Ka Awashima u Aôndo Nee?
TÔÔ nyityô pipaabaver cii kenger tsô u nenge, hanmô yô iv a abaver sha kwagh u tswam u eren man ityav man ifer. Gema ase pipa i nan abaver la ver kera, hide gbidye kwar tsô u nenge mbamzeyol mba ve lu nan we ishimanyian la. Alaghga angev shin ku u or u doon we ishima ngu nan we ishimayinan. Alaghga a kunda u iyol er ngise kunda Yobu iyol ve, ôr mkaanem man nahan, a kaa wener ‘kunya ivim iyol je gande.’—Yobu 10:15.
Pine iyol you wer:
-
Ka awashima u Aôndo sha ci wam man orumace cica cii nee?
-
Me zua a iwasen i nôngon a mbamzeyol av hana?
-
Ashe ver ikyôr ér shi se tsa se zua a bem sha tar sha won kpa?
Bibilo na mbamlumun mba kuman ken ato sha mbampin mban kaveraa.
BIBILO TESE ÉR KA KWAGH U AÔNDO A WE ISHIMA U EREN JE U NENGEN A MI HEEN NE, SHI UNA VA A MBAMLU MBAN SHA TAR KPEE, A BUNDE GA.
-
“Una ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga, gadia akaa a tse la kar kera.”—Mpase 21:4.
-
Orkeer nana gba tsuwen er ashim nahan, man nombor u orkondoniker kpaa ua wa icam.” —Yesaia 35: 6.
-
“Tsô á bugh mbaapirashe ashe, man á bugh mbakondonato ato.—Yesaia 35:5
- “Mba ve lu shin iwar cii vea . . . due.” —
-
“Ma or u nan tem ker kpaa nana kera kaa er: Kwagh nyoon mo, ga.”—Yesaia 33:24.
-
“Iyiav mbi̱ ngee shin tar sha ityouv mbi iwoov je kpaa.”—Pasalmi 72:16.
ZUA A IWASEN SHA KWAGH U BIBILO I TESE LA
De gbe huren ufoto mba i tese ken upeeji mban wer i kpen ôron tsô ga. Aôndo tôndo zwa ér una er akaa ne nahan kpee, shi Bibilo pase gbenda u una er a la kpaa.
Kpa ka cii mtsera u Bibilo i lu a mi ne ga. Ka i kpaa ia na ve, u ember uma hegen sha mimi, a kuma u kpaa ye. Hide gbidye kwar sha mbamzeyol ou, tsô u nenge. Alaghga akaa a a lu zan we iyol yô ka mzeyol u inyar man mbamzeyol mba hen tsombor, kua mkpeyolga, shin ku u or u doon we ishima nan kpe la. Bibilo ia fatyô u wasen we, sha er u nôngo a mbamzeyol mban yô, shi ia na u zua a mpeveryol sha u nan we mbamlumun sha mbampin amba er mba i pin heen ne nahan:
-
Er nan ve se ye icana?
-
Se er nan ve se nôngo a akaa a á ne se ishimanyian laa?
-
Se er nan ve se seer van a msaanyol hen tsombor wasa?
-
Ka nyi ka i er se zum u se kpe kera laa?
-
Shi se tsa sha won se nenge a mba doon se ishima mba ve kpe mbara je kpa?
-
Se fa inyô ser Aôndo una tsa a kure uityendezwa mba a er mbara sha wono?
Er u lu ôron takerada ne nahan, ngula tese je ér we kpa u soo u fan kwagh u Bibilo i tese la. Takerada ne ua wase u. Aluer u ver ishima u nenge yô, i pine mbampin sha ikyumhiange ii í nger la vough vough shin kpe sha hanma peeji. Ior kpishi ka vea timen ken Bibilo vea Mbashiada mba Yehova, man a̱ pinen mbampin sha u i naan mlumun nahan, i doo ve kpen kpen. Se mba a ishimaveren ser kape we kpa a doo u je la. Yô, er u gbe mi henen wer u fa kwagh u Bibilo i tese jim la, shi i ngirigh we iyol, shi i lu kwagh u una va u a mkom kpishi kpaa nahan, Aôndo a̱ ver u doo doo!