IXEF WIS TESƐA
Neţɛici deg “wussan ineggura”?
-
Anti tidyanin i gḍerrun ass-a iɣef i d-yehdeṛ Wedlis Iqedsen?
-
Ɛlaḥsab n Wawal n Ṛebbi, amek ara ilin yemdanen deg “wussan ineggura”?
-
Anti leḥwayeǧ n lɛali, iɣef i d-yehdeṛ Wedlis Iqedsen, ara yeḍrun deg “wussan ineggura”?
1. Anda i nezmer a d-naf ayen i ɣ-iţṛaǧun ɣer zdat?
AHAT yella wasmi testeqsaḍ iman-ik, mi telliḍ teţfeṛṛiǧeḍ lexbaṛat di tiliẓri (tilibizyu), tenniḍ-as: ‘S anda i tţeddu ddunit?’ Seg wakken lmuṣibat ɣellint-ed din din ɣef yemdanen bla ma bnan fell-asent, yiwen ur yeẓri d acu i t-iţṛaǧun azekka. (Yeɛqub 4:14) Yahwa, neţţa, yeẓra d acu ara yeḍrun ɣer zdat. (Icɛaya 46:10) Xilla n lweqt aya, Awal-is, Adlis Iqedsen, icar-ed ama ɣef leḥwayeǧ n diri i gḍerrun di zzman-nneɣ ama ɣef leḥwayeǧ ifazen ur neţɛeṭṭil ara a d-ḍrunt.
2, 3. D acu-t westeqsi i fkan inelmaden i Ɛisa, yerna d acu i sen-yerra?
2 Ɛisa Lmasiḥ ihdeṛ-ed ɣef Tgelda n Ṛebbi ara yemḥun cceṛ, ara yerren lqaɛa d Lǧennet. (Luqa 4:43) Kra nudan ad fehmen melmi ara d-tas Tgelda-yagi. Inelmaden n Ɛisa steqsan-t, nnan-as: “D acu ara yilin d limaṛa n tisin-ik akw-d taggara n ddunit?” (Matta 24:3) Ɛisa yerra-yasen belli siwa Yahwa Ṛebbi i geẓran swaswa lweqt ideg ara d-teḥdeṛ taggara n ddunit. (Matta 24:36) Acu kan, icar-ed ɣef kra n tedyanin ara d-yeḍrun ɣef lqaɛa uqbel kan a d-tawi Tgelda lehna akk-d ṭṭmana n tideţ i lɛibad. Ayen i d-icar la iḍerru ass-a!
3 Uqbel a nwali ţţbut ara d-ibeyynen belli neţɛici “taggara n ddunit”, a d-nehdeṛ ɣef yiwet n lgirra ur iwala ula d yiwen n lɛebd. Lgirra-ya teḍra deg igenwan, ur yezmir ad iẓer wemdan, yerna yeɛna-yaɣ wamek i tefra.
LGIRRA DEG IGENNI
4, 5. a) Acu i geḍran deg igenni mi gɛedda cwiṭ n lweqt kan segmi yuɣal Ɛisa d Agellid? b) Ɛlaḥsab n Uweḥḥi 12:12, s wacu i d-tegla lgirra-yagi yekkren deg igenni?
4 Ixef iɛeddan issefhem-ed belli Ɛisa Lmasiḥ yuɣal d Agellid deg igenni di 1914. (Ɣer-ed Danyil 7:13, 14.) Cwiṭ n lweqt mbeɛd, bdan lecɣal-is. Adlis Iqedsen yenna-d: “Ikker ṭṭrad deg igenni. Mixayil [d isem nniḍen n Ɛisa] akw-d lmuluk-is ssekren ṭṭrad i lweḥc nni [Cciṭan Iblis]. Ula d lweḥc akw-d lmuluk-is ssekren ṭṭrad.” * Cciṭan akk-d lmuluk-is imcumen, yeɛni leǧnun, xesṛen lgirra, ssyin ţţuḍeggren-d seg igenni ɣer lqaɛa. Lmuluk unṣiḥen n Ṛebbi feṛḥen imi d-ţwaqecɛen. Ma d imdanen ur fṛiḥen ara. D ṣṣeḥ, Adlis Iqedsen icar-ed: “A tawaɣit-[im] a lqaɛa [...]. Cciṭan iṣubb-ed ɣur-[em], yerfa mliḥ, axaṭer iẓra belli drus n lweqt i s-d-iqqimen.”—Aweḥḥi 12:7, 9, 12.
5 Err lbal-ik ɣer wayen is ara d-teglu lgirra-yagi yekkren deg igenni. Di zzɛaf-is, Cciṭan a d-yesseɣli tawaɣit ɣef imezdaɣ n lqaɛa. Akken ara t-teẓreḍ, aql-aɣ neţɛici di zzman n twaɣit-agi. Meɛna, Ur yeţɛeṭṭil ara mliḥ; “drus n lweqt” ara yekk. Ula d Cciṭan yeɛlem s waya. Adlis Iqedsen isemma i zzman-agi ‘ussan ineggura.’ 2 Timutawus 3:1) Acḥal i nefṛeḥ imi neẓra belli qrib ad imḥu Ṛebbi ayen n diri i d-ixelleq Iblis ɣef lqaɛa meṛṛa! A nwali kra n tedyanin, iɣef i d-icar Wedlis Iqedsen, i gḍerrun ass-a. Tidyanin-agi ţţakent-ed ţţbut belli la neţɛici deg wussan ineggura yerna Tagelda n Ṛebbi a d-tesmir lbaṛakat ur nfennu ɣef yemdanen i gḥemmlen Ṛebbi. A d-nemmeslay tura ɣef ṛebɛa wudmawen n limaṛa-nni iɣef i d-yenna Ɛisa belli a d-tban di zzman-nneɣ.
(TIDYANIN TIMEQRANIN ARA YEḌRUN DEG WUSSAN INEGGURA
6, 7. Amek i gḍerru ass-a wayen i d-yenna Ɛisa ɣef lgirrat akk-d laẓ?
6 “Lǧens a d-ikker ɣer lǧens, tageldit ɣer tgelda.” (Matta 24:7) Di lqern iɛeddan, lgirrat nɣant imelyan n lɛibad. Atan wayen yekteb yiwen umusnaw abriṭani n Ttarix: “Lqern wis 20 d lqern ideg uzzlen akteṛ akk n idammen di Ttarix. [...] Di lqern-agi kamel, qlilit lewqat ideg ulac imenɣiyen s leslaḥ deg walbeɛḍ n imukan.” Worldwatch Institute issufeɣ-ed lexbaṛ-agi: “Lgirrat n lqern [wis 20] nɣant tlata iberdan akteṛ n wid i nɣant lgirrat meṛṛa yekkren si lqern amezwaru mbeɛd Ɛisa alamma d 1899.” Ɛeddan 100 imelyan i gemmuten seg 1914 ar dagi. Ma yella yemmut yiwen ɛzizen fell-aneɣ di lgirra, neẓra d acu n leḥzen i d-iţţawi wayagi. Meɛna leḥzen d lqerḥ i gḥuzan imelyan n lɛibad d ayen ur nezmir a d-nxayel.
7 ‘A d-yili laẓ.’ (Matta 24:7) Imusnawen qqaren-d belli izad mliḥ lqut di 30 iseggasen-agi iɛeddan. Xas akken, mazal yella laẓ, axaṭer aṭas ur nesɛi ara idrimen bac a d-aɣen lqut neɣ akal ara xedmen. Di tmura yeţqeddimen ɣer zdat, d imelyan n lɛibad i ghelken imi zgan lluẓen. Tuddsa tamaḍlant n tezmert tufa belli akteṛ n xemsa imelyan n warrac imecṭaḥ i geţmeţţaten i useggas; yiwet ger ssebbat timeqranin d učči ur ten-id-iṣaḥ ara ad ččen akken ilaq.
8, 9. Acu i d-ibeggnen belli la ḍerrunt licaṛat n Ɛisa yeɛnan zzelzlat d ţţerkat?
8 ‘A d-ilint zzelzlat timeqranin.’ (Luqa 21:11) Ɛlaḥsab n yiwet terbaɛt n imusnawen n Marikan, a d-ţţilint mkul aseggas lqider n 19 n zzelzlat timeqranin, i gzemren ad swiɣent lbaṭimat neɣ ad ceqqent lqaɛa. Ɛlaḥsab n lexbaṛat i d- iţţunefken, zzelzlat nɣant akteṛ n sin imelyan n lɛibad si 1900 ar da. Kra n lɛulama, ssefhmen-d belli xas akken tetqeddem tussna, leḥsab n wid yemmuten ur yenqis ara s waṭas.
Luqa 21:11) Xas akken tqeddmen imusnawen deg udawi, mazal lehlakat ijdiden d yeqdimen la tceyyiben lɛibad. Kra n leḥsabat i d-iţţunefken beggnen-d belli 20 n lehlakat yellan si zik (am lberd) wwḍen xilla n imeḍqan deg iseggasen-agi iɛeddan; yerna kra n lehlakat nniḍen simma ţţiwɛiṛen i ḥellu s ddwa. Lḥaǧa nniḍen daɣen, d azal n 30 n lehlakat i d-innulfan. Kra seg-sen, i gneqqen, ur sen-d-ufin ara ddwa.
9 “A d-ilint ţţerkat.” (AMEK ARA ILIN LƐIBAD DEG WUSSAN INEGGURA
10. Acu i d-icar Wedlis Iqedsen di 2 Timutawus 3:1-5 i teţwaliḍ ass-a ɣer medden?
10 Adlis Iqedsen ur d-icar ara kan ɣef tedyanin i gḍerrun di ddunit, icar-ed daɣen belli ad beddlen mliḥ yemdanen deg wussan ineggura. Amceggeɛ Bulus iweṣṣef-ed amek ara ilin lɛibad. Neţţaf ayagi deg Wedlis Iqedsen: “Deg wussan ineggura a d-ilin lewqat iweɛṛen.” (Ɣer-ed 2 Timutawus 3:1-5.) Bulus inna-d belli imdanen ad ilin
-
d wid iḥemmlen kan iman-nsen,
-
d iṭemmaɛen,
-
d imɛuṣa n imawlan,
-
ur ţqadaren ara Ṛebbi,
-
ur seɛɛun ara ṛṛeḥma,
-
d imencaf,
-
d uqsiḥen,
-
d wid iḥemmlen zzhu wala Ṛebbi,
-
a d-ţbanen d wid yeţţagaden Ṛebbi, lameɛna nekṛen tazmert-is.
11. Akken yura deg Uhellil 92:8, amek ara teḍru d yemcumen?
11 Akka i qqlen wid i k-d-izzin? Bla ccekk. Anda ma teddiḍ, lɛibad sɛan leɛyub. Aya isskanay-ed belli qrib ad yexdem Ṛebbi ayen iwulmen, axaṭer Adlis Iqedsen yenna-d: “Ɣas gemmun yemcumen am leḥcic, ɣas ǧǧuǧǧugen imesbaṭliyen, d nnger ara negren, i dayem.”—Ahellil 92:8.
LEḤWAYEǦ YESSEFṚAḤEN
12, 13. Amek i tzad tmusni n ṣṣeḥ di lweqt n taggara?
12 Iban ihi belli qwant twaɣiyin deg wussan ineggura, akken i t-id-icar Wedlis Iqedsen. Lameɛna, xas akken tcewwel ddunit, neţwali leḥwayeǧ yessefṛaḥen ɣur iqeddacen n Yahwa.
13 “Tamusni aţ-ţzid.” D ayen i d-icar Wedlis Iqedsen di tektabt n Danyil. Melmi ara d-yeḍru wayagi? Di “lweqt n taggara.” (Danyil 12:4) Yahwa iţɛawan widak iqeddcen fell-as seg wul akken ad fehmen akteṛ Adlis Iqedsen, abeɛda seg useggas 1914 d asawen. Teţzid cwiyya cwiyya tmusni-nsen ɣef tideţ ɣlayen yeɛnan isem n Ṛebbi akk-d lmeqsud-is, asfel n leslak n Ɛisa Lmasiḥ, liḥala ideg i llan wid yemmuten akk-d ḥeggu n lmeggtin. Yerna, wid yeţɛebbiden Yahwa ḥefḍen amek ara sɛun tamɛict ara sen-d-yawin lfayda, tamɛict ara yefken leḥmadi i Ṛebbi. Ssawḍen daɣen ad fehmen akteṛ lecɣal n Tgelda n Ṛebbi d wamek ara tesseqɛed liḥala n ddunit. Acu i xeddmen s tmusni-yagi? Wagi d asteqsi ara ɣ-yawin a d-nemmeslay ɣef licaṛa nniḍen i gḍerrun deg wussan ineggura.
14. Sani i gessaweḍ ass-a uberreḥ n lexbaṛ n lxiṛ n Tgelda, yerna anwa i t-iţberriḥen?
14 “Linǧil n tgelda ad iţwabecceṛ di ddunit meṛṛa.” Wigi d imeslayen n Ɛisa Lmasiḥ i d-yenna di licaṛa-ines ɣef “taggara n ddunit.” (Ɣer-ed Matta 24:3, 14.) Linǧil n Tgelda d lexbaṛ n lxiṛ n Tgelda. Lexbaṛ-agi issefham-ed d acu i ţ-ţagelda, d acu ara texdem d wamek ara nesfaydi seg wayen ara d-tawi. D imelyan n Inagan n Yahwa i t-iţberriḥen s leḥṛaṛa di ddunit meṛṛa, di 239 n tmura akk-d imeḍqan, s tmeyyatin n lluɣat. Inagan-agi kkan-d “si mkul lǧens, si mkul lɛeṛc, si mkul agdud, si mkul tutlayt.” (Aweḥḥi 7:9) Sɣarayen Adlis Iqedsen baṭel i mkul yiwen seg imelyan n medden yebɣan ad issinen ayen yesselmad s ṣṣeḥ wedlis-agi. Licaṛa-nni n Ɛisa la tḍerru. Ayagi yessewham abeɛda imi d-yenna belli imasiḥiyen n ṣṣeḥ “a [ten]-keṛhen yemdanen meṛṛa”!—Luqa 21:17, Awal n tudert.
ACU ARA TXEDMEḌ?
15. a) Ar ɣur-ek, neţɛic ussan ineggura? Acuɣer? b) Acu ara d-tawi “taggara” i wid iţxaṣamen Yahwa, yerna acu ara d-tawi i wid iqeblen leḥkem n Tgelda-s?
15 Imi ḍerrunt ass-a wannect-a n licaṛat n Wedlis Matta 24:14) “Taggara” ţ-ţaswiɛt ideg ara yekkes Ṛebbi cceṛ si lqaɛa. Yahwa ad issexdem Ɛisa d lmalayekkat-is iǧehden iwakken ad issenger widen akk i t-iţxaṣamen s ţţɛemda. (2 Itisalunikiyen 1:6-9) Cciṭan d leǧnun-is ur ţţuɣalen ara ad ɣurren leǧnas. Sakin, Tagelda n Ṛebbi a d-tesmir lbaṛakat ɣef wid akk ara iqeblen leḥkem-ines n lḥeqq.—Aweḥḥi 20:1-3; 21:3-5.
Iqedsen, ur k-d-iban ara belli la neţɛici ussan ineggura? Asm’ara iwali Yahwa belli lexbaṛ n lxiṛ n Tgelda iţţubecceṛ akken i gwulem, mebla ccekk a d-teḥdeṛ “taggara.” (16. Acu i gelhan a t-txedmeḍ?
16 Imi d-teqreb taggara n ddunit n Cciṭan, ilzem ihi a nesteqsi iman-nneɣ: ‘Acu i glaq a t-xedmeɣ?’ Yelha ma yella neţkemmil neţţissin Yahwa d wayen i geţṛaǧu seg-neɣ. (Yuḥenna 17:3) Ili-k d win yeqqaren Adlis Iqedsen seg wul. Ţnejmaɛ d wid iţnadin ad xedmen lebɣi n Yahwa. (Ɣer-ed Iɛebṛaniyen 10:24, 25.) Nadi aţ-ţissineḍ Yahwa Ṛebbi s usenqed n Wawal-is, yerna beddel ayen i glaqen di temɛict-ik iwakken a s-tɛeǧbeḍ.—Yeɛqub 4:8.
17. Iwacu ara d-yeɣli nnger ɣef wezgen ameqran n lɛibad bla ma bnan fell-as?
17 Ɛisa icar-ed belli azgen ameqran n lɛibad ur steɛṛifen ara s ţţbut i d-iţbegginen belli la neţɛici ussan ineggura. Nnger a d-yeɣli deg yiwet tikkelt ɣef yemcumen bla ma faqen. Am umakar deg yiḍ, nnger-agi ad yawi amur ameqran seg yemdanen bla ma bnan fell-as. (Ɣer-ed 1 Itisalunikiyen 5:2.) Ɛisa yeǧǧa-d ţewṣaya-yagi: “Akken i teḍra di lweqt n Nuḥ, ara teḍru asm’ara d-yas Mmi-s n wemdan. Axaṭer di lweqt nni, uqbel lḥemla n waman, lɣaci llan teţţen, tessen, zeggwǧen, zeggwǧen i warraw-nsen, armi d asmi yekcem Nuḥ ɣer lbabuṛ, ur d-rrin ara s lexbaṛ armi i d-teɣli fell-asen lḥemla n waman, tessenger-iten akw. Akken ara teḍru asm’ara d-yas Mmi-s n wemdan.”—Matta 24:37-39.
18. Anta lewṣaya i d-ifka Ɛisa iwumi i glaq a nḥess?
18 Daymi i genna Ɛisa i wid i s-d-ismeḥsisen: “Ḥadret ɣef yiman-nwen! Ɣurwat ad ɣerqen wulawen-nwen di zzhu, ssekṛan akw-d ineẓman n ddunit, a d-iɣli fell-awen wass nni ur tebnim fell-as. Am ucebbak, a d-iɣli ɣef yemdanen meṛṛa yellan di ddunit. Ilit tukwim mkul lweqt, yerna ţẓallat iwakken aţ-ţiǧhidem, dɣa aţ-ţmenɛem i wayagi meṛṛa ara d-iḍrun yerna a kwen-id-yaf lḥal tbeddem [teţwaqeblem] zdat n Mmi-s n wemdan.” (Luqa 21:34-36) D ayen ilhan ma neḥrez imeslayen n Ɛisa. Ayɣer? Axaṭer wid iţwaqeblen sɣur Yahwa Ṛebbi akk-d “Mmi-s n wemdan”, yeɛni Ɛisa Lmasiḥ, sɛan asirem ad ţţusellken di taggara n ddunit n Cciṭan w’ad ɛicen i lebda di ddunit tajdiṭ itɛeddan i d-iqerben mliḥ.—Yuḥenna 3:16; 2 Buṭrus 3:13.
^ § 4 Iwakken aţ-ţeẓreḍ iwacu Mixayil d isem nniḍen n Ɛisa Lmasiḥ, ẓer timerna yeţţusemman: “Menhu i d Mixayil, ameqran n lmuluk?”