MATAUPU E 47
E Iloa Pefea ne Tatou me ko Pili Mai Amaketo
EILOA ne koe me se a te fakailoga, ne?— I te Mataupu e 46 e fai‵tau tatou e uiga ki te fakailoga ne tuku mai ne te Atua me ka se toe fakaseai ne ia te lalolagi e auala i se lolo. Ne fesili atu foki a apositolo mō se fakailoga ko te mea ke mafai o iloa ne latou te taimi ne foki mai ei a Iesu mo te pili mai o te gataga o te lalolagi, io me ko te olaga masei tenei.—Mataio 24:3.
Ona ko te mea ka se matea atu a Iesu i te lagi, ne manakogina i ei se fakailoga telā e mafai o lavea ne tino ke fakaasi atu ei me ko oti ne kamata o pule mai a ia. Tela la, ne fai atu ei ne Iesu ki ana soko a mea ‵tupu e ‵tau o onoono latou ki ei i te lalolagi nei. Kafai ko ‵tupu a mea konei, ko tena uiga, ko oti ne toe foki mai a ia kae ko kamata foki o pule mai i te lagi e pelā me ko te Tupu.
Ke akoako atu ki ana soko a te tāua o te matapulapula, ne fai atu a Iesu ki a latou: “Onoono ki te lakau ko te mati mo nisi lakau katoa. Kafai ko lavea Luka 21:29, 30.
ne koe me ko ‵somo aka olotou lau ko iloa ei ne koutou me ko pili mai te ‵tau vela.” E iloa ne koutou māfai ko pili mai te tau ‵vela. Kae e mafai foki o iloa ne koe me ko pili mai Amaketo māfai ko lavea ne koe a mea ‵tupu kolā ne faipati mai a Iesu e uiga ki ei.—I te itulau tenei mo te itulau telā e ‵soko mai, ka onoono tatou ki ata o mea kolā ne fai mai a Iesu me ko vaega o te fakailoga telā e iloa ei ne tatou me ko pili mai te Malo o te Atua. Kafai ko ‵tupu a mea katoa Mataupu e 46.
konei, ka fakaseai atu ei ne te Malo o te Atua, telā e fai a Keliso mo Pule i ei, a nisi pulega katoa, e pelā mo te mea ne fai‵tau tatou ki ei i teTela la, ke onoono faka‵lei ki ata i itulau konei e lua mai mua o te itulau tenei, kae ka sau‵tala tatou ki ei. I te Mataio 24:6-14 mo te Luka 21:9-11, e mafai o faitau ne koe a mea kolā e lavea ne koe i ata konei. Ke onoono foki ki tamā napa i ata takitasi. E maua foki a napa konā i te kamataga o te palakalafa kolā e fakamatala mai i ei a ata konā. Ke onoono nei tatou ki vaega e uke o te fakailoga telā ne tuku mai ne Iesu me ko fakataunu i aso nei io me ikai.
(1) Ne fai mai a Iesu: “Ka lagona ne koutou a taua mo tala o taua; . . . ka fai taua te suā atufenua ki te suā atufenua, mo te suā malo ki te suā malo.” Kai lagona aka eiloa ne koe a tala e uiga ki taua?— Ne tupu te taua muamua a te lalolagi mai i te 1914 ki te 1918, kae ko te Taua i te Lua a te Lalolagi, mai i te 1939 ki te 1945. Ne seki aofia muamua eiloa a te lalolagi kātoa i taua! Nei la, ko ‵tupu eiloa a taua i te lalolagi kātoa. E foliga mai me i aso katoa i te TV, i te letio, mo nusipepa, e lagona kae fai‵tau tatou ki tala o taua.
(2) Ne fai mai foki a Iesu: “Ka oko mai a oge mea‵kai . . . ki koga katoa.” E pelā mo te mea kāti ko iloa ne koe, e se ko tino katoa e lava olotou meakai. I aso katoa e lau i afe o tino e ‵mate ona ko te mea e se lava olotou meakai.
(3) Ne toe fai mai a Iesu: ‘Ka oko mai a famai ki koga katoa.’ E iloa ne koe me se a te famai?— Se masaki, io me se masaki ‵pisi telā e mafai o ‵mate i ei a tino e tokouke. E tasi te masaki ‵pisi lauiloa e igoa ki te fulū faka-Sepania ne ‵mate i ei a tino e nofo ki te toko 20 miliona i se tausaga tupu fua. I ‵tou aso nei, kāti ka tokouke atu a tino e ‵mate mai i te SELAMETE. Kae penā foki te kenisa, masaki o te fatu, mo nisi masaki aka foki kolā e tamate ei a te fia afe o tino i tausaga katoa.
(4) Ne tuku mai ne Iesu a te suā vaega o te fakailoga, ana muna:
“Ka oko mai a . . . mafuie ki koga katoa.” E iloa ne koe me se a te mafuie?— E fakagasuesue ne te mafuie a te laukele mai lalo i ou vae. E ‵siga a fale, kae e masani foki o ‵mate i ei a tino. Talu mai te tausaga ko te 1914, ne uke eiloa a mafuie ne ‵tupu i tausaga katoa. Kai lagona aka eiloa ne koe a mea e uiga ki mafuie?—(5) Ne fai atu a Iesu me i te suā vaega o te fakailoga ko te ‘gasolo aka faeloa o mea ma‵sei.’ Tenā eiloa te pogai ko uke katoa ei a amioga kai‵soa mo fakasauaga. Ko ma‵taku a tino i koga katoa i te mea ma taumafai a tino o ofa kae kaisoa a mea mai i olotou fale. E seki uke katoa aka eiloa penei muamua a amioga solitulafono mo fakasauaga i vaega katoa o te lalolagi.
(6) Ne tuku mai ne Iesu a te vaega tāua ‵ki o te fakailoga i te taimi ne fai mai ei a ia: “A ko te tala ‵lei tenei o te Malo ka talai atu ki te lalolagi nofoaki kātoa mo fai se molimau ki atufenua katoa; ko oko mai ei te gataga.” (Mataio 24:14) Kafai e talitonu koe ki “te tala ‵lei tenei,” e ‵tau o faipati atu koe ki nisi tino e uiga ki ei. I te auala tenā, e mafai ei o aofia koe i te fakataunuga o te vaega tenei o te fakailoga.
Kāti e fai mai a nisi tino me i mea ne ‵valo mai ne Iesu ko oti faeloa ne ‵tupu. Kae e seki ‵tupu aka eiloa muamua a mea katoa i koga e uke o te lalolagi i te taimi eiloa e tasi. Tela la, e malamalama koe i te uiga o te fakailoga?— E fakauiga i ei me kafai ko lavea ne tatou a mea katoa konei ko ‵tupu, ko iloa ei ne tatou me ko pili o sui a te lalolagi masei tenei ki te lalolagi fou a te Atua.
I te taimi ne tuku atu ei ne Iesu a te fakailoga, ne faipati foki a ia ki se tau o te aso fakapito o te tausaga. Ana muna: “‵Talo faeloa ko te mea ke se ‵tele koutou i te taimi o te ‵tau ‵moko.” (Mataio 24:20) Se a te mea ne fakauiga a ia ki ei i tau faka‵tau?—
Ia, kafai e ‵tau o tele atu se tino ke sao a ia mai i se fakalavelave i te taimi o te tau ‵moko, kae ko faigata io me ko fakamataku a te faimalaga atu i te taimi tenā, se a te mea e mafai o tupu?— Kafai e sao atu a ia,
ka fai eiloa penā i se auala faigata. E a, e se fakafanoanoa māfai e mate se tino i te taimi o te tau ‵moko ona ko te mea ko tō fakalavelave i te faiga o nisi mea kae e se na kamata fakavave tena malaga?—E a, e lavea ne koe te ‵toe manatu tāua telā ne fakaasi mai ne Iesu e uiga ki te sē faka‵tali o tele atu keatea i te ‵tau ‵moko?— Ne fai mai tou tagata me ona ko te mea ko iloa ne tatou i a Amaketo ko pili mai, e se ma‵nako tatou ke fakatalave ‵tou gasue‵sue ke fakamaoni aka ei me e a‵lofa tatou ki te Atua mai i te tavini atu ki a ia. Kafai e fakatalave tatou, e mafai o tō talimuli ki a tatou. Tela la, ka fai eiloa tatou e pelā mo tino i te taimi o te Lolo lasi telā ne lagona ne latou a Noa kae ne seki ulu atu ki loto i te vaka.
I te suā mataupu, ka sau‵tala loa tatou e uiga ki mea ka ‵tupu māfai ko oti atu a Amaketo. Ka tauloto tatou ki mea kolā ko oti ne fakatoka ne te Atua mō tatou katoa kolā e a‵lofa kae tavini atu nei ki a ia.
E fakasolo mai lalo a nisi tusi fai‵tau kolā e fakaasi mai i ei me ko pili mai a Amaketo: 2 Timoteo 3:1-5 mo te 2 Petelu 3:3, 4.