchil utiaʼal u kajtal máak (Génesis 2:8-10).
9 Le oʼolal ken k-xok yaan u yantal teʼ Paraíso le kʼasaʼan máakoʼ, unaj k-tuklikeʼ le Luʼumaʼ yaan u jatsʼutskíintaʼal utiaʼal u kajtal máak. ¿Yaan wa túun u yantal Jesús teʼ Paraíso way Luʼum yéetel le máak beetik baʼax kʼaas kaʼachoʼ?... Maʼatan. ¿A wojel wa baʼaxten?...
10 Tumen Jesuseʼ tiʼ kun antal teʼ kaʼan utiaʼal u gobernar yóokʼol le Paraíso way Luʼumaʼ. Tumen yaan u kaʼa kuxkíintaʼal tumen Jesús yéetel yaan u tsʼáaik baʼaxoʼob kʼaʼabéettiʼeʼ, bey yaan u yantal tu yéeteleʼ. Baʼaleʼ ¿baʼaxten yaan u chaʼik u kuxtal teʼ Paraíso juntúul máax beet baʼaloʼob kʼaastakoʼ?... Koʼox ilik baʼaxten.
11 Táanil tiʼ u tʼaan le máak yéetel Jesusoʼ, ¿u yojel wa baʼax u tukultmaj u beetik Dios?... Maʼatech, maʼ u yojliʼ. Tu beetaj baʼaloʼob kʼaastak tumen maʼ u yojel u jaajil yoʼolal Diosiʼ. Baʼaleʼ teʼ Paraísooʼ, yaan u kaʼansaʼaltiʼ baʼax u tukultmaj Jéeoba yoʼolal wíinik yéetel yaan u tsʼaʼabal u páajtalil u yeʼesik yéetel baʼaxoʼob ku beetik wa jach tu jaajil u yaabiltmaj Dios.
12 ¿Teʼ Paraíso wa kun kajtal tuláakal le máaxoʼob kun kaʼa kuxkíintbiloʼoboʼ?... Maʼatech. ¿A wojel wa baʼaxten?... Tumen yanoʼobeʼ yaan u kaʼa kuxtaloʼob utiaʼal u binoʼob teʼ kaʼan yéetel Jesusoʼ. Yaan u reinaroʼob tu yéetel yóokʼol le Luʼum sutaʼan Paraísoiloʼ. Koʼox ilik baʼaxten k-aʼalik beyoʼ.
13 Le áakʼab táanil tiʼ u kíimiloʼ, Jesuseʼ tu yaʼalaj tiʼ u apostoloʼob: ‹Tu yotoch in Taataeʼ yaan yaʼab kúuchiloʼobiʼ. Táan in bin in preparart junpʼéel kúuchil utiaʼal a wantaleʼexiʼ›. Tsʼoʼoleʼ ka tu yaʼalajtiʼob: «Yaan in suut, yéetel teen ken in kʼameʼex teʼ najoʼ, beyoʼ le tuʼux kin antaloʼ tiʼ xan kan antaleʼexiʼ» (Juan 14:2, 3).
Juan 17:4, 5). Jesuseʼ tu yaʼalaj tiʼ u apostoloʼob yéetel tiʼ u disipuloʼob yaan u kaʼa kuxkíintaʼaloʼob utiaʼal u binoʼob teʼ kaʼanoʼ. ¿Baʼax ken u beetoʼobiʼ?... Le Bibliaoʼ ku yaʼalikeʼ le disipuloʼoboʼ táakaʼanoʼob «ichil le yáax máakoʼob ku kaʼa kuxkíintaʼaloʼoboʼ» yaan u binoʼob kaʼan «yéetel yaan u reinaroʼob tu yéetel ichil le mil jaʼaboʼoboʼ» (Apocalipsis 5:10; 20:6; 2 Timoteo 2:12).
14 ¿Tuʼux bin Jesús ka tsʼoʼok u kaʼa kuxtal?... Suunaj teʼ kaʼan yiknal u Taataoʼ (15 ¿Jaytúul le máaxoʼob táakaʼanoʼob «ichil le yáax máakoʼob ku kaʼa kuxkíintaʼaloʼob» utiaʼal reinar yéetel Jesusoʼ?... Jesús, le Maʼalob j-Kaʼansajoʼ, tu yaʼalaj tiʼ u disipuloʼob: «Maʼ a chʼaʼikeʼex saajkil, chan múuchʼ tamaneʼex, tumen a Taataʼexeʼ tsʼoʼok u yaʼalik yaan u tsʼáaikteʼex le Reinooʼ» (Lucas 12:32). Le ‹chan múuchʼ tamanoʼob› kun binoʼob kaʼan utiaʼal reinar yéetel Jesusoʼ aʼalaʼan jach jaytúuloʼob. Le Bibliaoʼ ku yaʼalikeʼ «ciento cuarenticuatro mil» u túulaloʼob (Apocalipsis 14:1, 3).
¿Tuʼux kun kuxtal le máaxoʼob kun kaʼa kuxtaloʼoboʼ, yéetel baʼax ken u beetoʼob?
16 ¿Jaytúul máaxoʼob kun kajtal teʼ Paraíso way Luʼumaʼ?... Le Bibliaoʼ maʼatech u yaʼalik. Baʼaleʼ Dioseʼ tu yaʼalaj tiʼ Adán yéetel Eva le tiaʼanoʼob tu jardinil Edén ka yanak u paalaloʼob yéetel ka u chupoʼob le Luʼumaʼ. Kex maʼ béeychajeʼ, le baʼax u tukultmaj Diosoʼ maʼ kʼexpajiʼ, tumen yaan u kʼuchul u kʼiinil u chuʼupul le Luʼum yéetel máakoʼob utsoʼoboʼ (Génesis 1:28; Isaías 45:18; 55:11).
17 Chéen tukult bukaʼaj jatsʼutsil le kuxtal kun antal teʼ Paraísooʼ. Tuláakal le Luʼumaʼ jach yaan u jatsʼutstal, tumen yaan u yantal jejeláas cheʼob, looloʼob, chʼíichʼoʼob yéetel uláakʼ baʼalcheʼob. Mix máak kun muʼyaj yoʼolal kʼojaʼanil yéetel mix máak kun kíimil. Tuláakal máak ken u bisuba maʼalob. Wa k-kʼáat kuxtal utiaʼal minaʼan u xuul teʼ Paraísooʼ, unaj u káajal k-líiʼsikba.
Koʼox ilik uláakʼ tekstoʼob ku tʼaanoʼob tiʼ baʼax u tukultmaj Dios utiaʼal le Luʼum tiʼ Proverbios 2:21, 22; Eclesiastés 1:4; Isaías 2:4; 11:6-9; 35:5, 6, yéetel 65:21-24.