KAPITULO 47
No Kasanotayo nga Ammo nga Asidegen ti Armagedon
AMMOMON no ania ti makuna a pagilasinan, di ngamin?— Iti Kapitulo 46 nabasata ti maipapan iti pagilasinan nga inted ti Dios a saannanton a dadaelen manen ti lubong babaen iti layus. Kasta met, nagkiddaw dagiti apostol iti pagilasinan tapno ammoda no kaano a nagsublin ni Jesus ken no kaano nga asidegen ti panungpalan ti lubong, wenno ti sistema ti bambanag.—Mateo 24:3.
Yantangay saandanton a makita ni Jesus idiay langit, nasken nga adda pagilasinan a makita dagiti tattao a mangipasimudaag a nangrugin nga agturay ni Jesus. Gapuna, nangdakamat ni Jesus kadagiti banag a siputan koma dagiti adalanna ditoy daga. Inton mapasamak dagitoy, kayatna a sawen a nagsublin ken nangrugin nga agturay idiay langit kas Ari.
Tapno maisurona kadagiti adalanna ti kinapateg ti kanayon a panagsiput, imbaga ni Jesus kadakuada: Lucas 21:29, 30.
“Imutektekanyo ti kayo a higos ken ti amin a dadduma pay a kayo: Inton aguggotdan, babaen ti panangpaliiwyo iti dayta ammoyo a mismo nga itan asidegen ti kalgaw.” Nalaka a mailasin no asidegen ti kalgaw. Kasta met, ammom nga asidegen ti Armagedon no makitam a mapaspasamaken dagidiay imbaga ni Jesus.—Ania a leksion ti isursuro ni Jesus idi ibagbagana ti maipapan iti kayo a higos?
Iti daytoy a panid ken iti sumaganad, kitaenta ti ladawan dagiti banag nga imbaga ni Jesus a paset ti pagilasinan nga asidegen ti Pagarian ti Dios. Inton mapasamak amin dagitoy, ti Pagarian ti Dios nga Kapitulo 46.
iturayan ni Kristo dadaelennanto amin a gobierno, kas nabasata itiKitaem ngarud a naimbag dagiti ladawan iti immun-una a dua a panid, ket pagsaritaanta dagita. Iti Mateo 24:6-14 ken Lucas 21:9-11, mabasam dagiti nailadawan ditoy. Kasta met, kitaem ti bassit a numero iti kada ladawan. Masarakan ti isu met laeng a numero iti rugi ti parapo a mangiladawan iti dayta a retrato. Ita kitaenta no matungtungpalen iti kaaldawantayo ti adu a paset ti pagilasinan nga inted ni Jesus.
(1) Kinuna ni Jesus: “Makangngegkayto iti gubgubat ken damdamag ti gubgubat; . . . ti nasion tumakderto a bumusor iti nasion ken ti pagarian a bumusor iti pagarian.” Nakangngegka kadin iti damdamag maipapan kadagiti gubat?— Ti immuna a sangalubongan a gubat ket napasamak manipud 1914 agingga idi 1918. Kalpasanna, napasamak ti Gubat Sangalubongan II manipud 1939 agingga idi 1945. Sakbay dagita, awan pay idi ti napasamak a sangalubongan a gubat! Ita, adda gubgubat iti intero a lubong. Iti TV, radio, ken periodiko, gistay inaldaw a makangngeg wenno makabasatayo iti gubgubat.
(2) Kinuna pay ni Jesus: “Addanto dagiti kinakirang ti taraon . . . iti nadumaduma a disso.” Mabalin nga ammomon nga adu ti tattao nga agkurkurang iti pagtaraon. Iti inaldaw, rinibu a tattao ti matmatay gapu ta kurang ti taraonda.
(3) Kinuna pay ni Jesus: ‘Iti nadumaduma a disso addanto dagiti angol.’ Ammom kadi no ania ti angol?— Sakit dayta a mangpapatay iti adu a tattao. Ti maysa a nakaro nga angol a naawagan iti trangkaso Español pinapatayna ti agarup 20 milion a tattao iti makatawen laeng. Iti kaaldawantayo, ad-adu a tattao ngem iti dayta ti mabalin a matay gapu iti AIDS. Ken adda kanser, sakit ti puso, ken dadduma pay a saksakit a mangpappapatay iti rinibu a tattao iti tinawen.
(4) Nangted ni Jesus iti sabali pay a paset ti pagilasinan, a kunkunana: “Addanto . . . ginggined iti nadumaduma a disso.” Ammom kadi no ania ti ginggined?— Dagiti ginggined gunggonenda ti daga a pagtaktakderam. Marpuog dagiti balbalay, ken masansan nga adu ti tao a matay. Sipud pay idi 1914, nakaad-adun ti ginggined iti tinawen. Nakadamagka kadin kadagiti ginggined?—
(5) Kinuna ni Jesus a ti ‘iyaadu ti kinadakes’ ket maysa pay a paset ti pagilasinan. Dayta ti gapuna nga agraraira ti panagtakaw ken kinaranggas. Iti sadinoman a lugar, pagbutbutnganda dagidiay agtatakaw a sumrek kadagiti pagtaenganda. No idilig idi un-unana, nakaro unay itan ti krimen ken kinaranggas iti amin a paset ti lubong.
(6) Nangted ni Jesus iti nakapatpateg a paset ti pagilasinan. Kinunana: “Daytoy naimbag a damag ti pagarian maikaskasabanto iti intero a mapagnaedan a daga maipaay a pangsaksi kadagiti amin a nasion; ket iti kasta umayton ti panungpalan.” (Mateo 24:14) No mamatika iti kinapateg “daytoy naimbag a damag,” masapul ngarud nga ibagam dayta kadagiti sabsabali. Iti kasta makiramanka iti pannakatungpal daytoy a paset ti pagilasinan.
Mabalin a kunaen dagiti dadduma nga uray idi un-unana kanayon a mapaspasamak dagiti impadto ni Jesus. Ngem uray kaanoman, saan pay idi a napasamak amin dagita a banag iti adu unay a paset ti lubong ken aggigiddan. Gapuna, maawatam kadi ti kaipapanan ti pagilasinan?— Kayatna a sawen a no makitatayo a mapaspasamaken amin dagitoy, daytoy dakes a lubong ket dandanin suktan ti baro a lubong ti Dios.
Idi inted ni Jesus daytoy a pagilasinan, adda met dinakamatna a naisangsangayan a panawen. Kinunana: “Itultuloyyo nga ikararag a ti panagtalawyo saan koma a mapasamak iti panawen ti lam-ek.” (Mateo 24:20) Panagkunam ania ngata ti kayatna a sawen?—
Kastoy. Iti panawen ti lam-ek wenno bagyo, narigat unay wenno napeggad
pay ketdi ti agbiahe. Ania ngata ti mapasamak no adda didigra a nasken a liklikan ti maysa a tao kabayatan ti kasta a panawen?— Uray pay no maliklikanna, sigurado a marigatan unay. Saan kadi a nakalkaldaang a matay ti maysa a tao nga agbiahe iti panawen ti bagyo gapu laeng ta adu unay idi ti as-asikasuenna isu a saan a nakapanaw a nasaksakbay?—Idi ibagbaga ni Jesus ti panagtalaw iti panawen ti lam-ek, ania a leksion ti isursurona?
Matarusam kadi ti kayat a sawen ni Jesus a saanen nga urayen ti panawen ti lam-ek sakbay nga agtalaw?— Ibagbagana kadatayo a gapu ta ammotayo nga asidegen ti Armagedon, apuraentayo ngarud ti agtignay a mangipaneknek iti ayattayo iti Dios babaen ti panagserbi kenkuana. No saantayo nga apuraen, baka maladawtayton. Mayarigtayto kadagidiay tattao idi tiempo ti dakkel a Layus a nakangngeg iti pakdaar ni Noe ngem saanda a simrek iti daong.
Sumaganad, pagsaritaanta ti kasasaad inton malpasen ti naindaklan a gubat ti Armagedon. Ammuenta no ania ti insagana ti Dios para kadatayo amin nga agayat ken agserserbi kenkuana itan.
Dagitoy ti dadduma pay a teksto a mangipakita nga asidegen ti Armagedon: 2 Timoteo 3:1-5 ken 2 Pedro 3:3, 4.