1. Siunis­saq pil­lugu sumi paasisaqarsin­naavugut?

NUTAARSIAS­SAT tv-mi isigin­naaraangak­kit ilaan­nik­kut eq­qarsar­tar­pit silarsuaq inuuf­figisar­put sunialeqinersoq? Alianar­tunik pisoqar­tar­nera ima tas­san­ngaan­nar­tar­tigalunilu ilimagineqar­tan­ngitsigaaq aqagu qanoq pisoqar­nis­saa inum­mit kimil­luun­niit siumut oqaatigineqarsin­naanani. (Jaaku 4:14) Jehoval­li nalun­ngilaa siunis­sami qanoq pisoqas­sanersoq. (Esaja 46:10) Oqaatsimini, Biibilimi, qangarsuarli siulit­tuutigisai tas­saagin­nan­ngil­lat nalitsin­ni pisut ajorluin­nar­tut, aam­mali tas­saap­put qanit­tuk­kut pisus­sat nuan­ningaar­tut.

2, 3. Ajoqersuk­kat suna paaserusup­paat, Jiisusilu qanoq akiva?

² Guutip naalagaaf­fia, ajus­suseerutsitsil­luin­nar­tus­saq nunarsuarmil­lu paratiisin­ngor­titsisus­saq, Jiisusip Kristusip oqalut­tuarisar­paa. (Lukasi 4:43) Soorunami inuit paaserusup­paat naalagaaf­fik taan­na qaqugu tikiutis­sanersoq. Jiisusi ajoqersuk­kaminit ima oqarfigineqar­poq: ‘Oqarfigitigut suna nalunaaqutaas­sasoq il­lit tikiun­nis­san­nut silarsuul­lu naggatis­saanut.’ (Mat­thæusi 24:3) Jiisusi akivoq Jehovap Guutip kisimi ilisimagaa silarsuup naggatis­saa qaqugor­piaq nal­liutis­sanersoq. (Mat­thæusi 24:36) Jiisusil­li siulit­tuutigai silarsuarmi pis­sutsit pisus­sal­lu as­sigiin­ngitsut Guutip naalagaaf­fiata nunarsuarmi eq­qis­sinermik  isuman­naas­susermil­lu pilersitsilivin­neranut ilisar­naataajumaar­tus­sat. Tamak­kulu nalitsin­ni pip­put!

³ ‘Silarsuup naggatis­saata’ tungaani inuunitsin­nut up­per­narsaatit misis­sor­tin­nagit sam­milaas­savar­put sorsun­neq inuup kialuun­niit takusin­naasiman­ngisaa. Sorsun­neq taan­na anersaat silarsuaan­ni takus­saan­ngitsumi pivoq, kingunerali uagutsin­nut sun­niuteqar­poq.

4, 5. (a) Jiisusip kun­ngisut iver­tin­neqar­nerata kingunin­ngua qilam­mi susoqar­pa? (b) Qilam­mi sorsun­neq Saq­qum­mersitat 12:12 naaper­torlugu sunik kinguneqar­tus­saasimava?

⁴ Kapitalip matuma siuliani nas­suiar­neqareersutut ukiumi 1914-imi Jiisusi Kristusi qilam­mi kun­ngisut iver­tin­neqar­poq. (Danieli 7:13, 14 atuakkit). Tamatuma kingunin­ngua iliuuseqar­poq. Biibilimi ima al­las­simavoq: “Qilam­mi sorsun­neqaler­poq. Mikaelip [Jiisusip aq­qa al­la] in­ngiliisalu uumasorujuk [Saatani Diaavulu] saas­sup­paat, uumasorujul­lu in­ngiliilu akiuup­put.” * Saatani in­ngilipiluilu, anersaapiluit, sorsun­nermi ajorsar­put qilam­miil­lu nunamut igitaal­lutik. Guutip in­ngiliisa aalajaatsut Saatanip anersaapiluil­lu peerun­nerat nuan­naarutigaat. Inuil­li al­lanik nalaataqar­put. Biibilimi ima siulit­tuutigineqar­poq: ‘Eq­qanaq nuna Diaavulu ilis­sin­nut aq­qarmat kamat­torsuul­luni, pif­fis­sakis­sutsi nalun­ngin­namiuk.’ – Saq­qum­mersitat 12:7, 9, 12.

⁵ Qilam­mi sorsun­nerup kinguneriumaagas­sai malugik­kit. Saatani kaman­nermini nunarsuarmi najugaqar­tunut an­nikil­lior­titsis­saaq. Im­mik­koor­tuni tul­liut­tuni ersersin­neqar­tutut eq­qanar­torsiorfiusumi tamatumani maan­na inuuvugut. Pif­fis­sarli taman­na sivisugisas­saas­san­ngilaq – tas­saas­sagami ‘pif­fis­sakin­neq’. Taman­na Saatanip aam­ma nalun­ngilaa. Pif­fis­saq kil­lilik taman­na Biibilimi ‘ul­lus­sanik kingul­ler­nik’ taaneqar­poq. (2 Timotheusi 3:1) Nuan­naarutigisin­naavar­put qanit­tuk­kut Guutip Diaavulu nunarsuarmi sun­niisin­naajun­naarsik­kumaaraa.  Biibilimi siulit­tuutigineqar­tut ilaat maan­nak­kor­piaq pisut misis­soriar­tigit. Tamak­ku ul­luni kingul­ler­ni inuunitsin­nut Guutil­lu naalagaaf­fiata Jehovamik asan­nit­tunut ataavar­tus­sanik qanit­tuk­kut pil­luaq­qus­sutis­siinis­saanut up­per­narsaataap­put. Siul­lermik misis­sus­savavut Jiisusip pis­sutsit nalitsin­nut ilisar­naatis­saaneragaata im­mik­koor­tui sisamat.

6, 7. Sorsun­nerit inuus­sutis­saaleqinerlu pil­lugit Jiisusip oqaasii qanoq eq­quup­pat?

⁶ ‘Inuiaat pikitsitsiumaarput inuiannut, naalagaaffillu naalagaaffimmut.’ (Matthæusi 24:7) Ukiuni 100-ni kingul­ler­ni inuit mil­lionilip­pas­suit sorsun­ner­ni toqutaasimap­put. Oqalut­tuarisaanermik ilisimatooq tuluk ima al­lap­poq: “1900-k­kut oqalut­tuarisaanermi toqoraaf­fiuner­paasimap­put. ... Ukiut hundredit taak­ku atasuin­nangajam­mik sorsuf­fiup­put nunarsuup ilaani sak­kulersorluni aaq­qis­sugaasumik akiuuf­fiujuaan­nar­tut qaqutiguin­narlu sivikitsuin­narmil­lu akiuutin­ngif­fiusar­tut.” Worldwatch Institute-imit nalunaarusiaq imaap­poq: “[1900-kkun­ni] sorsun­ner­ni toqutaasut ukiuni 100-ni siul­ler­niit 1899-imut sorsun­ner­ni tamani toqutaasimasunit pingasoriaam­mik amerlanerup­put.” 1914-imiil­li inuit 100 mil­lioninit amerlanerusut sorsun­ner­ni toqusimap­put. Taamaat­tumik inuit mil­lionil­lit sorsun­nermi asasamik an­naasaqar­nerup alianar­tuanik an­ner­nar­tuanil­lu misigisaqarsimap­put.

 ⁷ “Kaannersuaqartarumaarpoq.” (Mat­thæusi 24:7) Misis­sueq­qis­saar­tar­tut oqar­put ukiuni 30-ni kingul­ler­ni inuus­sutis­sarsior­neq an­ner­tuseriarujus­suarsimasoq. Taamaat­toq inup­pas­suit suli kaap­put nerisas­sanut nunaam­mul­luun­niit naatitsivigisin­naasamin­nut akis­saqan­ngin­namik. Nunani siuarsar­niak­kani inuit 1 mil­liardinit amerlanerusut ul­lormut 1 dol­lari min­nerusorluun­niit inuus­sutigisar­paat. Taak­kua amerlanersaat kaat­tuaan­nar­tuup­put. Nunarsuarmi Peq­qin­neq pil­lugu Suleqatigiif­fim­mit mis­siliuun­neqar­poq ukiut tamaasa meeq­qat 5 mil­lioninit amerlanerusut toqusar­neran­nut pis­sutaaner­paat ilagigaat timip pisariaqagai inorlugit nerisaqar­tar­neq.

8, 9. Nunap sajut­tar­nera nap­paas­suil­lu pil­lugit Jiisusip siulit­tuutaasa eq­quus­simaneran­nut suut ersiutaap­pat?

⁸ “Nunami sajunnersuaqartarumaarpoq.” (Lukasi 21:11) U.S. Geological Survey naaper­torlugu agguaqatigiis­sil­lugu ukiumut 19-eriarluni an­ner­tuumik nunap sajut­tar­nis­saa ilimagineqar­poq. Sajut­tar­nerit taak­ku ima sak­kor­tutigis­sap­put il­lut aseruatiter­neqarsin­naal­lutik nunalu qul­loorsin­naal­luni. Agguaqatigiis­sil­lugu ukiumut ataasiarluni il­lut sequmil­luin­nas­sutigisaan­nik nuna sajorujus­suar­tar­poq. Nalunaarsuk­kat naaper­torlugit 1900-miil­li inuit 2 mil­lioninit amerlanerusut nunap sajun­nerani ajunaarsimap­put. Tusagas­siivik ima paasis­sutis­siivoq: “Teknologiimut tun­ngasutigut siuariar­tor­neq ajunaar­tunik ikilisitsingaarsiman­ngilaq.”

 ⁹ ‘Nappaassuaqarumaarpoq toqoraataasunik.’ (Lukasi 21:11) Nakorsaatitigut ilisimatusar­nik­kut siumukar­toqaraluar­toq nap­paataareersut nap­paataalersul­lu inuit naal­liuutigaat. Nalunaarusiami erser­poq nap­paatit ilisimaneqarluar­tut 20-t – ilaatigut tuberkulose, malaria aam­ma kolera – ukiuni qulik­kuutaani kingul­ler­ni nalingin­naanerulersimasut nap­paatil­lu ilaat nakorsaatit atorlugit katsorsaruminaal­ligalut­tuin­nar­tut. Aam­ma nap­paatit tunil­laat­tar­tut nutaat ikin­ner­paamik 30-t nap­paataasalersimap­put. Taak­kua ilaat toqus­sutaasar­put katsorsaatis­saqar­tin­neqar­natil­lu.

10. Inuit pis­susii Timotheusimut al­lak­kat aap­paan­ni siulit­tuutigineqar­tut sorliit il­lit ul­lumik­kut malugisimavigit?

¹⁰ Silarsuarmi pis­sutsinik al­lan­ngor­toqarumaar­neranik al­laatigin­nin­nerup saniatigut Biibilimi aam­ma siulit­tuutigineqar­poq ul­lus­sat kingul­liit ilisar­naatigiumaaraat in­nut­taaqatigiit isigin­nit­taatsimik­kut al­lan­ngor­nerat. Apustilip Paulusip inuit ilar­pas­suisa qanoq it­tuujumaar­nerat al­laaseraa. Ima al­las­simavoq: ‘Ul­lus­sani kingul­ler­ni nal­liuk­kumaar­put ul­lut atugarliungaarfis­sat.’ (2 Timotheusi 3:1-5 atuak­kit). Paulusi al­lap­poq inuit ima it­tuujumaar­tut:

• namminissarsiortut

• aningaaserituut

•   angajoqqaaminnut naalanngitsut

• mitalliisut

• asanniuitsut

• naammatsiuitsut

• qiningasut

• Guuti pingaartinnagu inuulluarniutinik pingaarnerutitsisut

• Guutimik mianerinninnermik ileqqorinnittuusaaginnartut pissaaneranilli asiginnaasut

11. Inuit ajor­tut qanoq pineqarumaar­nerat Tus­siaat 92:8-mi qanoq al­laaserineqar­pa?

¹¹ Il­lit najuk­kan­ni inuit aam­ma taamaat­tun­ngorsimap­pat? Ilimanar­poq. Sumiluun­niit inoqar­poq pis­susilut­tunik, tamatumuunalu erser­poq qanit­tuk­kut Guuti iliuuseqarumaar­toq. Biibilimimi ima al­las­simavoq: “Iluan­ngitsut naasutut naasarmata, pinerlut­tul­lu tamarmik sik­kersunit­tarmata nungutaal­luin­nar­nis­saq kisiat siunis­saralugu.” – Tus­siaat 92:8.

12, 13. ‘Naggatis­sap nal­liun­nis­saata tungaani’ ‘paasisimasaqar­neq’ qanoq ‘an­ner­tusiar­torsimava’?

¹² Naler­put eq­qanar­tunik ilisar­naateqar­poq – Biibilimi siulit­tuutigineqar­neratorluin­naq. Silarsuarmili ajor­nar­torsiorfiungaar­tumi matumani Jehovamik pal­lorfigin­nit­tunut qiim­maal­lan­nar­tunik al­lan­nguuteqar­poq.

 ¹³ ‘Paasisimasaqarneq annertusiartussasoq’ Biibilimi siulit­tuutigineqar­poq. Qaqugu taamaalis­sava? ‘Naggatis­sap nal­liun­nis­saata tungaani’. (Danieli 12:4) Pingaar­tumik 1914-imiil­li Jehovap inuit im­minik ilumoorlutik kif­far­torfigin­nik­kusut­tut Biibilimik paasin­nin­nerunis­saan­nut ikiorsimavai. Guutip aq­qa siuner­taalu, Jiisusip Kristusip uter­titsis­sutitut pil­liutaa, toqusut qanoq pisar­nerat makititaanis­sarlu pil­lugit sal­lusuis­sutinik naleqangaar­tunik paasin­nin­nerujar­tuin­narsimap­put. Aam­mat­taaq Jehovamik pal­lorfigin­nit­tut paasisimavaat iluaqutigisamin­nik Guutimul­lu nersor­naataasumik qanoq inuusin­naanerlutik. Aam­ma paasil­luar­nerusimavaat Guutip naalagaaf­fia sunik naam­mas­sisaqarumaar­nersoq nunarsuarmilu pis­sutsinik qanoq aaq­qiiumaar­nersoq. Ilisimasatik qanoq ator­paat? Apeq­qum­mut tamatumun­nga tun­ngatil­lugu siulit­tuut al­la ul­luni kingul­ler­ni mak­kunani eq­quutilersoq sam­misus­san­ngor­par­put.

14. Guutip naalagaaf­fia pil­lugu nutaarsias­saq nuan­nersoq ul­lumik­kut qanoq oqaluus­sis­sutigineqar­tigaa, kik­kul­lu oqaluus­sis­sutigaat?

¹⁴ ‘Naalagaaffimmik iivangkiiliu taanna silarsuarmi tamarmi oqaluussissutigineqassaaq.’ Jiisusi ‘silarsuup naggatis­saa’ pil­lugu siulit­tuum­mini taama oqar­poq. (Matthæusi 24:3, 14 atuakkit). Nunarsuarmi tamarmi Guutip naalagaaf­fia pil­lugu iivangkiiliu, tas­sa nutaarsias­saq nuan­nersoq, oqaluus­sis­sutigineqar­poq. Guutip naalagaaf­fia taan­na suunersoq, sunik naam­mas­sisaqarumaar­nersoq pil­luaq­qus­sutis­sar­taalu qanoq ilil­luta misigisin­naanerivut oqaluus­sis­sutigineqar­put nunani 230-nit amerlanerusuni oqaatsit hundredik­kuutaat atorlugit. Jehovap Nalunaajaasuisa mil­lionil­lit Guutip naalagaaf­fia pil­lugu nutaarsias­saq nuan­nersoq aal­lus­sil­luarlutik oqaluus­sis­sutigaat. Taak­ku “inuiaqatigiin­nit naggueqatigiin­nil­lu inuian­nil­lu im­mik­kul­lu oqaasilin­nit tamanit” pip­put. (Saq­qum­mersitat 7:9) Inuit mil­lionil­lit Biibilimi sor­piaat ajoqersuutigineqar­neran­nik paasisaqarusut­tut akeqan­ngitsumik atuaq­qis­saaqatigisar­paat. Siulit­tuutip eq­quun­nera maluginiar­nangaar­poq, ingam­mik kristumiut ilumoor­tut Jiisusip siulit­tuisimaneratut ‘tamanit uumis­sor­neqarmata’. – Lukasi 21:17.

15. (a) Isumaqar­pit ul­luni kingul­ler­ni inuusugut, taamaap­pal­lu sooq taama isumaqar­pit? (b) “Naggatis­saq” Jehovamik akerlilersuisunut aam­ma Guutip naalagaaf­fiata naalak­kersuineranut naalatsigitit­tunut qanoq kinguneqas­sava?

¹⁵ Biibilimi siulit­tuutit tamak­ku tamarmik nalitsin­ni eq­quum­mata ul­luni kingul­ler­ni inuusugut erseq­qip­poq, ilaa? Nutaarsias­saq nuan­nersoq Jehovap kis­saatigisaatut oqaluus­sis­sutigineqar­tigereer­pat “naggatis­saq” nal­liuk­kumaar­poq. (Mat­thæusi 24:14) “Naggatis­saq” tas­saavoq pif­fis­saq Jehovap nunarsuarmi ajus­suseerutsitsif­fis­saa. Taas­suma im­minik akerlilersuiniar­tut tamaasa Jiisusi in­ngilil­lu pis­sarsuit ikior­tigalugit piuneeruk­kumaar­pai. (2 Thes­salonikamiut 1:6-9) Saatani anersaapiluil­lu inuian­nik tam­mar­titsis­saas­sap­put. Taava Guutip naalagaaf­fiata naalak­kersuineranut naaper­tuil­luar­tumut naalatsigitit­tut tamarmik naalagaaf­fim­mit tamatuman­nga pil­luaq­qusaangaas­sap­put. – Saq­qum­mersitat 20:1-3; 21:3-5.

16. Qanoq ilioruit silatusaas­savit?

¹⁶ Saatanip silarsuaata naggatis­saa qanil­liar­tormat tamat­ta im­mik­kut im­minut ima aperisariaqar­pugut: ‘Qanoq ilior­tariaqar­punga?’ Jehova pil­lugu taas­sumalu uagutsin­nut piumasaqaatai pil­lugit ilin­niar­tuar­neq silatusaar­nerus­saaq. (Johan­nesi 17:3) Biibili pimoorus­sil­lutit atuaq­qis­saar­taruk. Jehovap piumasaatut ilior­niar­tunik al­lanik peqateqar­tar­neq ileq­quliuguk. (Hebræerit 10:24, 25 atuak­kit). Jehova Guuti ilisarisimaleruk Biibilimik atuaq­qis­saar­nik­kut, taas­suman­ngalu iluarisaajumal­lutit pisariaqar­tunik inuunin­ni al­lan­nguigit. – Jaaku 4:8.

17. Inuit ajor­tut piuneerus­saaler­pata sooq inuit amerlanersaat tupas­sap­pat?

¹⁷ Jiisusip siulit­tuutigaa inuit amerlanersaasa ul­lus­sani kingul­ler­ni inuunitsin­nut nalunaaqut sumigin­nas­sagaat. Inuit ajor­tut piuneerus­saanis­saat tas­san­ngaan­naq ilimagineqarani nal­liutis­saaq. Nal­liun­nera un­nuak­kut til­lin­niar­tup tupan­nar­tigisar­neratul­li inuit amerlanersaan­nut tupan­nar­tigis­saaq. (1 Thessalonikamiut 5:2 atuaruk). Jiisusi ul­lus­sat kingul­liit pil­lugit ima mianersoq­qusivoq: ‘Soorlu Noap ul­luini it­toq, taamatut­taaq Inuup Er­nerata tikiuf­fis­saa ik­kumaar­poq. Ul­lunimi  taak­kunani ulersuaq sioq­qul­lugu neril­lutik imerlutil­lu nuliar­taarlutil­lu uinitsitsisar­put ul­loq Noap umiarsuarmut ikif­fia tikil­lugu; aatsaal­lu paasisaqaler­put ulersuaq nal­lium­mat tamaasalu nungutil­lugit. Taamatut­taaq aam­ma Inuup Er­nerata tikiuf­fis­saani ik­kumaar­poq.’ – Mat­thæusi 24:37-39.

18. Jiisusip mianersoq­qus­sutaa suna pimoorut­tariaqar­par­put?

¹⁸ Taamaat­tumik Jiisusi tusar­naar­timinut ima oqaaseqar­poq: “Mianersoritsi uum­matisi malus­sarlersitaaq­qunagit aalakoor­nermit imerajun­nermil­lu inuunerul­lu matuma piinik isumakuluutinit, pakasar­teq­qunasi ul­lup taas­suma tas­san­ngaan­naq tikiun­neranit nigar­tuutitut il­luni, inuiaam­mi nunarsuarmi tamarmi najugaqar­tut tamaasa tikis­sam­magit. Eq­qumajuar­niaritsi, qinugitsilu nukis­saqar­titaaq­qul­lusi pisus­sat suut tamaasa qimarratigisin­naaq­qul­lugit Inuul­lu Er­nerata saavani atasin­naaq­qul­lusi.” (Lukasi 21:34-36) Jiisusip oqaasiinik pimoorus­sineq silatusaar­nerus­saaq. Sooq? Jehovamit Guutimit aam­ma ‘Inuup Er­neranit’, Jiisusimit Kristusimit, akuerineqar­tut qilanaarisin­naam­mas­suk Saatanip silarsuaata naggatis­saani aniguinis­sar­tik silarsuas­samilu nutaami qanit­tuk­kut pilersin­neqar­tus­sami nuan­ningaar­tumi naas­saan­ngitsumik inuunis­sar­tik. – Johan­nesi 3:16; 2 Petrusi 3:13.