KAPITLU 38
Għala Għandna Nħobbu lil Ġesù
IMMAĠINAK qiegħed f’dgħajsa li qed tegħreq. Tkun tixtieq li xi ħadd isalvak?— X’tagħmel jekk xi ħadd imut biex isalvak?— Fil-fatt, hekk għamel Ġesù Kristu. Bħalma tgħallimna f’Kapitlu 37, hu ta ħajtu bħala fidwa sabiex aħna nkunu nistgħu nsalvaw.
Ovvjament, Ġesù ma jsalvaniex milli negħrqu. Minn xiex isalvana? Tiftakar?— Mid-dnub u l-mewt li kollha ħadna minn Adam. Avolja xi nies għamlu affarijiet ħżiena ħafna, Ġesù miet għalihom ukoll. Kont tissogra ħajtek biex tipprova ssalva lil nies bħal dawn?—
Il-Bibbja tgħid: “Bilkemm xi ħadd ikun irid imut għal bniedem ġust; iva, għat-tajjeb, forsi xi ħadd jissogra jmut.” Imma, il-Bibbja tispjega li Ġesù ‘miet għal nies mhux devoti.’ Fosthom hemm dawk in-nies li lanqas biss jaqdu lil Alla! Il-Bibbja tgħid ukoll: “Waqt li konna għadna midinbin [konna għadna nagħmlu affarijiet ħżiena], Kristu miet għalina.”—Rumani 5:6-8.
Taf b’xi appostlu li xi darba kien jagħmel affarijiet ħżiena ħafna?— Dak l-appostlu kiteb: “Kristu Ġesù ġie fid-dinja biex isalva lill-midinbin, li fosthom jien l-iktar li nispikka.” L-appostlu li qal hekk kien Pawlu. Hu qal li ‘darba kien bla sens’ u li kien jgħix “fil-ħażen.”—1 Timotju 1:15; Titu 3:3.
Aħseb ftit kemm kellu mħabba Alla biex bagħat lil Ibnu jmut għal nies hekk! Għax ma ġġibx il-Bibbja tiegħek u taqra dwar dan fi Ġwanni kapitlu 3, il-vers 16. Hemm jgħid: “Alla tant ħabb lid-dinja [jiġifieri, lin-nies li jgħixu fuq l-art] li ta l-Iben uniġenitu tiegħu, biex kulmin jeżerċita l-fidi fih ma jinqeridx imma jkollu l-ħajja taʼ dejjem.”
Minn liema tbatija għadda Ġesù biex jagħti ħajtu għalina?
Ġesù wera li kien iħobbna bħalma ħabbna Missieru. Forsi tiftakar li f’Kapitlu 30 taʼ dan il-ktieb qrajna dwar xi affarijiet li Ġesù bata fil-lejl meta ġie arrestat. Ħaduh id-dar tal-Qassis il-Kbir Kajfa biex jaraw jekk Ġesù hux ħati jew le. Ġew xi nies li gidbu dwar Ġesù, u kien hemm oħrajn li tawh daqqiet taʼ ponn. Dan kien meta Pietru ċaħad li jaf lil Ġesù. Issa ejja nimmaġinaw li taparsi qegħdin hemmhekk u nistgħu naraw xi jkompli jiġri.
Jisbaħ fil-għodu. Ġesù ilu mqajjem il-lejl kollu. Peress li l-proċess taʼ bil-lejl ma kienx skond il-liġi, il-qassisin isejħu malajr lis-Sinedriju, jew lill-qorti għolja Lhudija, u jerġgħu jagħmlu proċess ieħor. Hawnhekk jerġgħu jakkużaw lil Ġesù li għamel affarijiet ħżiena kontra Alla.
Imbagħad il-qassisin jorbtu lil Ġesù, u jiħduh għand Pilatu, il-gvernatur Ruman. Huma jgħidu lil Pilatu: ‘Ġesù huwa kontra l-gvern. Għandu jinqatel.’ Imma Pilatu jinduna li l-qassisin qed jigdbu. Allura Pilatu jgħidilhom: ‘Ma nsib xejn ħażin f’dan ir-raġel. Se nħallih jitlaq.’ Imma l-qassisin u oħrajn jgħajtu: ‘Le! Oqtlu!’
Iktar tard, Pilatu jerġaʼ jipprova jgħid lin-nies li se jeħles lil Ġesù. Imma l-qassisin iġagħlu lill-folol tan-nies jgħajtu: ‘Jekk tħallih jitlaq, int ukoll tkun kontra l-gvern! Oqtlu!’ In-nies jagħmlu storbju sħiħ. Taf x’jagħmel Pilatu?—
Hu jċedi. L-ewwel jordna li Ġesù jiġi msawwat. Imbagħad jagħtih lis-suldati biex joqtluh. Dawn ipoġġu kuruna tax-xewk fuq ras Ġesù u jidħqu bih billi joqogħdu jmilu quddiemu. Imbagħad
jagħtu lil Ġesù zokk twil xi jġorr u jiħduh barra l-belt lejn post jgħidulu Post il-Qorriegħa. Hemmhekk isammru lil Ġesù maz-zokk minn idejh u saqajh. Imbagħad iz-zokk ipoġġuh wieqaf u allura Ġesù jinsab imdendel. Qed joħroġlu ħafna demm u l-uġigħ kbir wisq.Ġesù ma jmutx mill-ewwel. Jibqaʼ mdendel hemm fuq iz-zokk. Il-qassisin ewlenin joqogħdu jwaqqgħuh għaċ-ċajt. U dawk li jkunu għaddejjin minn hemm jgħidu: “Jekk int bin Alla, inżel minn fuq iz-zokk tat-tortura!” Imma Ġesù jaf x’bagħtu jagħmel Missieru. Hu jaf li jrid jagħti l-ħajja perfetta tiegħu sabiex aħna jkollna ċ-ċans li nieħdu Mattew 26:36–27:50; Marku 15:1; Luqa 22:39–23:46; Ġwanni 18:1–19:30.
l-ħajja taʼ dejjem. Fl-aħħar, madwar it-tlieta taʼ wara nofsinhar, Ġesù jgħajjat lil Missieru u jmut.—Kemm kien differenti Ġesù minn Adam! Adam ma weriex imħabba għal Alla. Hu m’obdiex lil Alla. Lanqas għalina ma wera mħabba Adam. Peress li dineb, aħna kollha twelidna bid-dnub. Imma Ġesù wera mħabba kemm għal Alla u kemm għalina. Hu dejjem obdieh lil Alla. U ta ħajtu sabiex ikun jistaʼ jneħħi l-ħsara li għamlilna Adam.
X’nistgħu nagħmlu biex nuru li nħobbu lil Ġesù?
Int tapprezza kemm għamel ħaġa sabiħa Ġesù?— Meta titlob lil Alla, tgħidlu grazzi talli tana lil Ibnu?— L-appostlu Pawlu apprezza dak li Kristu għamel għalih. Pawlu kiteb li l-Iben t’Alla “ħabbni u ta lilu nnifsu għalija.” (Galatin 2:20) Ġesù miet għalik u għalija wkoll. Hu ta l-ħajja perfetta tiegħu sabiex aħna jistaʼ jkollna l-ħajja taʼ dejjem! Żgur li din hi raġuni soda għala għandna nħobbu lil Ġesù.
L-appostlu Pawlu kiteb lill-Kristjani fil-belt taʼ Korintu: “L-imħabba taʼ Kristu ġġagħalna naġixxu.” Kif għandha ġġagħalna naġixxu l-imħabba taʼ Kristu? X’taħseb?— Innota kif wieġeb Pawlu: “Kristu miet għan-nies kollha sabiex dawn jgħixu Għalih. 2 Korintin 5:14, 15, New Life Version.
M’għandhomx jgħixu biex jogħġbu lilhom infushom.”—Korsiv tagħna;Taf kif tistaʼ turi li qed tgħix biex togħġob lil Kristu?— Mod wieħed hu billi tgħid lill-oħrajn dak li tgħallimt dwaru. Jew aħseb dwar dan: Forsi tkun waħdek, allura ommok jew missierek ma jkunx qed jara x’int tagħmel, u lanqas xi bniedem ieħor. Se tara xi programmi tat-televixin jew forsi tara xi affarijiet fuq l-Internet li taf li mhux se jogħġbu lil Ġesù?— Ftakar, Ġesù huwa ħaj issa, u jistaʼ jara kulma nagħmlu!
Min jistaʼ jara kulma nagħmlu?
Raġuni oħra għala għandna nħobbu lil Ġesù hija li rridu nixbhu lil Ġeħova. ‘Il-Missier iħobbni,’ qal Ġesù. Taf għala jħobbu lil Ġesù u għala aħna wkoll għandna nħobbuh?— Għax Ġesù kien lest li jmut biex ikun jistaʼ jsir dak li jrid Alla. (Ġwanni 10:17) Mela ejja nagħmlu dak li tgħidilna l-Bibbja: “Imitaw lil Alla, bħala wlied maħbubin, u ibqgħu mexjin bl-imħabba, bħalma l-Kristu wkoll ħabbkom u ta lilu nnifsu għalikom.”—Efesin 5:1, 2.
Biex tapprezza iktar lil Ġesù u dak li għamel għalina, jekk jogħġbok aqra Ġwanni 3:35; 15:9, 10; u l-1 Ġwanni 5:11, 12.