43 تاراۋ
باۋىرلاستارىمىز كىمدەر؟
بىردە ۇلى ۇستاز ٴبارىن تاڭعالدىرعان ٴبىر سۇراق قويدى. «مەنىڭ انام كىم؟ باۋىرلارىم كىم؟»— دەدى ول (ماتاي 12:48). سەن وسى سۇراققا جاۋاپ بەرە الاسىڭ با؟ ~ ونىڭ اناسى ٴماريام ەكەنىن بىلەسىڭ. ال ىنىلەرىنىڭ ەسىمدەرى كىم؟ ~ قالاي ويلايسىڭ، يسانىڭ قارىنداستارى بولعان با؟ ~
كيەلى كىتاپتا يسانىڭ ىنىلەرىنىڭ ەسىمدەرى جاقىپ، ٴجۇسىپ، شيمون جانە ياھۋدا ەكەنى ايتىلعان. يسانىڭ قارىنداستارى دا بولعان. يسا تۇڭعىش بالا بولعاندىقتان، باۋىرلارى ودان كىشى ەدى (ماتاي 13:55، 56؛ لۇقا 1:34، 35).
يسانىڭ ىنىلەرى وعان شاكىرت بولدى ما؟ ~ كيەلى كىتاپتا العاشىندا ولاردىڭ يساعا سەنبەگەنى ايتىلعان (جوحان 7:5). ٴبىراق كەيىن جاقىپ پەن ياھۋدا يساعا شاكىرت بولىپ، ٴتىپتى كيەلى كىتاپتى جازۋعا قاتىسقان. ولار قانداي كىتاپتاردى جازعانىن بىلەسىڭ بە؟ ~ دۇرىس، جاقىپ جانە ياھۋدا دەپ اتالاتىن كىتاپتاردى جازعان.
يسانىڭ قارىنداستارىنىڭ ەسىمدەرى كيەلى كىتاپتا جازىلماعان. ٴبىراق ونىڭ كەمىندە ەكى قارىنداسى بولعانىن بىلەمىز، ٴتىپتى ودان دا كوپ بولۋى مۇمكىن. قارىنداستارى يسانىڭ ٸزباسارى بولدى ما؟ ~ ٴبىز بىلمەيمىز، ويتكەنى كيەلى كىتاپتا بۇل جايلى ەشنارسە جازىلماعان. الايدا نەگە يسا: «مەنىڭ انام كىم؟ باۋىرلارىم كىم؟»— دەپ سۇرادى؟ ~ كەل، قازىر وسىنى قاراستىرايىق.
يسا شاكىرتتەرىنە ٴتالىم بەرىپ وتىرعاندا، بىرەۋ ٴسوزىن ٴبولىپ، وعان: «سىرتتا اناڭ مەن باۋىرلارىڭ كەلىپ، سەنىمەن سويلەسەمىز دەپ تۇر»،— دەدى. سوندا يسا مۇمكىندىكتى پايدالانىپ، ماڭىزدى نارسەنى تۇسىندىرگىسى كەلدى. سوندىقتان: «مەنىڭ انام كىم؟ باۋىرلارىم كىم؟»— دەپ سۇرادى. سوسىن،
قولىمەن شاكىرتتەرىنە نۇسقاپ: «مىنە، مەنىڭ انام جانە باۋىرلارىم!»— دەپ ٶزى جاۋاپ بەردى.يسا مۇنىمەن نە ايتقىسى كەلگەنىن بىلاي ٴتۇسىندىردى: «كىم كوكتەگى اكەمنىڭ ەركىن ورىنداسا، سول مەنىڭ باۋىرىم، اپكە-قارىنداسىم جانە انام» (ماتاي 12:47—50). بۇل سوزدەردەن يسا شاكىرتتەرىن قانشالىقتى جاقىن تۇتقانىن كورەمىز. ول شاكىرتتەرىن تۋعان باۋىرلارىنداي جانە اناسىنداي جاقسى كورگەنىن ايتقىسى كەلگەن.
يسانىڭ ايتۋىنشا، ونىڭ باۋىرلارى كىمدەر؟
سول ۋاقىتتا يسانىڭ تۋعان باۋىرلارى جاقىپ، ٴجۇسىپ، شيمون جانە ياھۋدا ونىڭ قۇداي ۇلى ەكەنىنە سەنبەيتىن. ولار جابىرەيىل پەرىشتەنىڭ انالارى مارياممەن سويلەسكەنىنە سەنبەگەن بولسا كەرەك (لۇقا 1:30—33). سوندىقتان ىنىلەرى يساعا مەيىرىمسىزدىك تانىتقانعا ۇقسايدى. وسىلاي ەتەتىن ادامدى ناعىز باۋىر دەي الامىز با؟! سەن ٶز باۋىرىنا مەيىرىمسىزدىك تانىتقان كىمدى بىلەسىڭ؟ ~
كيەلى كىتاپتا وسىعان قاتىستى بىرنەشە مىسال بار. قازىر ەساۋ مەن وقيعاسىن قاراستىرايىق. بىردە ەساۋ باۋىرى جاقىپقا قاتتى اشۋلانىپ: «مەن ونى ولتىرەمىن»،— دەيدى. مۇنى ەستىگەن انالارى رابيعا جاقىپتىڭ ٶمىرى ٷشىن قورقىپ، ونى باسقا ەلگە جىبەرەدى ( جاقىپتىڭجاراتىلىس 27:41—46). الايدا كوپ جىلدان كەيىن ەساۋدىڭ جۇرەگى ٴجىبىپ، جاقىپتى قارسى العاندا، ونى قۇشاقتاپ سۇيەدى (جاراتىلىس 33:4).
جاقىپتىڭ 12 ۇلى بار ەدى. ونىڭ ۇلكەن ۇلدارى ىنىلەرى ٴجۇسىپتى جەك كورەتىن. ويتكەنى ول اكەلەرىنىڭ سۇيىكتىسى بولعان. اعالارى مۇنى كورە المايتىن. سوندىقتان ٴبىر كۇنى اعالارى ٴجۇسىپتى مىسىرعا كەتىپ بارا جاتقان ساۋداگەرلەرگە قۇلدىققا ساتىپ جىبەرەدى. ال اكەلەرىنە ٴجۇسىپتى جىرتقىش اڭ جەپ قويدى دەپ وتىرىك ايتادى (جاراتىلىس 37:23—36). نە دەگەن قاتىگەزدىك، سولاي عوي؟ ~
ۋاقىت وتە كەلە ٴجۇسىپتىڭ اعالارى وسى ىستەرىنە وكىنەدى. سوندا ٴجۇسىپ ولاردى كەشىرەدى. ٴجۇسىپتىڭ ارەكەتى يسانىكىنە ۇقسايتىنىن بايقادىڭ با؟ ~ يسانى دا ەلشىلەرى قيىن شاقتا تاستاپ كەتكەن ەدى. ال پەتىر تانىمايمىن دەپ ودان باس تارتقان بولاتىن. وسىعان قاراماستان، يسا ولاردىڭ ٴبارىن كەشىرگەن.
قابىل مەن ٵبىلدىڭ وقيعاسىنان قانداي ساباق الامىز؟
ٵبىل مەن قابىل دەگەن ەكى اعايىندى بولعان. ولاردىڭ وقيعاسىنان دا ٴبىز ساباق الامىز. قابىل ٶز باۋىرىن جاقسى كورمەيتىن ەدى. قۇداي مۇنى بايقاپ، وعان كوزقاراسىن وزگەرتۋ كەرەكتىگىن ايتادى. قابىل قۇدايدى شىنىمەن جاقسى كورسە، وسى كەڭەسكە قۇلاق اسار ەدى. ٴبىراق ول قۇدايدى جاقسى كورمەيتىن. ٴبىر كۇنى ول ابىلگە: «دالاعا بارايىق»،— دەپ شاقىردى. ەكەۋى ەشكىم جوق جەرگە كەلگەندە، قابىل باۋىرىن ۇرىپ ٶلتىردى (جاراتىلىس 4:2—8).
ەجەلدەوسى وقيعادان ٴبىز وزىمىزگە ماڭىزدى ساباق الامىز. قانداي ساباق ەكەنىن بىلەسىڭ بە؟ ~ كيەلى كىتاپتا بىلاي دەلىنگەن: «سەندەر باستاپقىدا ەستىگەن حابار مىناۋ: ٴبىز ٴبىر-ٴبىرىمىزدى سۇيۋگە ٴتيىسپىز. ٸنىسىن جاۋىزدىقپەن ولتىرگەن زۇلىمنىڭ ادامى قابىل سياقتى بولماۋىمىز كەرەك». دەمەك، باۋىرلار ٴبىر-ٴبىرىن جاقسى كورۋگە ٴتيىس. ولار قابىل سياقتى بولماۋلارى كەرەك (جوحاننىڭ 1-حاتى 3:11، 12).
نەگە قابىل سياقتى بولعىمىز كەلمەيدى؟ ~ ويتكەنى كيەلى كىتاپتا قابىل «زۇلىمنىڭ ادامى»، ياعني شايتان ٸبىلىستىڭ ادامى، دەپ اتالعان. قابىل ٸبىلىس سياقتى ارەكەت ەتكەندىكتەن، ٸبىلىس ونىڭ اكەسى دەۋگە بولادى.
سونىمەن، سەن باۋىرلارىڭدى نەگە جاقسى كورۋىڭ كەرەك ەكەنىن ٴتۇسىندىڭ بە؟ ~ ەگەر ولاردى جاقسى كورمەسەڭ، كىمنىڭ بالالارىنا ۇقسايسىڭ؟ ~ شايتان ٸبىلىستىڭ بالالارىنا. ٴبىراق سەن ولارعا ۇقساعىڭ كەلمەيدى عوي، ٴيا؟ ~ ولاي بولسا، سەن قۇدايدىڭ بالاسى بولعىڭ كەلەتىنىن قالاي كورسەتە الاسىڭ؟ ~ ٴيا، باۋىرلارىڭدى شىنىمەن جاقسى كورۋ ارقىلى.
جاقسى كورۋ دەگەن نە؟ ~ بۇل — باسقالارعا جاقسىلىق جاساۋعا تالپىندىراتىن سەزىم. بىزدە جاقسى كورەتىن ادامدارعا دەگەن جىلى سەزىم بولادى، ولارعا جاقسىلىق جاساعىمىز كەپ تۇرادى. ەندەشە، جاقسى كورۋىمىز كەرەك باۋىرلاستارىمىز كىمدەر؟ ~ يسا ماسىحشىلەر قاۋىمىنداعى ادامدار ٴبىز ٷشىن باۋىرلاس بولاتىنىن ايتقان. وسىنى ەسىڭنەن شىعارما.
باۋىرىڭدى جاقسى كورەتىنىڭدى قالاي كورسەتە الاسىڭ؟
جوحاننىڭ 1-حاتى 4:20). بىرنەشە باۋىرلاستى عانا جاقسى كورۋ جەتكىلىكسىز، ٴبىز بارلىعىن جاقسى كورۋىمىز كەرەك. يسا بىلاي دەگەن: «مەنىڭ شاكىرتىم ەكەندەرىڭدى جۇرتتىڭ ٴبارى ٶزارا سۇيىسپەنشىلىكتەرىڭنەن بىلەتىن بولادى» (جوحان 13:35). سەن باۋىرلاستاردىڭ ٴبارىن جاقسى كورەسىڭ بە؟ ~ ەسىڭدە ۇستا: ەگەر باۋىرلاستاردى جاقسى كورمەسەڭ، قۇدايدى شىنىمەن سۇيە المايسىڭ.
ٴماسىحشى باۋىرلاستارىمىزدى جاقسى كورۋ نەگە ماڭىزدى؟ ~ ويتكەنى كيەلى كىتاپتا: «قۇدايدى سۇيەمىن دەي تۇرا، باۋىرلاسىن جەك كورەتىن اركىم — وتىرىكشى. ويتكەنى كوز الدىنداعى باۋىرلاسىن سۇيمەيتىن كىسى كوزىمەن كورمەگەن قۇدايدى سۇيە المايدى»،— دەلىنگەن (باۋىرلاستاردى شىنىمەن جاقسى كورەتىنىڭدى قالاي كورسەتە الاسىڭ؟ ~ سەن ولاردان بولەكتەنبەيسىڭ، سويلەسۋدەن قاشپايسىڭ. قايتا، بارىمەن دوس بولاسىڭ. ارقاشان شىن جۇرەكتەن جاقسىلىق جاساۋعا جانە قولىڭدا بارمەن بولىسۋگە تىرىساسىڭ. ال ەگەر ولار ٴبىر قيىندىققا تاپ بولسا، بارىپ كومەكتەسەسىڭ. ويتكەنى ٴبارىمىز ٴبىر ۇلكەن وتباسىنىڭ بالالارىمىز.
ەگەر بارلىق باۋىرلاستارىمىزدى شىن جۇرەكتەن جاقسى كورسەك، نەنى دالەلدەيمىز؟ ~ ۇلى ۇستازدىڭ شاكىرتى ەكەنىمىزدى دالەلدەيمىز. سەن يسانىڭ شاكىرتى بولعىڭ كەلەدى عوي، ٴيا؟ ~
باۋىرلاستارىمىزدى جاقسى كورۋىمىز كەرەكتىگى مىنا تارماقتاردا دا ايتىلعان. عالاتتىقتارعا 6:10 جانە جوحاننىڭ 1-حاتى 4:8، 21. كەل، وقىپ كورەيىك.