1-3. Muvengi wapi ari kuteverera itisu tese? Zve kuvona zvinojijisa Bhaibheri kunotibesera here?

AMBORANGARIRANYI kuti muri kutiza muvengi wakashata. Iyena wakavanga maningi zve anogogoma kupinda imwimwi. Munoziva kuti iyena ano cishatihwa ngokuti makambomuvona eciuraya shamwari jenyu. Azvinenyi kuti muri kuhwajihwa zvakadini ngo kugogoma kwenyu, iyena ari kukhwedera phedo na imwimwi. Zvinoita inga pacina vetero, andizvopi? Ngo cibvumbu, pobuda muponesi ngo pamutivi penyu. Iyena ano simba maningi kupinda muvengi wenyu, zve iyena womugondesa kuti amubesere. Amucaizozwepi kusujunuka here?

² Munjira imweni, imwimwi muri kuteverehwa ngo muvengi wakadari. Tese tiri kuteverehwa. Inga zvatakajija mu cipauko cakapera, Bhaibheri rinodaninja kuti rufu muvengi. Apana angambzenga rufu. Vazinji vedu vakavona muvengi uwu eciuraya vandhu vataida maningi. Asi Jehovha ano simba maningi kupinda rufu. Iyena, ndi Muponesi ano rudo wakazvipira kuti anganyisa muvengi uwu. Zve iyena anogondesa kuparaja kamare rufu, muvengi uwu mbhera na rini. Bhaibheri rinojijisa kuti: “Mukorore wokupejisira kufujuhwa, ndihwona rufu.” (1 VaKorinto 15:26) Aya masoko akanaka!

 ³ Cokutanga, ngatimbovona kuti tinozwa kudini panofa mundhu watinoziva. Tikavona izvi, zvinozotibesera kuzwisisa zvinozotiita kuti tidakare. Vonanyi, Jehovha wakagondesa kuti vakafa vanozoraramazve. (Isaia 26:19) Vanozoviiswazve kuti vararame. Iyi ndiyona vetero yo rumuko kuno vakafa.

4. (a) Ngenyi zvakaita Jesu pa kufa ko mudiwa, zvinotijijisa mazwiro a Jehovha? (b) Ushamwari hwapi hunosisira hwakakhwijirijwa ndi Jesu?

⁴ Makambotamikihwa ngo mudiwa here? Kuhwajihwa, no kuzwa inga ucina mubeseri, zvingaita inga zvicikacungiririki. Munguva jakadari, tinoda nyarajo yo Soko ra Mwari. (Verenganyi 2 VaKorinto 1:3, 4.) Bhaibheri rinotibesera kuzwisisa mazwire anoita Jehovha na Jesu ngo pamusoro po rufu. Jesu, waivonesa zvakakwana Baba vake, wakaziva mahwajire o kutamikihwa ngo mundhu. (Johani 14:9) Paainga mu Jerusarema, kazinji Jesu waienda koovona Razaro no hambzaji jake, Maria na Marta, vairarama ku Bhetania, dhorobha ro cigarisano. Ivona vakava no ushamwari hwakavanga. Bhaibheri rinoti: “Jesu waidisisa Marta, no hama jake, pamwepo na Lázaro.” (Johani 11:5) Inga zvatakajija pa cipauko cakapera, Razaro wakafa.

5, 6. (a) Jesu wakaitisa kudini paainga no ukama no shamwari ja Razaro? (b) Ngenyi kucamwa ka Jesu kunotivangisa?

⁵ Jesu wakazwa kudini ngo pamusoro po kutamikihwa ngo shamwari yake?MasokoatinozwangookutiJesu wakaenda kookhuza vopaukama no shamwari ja Razaro vaihwajihwa ngo kutamikihwa uku. Paakavavona, Jesu wakahwajihwa. Bhaibheri rinoti: “Mwoyo wake wakahwajihwa” kana kuti wakagomera perapo “wocema.” (Johani 11:33, 35) Kucamwa ka Jesu zvaireva kutama kwake vetero here? Andizvopi. Zvokadi, Jesu waiziva kuti painga poda kuizwa mushamiso. (Johani 11:3, 4) Pikija zvakadaro, Jesu wakazwa kuhwajihwa no kusuruvara kwaiviiswa ngo rufu.

⁶ Munjira imweni, kucamwa ka Jesu kunotivangisa. Izvi  zvinotijijisa kuti Jesu na Baba vake, Jehovha, vanonyenya rufu. Asi Jehovha Mwari anokwanisa kuhwisa no kunyisa muvengi uwu! Imanyi tivone kuti Mwari wakapekejesa kudini simba ro kuzviita.

7, 8. Ngenyi zvaiita inga zvicina vetero kuvandhu vainga vecivona zvakaitika kuna Razaro, asi Jesu wakaitenyi?

⁷ Razaro wainga akavigwa mu bako. Hino Jesu wakakumbira kuti buwe raijiva bako iri ribviswe. Marta wakakana-kana ngo kuti pasure po njiku murongomuna naakafa muviri wa Razaro wainga woovora. (Johani 11:39) Painga paciri noveterozve mu mavonero o vandhu here?

⁸ Buwe rakabviswa, zve Jesu wakadaninjira kuti: “Razaro, budai kunja!” Cicinyi cakazoitika? “Nyakufa wakabuda?” (Johani 11:43, 44) Muri kukwanisa kuvona mudakaro wo vandhu vaingepo here? Pacinenyi no kuti Razaro wainga ari hambzaji yavo, ukama, shamwari kana kuti wocigarisano vese vaiziva kuti iyena wainga akafa. Hina, mwanarume wondhowo waingaya akafa, wainga akaimazve kuti ji, pamberi pavo. Izvi zvaiita inga kurota hako. Pacina kukanakana, vazinji vakakumbatira Razaro ngo mudakaro. Akucaingepi kunyisa rufu uku here?

9, 10. (a) Jesu wakakhombijisa kudini kwaibva simba rake kuti amuse Razaro? (b) Ngo rapi besero ratinowana ngo kuverenga zviitiko zvo rumuko zviri mu Bhaibheri?

⁹ Jesu aazivi kunanga kuti wakaita cishamiso ngo simba rake. Mu mukumbiro wake acito adaninja Razaro, Jesu wakajekesa pambhene kuti Jehovha wainga cinyuke co kumuswa ko vakafa. (Verenganyi Johani 11:41, 42.) Iyi aicaingepi vhaza iyi basi Jehovha yaakashandisa simba rake kuti amuse vakafa. Kumuswa kwa Razaro, cishamiso co cipfumbamwe co rumuko cakatahwa mu Soko ra Mwari. * Zvinodakajisa kuverenga no kujija ngo ndhoroondho iji. Izvona zvinotijijisa  kuti Mwari aasani, ngo kuti vakamuswaya vaibatanija vocidoko, vakuru, vanarume vanakaji, vaIzraeri no vacaingepi vaIsraeri. Azvidakajisi here zvinonangwari pa museswa wo magama uwu? Inga muezaniso, Jesu paakamusa musikane wocidoko kubva kuvakafa, vabarivake“vakakahamarakukurukamare.” (Marco 5:42) Hina, Jehovha wakavapekeja thangwe ro kuti vave no mudakaro wavacikazokanganwizve.

¹⁰ Zvokadi, vakamuswaya ndi Jesu vakagumisira ngo kufazve. Zvaireva kuti kumuswa kwavo kwainga kucikabeseri here? Andizvopi. Zviitiko izvi zvo Bhaibheri zvinovangisa cokwadi inosisira maningi zve zvinoita kuti tive no vetero.

11. Zviitiko ngo pamusoro po kumuswa ka Razaro, zvinotibeseresa kudini kuzwisisa cokwadi yakatahwa pana Mucumaeri 9:5?

¹¹ Bhaibheri rinojijisa kuti vakafa“ avabzizivi.” (Mucumaeri 9:5)Ciitiko ngo pamusoro pa Razaro cinopa ucapupu wo cokwadi ici. Paakararamazve, Razaro wakambodadira vandhu here ngo magariro akaita kudenga? Kana kuti, wakambothyisa vandhu ngo pamusoro po gehena rinopisa? Haiwa. Bhaibheri arinangi kuti Razaro wakambobhuya masoko ondhowo. Mukati mo njiku murongomuna paainga akafa, iyena ‘aacaizvizivepi’. Razaro wainga akavata mu rufu.—Johani 11:11.

12. Ngenyi tingava no cokwadi co kuti rumuko hwa Razaro hwakaitikadi kamare?

¹² Zviitiko ngo pamusoro pa Razaro zvinotijijisa kuti rumuko huriyo kamare asipi ngano hayo. Jesu wakamusa Razaro pamberi po vandhu vazinji. Pikija vatungamiriri vo zviara, vaizonda Jesu avaphikizi cishamaiso ici. Zvokadi ivona vakati: “Tinoitenyi? Ngokuti mundhu uu anoita muxamaiso muzinji.” (Johani 11:47) Vandhu vazinji vakaenda koovona mwanarume waingaro amuswa. Muviyo wakona ngo wokuti, vazinji vavo vakava no rutendo kuna Jesu. Ngo kuvona Razaro ivona vakathembadi kamare kuti Jesu wainga akatumwa  ndi Mwari.Cikhombiso ici cainga cinosimba zvo kuti vatungamiriri vo zviara vo ciJudha vainga vakaoma mwoyo, vakaita urongwa wo kuuraya Jesu na Razaro.—Johani 11:53; 12:9-11.

13. Cicinyi cinotithembesa kuti tidavire kuti Jehovha anokwanisadi kamare kumusa vakafa?

¹³ Zvino shwiro kudavira kuti rumuko ciitikodi kamare, andizvopi? Hina, ndizvona. Jesu wakajijisa kuti njiku imweni ‘Vese vaya vari mu makuva anorangarihwa,’ vacazomuswa. (Johani 5:28) Jehovha ndiyena Marure wo upenyu hwese. Zvinganesa kudavira kuti Jehovha anokwanisa kururazve upenyu here? Zvokadi, zvese zvinofira ku murangariro wa Jehovha. Angakwanisa kurangarira vadiwa vedu vakafaya here? Ndhondho zinji jicikaverengeki jiri kudenga, pikija zvakadaro Mwari anoziva mazina o ndhondho imwe nga imwe yajo! (Isaia 40:26) Ngo kudaro Jehovha Mwari anokwanisa kurangarira vadiwa vedu vakafa ku zvese zvavainga vari, zve iyena anokwanisa kuvaviisazve ku upenyu.

14, 15. Inga zvakaezaniswa ngo zvakananga Jobe, Jehovha anozwa kudini ngo kuviisa vakafa ku upenyu?

¹⁴ Jehovha anozwa kudini ngo pamusoro po kumusa vakafa? Bhaibheri rinojijisa kuti iyena anodandha ro kumusa vakafa. Mwanarume wakagondeka, Jobe, wakabvunjisa kuti: “kudari ariwese akafa, angaponabze?” Jobe wainga ecivereketa ngo pamusoro po kuvetera mu guva mbhera kuguma ko nguva ya Mwari yokuti amurangarire. Iyena wakabvunja Jehovha kuti: “Mungandidanija, inini ndingadavira; mungada kuvonabze basa ro nyara jenyu.”—Jobe 14:13-15.

¹⁵ Amborangariranyi basi! Jehovha ano dandha ro kuviisa vakafa ku upenyu. Izvi azvidakajisi mwoyo kuzwa kuti Jehovha anozwa kudaro here? Asi kumbeji, rumuko hunozova hwakadini? Ndiani anozomuswa, zve kwapi?

16. Vakafa vacamuswa kuti vararame mu mugariro jakadini?

¹⁶ Dhorondho jiri mu Bhaibheri jo rumuko jinojijisa maningi  ngo rumuko uri kuviya. Vandhu vakamuswaya kuupenyu pasi pano vakavazve pamwepo no vadiwa vavo. Rumuko uri kumbeji unozova wakaezana—asi hwakanakisisa maningi. Kuzwirana no zvatakajija pa cipauko 3, Cidisiso ca Mwari ngo co kuti pasi pano pave paradhiso. Ngo kudaro vakafa avazomuswi kuviya ku upenyu mu nyika yakazara ngo hondo, cishaishi, zve ndhendha. Ivona vanozowana nguva kwayo kuitira kurarama no kucingaperi pasi pano mu runyararo no mugariro wo kudakara.

17. Rumuko ucazova hwakakura zvakadini?

¹⁷ Ndianivacazomuswa?Jesuwakati:“Mucakahamara nga ibzi, ngokuti inozoguma ngari yokuti [vese] vaya vari mu makuva vanozozwa izwi rake.” (Johani 5:28, 29) Mukuezana, Apokalipsi 20:13 inoti: “Jombe rakahwirija vokufa varo. Rufu no [“Haidhesi”, BMAA] bzopavo vokufa vabzo.” Soko ro kuti Haidhesi rinoreva guva ro mundhu ari wese. Vonanyi musoro wo Masoko o Kuengejera, unoti: “Sheori no Haidhesi Zvicinyi?” Guva iri, rinozobviswa vandhu varimo. Mabhiriao o vandhu vakavata mondhomo, vanozoraramazve. Mupostori Pauro wakati: “Kunozowanika kumuka ko vakafa: Vanasi no vacikanasi.” (Maitiro o Vapostori 24:15) Izvi zvinoda kurevenyi?

18. Ndiani anobatanijwa pa “vanasi” vanozomuswa? Zve vetero iyi yo rumuko ingapsasa kudini imwimwi pacenyu?

¹⁸ “Vanasi” vanobatanija vazinji vatinoverenga ngo zvavo mu Bhaibheri avo vakararama Jesu acito avia pasi pano. Kangaije mungarangarira Nowa, Abhirahama, Sara, Mosi, Rute Esita zve no vazinji vamweni. Vamweni vo vanarume no vanakaji vo gonda vanobhuiwa pa cipauko co 11 co bhuku ro Vaheberi. Asi “vanasi” vanobatanijavo vashandiri va Jehovha vanofa mu nguva yedu ino. Ngo ndava yo vetero yo rumuko, itusu atidikani kuthya kufa.—Vaheberi 2:15.

19. Mbhani “vacikanasi,” zveJehovhangokunaka mwoyo kwake, ngo wapi mukana waanovapa?

¹⁹ Tingativo kudini ngo pamusoro po vese vaya vacikazivi kushandira Jehovha ngo kuti avazivi kutombomuziva? Mabhiriau aya o “vacikanasi” aazokanganiki. Ivonavo vanozomuswavo zve vopuwa mukuvo kuti vajijire ngo pamusoro pa  Mwari wokadi-kadi no kumushandira. Mukati mo ciuru co makore, vakafa vanozomuswa zve vopuwa mukana wo kubatana no vagondeki pasi pano mukushandira Jehovha. Iyi icazova nguva inodakajisa kamare. Uwu i mukuvo unonangihwa mu Bhaibheri kuva Njiku yo Rutongeso. *

20. Gehena icinyi, zve ndiani acazoendemo?

²⁰ Izvi zvinoreva kuti mundhu wese wakafa anozomuswa here? Haiwa. Bhaibheri rinonanga kuti vamweni vakafa vari mu “Gehena.” (Luka 12:5) Gehena i zina rakabviswa pa zina ro ziduru ro svina rainga rakajika ngo pamutivi po Jerusarema ro kare. Mutembo no svina zvaipisihwa kondhoyo. Mutembo jaikhandihwa kondhoyo, jaivoniwa inga jicikafanei kumuswa. Ngo kudaro Gehena rinosisira kamare kuva muezaniso wo kuparajwa ko kwenda no kwenda. Pikija Jesu acazova no mutoro wo kutonga vapenyu no vakafa, Jehovha ndiena Mutongi wokupejisira. (Maitiro o Vapostori 10:42) Iyena narini aazomusi vayani vakatongwa kuva vakashata zve vacikadi kucinja.

21, 22. (a) Icinyi rumuko ‘wokutanga’? (b) Ndiani wakava wo kutanga kuashira rumuko kuitira upenyu wo kumujimu?

²¹ Bhaibheri rinobhuyavo ngo pamusoro po mukhaindi umweni, wo rumuko, kurarama inga zvisikwa zvo kumujimu kudenga. Muezaniso umwe basi wo mukhaindi uwo wo rumuko wakatahwa mu Bhaibheri, ndiwona wa Jesu Kristu.

²² Jesu pamasure po kuurawa kwake inga mundhu, Jehovha aazivi kutendera kuti Mwana Wake wo kugondeka arambe ari mu Guva. (Nduyo 16:10; Maitiro o Vapostori 13:34, 35) Mwari wakamusa Jesu, asi haiwa inga mundhu. Mupostori Pedhuru wakasanangura kuti Kristu “wakaurawa ngo ko nyama wohwirijihwa uhomi ngo kuda ko Mujimu.” (1 Pedru  3:18) Ici cakavadi kamare cishamaiso. Jesu wakaponazve inga mundhu wo kumujimu ano simba! (Verenganyi 1 VaKorinto 15:3-6.) Jesu ndiena basi wakatanga kuashira mukhaindi uwu wo rumuko, asi iyena aazovi wokupejisira.—Johani 3:13.

23, 24. Mbhani vanoumba “muxambi mudoko” wa Jesu, zve ngo capi civerengo co mutengo wavo?

²³ Eciziva kuti sambi-sambi waizohwirira mugore, Jesu wakabvunja vateveri vake vakagondeka kuti iyena waizoenda “konasirira ndau” kuitira ivona. (Johani 14:2) Jesu wakanangira vaya vanozoenda mugore kuva “muxambi mudoko.” (Luka 12:32) Vanokwana mutengo wakadini kuti vaezanisihwe no cikwata cidoko co maKristu akagondeka? Mukuzwirana no Apokalipsi 14:1, mupostori Johani wakati: “Neni, ndakavona Bvuta [Jesu Kristu] rakaima pa dundhu ro Sioni. Pamwepo na irona vakavonekavo zana na makurongomuna na marongomuna o bziuru (144.000) bzo vandhu, vainga no zina ro Bvuta no zina ra Baba waro rakatahwa pa huma.”

²⁴ 144.000 zvo maKristu, anobatanija vapostori vokugondeka va Jesu, vanomusihwa ku upenyu mugore. Kumuswa kwavo kucazoitika rini? Mupostori Pauro wakatara kuti izvo zvaizoitika mukati mo kuvepo ka Kristu. (1 VaKorinto 15:23) Inga zvamucajija Cipauko co 9, wari itusu tiri kurarama mukuvo iwonawo. Ngo kudaro vashoma vayani vo kusarira vo 144.000 avo vanofa mu mazuva edu ano vanomuswa ciriporipoco, vanomusihwa kuupenyu ku matenga. (1 VaKorinto 15:51-55) Asi uzinji hwo vandhu uno vetero yo kumuswa kumbeji kuti vararame mu Paradhesi pasi pano.

25. Tinozojijenyi mu cipauko cinotevera?

²⁵ Hina, Jehovha anozonyisadi kamare, Rufu, muvengi wedu! (Verenganyi Isaia 25:8.) Kangaije mungakahamara meciti: ‘Vayana vacazomusihwa kuenda kudenga vanoitenyi kondhoyo?’ Ivona vanozobatanijwa pa utongi hwo Umambo hunoshamaisa kudenga. Tinozojija zvizinji ngo pamusoro po utongi uhu pa cipauko cinotevera.