KABANATA 45
Ano ang Kaharian ng Diyos? Kung Paano Maipakikitang Gusto Natin Ito
ALAM mo ba ang panalanging itinuro ni Jesus sa kaniyang mga tagasunod?
Buweno, ang isang hari ay tagapamahala ng isang bansa o teritoryo. At ang kaniyang pamahalaan ay tinatawag na kaharian. Sa ilang bansa ang lider ng pamahalaan ay tinatawag na presidente. Ano naman ang tawag sa Tagapamahala ng pamahalaan ng Diyos?
Alam mo ba kung sino ang pinili ng Diyos na Jehova na maging Hari ng Kaniyang pamahalaan?
Matagal pa bago ipanganak si Jesus sa Betlehem, sinabi na sa Bibliya ang tungkol sa kaniyang pagsilang at sinabi rin na siya ang magiging piniling Tagapamahala ng Diyos. Basahin natin ito, sa Isaias 9:
Alam mo ba kung bakit ang Tagapamahala ng Kaharian ng Diyos ay tinatawag dito na “Prinsipe”?
Sa palagay mo, bakit kaya sinabi ni Jesus na malapit na ang Kaharian?
Kaya sabihin mo sa akin, anong mahalagang gawain ang dahilan ng pagdating ni Jesus sa lupa?
Mateo 10:
Noong unang panahon sa Israel, ang mga bagong hari ay pumupunta sa lunsod sakay ng isang bisiro para magpakita sa mga tao. Ito ngayon ang ginawa ni Jesus sa kaniyang pagpunta sa Jerusalem sa huling pagkakataon. Kasi, si Jesus ay magiging Tagapamahala ng Kaharian ng Diyos. Magustuhan kaya siya ng mga tao bilang kanilang Hari?
Buweno, habang siya’y nakasakay sa bisiro, inilatag ng karamihan ng mga tao ang kanilang panlabas na kasuutan sa daan sa harapan niya. Ang iba naman ay pumutol ng mga sanga mula sa mga puno at inilagay ang mga ito sa daan. Sa paggawa nito ay kanilang ipinakikita na gusto nila si Jesus na maging kanilang Hari. Sumigaw sila: “Pinagpala ang Isa na dumarating bilang Hari sa pangalan ni Jehova!” Pero hindi lahat ay masaya. Sa katunayan, sinabi pa nga ng ilang lider ng relihiyon kay Jesus, ‘Sawayin mo ang iyong mga alagad.’
Pagkalipas ng limang araw, hinuli si Jesus at ipinasok sa isang palasyo para humarap sa gobernador na si Poncio Pilato. Sinasabi ng mga kaaway ni Jesus na inaangkin daw ni Jesus na siya’y hari at laban sa pamahalaan ng Roma. Kaya tinanong ni Pilato si Jesus tungkol dito. Ipinakita ni Jesus na wala siyang balak na agawin ang pamahalaan. Sinabi niya kay Pilato: “Ang kaharian ko ay hindi bahagi ng sanlibutang ito.”
Pagkaraan ay lumabas si Pilato at sinabi sa mga tao na wala siyang makitang pagkakamali kay Jesus. Pero ayaw na ngayon ng mga tao na maging Hari nila si Jesus. Ayaw nilang mapalaya siya. (Juan 18:37-40) Pagkatapos na muling kausapin si Jesus, natiyak ni Pilato na wala itong nagawang pagkakamali. Kaya, sa wakas, matapos ilabas si Jesus sa huling pagkakataon, sinabi ni Pilato: “Tingnan ninyo! Ang inyong hari!” Gayunman, sumigaw ang mga tao: “Alisin siya! Alisin siya! Ibayubay siya!”
Nagtanong si Pilato: “Ibabayubay ko ba ang inyong hari?” Sumagot ang mga punong saserdote: “Wala kaming hari kundi si Cesar.” Aakalain mo ba ito? Nahikayat ng masasamang saserdote ang mga tao na tanggihan si Jesus!
Ang nangyari noon ay kagayang-kagaya rin sa ngayon. Talagang ayaw ng karamihan ng mga tao na maging Hari nila si Jesus. Maaaring sinasabi nilang naniniwala sila sa Diyos, pero ayaw naman nilang pinagsasabihan sila ng Diyos o ni
Kristo kung ano ang kanilang dapat gawin. Ang gusto nila ay ang sarili nilang mga pamahalaan dito mismo sa lupa.Kumusta naman tayo? Kapag natututuhan natin ang tungkol sa Kaharian ng Diyos at ang lahat ng magagandang bagay na gagawin nito, ano ang nadarama natin sa Diyos?
Maipakikita natin sa Diyos ang ating nadarama sa pamamagitan ng pagsunod sa halimbawa ni Jesus. At ano nga ba ang ginawa ni Jesus para maipakitang iniibig niya si Jehova?
Si Jesus ay pumunta kay Juan Bautista sa ibaba ng Ilog Jordan. Paglusong nila sa tubig, lubusang inilubog ni Juan si Jesus sa ilalim ng tubig at pagkatapos ay iniahon siyang muli. Alam mo ba kung bakit binautismuhan ni Juan si Jesus?
Hiniling ni Jesus kay Juan na gawin ito. Pero paano natin nalaman na gusto ng Diyos na mabautismuhan si Jesus?
Bata ka pa ngayon. Pero ano ang gagawin mo paglaki mo?
Dapat nating sundin ang lahat ng itinuro ni Jesus. Sinabi ni Jesus na kailangang “hindi [tayo] bahagi ng sanlibutan.” Sinusunod ba natin siya kung nakikisali tayo sa mga gawain ng sanlibutan? Si Jesus at ang kaniyang mga apostol ay umiwas sa mga ito. (Juan 17:14) Ano sa halip ang ginawa nila?
Pakitingnan ang iba pang mga tekstong ito na nagsasabi sa atin ng puwedeng gawin para maipakitang gusto nating dumating na ang Kaharian ng Diyos: Mateo 6:24-33; 24:14; 1 Juan 2:15-17; at 5:3.