45 تاراۋ
قۇداي پاتشالىعى دەگەن نە؟ ونىڭ بيلىگىن قالايتىنىمىز نەدەن كورىنەدى؟
سەن يسانىڭ ٶز ٸزباسارلارىنا ۇيرەتكەن دۇعانى بىلەسىڭ بە؟ ~ ەگەر بىلمەسەڭ، كيەلى كىتاپتى اشىپ، ماتاي 6:9—13 تارماقتاردى بىرگە وقيىق. بۇل دۇعا ۇلگىلى دۇعا دەپ تە اتالادى. وندا: «سەنىڭ پاتشالىعىڭ كەلسىن!»— دەگەن سوزدەر بار. قۇداي پاتشالىعى دەگەن نە ەكەنىن بىلەسىڭ بە؟ ~
پاتشالىق دەگەنىمىز — قانداي دا ٴبىر ەلدىڭ ۇكىمەتى. كەيبىر ەلدەردە ۇكىمەت باسشىسىن پرەزيدەنت دەپ اتايدى. ٴبىراق قۇداي ورناتقان ۇكىمەت پاتشالىق دەپ اتالاتىندىقتان، ونىڭ باسشىسىن پاتشا دەپ اتايدى.
ەحوبا قۇداي ٶز ۇكىمەتىنىڭ پاتشاسى ەتىپ كىمدى تاڭداعانىن بىلەسىڭ بە؟ ~ ٶزىنىڭ ۇلى — يسا ٴماسىحتى. يسا نەگە ادامدار تاڭداعان كەز كەلگەن بيلەۋشىدەن الدەقايدا جاقسى بيلەۋشى دەي الامىز؟ ~ ويتكەنى ول اكەسى ەحوبانى قاتتى جاقسى كورەدى. سوندىقتان ول ارقاشان دۇرىس نارسەنى ىستەيدى.
يشايا 9:6، 7 تارماقتاردان وقيىق: «ٴسابي دۇنيەگە كەلدى، وسى ۇل بىزگە سيعا بەرىلدى! ونىڭ قولىندا بيلىك ماڭگى بولادى: ونى تىنىشتىق پەن اماندىق سيلايتىن ٵمىرشى دەپ تە اتايدى. ونىڭ قۇرعان بيلىگى ارتا ٴتۇسىپ، ورناتقان تىنىشتىعى شەكسىز بولادى».
يسا بەتلەحەمدە تۋىلعاننان كوپ ۋاقىت بۇرىن كيەلى كىتاپتا ونىڭ دۇنيەگە كەلەتىنى جانە قۇداي تاڭداعان بيلەۋشى بولاتىنى ايتىلعان. كەل، بۇل تۋرالىنەگە بۇل تارماقتا يسا «ٵمىرشى» دەپ اتالعانىن بىلەسىڭ بە؟ ~ ويتكەنى ول — قۇداي پاتشالىعىنىڭ بيلەۋشىسى. سونداي-اق ول — ەڭ جوعارعى پاتشا ەحوبانىڭ ۇلى. قۇداي يسانى ٶز ۇكىمەتىنىڭ پاتشاسى ەتىپ تاعايىندادى، ال بۇل ۇكىمەت جەر بەتىنە مىڭ جىل بويى بيلىك جۇرگىزەتىن بولادى (ايان 20:6). شومىلدىرۋ راسىمىنەن وتكەن سوڭ، يسا: «كۇنالارىڭا وكىنىڭدەر، ويتكەنى كوك پاتشالىعى تاياپ قالدى»،— دەپ ۋاعىزداۋعا كىرىسكەن (ماتاي 4:17).
قالاي ويلايسىڭ، نەگە يسا: «پاتشالىق تاياپ قالدى»،— دەپ ۋاعىزداعان؟ ~ ويتكەنى بولاشاقتا كوكتەن بيلىك ەتەتىن پاتشا ادامداردىڭ ارالارىندا جۇرگەن. سوندىقتان يسا ولارعا: «قۇداي پاتشالىعى سەندەردىڭ ارالارىڭدا»،— دەپ ايتقان (لۇقا 17:21). ەحوبا تاڭداعان پاتشا سەنىڭ قاسىڭدا بولىپ، وزىڭمەن سويلەسكەنىن قالار ما ەدىڭ؟ ~
يسا جەرگە قانداي ماڭىزدى تاپسىرمامەن كەلدى، ايتشى؟ ~ بۇعان يسانىڭ ٶزى بىلاي دەپ جاۋاپ بەرگەن: «باسقا قالالاردا دا قۇداي پاتشالىعى تۋرالى ىزگى حاباردى جاريالاۋىم كەرەك. ويتكەنى مەن سول ٷشىن جىبەرىلدىم» (لۇقا 4:43). ٴبىراق يسا ىزگى حاباردى بارلىق ادامعا جالعىز ٶزى جاريالاپ ۇلگەرمەيتىنىن بىلگەن. سوندا ول نە ىستەدى دەپ ويلايسىڭ؟ ~
يسا وزىمەن بىرگە ادامداردى ەرتىپ ٴجۇرىپ، ولارعا ۋاعىزداۋدى ۇيرەتتى. ونىڭ العاشقى ۇيرەتكەن ادامدارى 12 ەلشىسى ەدى (ماتاي 10:5، 7). يسا تەك ەلشىلەرىن عانا ۇيرەتتى مە؟ جوق. كيەلى كىتاپتا يسانىڭ باسقالاردى دا ۋاعىزداۋعا ۇيرەتكەنى جازىلعان. بىردە ول ٶزى باراتىن جەرلەرگە 70 شاكىرتىن ەكى-ەكىدەن جىبەرگەن. ولار ادامدارعا نە تۋرالى ايتقان؟ ~ يسا شاكىتتەرىنە: «قۇداي پاتشالىعى تاياپ قالدى!»— دەپ ايتۋعا نۇسقاۋ بەردى (لۇقا 10:9). وسىلايشا ادامدار قۇداي ۇكىمەتى تۋرالى ٴبىلدى.
ەجەلگى يسرايلدە جاڭا پاتشا تاققا وتىراتىنىن حالىققا كورسەتۋ ٷشىن، قالاعا تايقار ەسەككە ٴمىنىپ كىرەتىن بولعان. يسا دا يەرۋساليمگە سوڭعى رەت كەلگەندە، وسىلاي ىستەدى. سۋرەتتەن كورىپ تۇرعانىڭداي، ول قۇداي پاتشالىعىنىڭ بولاشاق بيلەۋشىسى ەكەنىن حالىققا كورسەتۋدە. ال حالىق ونىڭ پاتشا بولعانىن قالادى ما؟ ~
يسا كەلە جاتقاندا، جۇرت الدىنان شىعىپ، بىرەۋلەرى جولعا سىرت كيىمدەرىن توسەسە، باسقالارى اعاش بۇتاقتارىن توسەدى. وسى ارەكەتتەرىمەن ولار يسانىڭ پاتشا بولعانىن قالايتىنىن كورسەتتى. ولار: «ەحوبانىڭ اتىنان كەلە جاتقان پاتشا جارىلقانسىن!»— دەپ ايعايلادى. ٴبىراق ٴبارى بىردەي قۋانعان جوق. مىسالى، كەيبىر ٴدىنباسىلار ادامداردىڭ يساعا ماداق ايتىپ جاتقانىن جاقتىرماي، يساعا: «ۇستاز، شاكىرتتەرىڭىزگە تيىم سالىڭىز!»— دەدى (لۇقا 19:28—40).
بەس كۇننەن كەيىن يسا تۇتقىنعا الىنىپ، پونتي پيلات ەسىمدى اكىمنىڭ سارايىنا اكەلىندى. جاۋلار يساعا جالا جاۋىپ، ول ٶزىن پاتشا دەپ جاريالادى جانە ريم ۇكىمەتىنە قارسى شىقتى دەدى. سوندىقتان پيلات يسادان: «سەن ياھۋديلەردىڭ پاتشاسىسىڭ با؟»— دەپ سۇرادى. يسا ادامداردىڭ بيلىگىنە تالاسپايتىنىن ٴتۇسىندىرىپ: «مەنىڭ پاتشالىعىم وسى دۇنيەلىك ەمەس»،— دەپ جاۋاپ بەردى (جوحان 18:36).
سوسىن، پيلات سىرتقا شىعىپ، جۇرتقا يسادان ەش كىنا تاپپاعانىن ايتتى. الايدا ولار يسانىڭ پاتشا بولعانىن دا، بوساتىلعانىن دا قالامادى (جوحان 18:37—40). كەيىن پيلات يسامەن تاعى دا سويلەسىپ، ونىڭ كىناسىز ەكەنىنە كوزى جەتە ٴتۇستى. سودان پيلات يسانى سوڭعى رەت حالىقتىڭ الدىنا شىعارىپ: «مىنە، پاتشالارىڭ!»— دەدى. الايدا ەلىرگەن توبىر: «كوزىن قۇرت! قۇرت ونى! باعاناعا ٸل!»— دەپ ايقايلادى.
جوحان 19:1—16).
پيلات ولارعا: «پاتشالارىڭدى باعاناعا ىلەيىن بە؟»— دەپ سۇراپ ەدى، جوعارعى ٴدىني قىزمەتكەرلەر: «ٴبىزدىڭ ريم پاتشاسىنان باسقا پاتشامىز جوق!»— دەپ جاۋاپ بەردى. يسا قالاعا كىرگەندە، حالىق ونى قۋانا قارسى العان. ال ەندى زۇلىم ٴدىني قىزمەتكەرلەردىڭ ارانداتۋىمەن يساعا قارسى شىعىپ تۇر. نە دەگەن سۇمدىق! (قازىر دە جاعداي تۋرا سونداي. ادامداردىڭ كوبى يسانىڭ وزدەرىنە پاتشا بولعانىن مۇلدەم قالامايدى. ولار قۇدايعا سەنەمىز دەپ ايتقانىمەن، قۇدايدىڭ دا، ٴماسىحتىڭ دە ۇيرەتكەنىمەن جۇرگىسى كەلمەيدى. قايتا، وزدەرىنىڭ ادامي ۇكىمەتتەرىنىڭ بيلىك ەتكەنىن قالايدى.
ال ٴبىز جايىندا نە دەۋگە بولادى؟ قۇداي پاتشالىعى جانە ونىڭ اكەلەتىن باتالارى جايلى بىلگەندە، سەن قۋاندىڭ با؟ ~ قۇدايدى جاقسى كورىپ كەتتىڭ، سولاي عوي؟ ~ وندا قۇدايدى جاقسى كورەتىنىمىزدى ٵرى ونىڭ پاتشالىعى بيلىك ەتكەنىن قالايتىنىمىزدى قالاي كورسەتە الامىز؟ ~
ٴبىز قۇدايدى سۇيەتىنىمىزدى يسانىڭ ۇلگىسىنە ەلىكتەۋ ارقىلى كورسەتە الامىز. ال يسا ەحوبانى سۇيەتىنىن قالاي كورسەتتى؟ ~ ول: «مەن ارقاشان وعان ۇنايتىندى ىستەيمىن»،— دەگەن (جوحان 8:29). راسىندا دا، يسا جەرگە «قۇدايدىڭ ەركىن ورىنداپ»، «ونىڭ تاپسىرعان ٸسىن اياقتاۋ» ٷشىن كەلگەن (ەۆرەيلەرگە 10:7؛ جوحان 4:34). ال ەندى ۋاعىز ٸسىن باستاماس بۇرىن، يسانىڭ نە ىستەگەنىن كورەيىك.
يسا يوردان وزەنىندە شومىلدىرۋ ٴراسىمىن جاساپ جاتقان جاقياعا كەلدى. ەكەۋى دە سۋدىڭ ىشىنە كىرگەن سوڭ، جاقيا يسانى سۋعا ٴبىر رەت باتىرىپ الدى. جاقيا يسانى نەگە شومىلدىرۋ راسىمىنەن وتكىزگەنىن بىلەسىڭ بە؟ ~
شومىلدىرۋ راسىمىنەن وتكىزۋدى يسانىڭ ٶزى سۇراعان بولاتىن. ال قۇداي ونىڭ وسىلاي ىستەگەنىن قالادى ما؟ ~ ٴيا، ويتكەنى يسا سۋدان شىققاندا، قۇداي كوكتەن: «سەن مەنىڭ سۇيىكتى ۇلىمسىڭ. مەن ساعان رازىمىن!»— دەپ، ونى قۇپتايتىنىن كورسەتتى. بۇعان قوسا قۇداي يسانىڭ ۇستىنە كوگەرشىن ىسپەتتى كيەلى مارقا 1:9—11).
رۋحىن ٴتۇسىردى. شومىلدىرۋ راسىمىنەن ٶتۋ ارقىلى يسا ەحوباعا ٶمىر بويى، ٴتىپتى ماڭگىلىك بويى قىزمەت ەتكىسى كەلەتىن كورسەتتى (سەن ٵلى كىشكەنتايسىڭ. ٴبىراق ەسەيگەندە نە ىستەيسىڭ؟ ~ يساعا ەلىكتەپ، شومىلدىرۋ راسىمىنەن وتەسىڭ بە؟ ~ سەن يساعا ەلىكتەۋىڭ كەرەك، ويتكەنى كيەلى كىتاپتا: «يسا ٶز ىزىمەن تۋرا جۇرۋلەرىڭ ٷشىن ۇلگى قالدىردى»،— دەلىنگەن (پەتىردىڭ 1-حاتى 2:21). شومىلدىرۋ راسىمىنەن ٶتۋ ارقىلى سەن قۇداي پاتشالىعىنىڭ بيلىك ەتكەنىن قالايتىنىڭدى كورسەتەسىڭ. الايدا شومىلدىرۋ راسىمىنەن ٶتىپ قانا قويۋ جەتكىلىكسىز.
ٴبىز يسانىڭ ۇيرەتكەن تالىمدەرىنىڭ بارىنە قۇلاق اسۋىمىز كەرەك. ول «وسى دۇنيەلىك» بولماڭدار دەپ ايتقان. ەگەر وسى دۇنيەلىك ىستەرگە ارالاساتىن بولساق، بۇل سوزدەرگە مويىنسۇنامىز دەپ ايتا الامىز با؟ يسا مەن ونىڭ ەلشىلەرى وسى دۇنيەلىك ىستەردەن اۋلاق جۇرگەن (جوحان 17:14). مۇنىڭ ورنىنا ولار قانداي ىسپەن اينالىستى؟ ~ ولار ادامدارعا قۇداي پاتشالىعى جايىندا ايتقان. بۇل ەلشىلەر ٷشىن ەڭ ماڭىزدى ٸس بولعان. ٴبىز دە وسى ىسكە قاتىسا الامىز با؟ ~ ارينە، قاتىسا الامىز. ەگەر وسىلاي ەتەر بولساق، يسا دۇعاسىندا ايتقان پاتشالىقتىڭ كەلۋىن شىن جۇرەكتەن قالايتىنىمىزدى كورسەتەمىز.
قۇداي پاتشالىعى كەلگەنىن شىنىمەن قالايتىنىمىزدى تاعى قالاي كورسەتە الامىز؟ مۇنى كەلەسى تارماقتاردان وقىپ بىلەيىك: ماتاي 6:24—33؛ 24:14 جانە جوحاننىڭ 1-حاتى 2:15—17؛ 5:3.