1-3. Tamat­ta akeq­qamit sumit malersor­neqar­pugut, aam­ma sooq Biibilimi ajoqersuutigineqar­tunik misis­suineq tup­pal­lersaatigisin­naavar­put?

TAKORLOORIARUK akeq­qamit ajor­torsuarmit qimaal­lutit. Akeraq taan­na ilin­nit nukit­tunerujus­suul­lunilu oqilanerujus­suuvoq. Nalun­ngilat qajas­suus­sinavian­ngitsoq, takoreer­pam­mi ikin­ngutivit ilaan­nik toqutsisoq. Qimaal­lutit tamavian­nguat ar­pak­kaluar­tutit angujar­tuin­nar­paatit. Neriuutis­saqar­pasin­ngilaq. Tas­san­ngaan­narli an­naas­siniar­tumik sanin­nut pisoqar­poq. Taan­na akeq­qan­nit nukit­tunerungaar­poq, ikiorumal­lutil­lu neriorsuivoq. Toq­qis­sial­larujus­suar­putit!

² Illit akeraasumit taama it­tumit malersor­neqar­putil­lusooq. Tamat­ta taamaan­neqar­pugut. Soorlu kapitalip matuma siuliani paasigip­put Biibilimi toqu akeq­qatut eq­qar­tor­neqar­poq. Arlaan­nat­taluun­niit taan­na qimarratigisin­naan­ngilaa. Amerlanersat­ta akeraq taan­na qanigisatsin­nik toqutsisoq takusimavaat. Jehovali toqumit nukit­tunerungaar­poq. Aniguisitsisuuvoq asan­nit­toq, ersersereer­paalu akeraasoq taan­na ajugaaf­figisin­naal­lugu. Neriorsuivorlu toqu piuneerul­luin­narumaarlugu. Biibilimi ima al­las­simavoq: “Akeq­qani kingul­lersaal­luni toqu suujun­naarsitaajumaar­poq.” (1 Korinthimiut 15:26) Nutaarsias­sap nuan­nis­susia, ilaa?

³ Ilisarisimasatsin­nik toqusoqaraangat qanoq misigisar­nersugut  sam­milaariar­tigu. Taamaalior­neq nuan­ningaar­tumik al­lamik paasin­nin­nerulis­sutigalugulu pingaar­titsinerulis­sutigis­savar­put. Jehovami neriorsuisimavoq toqungasut uum­maq­qik­kumaar­tut. (Esaja 26:19) Inuulerseq­qin­neqas­sap­put. Taman­namiuna makititaanis­samik neriuum­mi pineqar­toq.

4. (a) Sooq Jiisusip qanimut ikin­ngum­mi toquneranut qisuariar­nera Jehovap misigis­susii pil­lugit ilin­niarfigisin­naavar­put? (b) Jiisusip kik­kut qanimut ikin­ngutigiler­pai?

⁴ Asasan­nik toquk­kut an­naasaqarsimavit? Naal­liun­neq, aliasun­neq soriarsin­naan­ngitsutul­lu misigineq ar­tor­narluin­narsin­naap­put. Taamatut pisoqaraangat Guutip oqaasiani tup­pal­lersaatis­sarsior­neq pisariaqar­tin­neqar­tar­poq. (2 Korinthimiut 1:3, 4 atuakkit). Jehovap Jiisusil­lu toqu qanoq isigineraat Biibili iluaqutigalugu paasisin­naavar­put. Jiisusip angusisarluin­nar­tup nalun­ngilaa asasamik toquk­kut an­naasaqar­neq qanoq an­ner­nar­tigisoq. (Johan­nesi 14:9) Jiisusip Jerusalemimiik­kaangami Lazarusi qatan­ngutaalu, Mar­tha Marialu, il­loqarfim­mi ungasin­ngitsumi Betaniami najugaqar­tut pulaar­tar­pai. Qanimut ikin­ngutigiiler­put. Biibilimi ima al­las­simavoq: “Jiisusip Mar­tha qatan­ngutaalu ar­naq Lazarusilu asavai.” (Johan­nesi 11:5) Kisian­ni soorlu kapitalip matuma siuliani paasigip­put Lazarusi toquvoq.

5, 6. (a) Jiisusi Lazarusip ilaqutai ikin­ngutaalu aliasut­tut takugamigit qanoq piva? (b) Sooq Jiisusip aliasun­nera uagutsin­nut tup­pal­lersaataava?

⁵ Ikin­ngutini an­naagamiuk Jiisusi qanoq misigiva? Oqalut­tuami erser­poq Lazarusip ilaqutai ikin­ngutaalu an­naasamin­nik aliasuutigin­nitsil­lugit Jiisusip tikik­kai. Jiisusip taak­ku takugamigit kil­litsingaar­poq. Biibilimi al­las­simavoq ‘Jiisusi as­sut ilungersuum­merluni qis­saser­toq’. (Johan­nesi 11:33, 35) Jiisusi aliasum­mat imaap­pa taan­na isumaqar­toq Lazarusimut neriuutis­saqan­ngitsoq? Naamerluin­naq. Jiisusip nalun­ngilaa nuan­nersorsuarmik pisoqangajalersoq. (Johan­nesi 11:3, 4) Taamaat­toq toqup kingunerisaanik naal­liun­neq aliasun­nerlu misigai.

⁶ Oqar­toqarsin­naavoq Jiisusip taamani aliasun­nera uagutsin­nut tup­pal­lersaataasoq. Tamatumuuna paasivar­put Jiisusip  Ataataatalu, Jehovap, toqu uumigigaat. Jehoval­li akeraasoq taan­na akiorsin­naal­lugulu ajugaaf­figisin­naavaa. Misis­soriar­tigu Jiisusi susin­naan­ngor­tis­simaneraa.

7, 8. Sooq inuit isigin­nit­taasiat naaper­torlugu Lazarusimut neriunar­toqar­pasin­ngila, Jiisusili qanoq ilior­pa?

⁷ Lazarusi qaarusum­mut ilineqarsimavoq, Jiisusil­lu ujarak ilerrup paavanut as­siun­neqarsimasoq peeq­quaa. Mar­tha akerliliivoq Lazarusi ul­luni sisamani toqungareermat, taamalu timaa asiulereersimas­sam­mat. (Johan­nesi 11:39) Inuit isigin­nit­taasiat naaper­torlugu neriunar­toqan­ngilaq.

⁸ Ujarak il­likar­tin­neqar­poq, Jiisusilu nipituumik ima suaar­poq: “Lazarusi, maanga anigit!” Qanorlu pisoqar­pa? “Toqusoq anivoq.” (Johan­nesi 11:43, 44) Najuut­tut nuan­naar­nerat takorloorsin­naaviuk? Lazarusip qatan­ngutaasa, eq­qarliisa, ikin­ngutaasa saniliisalu tamarmik nalun­ngilaat taan­na toqusoq. Aajunali – angut asasaat taan­na – uum­maareqaluni akor­nan­ni qeqar­toq. Up­per­nan­ngingajap­porluun­niit. Qular­nan­ngitsumik ilar­pas­suisa nuan­naar­nermit eqitaarsimas­savaat. Toqumut ajugaaneq tupin­nangaar­toq!

9, 10. (a) Jiisusip qanoq ersersip­paa Lazarusimik makititsinis­saminut kia pis­saaneqalersik­kaani? (b) Makititsiner­nik oqalut­tuanik Biibilimiit­tunik atuar­neq qanoq iluaqutaasin­naava?

⁹ Jiisusi tupin­nangaar­tuliamik tamatumin­nga nam­mineerluni tupin­nar­tulior­neran­ngilaq. Lazarusip ilivermit aneq­qul­lugu suaan­ngitsiar­nerani Jiisusip qinunermini erseq­qis­sar­paa Jehovap Lazarusimik makititsisin­naan­ngor­tik­kaani. (Johannesi 11:41, 42 atuakkit). Jehova pis­saanerminik arlaleriarluni taamatut atuisimavoq. Lazarusip makititaanera tupin­nar­tulior­nik­kut makititsinerit Guutip oqaasiani oqalut­tuarineqar­tut qulingiluaasut ilaan­naraat. * Oqalut­tuanik taak­kunin­nga atuar­neq misis­suinerlu qiim­maal­lan­nar­torujus­suuvoq. Taak­kunan­nga paasivar­put Guuti kinaas­susersior­tuun­ngitsoq.  Makititaasunum­mi ilaap­put inuusut­tut utoq­qaal­lu, angutit ar­nal­lu, Israelik­kuusut Israelik­kuun­ngitsul­lu. Nuan­naar­neq oqalut­tuani taak­kunani oqalut­tuarineqar­toq kil­litsin­nangaar­poq! As­sersuutigalugu Jiisusip niviarsiaraq makitim­magu angajoq­qaavi ‘tupigusun­nermit [nuan­naangaaramik, NW] paatsiveerul­luin­nar­put’. (Markusi 5:42) Puiun­ngisaan­nagas­samin­nik Jehovamit nuan­naarutis­sin­neqar­put.

¹⁰ Inuit Jiisusimit makititaasut soorunami kingusin­nerusuk­kut toqoq­qip­put. Imaap­pali makititaanerat asuliin­naasoq? Naamik, oqalut­tuat taak­ku sal­lusuis­sutinut pingaarutilin­nut Biibilimeersunut up­per­narsaataap­put uagutsin­nul­lu neriuutis­siil­lutik.

11. Lazarusip makititaaneranik oqalut­tuaq Oqaluus­sisar­tup oqaasii 9:5-imi al­las­simasumut qanoq up­per­narsaataava?

¹¹ Biibilimi ajoqersuutigineqar­poq ‘toqungasut sun­nguamil­luun­niit ilisimasaqan­ngitsut’. (Oqaluus­sisar­tup oqaasii 9:5) Uumas­suseqan­ngil­lat al­lamiluun­niit ilisimal­lutik piunatik. Lazarusimik oqalut­tuaq tamatumun­nga up­per­narsaataavoq. Lazarusip inuuleq­qik­kami qilak pis­sanganar­tumik oqalut­tuarin­ngilaa. Aam­ma an­niarfik ikualasoq pil­lugu amiilaar­nar­tunik oqalut­tuarluni inuit an­nilaar­tin­ngilai. Lazarusip tamak­ku pil­lugit oqaaseqarsimaneranik Biibilimi al­las­simasoqan­ngilaq. Ul­luni sisamani toqunganermini ‘sun­nguamil­luun­niit ilisimasaqan­ngilaq’. Lazarusi toqumi siniin­nar­poq. – Johan­nesi 11:11.

12. Sooq Lazarusip ilumut makititaasimanera up­peril­luin­narsin­naavar­put?

¹² Lazarusimik oqalut­tuamit aam­ma paasivar­put makititaaneq oqalut­tualiaan­naanani piviusuusoq. Jiisusip Lazarusi makitip­paa inup­pas­suit isigin­nit­toralugit. Al­laat up­perisarsior­nik­kut siut­tuusut, Jiisusimik uumigin­nit­tut, oqan­ngil­lat tupin­nar­tuliaq taman­na pisiman­ngitsoq. Ima oqar­put: “Qanoq ilius­saagut? Angut taan­na [Jiisusi] amerlasuunik nalunaaqutilior­tar­poq.” (Johan­nesi 11:47) Inup­pas­suit aggiap­put angut makititaasimasoq takujar­torlugu. Tamatuma kingunerisaanik Jiisusimut  up­per­tun­ngor­tut amerleriaan­nar­put. Jiisusip Guutimit aal­lar­titaaneranut Lazarusi up­per­narsaatitut takusin­naasatut isigaat. Up­per­narsaat taman­na sun­niuteqangaarmat juutit up­perisarsior­nik­kut siut­tuisa naak­kit­taatsut ilaasa Jiisusi Lazarusilu toqun­nialersaaler­paat. – Johan­nesi 11:53; 12:9-11.

13. Jehovap toqungasunik makititsisin­naaneranik up­perin­nin­nis­samut sumik pis­sutis­saqar­pugut?

¹³ Makititaaneq piviusutut isigis­sal­lugu piviusorsiun­ngitsulior­nerua? Naamerluin­naq. Jiisusi oqar­poq “ilivermiit­tut tamarmik”, tas­sa Guutimit eq­qaamaneqar­tut tamarmik, makititaajumaar­tut. (Johan­nesi 5:28) Jehova uumas­susilin­nik tamanik pin­ngor­titsisuuvoq. Uumas­suseqalersitseq­qis­sin­naanera up­periuminaap­pa? Soorunami Jehovap eq­qaaman­nis­sin­naanera tamatumani pingaaruteqangaar­poq. Toquk­kut an­naasavut eq­qaamasin­naavai? Eq­qarsaatigeriaruk avataarsuani bil­lionilip­pas­suar­nik ul­loriaqar­toq, tamak­kualu atii tamaasa Guutip nalun­ngilai! (Esaja 40:26) Taama eq­qaaman­nis­sin­naatigigami toquk­kut an­naasat­ta suminin­ngui tamaasa eq­qaamal­luarsin­naavai, inuulerseq­qis­sin­naavaalu.

14, 15. Jehovap toqungasunik uum­mar­titseq­qin­nis­saminut tun­ngatil­lugu qanoq misiginera Jobip oqaasiinit qanoq erser­pa?

¹⁴ Jehova toqungasunik makititsinis­saq pil­lugu qanoq misigiva? Biibilimi ajoqersuutigineqar­poq taak­kunin­nga makititsinis­sani qilanaarigaa. Jobi aalajaatsoq ima aperisimavoq: “Angut toquguni uum­maq­qis­sin­naava?” Jobip eq­qar­tugaa tas­saavoq pif­fis­saq Guutimit ‘eq­qaaneqar­nis­sani’ nal­liutserlugu ilivermi utaq­qinis­sani. Jehovamut ima oqar­poq: “Torlorfigiumaar­parma, uangalu akiumaar­pak­kit. As­savit piliaat kipitsavigiumaar­pat.” – Jobi 14:13-15, NW.

¹⁵ Eq­qarsaatigerias­sagit! Jehovap toqungasut kipitsavigigamigit siunis­sami uum­mar­teq­qin­nis­saat qilanaaraa. Jehovap taama misiginera paasil­lugu qiim­maal­lan­nar­poq, ilaa? Kik­kul­li makititaas­sap­pat, sumilu makititaas­sap­pat?

16. Toqungasut makititaap­pata nunarsuarmi pis­sutsit qanoq is­sap­pat?

¹⁶ Makititsiner­nik oqalut­tuat Biibilimiit­tut siunis­sami  makititsinis­saq pil­lugu ilin­niarfigil­luar­pavut. Nunami maani makititaasut asasatik najuleq­qip­paat. Siunis­sami makititaanis­saq itsaq makititsiner­nut amerlasuutigut as­singus­saaq – pitsaanerungaas­saarli. Soorlu kapitali 3-mi paasigip­put, Guutip siuner­taraa nunarsuup tamarmi paratiisin­ngor­tin­neqar­nis­saa. Tas­sa toqungasut silarsuarmut sorsun­ner­nik, pinerlun­ner­nik nap­paatinil­lu ulik­kaar­tumut makititaas­san­ngil­lat. Nunarsuarmi eq­qis­sisimaf­fiusumi atugaris­saarfiusumilu naas­saan­ngitsumik inuunis­samut periarfis­sin­neqas­sap­put.

17. Kik­kut makititaas­sap­pat?

¹⁷ Kik­kut makititaas­sap­pat? Jiisusi toqungasut Guutimit eq­qaamaneqar­tut pil­lugit oqar­poq ‘ilivermiit­tut tamarmik nipini tusarumaaraat iliver­nil­lu aniumaar­tut’. (Johan­nesi 5:28, 29) Saq­qum­mersitat 20:13-imi as­singusumik ima al­las­simavoq: ‘Im­map toqusimasut im­miniit­tut uter­tip­pai, taamatut­taaq toqup toqusul­lu inaata toqusimasor­tatik.’ (Takuuk tapilius­sami nas­suiaat “Toqusut inaat suua?”). Iliveq ataatsimoorus­saq taan­na imaar­neqas­saaq. Inuit mil­liardilik­kuutaat tas­sani qasuersaar­tut uum­maq­qis­sap­put. Apustili Paulusi al­lap­poq “toqusut makik­kumaar­tut – iluar­tut iluaatsul­lu”. (Apustilit Suliaat 24:15) Taman­na qanoq paasisariaqar­pa?

18. Kik­kut ‘iluar­tunut’ makititaasus­sanut ilaap­pat, neriuul­lu taman­na ilin­nut qanoq sun­niuteqarsin­naava?

¹⁸ ‘Iluar­tunut’ ilaap­put inuit Biibilimi eq­qar­tor­neqar­tut, Jiisusip nunarsuarmukar­nera sioq­qul­lugu inuusimasut, ilar­pas­sui. Tas­saap­put Noa, Aaperaat, Sara, Mosesi, Ruthi, Esteri al­lar­pas­suil­lu. Angutit ar­nal­lu up­perluar­tut taak­kua ilaat Hebræerinut al­lak­kat kapitali 11-mi eq­qar­tor­neqar­put. Aam­mali ‘iluar­tunut’ ilaap­put Jehovap kif­fai nalitsin­ni toqusut. Makititaanis­samik neriuutis­saqaral­lar­til­luta toqu an­nilaangagisariaqan­ngilar­put. – Hebræerit 2:15.

19. ‘Iluaatsut’ makititaasus­sat kik­kuup­pat, Jehoval­lu taak­ku sunis­samut periarfis­sik­kumaar­pai?

¹⁹ Toqungasor­pas­suim­mi inuugal­laramik Jehovamik ilisarisiman­nilersiman­ngitsut taamalu taas­sumun­nga kif­far­tor­natil­lu naalan­ngitsut? ‘Iluaatsut’ mil­liardilik­kuutaat taak­ku puior­neqas­san­ngil­lat.  Taak­ku aam­ma makititaas­sap­put Guutimil­lu ilumoor­tumik ilisarisiman­niler­nis­samin­nut taas­sumun­ngalu kif­far­tuler­nis­samin­nut pif­fis­saqar­tin­neqas­sal­lutik. Ukiut 1000-t ingerlaneran­ni toqungasut makititaas­sap­put nunarsuarmilu Jehovamut aalajaal­lutik kif­far­tor­tunut ilan­ngun­nis­samin­nut periarfis­sin­neqas­sal­lutik. Pif­fis­saq taman­na nuan­nersorsuus­saaq. Biibilimilu pif­fis­saq taman­na ul­lormik eq­qar­tuus­sif­fit­tut eq­qaaneqar­poq. *

20. Gehenna, Biibilimi kalaal­lisuumi ‘An­niarfim­mik’ nutser­neqar­tarsimasoq, suua, kik­kul­lu tas­sunga pisar­pat?

²⁰ Imaap­pa inuit toqungasut tamavim­mik makititaajumaar­tut? Naamik. Biibili naaper­torlugu toqungasut ilaat gehenna-miip­put; grækerit oqaasiat gehenna Biibilimi kalaal­lisuumi ‘An­niarfim­mik’ nutser­neqar­tarsimavoq. (Lukasi 12:5) Taaguut “gehenna” Jerusalemip eq­qan­nguani eq­qaavis­suup taaguutaanik naggueqar­poq. Tas­sani eq­qak­kat saniatigut aam­ma toqungasut ilineqar­nis­samut makititaanis­samul­lu juutinit qin­ngaq­qun­nar­tutut isigineqar­tut timaat ikual­lan­neqar­tar­put. Taamaat­tumik “gehenna” naas­saan­ngitsumik piuneerus­saanermut as­sersuutigis­sal­lugu naleq­qup­poq. Naak Jiisusi inuusunik toqungasunil­lu eq­qar­tuus­sisus­saagaluar­toq inaarutaasumik eq­qar­tuus­sisus­saq tas­saavoq Jehova. (Apustilit Suliaat 10:42) Inuit ajor­tutut al­lan­nguerusus­suseqan­ngitsutul­lu eq­qar­tuus­sani makitin­navian­ngilai.

21, 22. (a) Makititaaneq al­latut it­toq suna Biibilimi eq­qar­tor­neqar­pa? (b) Kina siul­liul­luni anersaatut makititaava?

²¹ Biibilimi aam­ma makititaaneq al­latut it­toq eq­qar­tor­neqar­poq, tas­sa qilam­mi pin­ngor­titatut anersaajusutut makititaaneq. Taamatut makititaasoqar­neranik Biibilimi oqalut­tuaq ataasiin­naavoq, tas­sa Jiisusip Kristusip makititaanera.

²² Jiisusip toqunerata kingor­na Jehovap er­nini aalajaatsoq ilivermiitiin­nan­ngilaa. (Tus­siaat 16:10; Apustilit Suliaat 13:34, 35)  Guutip Jiisusi makitip­paa, kisian­ni inut­tuun­ngitsoq. Apustili Petrusi al­lap­poq Kristusi ‘timik­kut toqutaasoq, anersaak­kul­li uum­mar­titaal­luni’. (1 Petrusi 3:18) Tupin­nangaar­tuliaavoq as­seqan­ngitsoq. Jiisusi uum­mar­teq­qitaavoq anersaatut pis­sarsuar­tut! (1 Korinthimiut 15:3-6 atuakkit). Jiisusi taamatut im­mik­kut it­tumik makititaasut siul­lersaraat, kingul­lersaris­san­ngilaal­li. – Johan­nesi 3:13.

23, 24. Kik­kut Jiisusip ‘savar­pan­nguaataanut’ ilaap­pat, qas­siup­pal­lu?

²³ Jiisusip inuunermi naajar­tuler­nerani nalun­ngilaa qilam­mut uter­nis­sani qanil­lisoq, ajoqersuk­kaminul­lu oqar­poq tap­pavani ‘inis­saan­nik piareersaak­kiar­torumaarlugit’. (Johan­nesi 14:2) Jiisusip qilaliar­tus­sat ‘savar­pan­nguaatiminik’ taavai. (Lukasi 12:32) Kristumiunut aalajaatsunut amerlagisas­saan­ngitsunut taak­kunun­nga qas­sit ilaas­sap­pat? Saq­qum­mersitat 14:1 naaper­torlugu apustili Johan­nesi ima oqalut­tuar­poq: “Takusaqaler­punga: Takuat, Savaaraq qaq­qami Zionimi qeqar­poq, najor­tigaalu inuit 144.000-it qaamik­kut al­las­simasoqar­tut Savaaq­qap aq­qanik Ataataatalu aq­qanik.”

²⁴ Kristumiut 144.000-t taak­ku, ilaatigut Jiisusip apustilii aalajaatsut, qilam­mut makititaas­sap­put. Qaqugu makititaas­sap­pat? Apustili Paulusi al­lap­poq taman­na piumaar­toq Kristusip najuun­nerani. (1 Korinthimiut 15:23) Soorlu atuak­kami matumani kapitali 9-mit erser­toq, pif­fis­sami tamatumani maan­na inuuvugut. Taamaat­tumik 144.000-nit kingulerut­tutuaalersut ilaat nalitsin­ni toqup­pat qilam­mut ingerlaan­naq makititaas­saaq. (1 Korinthimiut 15:51-55) Inuil­li amerlaner­paar­taat aatsaat siunis­sami makititaas­sap­put – nunarsuarmi Paratiisimi inuunermut.

25. Kapitalimi tul­liut­tumi suna sam­mineqar­pa?

²⁵ Aap, Jehovap toqu ajugaaf­figiumaar­paa, taamalu inun­nut akeraasoq taan­na piujun­naarsil­luin­nas­sal­lugu. (Esaja 25:8 atuaruk). Im­maqali eq­qarsaatigaat qilam­mut makititaasus­sat tap­pavani suleris­sanersut. Taak­ku naalagaaf­fim­mi as­seqan­ngitsumi qilam­min­ngaan­niit naalak­kersueqataas­sap­put. Naalagaaf­fik taman­na pil­lugu kapitalimi tul­liut­tumi paasisaqar­nerusin­naavugut.