1-3. Toqu pil­lugu suut apeq­qutigineqar­tar­pat, up­perisarsior­ner­nilu as­sigiin­ngitsuni qanoq akineqar­tar­pat?

TOQU pil­lugu apeq­qutit taamaat­tut inuit ukiuni tuusintilin­ni isumaliutigisarsimavaat. Kik­kuugaluarut­ta sumiluun­niil­lu najugaqaraluarut­ta apeq­qutit taamaat­tut avaq­qus­sin­naan­ngilavut, pingaaruteqar­porlu akis­sutis­sarsinis­saat.

² Kapitalip matuma siuliani nas­suiar­neqar­poq Jiisusip Kristusip uter­titsis­sutitut pil­liutaa inuunermut naas­saan­ngitsumut qanoq aq­qutis­siuus­sinersoq. Aam­ma paasivar­put ‘toqup peeruk­kumaar­nera’ Biibilimi siulit­tuutigineqar­toq. (Saq­qum­mersitat 21:4) Ul­lorli man­na tikil­lugu inuit toqusar­put. Kun­ngi silatooq Salomo ima oqar­poq: ‘Uumas­suseqar­tut nalun­ngilaat toqusus­saagamik.’ (Oqaluus­sisar­tup oqaasii 9:5) Sivisuner­paamik inuujumal­luta sapin­ngisatsin­nik iliuuseqar­tar­pugut. Aam­mali eq­qarsaatigisar­par­put toqugut­ta qanoq pisoqas­sanersoq.

³ Asasatsin­nik toqusoqaraangat aliasut­tar­pugut. Im­maqa im­minut ima aperisar­pugut: ‘Sumiip­pat? Naal­liup­pat? Malin­naaf­figaatigut? Ikiorsin­naavavut? Qaquguluun­niit takoq­qis­savavut?’ Silarsuarmi up­perisarsioqatigiit apeq­qutinut taak­kunun­nga akis­sutaat as­sigiin­ngitsorujus­suup­put. Ilaasa ajoqersuutigaat inuit ajun­ngitsut toqugaangamik qilaliar­tar­tut ajor­tul­lu an­niarfim­mut ikualasumut pisar­tut. Al­lat ajoqersuutigaat toqusut anersaat silarsuaan­nut pisar­tut siulitik ilagilerlugit. Suli al­lat ajoqersuutigaat toqusut samun­ngas­sasut eq­qar­tuus­saajar­torlutik, taavalu al­lamik timeqarlutik er­nioq­qis­sasut.

4. Up­perisarsior­nerit ilar­pas­suini toqu pil­lugu suna ajoqersuutigineqar­pa?

 ⁴ Up­perisarsior­nik­kut ajoqersuutit tamak­ku tamarmik isum­mamik ataasiusumik tun­ngaveqar­put – tas­sa timip uiniusup toqunerata kingor­na ilutsin­niit­tumik arlaan­nik ingerlaq­qit­toqar­tar­toq. Up­perisarsior­ner­ni tamangajan­ni, itsar­nitsani nutaanilu, ajoqersuutigineqar­poq arlaatigut naas­saan­ngitsumik inuugin­nar­tar­tugut takun­nis­sin­naaner­put, tusaasin­naaner­put eq­qarsarsin­naaner­pul­lu at­tatiin­narlugit. Qanorli taamaas­sin­naava? Misigis­sutivut eq­qarsaativul­lu tamarmik qaratsat­ta sulineranut at­tuumas­suteqarluin­nar­put. Toqugut­talu qarasar­put suliun­naas­saaq. Eq­qaamasin­naaner­put, misigis­sutsivut misigis­sutivul­lu qaratsamut at­tuumas­suteqar­natik paasis­saan­ngitsumik arlaatigut ingerlaan­narsin­naan­ngil­lat.

5, 6. Toqusut qanoq pisar­nerat pil­lugu Biibilimi suna ajoqersuutigineqar­pa?

⁵ Toqunermi qanoq pisoqar­tar­nera Jehovamut, qaratsamik Pin­ngor­titsisumut, paasis­saan­ngitsuun­ngilaq. Taas­suma ilumoor­toq nalun­ngilaa, oqaatsiminilu Biibilimi nas­suiar­paa toqusut qanoq pisar­nersut. Biibilimi ajoqersuut erseq­qis­soq imaap­poq: Inuk toquguni piujunnaassaaq. Toqu tas­saavoq inuunerup akerlia. Toqungasut takun­nis­sin­naanatil­lu tusaasin­naanatil­lu eq­qarsarsin­naan­ngil­lat. Timi toqugaangat ilutsin­niit­tumik arlaan­nik ingerlaq­qit­toqar­neq ajor­poq. Toqujuitsumik tar­neqan­ngilagut anersaaqar­nataluun­niit. *

⁶ ‘Uumas­suseqar­tut toqusus­saal­lutik nalun­ngik­kaat’ oqaatigeriarlugu Salomo taamani ima nangip­poq: “Toqungasul­li sunnguamilluunniit ilisimasaqan­ngil­lat!” Taava ilumoor­toq tun­ngaviusoq taan­na itisiler­paa oqarluni toqungasut asan­nis­sin­naanatil­lu uumis­suisin­naan­ngitsut aam­ma toqusut inaan­ni ‘sulias­saqan­ngitsoq ataqatigiin­neqaraniluun­niit ilisimasas­sanik ilisimas­susermil­luun­niit peqar­nani’. (Oqaluus­sisar­tup oqaasii 9:5, 6, 10 atuak­kit). Tamatumun­nga as­singusumik Tus­siaat  146:4-mi al­las­simavoq inuit toqugaangata ‘pilersaarutaat ul­loq taan­na maangaan­nar­tar­tut’. Toqujuitsuun­ngilagut, timilu toqugaangat arlaan­nik ingerlaq­qit­toqar­neq ajor­poq. Inuuner­put naneruutip ikumar­natut ip­poq. Naneruut supineqar­pat ikumar­na qamis­saaq al­lamut pinani. Piujun­naagin­nas­saaq.

7. Toqup suunera Jiisusip qanoq nas­suiar­paa?

⁷ Jiisusi Kristusi toqusut qanoq pisar­nerat pil­lugu eq­qar­tuivoq ikin­ngutigil­luak­kani Lazarusi toqum­mat ajoqersuk­kaminut ima oqarluni: “Ikin­nguter­put Lazarusi sinip­poq.” Ajoqersugai isumaqar­put Jiisusi isumaqar­toq Lazarusi peq­qis­siumal­luni sinit­toq. Paatsoor­pul­li. Jiisusi ima nas­suiaavoq: “Lazarusi toquvoq.” (Johannesi 11:11-14 atuakkit). Malugiuk Jiisusip toqu sinin­nermut as­sersuum­magu. Lazarusi qilam­miin­nanilu an­niarfim­miin­ngilaq ikualasumi. In­ngilinik siuliminil­luun­niit naapitaqan­ngilaq. Inut­tut al­latut er­nioq­qin­ngilaq. Toqumi qasuersaar­poq itisuumik sin­nat­tor­ner­taqan­ngitsumik sinit­tutut il­luni. Aam­ma Biibilimi al­las­simaf­fin­ni al­lani toqu sinin­nermut as­sersuun­neqar­poq, as­sersuutigalugu ajoqersuk­kamut Stefanusimut tun­ngatil­lugu. Taan­na ujaq­qanik mil­loorlugu toqun­neqar­poq, Biibilimilu al­las­simavoq ‘sinip­paalersoq’. (Apustilit Suliaat 7:60) Aam­ma apustili Paulusi nalimini toqusunik al­laaserin­nip­poq sinip­paar­nerarlugit. – 1 Korinthimiut 15:6.

8. Qanoq nalun­ngilar­put inuit toqunis­saat Guutip siuner­tarin­ngik­kaa?

⁸ Inuit toqusas­sasut Guutip aal­laq­qaam­mut siuner­taraa? Naamerluin­naq! Jehovap inuit pin­ngor­tip­pai nunarsuarmi naas­saan­ngitsumik inuunis­saat siuner­taralugu. Soorlu atuak­kami uani paasereerip­put, Guutip inuit siul­liit paratiisimut nuan­nersumut inis­sip­pai. Peq­qil­luin­nar­tuutil­lugit pin­ngor­tip­pai ajun­ngitsuin­nar­nil­lu kis­saal­lugit. Angajoq­qaat asan­nit­tut  kik­kul­luun­niit kis­saatigin­ngilaat qitor­namik utoq­qalinerup toqul­lu nas­satarisaan­nik naal­liuuteqar­nis­saat. Jehovap qitor­nani asavai nunarsuarmilu naas­saan­ngitsumik pil­luar­nis­saat kis­saatigalugu. Inun­nut tun­ngatil­lugu Biibilimi al­las­simavoq Jehovap ‘naas­saan­ngis­suseq inuit uum­mataan­niitis­simagaa’. (Oqaluus­sisar­tup oqaasii 3:11, qup­per­nerup ataani ilan­ngus­saq) Aap, Guutip pin­ngor­tip­paatigut naas­saan­ngitsumik, it­tuin­nar­tumik, inoorusus­suseqar­til­luta. Kis­saatip tamatuma pinis­saanut periarfis­sip­paatigut.

9. Jehovap Adami sumik kil­liliif­figaa, aam­ma sooq tamatuma naalan­nis­saa saper­nan­ngila?

⁹ Taavami sooq inuit toqusar­pat? Apeq­qut taman­na akis­sutis­sarsiumal­lugu Adami Evalu nunarsuarmi inutuaagal­larmata pisimasoq eq­qarsaatigisariaqar­par­put. Biibilimi ima oqalut­tuarineqar­poq: “Guutip Naalak­kap nunamit naalersip­pai or­piit tamalaat takoran­nersut nerif­figiuminar­tut.” (1 Mosesi 2:9) Inuil­li siul­liit ataatsimik kil­liliif­figineqar­put. Jehova Adamimut ima oqar­poq: “Naatsiiviup or­pii tamaasa nerif­figisin­naavatit, kisian­ni or­pik ajun­ngitsumil­lu ajor­tumil­lu ilisimalersitsisoq nerif­figis­san­ngilat, nerif­figigaluaruk­kumi toqus­saatit!” (1 Mosesi 2:16, 17) Peq­qus­sutip tamatuma naalan­nis­saa saper­nan­ngilaq. Al­lar­pas­suar­nim­mi or­peqar­poq Adamip Eval­lu nerif­figisin­naasaan­nik. Peq­qus­sut taan­na pis­sutigalugu im­mik­kut periarfis­saqaler­put sunik tamanik, aam­ma inuunermik naam­mal­luin­nar­tumik, tunisisimin­nut qujamasun­nermik ersersitsinis­samin­nut. Aam­mat­taaq naalan­nermik­kut ersersis­savaat Ataatamik qilam­miusup oqar­tus­saaneranik ataq­qin­nil­lutik asan­nit­tumil­lu siun­nersuinis­saa kis­saatigigitsik.

10, 11. (a) Sooq aap­pariit siul­liit Guutimut naalan­ngin­niarlutik aalajanger­pat? (b) Sooq Adamip Eval­lu unioq­qutitsinerat ingasat­tumik ajor­tulior­nerua?

¹⁰ Alianaraluar­tumil­li aap­pariit siul­liit Jehovamut naalan­ngin­niarlutik aalajanger­put. Pulateriaarsuk aq­qutigalugu Saatanip Eva ima aperaa: “Ilumut Guuti oqar­pa naatsiiviup or­pii nerif­figis­san­ngik­kisi?” Eva ima akivoq: “Naatsiiviup or­piisa paar­naan­nik nerisin­naatitaavugut, kisian­niuna Guuti oqar­toq or­piup naatsiiviup qeq­qaniit­tup paar­naanik neris­san­ngitsugut at­tor­nagil­luun­niit, taamaaliorut­ta toqus­sagat­ta.” – 1 Mosesi 3:1-3.

¹¹ Saatani ima oqar­poq: “Naamik, toqus­san­ngivip­pusi! Guutil­li nalun­ngilaa nerif­figigaluarus­siuk isisi uisitaajumaar­tut Guutisul­lu ilerumaar­tusi ajun­ngitsoq ajor­torlu nalujun­naas­sal­lugit.” (1 Mosesi 3:4, 5) Saatanip Eva isumaqalersin­niar­paa or­piup nerif­figeq­qusaan­ngitsup paar­naanik neriguni iluaqutigis­sagaa. Oqar­poq Evap nam­mineq aalajangersin­naagaa suna eq­qor­tuunersoq sunalu eq­qun­ngitsuunersoq; piumasamisut  qanorluun­niit iliorsin­naatitaanerar­paa. Saatanip aam­ma Jehova un­nerluutigaa paar­namik nerinerup kingunis­saa pil­lugu sal­lulior­nerarlugu. Evap Saatani up­peraa. Or­piup paar­naanik tigusivoq neril­lunilu, aam­ma uini tigutsip­paa, taan­nalu aam­ma nerivoq. Imaan­ngilaq ilisimaatsulior­tut. Nalun­ngilaat Guutip iliuusereqqunngisaatorluinnaq iliorlutik. Or­piup paar­naanik nerinermik­kut peq­qus­sut paasiuminar­toq inor­nan­ngitsorlu piaaralutik unioq­qutip­paat. Ataatar­tik qilam­miusoq taas­sumalu oqar­tus­saanera asis­sor­paat. Pin­ngor­titsisimin­nut asan­nit­tumut taamatut ataq­qin­nin­ngitsulior­nerat isumak­keerfigineqarsin­naan­ngilaq!

12. Adamip Eval­lu tunum­man­ni Jehova qanoq misigisimas­sanersoq qanoq ilil­luta paasil­luar­nerusin­naavar­put?

¹² Il­lit qanoq misigis­sagaluar­pit er­nerit paniil­luun­niit perorsarsimasat  asan­nit­tumil­lu isumagisimasat ilin­nut naalan­ngip­pat ilin­nik asan­nin­ngin­nerminik ataq­qin­nin­ngin­nerminil­lu ersersitsil­luni? Aliasuutigingaas­sagaluar­pat, ilaa? Taava takorlooriaruk Jehova qanoq misigisimas­sasoq Adamip Eval­lu marluul­lutik tunum­man­ni.

13. Adami toqup­pat qanoq pisoqar­nis­saa pil­lugu Jehova qanoq oqar­pa, taman­nalu qanoq paasisariaqar­pa?

¹³ Adamip Eval­lu naalan­ngin­nerat pis­sutigalugu Jehova taak­kunin­nga naas­saan­ngitsumik inuugin­nar­titsinis­saminut tun­ngavis­saarup­poq. Oqar­neratorluin­naq toqup­put. Imaan­ngilaq anersaat silarsuaan­nut nuun­neqar­tut. Adami Evalu piujun­naar­put. Jehovap Adami naalan­ngitsulior­neranut akisus­saatereerlugu oqaasiinit taman­na erseq­qip­poq. Guuti ima oqar­poq: ‘Is­sumut utis­saatit, tas­san­nga pigavit. Is­sumim­mi pivutit, is­sun­ngus­saatil­lu.’ (1 Mosesi 3:19) Guutip Adami is­sumit pin­ngor­tip­paa. (1 Mosesi 2:7) Taman­na sioq­qul­lugu Adami piun­ngilaq. Taamaat­tumik Jehova oqarmat Adami is­sumut utis­sasoq isumaqar­poq piun­ngitsuunermut utis­sasoq. Is­sutut sananeqaatimisul­li uumas­suseqan­ngitsigilis­saaq.

14. Sooq inuit toqusar­pat?

¹⁴ Adami Evalu ul­lumik­kut suli inuusimasin­naagaluar­put. Toqup­pul­li Guutimut naalan­ngin­niarlutik – ajor­tulior­niarlutik – aalajangeramik. Inuit toqusar­neran­nut pis­sutaavoq Adamip ajor­tiliunerminik taamalu toqumik kinguaaminut kingor­nus­sisitsinera. (Romamiut 5:12 atuaruk). Ajor­ti as­sersuun­neqarsin­naavoq nap­paam­mut kingor­nut­tak­kamut toqus­sutaasar­tumut arlaan­nat­taluun­niit nalaatin­ngitsoorsin­naan­ngisaanut. Ajor­til­lu kingunera toqu perloq­qus­sutaavoq. Toqu ikin­ngutaanani akeraavoq. (1 Korinthimiut 15:26) Jehovap uter­titsis­sum­mik, toqumit akerapalaarsuarmit an­naan­neqaatigisin­naasatsin­nik, pilersitsisimanera qujamasuutigingaar­tariaqar­par­put.

15. Sooq toqu pil­lugu ilumoor­tumik ilisiman­nin­neq tup­pal­lersaataava?

¹⁵ Toqusut qanoq pisar­neran­nik Biibilimi ajoqersuutigineqar­toq ilorraal­laatigisin­naavar­put. Soorlu sam­mereerip­put,  toqungasut an­niaateqar­natil­lu aliasuuteqan­ngil­lat. Ajoqusersin­naan­ngim­matigut siooraginis­saan­nut pis­sutis­saqan­ngilaq. Toqungasut uagutsin­nit ikior­neqar­nis­sar­tik pisariaqar­tin­ngilaat, taak­kualu aam­ma ikiorsin­naan­ngilaatigut. Oqaluus­sin­naan­ngilaatigut, aam­ma oqaluus­sin­naan­ngilavut. Up­perisarsior­nik­kut siut­tut ilar­pas­sui sal­lul­lutik toqungasunik ikiuisin­naanerar­put, inuil­lu tamatumin­nga up­perin­nit­tut taak­ku taamaalioq­qul­lugit aningaasanik tunisar­paat. Toqu pil­lugu ilumoor­tumik ilisiman­nin­neq sal­luliuutinik taamaat­tunik ajoqersuisunit nakutitaan­ngin­nis­samut il­lersuutigis­savar­put.

16. Kina up­perisarsioqatigiit amerlanersaasa ajoqersuutaan­nut sun­niuteqarsimava, aam­ma qanoq?

¹⁶ Up­perisarsioqatigiit amerlanersaasa toqungasut pil­lugit ajoqersuutaat Biibilimi ajoqersuutigineqar­tunut naaper­tuutin­ngil­lat. Sooq? Ajoqersuutaat Saatanimit sun­ner­neqarsimam­mata. Taas­suma up­perisarsior­neq eq­qun­ngitsoq atorlugu inuit isumaqalersin­niar­tar­pai uinik­kut toqunermik kingor­na inuunerat anersaat silarsuaan­nut ingerlaq­qik­kumaar­toq. Sal­lu taman­na sal­lunik al­lanik ilal­lugu Saatanip inuit Jehovamit Guutimit nigor­tin­niar­tar­pai. Qanoq?

17. Sooq naas­saan­ngitsumik an­niar­titaanermik ajoqersuut Jehovamut nikanarsaataava?

¹⁷ Eq­qaaneqareersutut up­perisarsioqatigiit ilaan­ni oqaatigineqar­tar­poq inuit ajor­tut toqugaangamik an­niarfim­mut pisar­tut tas­sanilu naas­saan­ngitsumik in­nermik an­niar­titaas­sasut. Ajoqersuut taman­na Guutimut nikanarsaataavoq. Jehova Guutiuvoq asan­nit­toq inun­nik taamatut an­niar­titsinavian­ngisaan­nar­toq. (1 Johan­nesi 4:8 atuaruk). Angut meeq­qamik naalan­ngitsumik as­saatigut in­nermik uutil­lugu pil­laasoq qanoq isigineqas­sava? Ataq­qineqas­sava? Angut taamaat­toq ilisarisimasar­taarinis­saa eq­qarsaatigineqar­navian­ngilarluun­niit, ilaa? Naak­kit­taatsorsuar­tut isigineqas­saaq. Taamaat­toq Saatanip isumaqalersik­kusup­paatigut Jehovap inuit in­nermi an­niar­tit­tarai naas­saan­ngitsumik – ukiuni mil­liardilik­kuutaani kisis­saan­ngitsuni.

18. Up­perisarsior­nik­kut sal­luliuut suna toqungasunik pal­lorfigin­nin­nermut tun­ngaviua?

¹⁸ Aam­ma Saatanip up­perisarsioqatigiit ilaat atorlugit inuit toqunermin­ni  anersaan­ngor­tut inuusunit ataq­qineqar­tus­saanerat pil­lugu ajoqersuut siaruar­ter­tar­paa. Ajoqersuut taman­na naaper­torlugu toqungasut anersaavi tas­saalersin­naap­put ikin­ngutit pis­saaneqaqisut imaluun­niit akeq­qat amiilaar­nar­tut. Inup­pas­suit sal­lu taman­na up­peraat. Toqungasut siooragaat, pal­lorfigaat ataq­qil­lugil­lu. Tamatuman­nga al­laanerul­luin­nar­tumik Biibilimi ajoqersuutigineqar­poq toqungasut sinip­paar­tut Guutilu ilumoor­toq, Pin­ngor­titsiser­put Pilersuisor­pul­lu, pal­lorfigisas­satuarigip­put. – Saq­qum­mersitat 4:11.

19. Biibilimi ajoqersuut al­la suna paasiuminar­tin­nerus­savar­put toqu pil­lugu ilumoor­toq ilisimagutsigu?

¹⁹ Toqungasut pil­lugit ilumoor­tumik ilisiman­nin­neq up­perisarsior­nik­kut sal­luliuutinit tam­mar­titaan­ngin­nis­samut il­lersuutigaar­put. Aam­ma Biibilimi ajoqersuutit al­lat paasinis­saan­nut iluaqutigaar­put. As­sersuutigalugu nunami paratiisimi naas­saan­ngitsumik inuunis­samik neriorsuut aatsaat iluamik isumaqarlualis­saaq inuk toqugaangami anersaat silarsuaan­nut pineq ajor­toq paasigaan­ni.

20. Apeq­qut suna kapitalimi tul­liut­tumi sam­mis­savar­put?

²⁰ Jobi naaper­tuil­luar­toq itsaq ima aperivoq: “Toqusoq uum­maq­qis­sin­naaner­pa?” (Jobi 14:14, 1990) Inuk uumas­suseqan­ngitsoq toqumi sinit­toq uum­mar­teq­qin­neqarsin­naava? Soorlu kapitalimi tul­liut­tumi ersersin­neqar­toq, tamatumun­nga tun­ngatil­lugu Biibilimi ajoqersuutigineqar­toq tup­pal­lersaataangaar­poq.