SAK PIIGA
Malɛgsã sẽn maand tõnd bũmb ninga
-
Malɛgsã sõngda nebã bɩ?
-
Bõe la malɛg-wẽnsã maand ninsaalbã??
-
D segd n zoeya malɛg-wẽnsã bɩ?
1. Bõe yĩng tɩ d segd n bao n bãng malɛgsã?
F SÃ N dat n bãng neda, naoor wʋsgo, f segdame n bao n bãng a zakã neba. Woto me, d sã n dat n bãng a Zeova, segdame tɩ d bãng a malɛgsã b sẽn get wa a saasẽ zakã nebã. Biiblã boonda malɛgsã tɩ “Wẽnnaam komdibli.” (Zoob 38:7) La b tʋʋmd yaa bõe Wẽnnaam daabã pidsg pʋgẽ? Bõe la b maan ãdem-biisã vɩɩm pʋgẽ? La malɛgsã maanda bũmb yãmb mengã vɩɩm pʋgẽ bɩ? Sã n yaa n-ye, yaa wãn to?
2. Ãnd n naan malɛgsã, la b sõorã yaa wãna?
2 Biiblã gomda malɛgsã yell naoor kobse. Bɩ d ges verse rãmb a wãn sẽn na yɩl n bãng n paas malɛgsã zugu. Ãnd n naan malɛgsã? Kolos rãmb 1:16 (Sebr Sõngo) yetame: “Tũu ne bãmba [a Zezi Kirist] tɩ Wẽnd naan bũmb fãa sẽn be-b yĩngri, sẽn be-b tẽng zugu.” Woto, bõn-naands kãensã fãa b sẽn boond tɩ malɛgsã yaa Wẽnnaam a Zeova n tũnug ne a pipi Biriblã n naan-ba. Malɛgsã sõor yaa wãna? Biiblã wilgdame tɩ malɛgs milyõ kobs la b naan-yã, tɩ b fãa tar pãnga.—Yɩɩl Sõamyã 103:20. *
3. Bõe la Zoob 38:4-7 yet malɛgsã wɛɛngẽ?
Zoob 38:4-7) Rẽnd malɛgsã ra bee hal sẽn kaoos tɩ b nan pa naan ninsaalbã, baa tẽngã menga. Biiblã verse kãngã wilgdame me tɩ malɛgsã sũy tõe n yɩɩ noog bɩ n sãame, bala a wilgame tɩ b ‘ra kaasda ne sũ-noogo.’ Ges-y tɩ b yeelame tɩ ‘Wẽnnaam komdibli wã fãa’ ra lagma taab n kaasd ne sũ-noogo. Rẽ wẽnd tɩ malɛgsã fãa ra yaa wala zag-yɛng neb sẽn tar zems-n-taare, n balemd Wẽnnaam a Zeova.
3 Biiblã sẽn yaa Wẽnnaam Gomdã yeta tõnd tɩ b sẽn wa n naan tẽngã, ‘Wẽnnaam komdibli wã fãa ra kaasda ne sũ-noogo.’ (MALƐGSÃ SÕNGDA TÕND LA B KOGEND TÕNDO
4. Wãn to la Biiblã wilgd tɩ ninsaalbã yɛl yell paka malɛg-sõmsã?
4 Malɛg-sakdbã sẽn maan kaset ne pipi ninsaalbã naanegã tɛka, b ra pʋgd n geta ãdem-biisã sõor sẽn da tar fɩɩgrã, la b ra baood n na n bãng Wẽnnaam daabã sẽn da na n paam pidsg to-to. (Yelbũna 8:30, 31; 1 Pɩɛɛr 1:11, 12) La sẽn wa n beẽ-beẽ, malɛgsã yãame tɩ ãdem-biis wʋsg basa b Naandã sẽn tar nonglmã raab maanego. Sãmbg sẽn ka be, rẽ sãama malɛg-sõmsã sũyã. La baa ninsaal a yembr sã n lebg n wa a Zeova balengã pʋgẽ, ‘sũ-noog bee malɛk rãmbã sʋka.’ (Luk 15:10) Sẽn mik tɩ neb nins sẽn maand Wẽnnaam daabã yell paka malɛgsã wʋsgã, zemsame t’a Zeova tʋm-b tɩ b kogl a tẽng zug sõgen dãmbã la b kõ-b pãngã. (Hebre dãmba 1:7, 14) D ges makr a wãna.
Mam Wẽnnaamã tʋma b malɛk t’a wa mum gɩgma wã noyã.”—Daniɛll 6:22
5. Mak-bʋs sẽn be Biiblã pʋgẽ n wilgd tɩ malɛgsã sõngda ninsaalbã?
5 Malɛgs a yiib n tɩ sõng nin-tɩrg a Lot ne a kompugli wã tɩ b põs Sodom la Gomoor sẽn da yaa tẽn-wẽnsã sãoongo, n peeg-b n yiis be. (Sɩngre 19:15, 16) Yʋʋm kobs loogr poore, b loba no-rɛɛs a Daniɛll gɩgma bokẽ, la a põsame n yeele: “Mam Wẽnnaamã tʋma b malɛk t’a wa mum gɩgma wã noyã.” (Daniɛll 6:22) Pipi kiris-nebã wakate, malɛk n yiis tʋm-tʋmd a Pɩɛɛr bãens roogẽ. (Tʋʋma 12:6-11) Sẽn paase, malɛgsã sõnga a Zezi a tẽng zug koe-moonegã sɩngrẽ. (Mark 1:13) La wakat bilf sẽn deng a Zezi kũumã, malɛk n vẽneg a meng ne-a n ‘paas-a pãnga.’ (Luk 22:43) Ad malɛgsã sõngr sɩd tog n kengã a Zezi pɛlga, sasa kãensã sẽn da pa reem yell wakat a vɩɩmã pʋgẽ wã!
6. a) Wãn to la malɛgsã kogend Wẽnnaam nin-buiidã rũndã-rũndã? b) Sogs-bʋs la d na n leok masã?
6 Rũndã-rũndã, malɛgsã pa leb n vẽnegd b mens ne Wẽnnaam tẽng zug nin-buiidã ye. La baa ne ninsaalbã sẽn pa ne-bã, Wẽnnaam malɛgsã sẽn tar pãngã ket n kogenda a nin-buiidã, sẽn tɩ yɩɩda, ne bũmb ning fãa sẽn tõe n maan-b wẽng tẽebã wɛɛngẽ. Biiblã yetame: “Zusoaba malɛk rãmb gũbgda neb nins sẽn zoet bãmbã n fãagd bãmba.” (Yɩɩl Sõamyã 34:8) Bõe yĩng tɩ gom-kãensã segd n keng tõnd pels wʋsgo? Yaa tɩ malɛg-wẽns n dat n sãam tõndo. Yaa malɛg-bʋse? Yɛ la b yita? B baood n na n maana tõnd wẽng wãn to? Sẽn na yɩl n bãng sogs-kãensã leoore, bɩ d ges bũmb ning sẽn zĩnd ãdem-biisã sɩngrẽ wã koɛɛg-koɛɛga.
MALƐGS KẼER YAA TÕND BƐƐBA
7. Hal sẽn ta zĩ-bʋg la a Sʋɩtãan tõog n kɩt tɩ nebã bas Wẽnnaam sakre?
7 Wa d sẽn yã seb-kãngã sak a 3 pʋgẽ wã, malɛk a yembr n tʋlg n na n dɩ naam, tɩ rẽ kɩt t’a kɩɩs Wẽnnaam. B waa n boonda malɛg-kãng t’a Sʋɩtãana. (Wilgri 12:9) A Sʋɩtãan sẽn belg a Hawa wã tɛka, yʋʋm 1600 pʋgẽ, a tõog n kɩtame tɩ ninsaalbã fãa la bal bas Wẽnnaam sakre, sã n dok neb a wãn wala a Abɛlle, a Enok la a Nowe.—Hebre dãmba 11:4, 5, 7.
8. a) Wãn to la malɛgs kẽer lebg zĩn dãmba? b) Sẽn na yɩl n põs a Nowe wakatẽ sãoong Sa-kãsengã, yɩɩ tɩlae ne zĩn dãmbã tɩ b maan bõe?
Sɩngr 6:2 pʋgẽ: “Wẽnnaam komdibli wã yãame tɩ ninsaalba kompugli wã yaa neere, la bãmb dɩgsa b sẽn dat b rãmba fãa n maan b pagba.” La Wẽnnaam a Zeova pa bas malɛg-kãensã tɩ b ket n kʋɩɩbd nebã ye. A waa ne sãoong sa-kãseng dũniyã gill zug n sãam nin-wẽnsã la a kogl a sõgen dãmb hakɩkã bala. (Sɩngre 7:17, 23) Yɩɩ tɩlae ne malɛg-tõatbã bɩ zĩn-dãmbã sẽn da rɩk ninsaalb yĩnsã, tɩ b tedg b mens n le lebg malɛgs n leb saasẽ. Rẽ masã, malɛg-kãensã yãka yam n na n zĩnd a Sʋɩtãan sẽn lebg ‘zĩn dãmba naabã’ poorẽ.—Matɩe 9:34.
8 A Nowe wakatã, malɛgs a taab n kɩɩs a Zeova. B basa zĩig ning b sẽn da tar Wẽnnaam malɛgsã sʋk saasẽ wã, n sig tẽngã zug n tedg b mens n dɩk ninsaalb yĩnsi. Bõe yĩnga? D karemda woto9. a) Zĩn dãmbã sẽn leb saasẽ wã, bõe n paam-ba? b) Bõe la d na n yã zĩn dãmbã wɛɛngẽ?
9 Malɛg-kɩɩsdbã sẽn leb saasẽ wã, Wẽnnaam yiisa bãmb buudẽ wa b naab a Sʋɩtãana. (2 Pɩɛɛr 2:4) Baa ne b sẽn pa leb n tõe n tedg b mens n dɩk ninsaal yĩngã, b ket n maanda ninsaalbã wẽnga. Ne zĩn-dãmbã sõngre, a Sʋɩtãan ‘belgda dũniyã fãa.’ (Wilgri 12:9; 1 Zã 5:19) Wãn to? Zĩn dãmbã tũnugda ne manesem buud toor-toor sẽn na yɩl n belg nebã. (2 Korẽnt dãmba 2:11) Bɩ d ges manesem kãens kẽere.
ZĨN DÃMBÃ SẼN BELGD NEBÃ TO-TO
10. Tɩt maaneg tɩ loee ne bõe?
10 Zĩn dãmbã tũnugda ne tɩt maaneg wala sõodo, bagr bɩ tɩɩm dɩɩb n belgd nebã. Tɩ-kãensã buud maaneg loeta foo ne zĩn dãmbã wakat fãa, baa yaa foo f toor n maand tɩ yaa tɩɩm soab n maand n kõt-fo. Biiblã yetame tɩ tɩt maaneg yaa wẽnga, la a keoogd tõnd tɩ d zãag d mens ne bũmb ning fãa sẽn tar loees ne rẽ. (Galat dãmba 5:19-21, Kãab-paalgã Koe-noogo) Zĩn dãmbã tʋmda ne tɩtã wala zĩm-yõgdbã sẽn tʋmd ne leo-rɩɩb to-to wã. Zĩm-yõgdbã tʋmda ne lɛoog rɩɩb bɩ leo-rɩɩb buud toor-toor n yõgd zĩm buud toor-toore. Woto, malɛg-wẽnsã me tʋmda ne tɩɩm buud toor-toor n paamd neb buud toor-toore.
11. Bagr yaa bõe, la bõe yĩng tɩ d segd n lak d mens ne-a?
11 Bẽdg a yembr zĩn dãmbã sẽn tʋmd ne yaa bagrã. Bagr yaa bõe? Yaa bao n bãng sẽn wat beoog-daare, bɩ n paam vẽnegr bũmb sẽn solg zugu. Wala makre, Tʋʋm 16:16-18 gomda “zĩn” sẽn kɩt tɩ bipugl ‘bʋgd bagr’ yelle. La b sẽn dig zĩnã n yiisã, bipuglã ra pa leb n tõe n bʋg bagrã ye.
bag-bʋgdbã geta ãdse, b geta nug-pʋga, b wẽeda bĩisri, b lobda ligd-pɛɛla, b wẽeda tʋgd n boond kinkirsi, b wilgda zãmsd võore. Baa neb wʋsg sẽn tagsd tɩ bagr bʋgb pa tar yellã, Biiblã wilgdame tɩ bagbã ne zĩn dãmbã tʋmda ne taaba. Wala makre,Zĩn dãmbã tʋmda ne manesem toɛy-toɛy n belgd nebã
12. Bõe yĩng tɩ yaa yell tɩ d mak n gom ne sẽn ki-bã?
12 Manesem a to zĩn dãmbã sẽn tũnugd ne n belgd nebã yaa b sẽn tusd-b tɩ b boond kɩɩmsã. Nebã sã n yãbd b nin-nongr kũum, b nong n basdame tɩ b belgd-b ne ziri tagsa sẽn ki-bã wɛɛngẽ. Kinkir-bag tõeeme n vẽneg foo ne bũmb sẽn solge, wall a toeem a koɛɛgã n gomd tɩ yaa wala kiidã n gomde. Rẽ kɩtame tɩ neb wʋsg sɩd tẽed tɩ sẽn ki-bã sɩd vɩɩme, la tɩ sẽn vɩ-bã sã n bao n na n gom ne-ba, na n sõng-b lame tɩ b tõog n mao ne b sũ-sãangã. La woto pa yiisd ned sũ-sãanga, la a leb n yaa yell me. Bõe yĩnga? Bala zĩn dãmbã tõe n 1 Sãmwɛll 28:3-19) Sẽn paase, wa d sẽn yã sak a 6 pʋgẽ wã, sẽn ki-bã pa vɩ ni ye. (Yɩɩl Sõamyã 115:17) Rẽnd ‘ned sã n boond kɩɩmse,’ yaa malɛg-wẽnsã n belgd-a, la nin-kãng soabã sẽn maand rẽ wã, a kɩɩsda Wẽnnaam daabo. (Tõodo 18:10, 11; Ezai 8:19) Bɩ y gũus ne bẽd-kãngã zĩn dãmbã sẽn tʋmd ne wã sẽn yaa yellã.
goma ne koɛɛg sẽn wõnd kiidã koɛɛgã la b kõ kinkir-bagã kibay sẽn tɩ loe ne kiidã. (13. Neb wʋsg sẽn da zoet zĩn dãmbã tõog n maana bõe?
13 Malɛg-wẽnsã pa belgd nebã bal ye, b kẽesd-b-la rabeem me. Rũndã-rũndã, a Sʋɩtãan ne a zĩn dãmbã miime tɩ wakat ning bãmb sẽn ket n tar n tõe n kʋɩɩb nebã ‘yaa bilfu,’ tɩ rẽ kɩt tɩ b wẽnemã yɩɩd pĩndã. (Wilgri 12:12, 17) Baa ne rẽ, neb tusa sẽn da vɩ zĩn dãmbã rabeem pʋgẽ daar fãa tõog n fʋsga b mens n le pa zoet-b ye. B maana wãna? Bõe la ned tõe n maane, baa a sã n da zoe n maanda tɩto?
D SẼN TÕE N ZAB NE MALƐG-WẼNSÃ TO-TO
14. Wala pipi kiris-neb nins sẽn da be Efɛɛzã, wãn to la d tõe n lak d mens ne malɛg-wẽnsã?
14 Biiblã wilgda tõnd d sẽn segd n zab ne malɛg-wẽnsã la d sẽn tõe n lak d mens ne-b to-to. D rɩk makr ne pipi kiris-nebã sẽn da be Efɛɛz galʋ-tẽngã pʋgẽ wã. B sẽn da wa n nan pa kiris-nebã, bãmb kẽer da maanda tɩto. B sẽn wa n yãk yam n na n bas tɩ-kãense, yaa bõe la b maan-yã? Biiblã yetame: “Bãmb bag-bʋgdb wʋsg waa ne bãmb sɛb n wa yõog bugum neba fãa taoore.” (Tʋʋma 19:19) Kiris-nin-paals kãensã sẽn sãam b tɩtã sɛbã kõo neb nins sẽn tʋll n zab ne malɛg-wẽnsã rũndã-rũndã wã mak-sõngo. Neb nins sẽn dat n maan a Zeova raabã segd n sãama bũmb nins fãa sẽn tar loees ne tɩt maanegã. Bõn-kãens tõe n yaa sɛba, zʋrno rãmba, filim dãmba, fot bɛd la mizik sẽn tusd nebã n kẽes tɩtã maaneg pʋgẽ la sẽn kɩtd tɩ rẽ be yamleoog ne nebã. Leb n tõe n yaa tɩ-yoada, tɩ-gãn la tɩt a taab nebã sẽn maan sẽn na yɩl n kogl b mense.—1 Korẽnt dãmba 10:21.
15. Sẽn na yɩl n paam pãng n tõog n mao ne malɛg-wẽnsã, yaa bõe la d segd n maane?
15 Efɛɛz kiris-nebã sẽn sãam b tɩtã sɛb yʋʋm a wãn poore, tʋm-tʋmd a Poll gʋls-b-la woto: ‘Tõnd zabrã yaa ne malɛg-wẽnsã.’ (Efɛɛz rãmba 6:12, Sebr Sõngo) Zĩn dãmbã ra pa bas zabrã ye. B ra ket n maoodame n dat n tõoge. Woto wã, bõe me la kiris-nin-kãensã ra segd n maane? A Poll yeelame: “Wakat fãa, bɩ y tall tẽeb tɩ yɩ gãongo tɩ yãmb tõe n kok wẽng soaba [a Sʋɩtãan] pɛɛma fãa sẽn yaa wa bugmã.” (Efɛɛz rãmba 6:16) Tõnd tẽebã gãong pãng sã n paasdẽ, d na n paama pãng n paas n tõog n mao ne malɛg-wẽnsã.—Matɩe 17:20.
16. Wãn to la d tõe n paas d tẽebã pãnga?
16 La wãn to la d tõe n paas d tẽeba pãngã? Yaa d sẽn na n zãmsd Biiblã. Lalg pãng bee a yẽbgrẽ wã. Tõnd me tẽebã pãng bee ne a yẽbgrã sẽn yaa bãngr hakɩk ning sẽn yit Wẽnnaam Gomdã sẽn yaa Biiblã pʋgẽ wã. Tõnd sã n karemd Biiblã la d zãmsd-a daar fãa, d tẽebã pãng na n paasame. Wa lalg sẽn tar pãnga, tẽeb kãng na n kogla tõnd ne malɛg-wẽnsã tʋʋmã.—1 Zã 5:5.
17. Bõe n yaa tɩlae sẽn na yɩl n tõog n zab ne malɛg-wẽnsã?
17 Bõe me la Efɛɛz kiris-nebã ra segd n maane? B ra rata koglg n paase, b sẽn da be tẽng sẽn pid ne zĩn dãmbã yɛl pʋgẽ wã yĩnga. Yaa rẽ n so t’a Poll yeel-ba: “Bɩ y maan pʋʋsgo la kosg wakat fãa ne Sɩɩg Sõng pãnga n da bas ye.” (Efɛɛz rãmba 6:18) Tõnd me sẽn be dũni sẽn pid ne zĩn dãmb yɛlã pʋgẽ wã yĩnga, yaa tɩlae tɩ d pʋʋs a Zeova ne d sũy fãa n kos t’a kogl-do, sẽn na yɩl tɩ d zab ne malɛg-wẽnsã. Sɩda, d segd n pʋta a Zeova yʋʋrã d pʋʋsgã pʋgẽ. (Yelbũna 18:10, NW) Rẽ n so tɩ d segd n ket n pʋʋsd Wẽnnaam t’a “fãag tõnd wẽng soaba” sẽn yaa a Sʋɩtãanã nugẽ. (Matɩe 6:13) A Zeova na n leoka pʋʋs-kãens buud d sẽn maand ne d sũy fãa wã.—Yɩɩl Sõamyã 145:19.
18, 19. a) Bõe yĩng tɩ d tõe n kɩs sɩd tɩ d na n tõoga zabr ning d sẽn zabd ne malɛg-wẽnsã? b) Sok-bʋg la d na n leok sõsg ning sẽn pʋgdã pʋgẽ?
18 Malɛg-wẽnsã yaa yelle, la sã n mik tɩ tõnd kɩɩsda Sʋɩtãanã la d pẽnegd Wẽnnaam n maand a raabã, d pa segd n zoe-b ye. (Zak 4:7, 8) Malɛg-wẽnsã pãng tara koaka. Wẽnnaam sɩbg-b-la a Nowe wakatã, la yaa vẽeneg tɩ b sãoong zãng-zãngã wata beoog daare. (Ziid 6) Tẽeg-y me t’a Zeova malɛgsã sẽn tar pãngã kogenda tõndo. (2 Rĩm dãmba 6:15-17) B sɩd rata ne b sũyã fãa tɩ d tõog n kɩɩs malɛg-wẽnsã. Malɛg-tɩrsã bee tõnd poorẽ n kengd tõnd raoodo. Woto yĩnga, bɩ d kell n pẽneg a Zeova la a malɛg-sõmsã, d lak d mens ne tɩt buud fãa sẽn tar loees ne zĩn-dãmbã, la d tũ Wẽnnaam Gomdã sagls wakat fãa. (1 Pɩɛɛr 5:6, 7; 2 Pɩɛɛr 2:9) Rẽ, d tõe n kɩsa sɩd tɩ d na n tõoga zabr ning d sẽn zabd ne malɛg-wẽnsã.
19 La bõe yĩng tɩ Wẽnnaam bas malɛg-wẽnsã la wẽnemã sẽn namsd nebã wʋsg woto wã tɩ beẽ? B na n leoka sok-kãngã sak ning sẽn pʋgdã pʋgẽ.
^ sull 2 Wilgri 5:11 goma malɛg-sõmsã yell woto: “Bãmb sõor yaa tus-kẽema naoor tus-kẽema,” bɩ “tus piig naoor tus piiga.” Woto, Biiblã sɩd wilgame tɩ b naana malɛgs milyõ rãmb kobse.