Sera ki i es ki Deus mistiba?
LEI kualker jornal. Jubi televison o sukuta radiu. I ten manga di notisias aserka di krimi, gera ku terorismu! Pensa na bu propi purblemas. Talves duensa o mortu di un algin ku bu gosta del sta na kausau manga di sufrimentu. Talves bu sta na sinti suma un omi justu comadu Jo, ku fala ki si kasabi “pesa mas di ki reia di mar.” — Jo 6:2, 3.
Punta bu kabesa:
-
Sera ki i es ki Deus mistiba pa mi i pa tudu pekaduris?
-
Nunde ki N pudi oca ajuda pa lida ku ña purblemas?
-
Sera ki i ten speransa di ki un dia no na tene pas na Tera?
Biblia da bon respostas pa es purguntas.
BIBLIA TA SINA KI DEUS NA BIN FASI ES MUDANSAS NA TERA.
“I na limpa tudu larma na se uju. Mortu ka na ten mas, nin tristesa, nin cur, nin dur.” — Apokalipsi 21:4.
“Manku na jukuta suma gazela.” — Isaias 35:6.
“Ujus di segu na yabridu.” — Isaias 35:5.
Deus na bin resusita jintis ku muri. — Jon 5:28, 29.
‘Nin un algin ku mora na tera ka na fala kuma i sta duenti.’ — Isaias 33:24.
‘I na ten manga di trigu na tera.’ — Salmu 72:16.
BENEFISIA DI KE KI BIBLIA TA SINA
Ka bu lestu di nkara ke ki mostradu na paẑinas ki pasa suma un simplis diseẑu ku ka na bin kumpri. Deus purmiti fasi es kusas, i Biblia splika kuma ki na fasil.
Ma, Biblia ta benefisianu inda mas. I ta splika kuma ku bu pudi tene desdi gosi un vida filis. Pensa so un bokadu aserka di bu preokupasons ku purblemas. I pudi sedu, falta di diñeru, purblemas di familia, di saudi, o mortu di un algin ku bu ama. Biblia pudi judau lida ku purblemas di aos, i pudi aliviau ku resposta di purguntas suma esis:
-
Ke ku manda no ta sufri?
-
Kuma ku no pudi lida ku preokupasons di vida?
-
Kuma ku no pudi torna no vida di familia mas filis?
-
Ke ki ta pasa ku nos ora ku no muri?
-
Sera ki un dia no na bin oja mas no parentis ku muri?
-
Ke ki pudi danu serteza di kuma, Deus na bin kumpri si promesa na futuru?
Manera ku bu sta na lei es livru ta mostra kuma, bu misti sibi ke ki Biblia ta sina. Es livru na judau. Nota kuma, paragrafus tene se purguntas bas di paẑina. Milyons di jintis gosta di usa es metudu di purgunta ku resposta, ora ke na studa Biblia ku Tustumuñas di Jeova. No na spera ki bu na gosta tambi. Pa bu tene benson di Deus, nkuantu bu na sinti emoson ku alegria di aprindi ke ki Biblia na bardadi ta sina!
No pensa kuma bu na gosta des tambi
ASERKA DI NOS
Kuma ku Studu di Biblia ta Fasidu?
Na tudu mundu, Tustumuñas di Jeova kunsidu pa se programa di studu di Biblia ke ta da sin paga nada. Jubi kuma ki ta fasidu.
