KAPITLU 45
X’Inhi s-Saltna t’Alla? Kif Nuru li Rriduha
TAFHA t-talba li Ġesù għallem lid-dixxipli tiegħu?— Jekk ma tafhiex, nistgħu naqrawha flimkien mill-Bibbja, f’Mattew 6:9-13. Din it-talba, li ħafna jsejħulha lMissierna, fiha l-kliem: “Ħa tiġi saltnatek.” Taf x’inhi s-Saltna t’Alla?—
Sultan huwa l-ħakkiem taʼ pajjiż jew territorju. U l-gvern tiegħu jissejjaħ saltna. F’xi pajjiżi l-kap tal-gvern jissejjaħ il-president. X’jissejjaħ il-Ħakkiem tal-gvern t’Alla?— Is-Sultan. Għalhekk, il-gvern t’Alla jissejjaħ Saltna.
Taf lil min għażel Alla Ġeħova biex ikun Sultan tal-gvern Tiegħu?— Lil Ibnu, Ġesù Kristu. Ġesù għala huwa aħjar minn kull ħakkiem li jistgħu jagħżlu l-bnedmin?— Għax Ġesù verament iħobb lil Missieru, Ġeħova. Għalhekk hu dejjem jagħmel dak li hu sewwa.
9:6, 7, NW). Hemmhekk jgħid: “Tweldilna tifel, ngħatalna iben; is-setgħa tkun fuq spallejh, u jsemmuh . . . Prinċep tas-sliem. Kbira tkun setegħtu, u s-sliem bla qjies.”—Korsiv tagħna.
Ħafna żmien qabel ma Ġesù twieled f’Betlehem, il-Bibbja tkellmet dwar it-twelid tiegħu u qalet li hu kellu jkun il-Ħakkiem magħżul minn Alla. Ejja naqraw dwar dan, f’Isaija 9:5, 6 (Taf għala l-Ħakkiem tas-Saltna t’Alla hawnhekk jissejjaħ “Prinċep”?— Dan il-prinċep huwa l-iben taʼ sultan. U Ġesù hu l-Iben tas-Sultan il-Kbir, Ġeħova. Imma Ġeħova għamel ukoll lil Ġesù s-Sultan tal-gvern Tiegħu, li se jaħkem l-art għal elf sena. (Rivelazzjoni 20:6) Wara li Ġesù tgħammed, hu beda “jippriedka u jgħid: ‘Indmu, għax qorbot is-saltna tas-smewwiet.’”—Mattew 4:17.
Għala, taħseb int, li Ġesù qal li s-Saltna kienet qorbot?— Għax is-Sultan, li iktar tard kien se jaħkem fis-sema, kien jinsab hemmhekk magħhom! Ġesù għalhekk qal lin-nies: “Is-saltna t’Alla qiegħda f’nofskom.” (Luqa 17:21) Ma tiħux pjaċir kieku jkollok lis-Sultan taʼ Ġeħova tant qribek li tkun tistaʼ anki tmissu?—
Mela għidli ftit, Ġesù liema xogħol importanti ġie biex jagħmel fuq l-art?— Ġesù wieġeb din il-mistoqsija meta qal: “Irrid inxandar l-aħbar tajba tas-saltna t’Alla lil bliet oħrajn ukoll, għax għal dan intbgħatt.” (Luqa 4:43) Ġesù kien jaf li ma setax jagħmel l-ippridkar kollu waħdu. Allura, x’taħseb li għamel?—
Ġesù liema xogħol ġie jagħmel fuq l-art?
Ġesù ħa lil xi nies miegħu u wriehom kif jagħmlu x-xogħol taʼ l-ippridkar. L-ewwel nies li għallem kienu t-12 li għażel bħala appostli. (Mattew 10:5, 7) Imma Ġesù lill-appostli tiegħu biss għallem biex jagħmlu dan ix-xogħol? Le, il-Bibbja tgħid li Ġesù għallem ukoll lil ħafna oħrajn kif jippridkaw. Maż-żmien, hu bagħat 70 dixxiplu ieħor qablu jippridkaw tnejn tnejn. U dawn x’għallmuhom lin-nies?— Ġesù qal: “Għidulhom, ‘Is-saltna t’Alla qorbot lejkom.’” (Luqa 10:9) B’dan il-mod in-nies tgħallmu dwar il-gvern t’Alla.
Ħafna żmien qabel f’Iżrael, is-slaten ġodda kienu jidħlu fil-belt rekbin fuq felu biex jidhru quddiem in-nies. Issa Ġesù hekk jagħmel meta jidħol Ġerusalemm għall-aħħar darba. Ġesù se jkun il-Ħakkiem tas-Saltna t’Alla. Iriduh in-nies bħala Sultan?—
X’ħin jgħaddi fuq il-felu, ħafna min-nies jibdew jifirxu l-mantar tagħhom fit-triq qabel ma jgħaddi. Oħrajn jaqtgħu friegħi mis-siġar u jifirxuhom fit-triq. Billi jagħmlu dan huma juru li jixtiequ lil Ġesù bħala s-Sultan tagħhom. Huma jibdew jgħajtu: “Imbierek Dak li ġej bħala s-Sultan f’isem Ġeħova!” Imma mhux kulħadd jinsab ferħan. Fil-fatt, xi mexxejja reliġjużi saħansitra jgħidu lil Ġesù, ‘Sikket lid-dixxipli tiegħek.’—Luqa 19:28-40.
In-nies għala l-ewwel ikunu jridu lil Ġesù bħala Sultan u mbagħad ma jkunux iriduh?
Ħamest ijiem wara Ġesù jiġi arrestat u jittieħed f’palazz biex jidher quddiem il-gvernatur, Ponzju Pilatu. L-għedewwa taʼ Ġesù jgħidu li Ġesù qed jinsisti li hu sultan u li hu kontra l-gvern Ruman. Għalhekk Pilatu jistaqsi lil Ġesù dwar dan. Ġesù jurih li hu mhux qed jipprova jieħu l-gvern f’idejh. Lil Pilatu jgħidlu: “Is-saltna tiegħi mhix parti minn din id-dinja.”—Ġwanni 18:36.
Pilatu mbagħad joħroġ barra u jgħid lin-nies li hu ma sab xejn ħażin f’Ġesù. Imma issa n-nies ma jridux lil Ġesù bħala s-Sultan tagħhom. Ma jriduhx jiġi meħlus. (Ġwanni 18:37-40) Wara li jerġaʼ jitkellem maʼ Ġesù, Pilatu huwa ċert li hu m’għamel xejn ħażin. Għalhekk, fl-aħħar, wara li joħroġ lil Ġesù għall-aħħar darba, Pilatu jgħid: “Ara! Is-sultan tagħkom!” Imma n-nies jgħajtu: “Ħudu ’l hemm! Ħudu ’l hemm! Sammru maʼ zokk!”
Pilatu jistaqsi: “Insammar maʼ zokk lis-sultan tagħkom?” Il-qassisin ewlenin iwieġbu: “M’għandna l-ebda sultan ħlief lil Ċesari.” Tistaʼ timmaġina ftit? Dawk il-qassisin mill-agħar irnexxielhom idawru lin-nies kontra Ġesù!—Ġwanni 19:1-16.
Illum, is-sitwazzjoni tixbah ħafna lil taʼ dakinhar. Ħafna min-nies mhux veru jixtiequ lil Ġesù bħala sSultan tagħhom. Forsi jgħidu li jemmnu f’Alla, imma ma jridux lil Alla jew lil Kristu jgħidilhom
x’għandhom jagħmlu. Huma jridu lill-gvernijiet tagħhom hawn fuq l-art.U aħna? Meta nitgħallmu dwar is-Saltna t’Alla u laffarijiet sbieħ kollha li se tagħmel, kif inħossuna dwar Alla?— Inħobbuh, hux tassew?— Allura, kif nistgħu nuru lil Alla li aħna veru nħobbuh u li nixtiequ li s-Saltna tiegħu tmexxina?—
Ġesù għala tgħammed, u Alla kif wera li hu qabel maʼ din il-magħmudija?
Nistgħu nuru lil Alla kif inħossuna billi nimitaw l-eżempju taʼ Ġesù. U Ġesù x’għamel biex juri li kien iħobb lil Ġeħova?— “Dejjem nagħmel dak li jogħġob lilu,” spjega Ġesù. (Ġwanni 8:29) Iva, Ġesù ġie fuq l-art ‘biex jagħmel ir-rieda t’Alla’ u ‘biex itemm xogħlu.’ (Ebrej 10:7; Ġwanni 4:34) Ejja naraw x’għamel Ġesù qabel ma beda jippriedka.
Ġesù mar għand Ġwanni l-Battista ħdejn ix-Xmara Ġordan. Wara li mxew fl-ilma, Ġwanni għaddas lil Ġesù kollu kemm hu taħt l-ilma u mbagħad reġaʼ tellgħu. Taf għala Ġwanni għammed lil Ġesù?—
Fejn nistgħu nitkellmu m’oħrajn dwar is-Saltna t’Alla?
Ġesù talab lil Ġwanni biex jagħmel hekk. Imma kif nafu li Alla ried lil Ġesù jitgħammed?— Nafu dan għax meta Ġesù ħareġ mill-ilma, Marku 1:9-11.
hu semaʼ leħen Alla jgħid mis-sema: “Int Ibni, il-maħbub; jien approvajtek.” Alla saħansitra bagħat l-ispirtu qaddis tiegħu bħala ħamiema biex jinżel fuq Ġesù. Mela billi tgħammed, Ġesù wera li ried jaqdi lil Ġeħova ħajtu kollha, iva, għal dejjem.—Issa int għadek qed tikber. Imma x’se tagħmel meta tikber ftit ieħor?— Se tkun bħal Ġesù u titgħammed?— Int għandek tagħmel bħalu, għax il-Bibbja tgħid li hu ħallielek ‘mudell biex timxi mill-qrib wara l-passi tiegħu.’ (1 Pietru 2:21) Meta fil-fatt titgħammed, tkun qed turi li int verament trid tkun immexxi mis-Saltna t’Alla. Imma m’huwiex biżżejjed li sempliċement tkun mgħammed.
Irridu nobdu l-affarijiet kollha li għallem Ġesù. Ġesù qal li ma rridux inkunu “parti mid-dinja.” Jekk nieħdu sehem f’affarijiet tad-dinja, inkunu qegħdin nobduh? Ġesù u l-appostli tiegħu ma ħadux sehem f’affarijiet bħal dawn. (Ġwanni 17:14) X’għamlu minflok?— Huma tkellmu maʼ nies oħra dwar is-Saltna t’Alla. Dan kien l-iktar xogħol importanti f’ħajjithom. Nistgħu nagħmlu hekk aħna wkoll?— Iva, u se nagħmlu hekk jekk verament inħossu dak li ngħidu meta nitolbu biex tiġi s-Saltna t’Alla.
Jekk jogħġbok ara wkoll dawn l-iskritturi li jgħidulna x’nistgħu nagħmlu biex nuru li nixtiequ s-Saltna t’Alla tiġi: Mattew 6:24-33; 24:14; l-1 Ġwanni 2:15-17; u 5:3.