1, 2. Ul­lumik­kut inuit naal­liun­nar­tunit sunit eq­qugaasar­pat, taman­nalu pis­sutigalugu inup­pas­suit qanoq aperisar­pat?

NUNAMI sorsuf­fiusumi akiuun­nerup toqutaaf­fiungaar­tup kingor­na ar­nat meeq­qal­lu toqutaasut tuusintil­lit ataatsimut iliviliarsuarmut san­ningasuliarar­pas­suar­nik avatangerlugit ilineqar­put. San­ningasul­lit taak­ku tamavim­mik ima al­lan­ner­taqar­put: “Sooq?” Aap, inuit ilaasa taama aperalutik naal­liungaar­ner­tik ersersit­tar­paat. Inuit taama aperisar­put sorsun­nerit, ajunaar­nersuit, nap­paatit pinerlun­neril­luun­niit asasamik pisuus­suteqan­ngitsut toquneran­nik, angerlarsimaf­fim­mik aserugaaneran­nik naal­liun­nangaar­tunil­luun­niit al­lanik kinguneqaraangata. Paaserusut­tar­paat sooq alianar­tunit eq­qugaanerlutik.

² Sooq Guutip naal­liun­nar­toqar­nera akueraa? Jehova Guuti ajugaqan­ngitsuul­lunilu asan­nit­tuul­lunilu ilisimas­suseqarlunilu naaper­tuil­luar­tuup­pat sooq silarsuaq uumis­suinermik naaper­tuil­luan­ngitsulior­ner­nil­lu ulik­kaar­pa? Il­lit apeq­qutit tamak­ku eq­qarsaatiginikuuigit?

3, 4. (a) Sooq Guuti naal­liun­nar­toqar­neranik akuerin­nin­nersoq apeq­qutigis­sal­lugu eq­qun­ngitsulior­nerun­ngila? (b) Jehovap ajus­suseq naal­liun­nar­toqar­neralu qanoq isigai?

³ Taamatut aperineq eq­qun­ngitsulior­nerua? Ilaasa an­nilaangas­sutigaat taamatut aperiner­tik up­per­nikin­nermut Guutimil­luun­niit ataq­qin­nin­ngin­nermut ersiutaas­sasorigamik­ku. Biibilimil­li  atuaruit paasis­savat inuit Guutimik mianerin­nit­tut aalajaatsut taamani taamatupajaaq aperisar­tut. As­sersuutigalugu pruf­fiitip Habak­kukip Jehova ima aperivaa: “Sooq iluaatsuliorfigineqar­nermik misigisaqar­tip­pinga perlutsitaaneralu isigin­naagin­narlugu? Qunutitsineq nakuuser­nerlu isima saan­niip­put, un­nerluus­sut tutsiup­poq, pil­lagas­saatitsineqaler­poq.” – Habak­kuki 1:3.

⁴ Pruf­fiiti Habak­kuki taama aperigami Jehovamit naveer­neqar­pa? Naagga. Guutip naveer­nagu taas­suma oqaasii Biibilimut ilan­ngun­neqar­tip­pai. Aam­ma Guutip Habak­kuki paasin­nil­luar­nis­saanut up­per­neruler­nis­saanul­lu ikior­paa. Jehovap aam­ma il­lit taamatut ikiorusup­paatit. Eq­qaamajuk Biibilimi ajoqersuutigineqarmat taas­suma ‘isumas­soraatigut’. (1 Petrusi 5:7) Guuti ajus­susermik tamatumalu kingunerisaanik naal­liun­nar­toqar­neranik kimil­luun­niit uumigin­nin­nerungaar­poq. (Esaja 55:8, 9) Taavami sooq silarsuarmi taama naal­liun­nar­toqar­tigaa?

5. Inuit naal­liuutaan­nut ilaan­nik­kut suut pis­sutaanerar­neqar­tar­pat, Biibilimili suna ajoqersuutigineqar­pa?

⁵ Silarsuarmi sumi tamaani inuit sooq taama naal­liun­nar­toqar­tiginera up­perisarsior­nik­kut siut­tunut ajoqersuisunul­lu apeq­qutigisarsimavaat. Amerlaner­tigut akineqar­tar­put  taman­na Guutip piumasarigaa taas­sumalu piumaar­tus­sat tamaasa, aam­ma alianar­tut, qangarsuarli siumut aalajangereersimagai. Inup­pas­suit oqarfigineqar­tar­put Guutip aq­qutai siunersis­saan­ngitsuusut imaluun­niit inuit – inersimasut meeq­qal­lu – qilam­mi najor­tigiumal­lugit toqutit­tarai. Jehovali ajor­tunut pisuun­ngisaan­nar­poq. Biibilimi ima al­las­simavoq: “Guuti ajor­tumik iliun­ngisaan­nar­poq, Ajugaqan­ngitsoq peq­quserlut­tumik ilior­neq ajor­poq.” – Jobi 34:10.

6. Sooq inup­pas­suit kuk­kul­lutik Guuti naal­liun­nar­tor­pas­suar­nut pisuutit­tar­paat?

⁶ Nalun­ngiliuk sooq inuit kuk­kul­lutik silarsuarmi naal­liun­nar­tor­pas­suaqar­neranut Guuti pisuutit­taraat? Amerlanerit isumaqaramik Guuti Ajugaqan­ngitsoq silarsuup matuma naalagarigaa. Taama isumaqar­tut Biibilimi taman­na pil­lugu ajoqersuut paasiuminar­toq, pingaaruteqar­torli, naluaat – tas­sa silarsuup matuma Saatani Diaavulu naalagarigaa. Sal­lusuis­sut Biibilimeersoq taman­na kapitali 3-mi sam­mineqar­neruvoq.

7, 8. (a) Silarsuaq man­na naalagarisami pis­susiinik qanoq ersersitsiva? (b) Inuit naam­mal­luin­nan­ngitsuunerat ‘nalaatsor­ner­tigul­lu pisar­tut’ qanoq naal­liun­nar­toqar­neranik kinguneqar­tar­pat?

⁷ Biibilimi erseq­qis­sumik ima al­las­simavoq: ‘Silarsuaq tamaat Ajor­tup pis­saaneqarfigaa.’ (1 Johan­nesi 5:19, NW) Taman­na naal­liun­nar­toqar­neranut nas­suiaataal­luar­pasip­poq, ilaa? Silarsuarmi matumani pis­suserineqar­tut anersaap takus­saan­ngitsup ‘silarsuarmik tamarmik tam­mar­titsiniar­tup’ pis­susiinik ersersitsip­put. (Saq­qum­mersitat 12:9) Saatani peq­qar­niitsuul­lunilu peq­quserlut­tuul­lunilu naak­kit­taatsuuvoq. Taamaat­tumik silarsuaq naalagaaf­figisaa aam­ma peq­qar­niitsulior­ner­nik, peq­quserlut­tulior­ner­nik naak­kit­taatsulior­ner­nil­lu ulik­kaar­poq. Taman­na naal­liun­nar­tor­pas­suaqar­neranut pis­sutaasut ilagaat.

⁸ Pis­sutaasoq al­la tas­saavoq, kapitali 3-mi eq­qar­tor­neqar­tutut, inuit tamarmik naatsiivim­mi Edenimi pikitsitsisoqarmal­li naam­mal­luin­nan­ngitsuunerat ajor­tulioq­qajaasar­neral­lu. Inuit naam­mal­luin­nan­ngitsut pis­saaneqar­niuteq­qajaasar­put, taman­nalu sorsun­nermik, naqisiman­nin­nermik naal­liuutinil­lu kinguneqar­tar­poq. (Oqaluus­sisar­tup oqaasii 4:1; 8:9) Naal­liun­nar­tor­pas­suaqar­neranut  pis­sutaasut pingajuat tas­saavoq ‘nalaatsor­ner­tigut pisar­tut’. (Oqaluus­sisar­tup oqaasii 9:11, 1990) Silarsuarmi Jehovamit ser­nis­suisuusumit naalagaaf­figineqan­ngitsumi inuit naal­liun­nar­tunik nalaataqar­tarsin­naap­put sumiif­fim­mi pif­fis­samilu kuk­kusumiin­neq pis­sutigiin­narlugu.

9. Sooq qularin­ngilar­put Jehova naal­liun­nar­toqar­neranik akuerin­nik­kal­lar­nerminut pis­sutis­saqarluar­toq?

⁹ Guutip naal­liun­nar­tunut pisuun­ngin­neranik ilisiman­nin­neq tup­pal­lersaataavoq. Taan­na sorsun­ner­nut, pinerlut­tulior­ner­nut, naqisiman­nin­nermut al­laal­lumi pin­ngor­titami ajunaar­nersuar­nut naal­liun­nar­tunik kinguneqar­tunut akisus­saan­ngilaq. Sulili paaserusup­par­put sooq Jehovap taama naal­liun­nar­toqar­tiginera akuerineraa. Tas­saaguni Ajugaqan­ngitsoq naal­liun­nar­tuerutitsinis­saminut pis­saaneqarsimas­saaq. Sooruna tunuarsimaar­toq? Guutiugami asan­nit­toq pis­sutis­saqarluarsimas­saaq. – 1 Johan­nesi 4:8.

10. Saatanip suna apeq­quser­paa, qanorlu taamaalior­pa?

¹⁰ Sooq Guutip naal­liun­nar­toqar­nera akuerineraa paasiumal­lugu inuiaat naal­liuutaasa aal­lar­tin­nerat eq­qarsaatigisariaqar­par­put. Saatanip Adami Evalu Jehovamut naalan­ngitsim­magit apeq­qut pingaaruteqar­toq pilersin­neqar­poq. Saatanip apeq­qusin­ngilaa Jehovap pissaanera. Nalun­ngil­luin­nar­paa Jehovap pis­saanera kil­leqan­ngitsuusoq. Apeq­qusigaaliuna tas­saasoq Jehovap naalakkersuisinnaatitaanera. Guuti naalak­kersuinerlut­tuunerar­paa sal­lutunerar­neratigut pin­ngor­titaminul­lu ajun­ngitsumik erliguus­sinerar­neratigut. (1 Mosesi 3:2-5 atuak­kit). Saatani oqar­porlusooq inuit iluanaar­nerus­sasut Guutimit naalak­kersor­neqan­ngik­kunik. Taman­na Jehovap kisimi oqartussaaneranik, tas­sa naalak­kersuisin­naatitaaneranik, saas­sus­sineruvoq.

11. Sooq Jehovap Edenimi pikitsitsisut piuneerutiin­nan­ngilai?

¹¹ Adami Evalu Jehovamut pikitsitsip­put. Ima oqar­pul­lusooq: ‘Jehova naalagarisariaqan­ngilar­put. Nam­mineq aalajangersin­naavar­put suna eq­qor­tuunersoq sunalu eq­qun­ngitsuunersoq.’  Tamatuma akerleriis­sutaaler­nera Jehovap qanoq qisuariarfigaa? Pin­ngor­titat sianis­susil­lit tamaasa qanoq paasitis­sin­naavai pikitsitsisut kuk­kusut nam­minerlu periaatsini pitsaaner­paasoq? Im­maqa oqar­toqar­poq Guutip pikitsitsisut piuneerutiin­narsimasariaqaraluarai aal­laq­qaataanil­lu aal­lar­teq­qil­luni. Jehovali oqarsimavoq siuner­taralugu nunarsuaq Adamip Eval­lu kinguaavinik ulik­kaas­sasoq taak­kulu nunarsuarmi paratiisiusumi najugaqas­sasut. (1 Mosesi 1:28) Jehovap siuner­tani tamatigut naam­mas­sisar­pai. (Esaja 55:10, 11) Aam­mami Guutip naalak­kersuisin­naatitaanera pil­lugu apeq­qutaalersimasoq akis­sutis­sarsineqar­navian­ngilaq naatsiivim­mi Edenimi pikitsitsisut peersiin­narlugit.

12, 13. As­sersuusiorlutit nas­suiaruk sooq Saatanip silarsuarmut matumun­nga naalagan­ngor­nis­saa aam­ma inuit nam­min­neq aqutsinis­saat Guutip akuerigai.

¹² As­sersuuteqariar­ta. Takorlooruk ilin­niar­titsisup kisitas­saq imaan­naan­ngitsoq qanoq kisin­neqas­sanersoq atuar­titaminut nas­suiaraa. Atuar­toq pik­koris­soq, pikitsitsiumatoorli, oqar­poq ilin­niar­titsisup kisitseriaasia kuk­kul­luin­nar­tuusoq. Kisitseriaaseq pitsaanerujus­suaq nalun­ngin­nerar­paa, taamaalil­lunilu oqamisaar­poq ilin­niar­titsisoq atorsin­naan­ngitsoq. Atuaqataasa ilaasa  taan­na up­peralugu pikitsitseqatigiler­paat. Taama pisoqar­til­lugu ilin­niar­titsisoq qanoq ilius­sava? Pikitsitsisut inimit atuar­titsivim­mit anisiin­nar­pagit atuar­tut sin­nerinut qanoq sun­niuteqas­sava? Isumaqaleq­qajaas­sap­put anisitaasut isumaat eq­qor­tuusoq, ilaa? Atuar­tut taak­kua ilin­niar­titsisor­tik ataq­qiun­naarsin­naavaat. Isumaqas­sap­put ilin­niar­titsisoq kuk­kusimas­sasoraluni an­nilaangasoq. Takorlooriarul­li ilin­niar­titsisup pikitsitsisut anisin­nagit atuar­titami pikitsitsiumatuup kisitas­saq nammineq qanoq kisis­sanerlugu atuaqatiminut nas­suiaanis­saa akuerigaa.

¹³ Jehova naatsiivim­mi Edenimi pikitsitsisunut tamatumun­nga as­singusumik iliuuseqar­niarluni aalajanger­poq. Akuliun­neqar­tum­mi taak­kuin­naan­ngil­lat. In­ngilit mil­lionil­lit pisunik isigin­nit­tuup­put. (Jobi 38:7; Danieli 7:10) Jehovap pikitsitsif­figineqar­nerminut periaasia in­ngilinut aam­ma nunami inun­ngorumaar­tunut tamanut sun­niuteqangaar­tus­saasimavoq. Taavami Jehova qanoq ilior­pa? Saatanip qanoq inun­nut naalak­kersuiniar­nerminik takutitsinis­saa akueraa. Aam­ma Guutip inuit Saatanimit siulersor­neqarlutik nam­min­neq naalak­kersuinis­saat akueraa.

14. Sooq uagutsin­nut iluaqutaava Jehovap inuit nam­mineerlutik naalak­kersuisin­naatim­magit?

¹⁴ As­sersuusiami ilin­niar­titsisup nalun­ngilaa atuar­toq pikitsitsiumatooq taas­sumun­ngalu ilaliut­tut kuk­kusut. Aam­mali nalun­ngilaa isum­mamin­nik up­per­narsaaniar­nis­saan­nut periarfis­sik­kunigit atuaqatigiin­nut tamanut iluaqutaas­sasoq. Iluatsin­ngip­pata atuar­tut al­lat tamarmik paasis­savaat ilin­niar­titsisoq kisimi ilin­niar­titsinermi siulersuisin­naas­suseqar­toq. Tamatuma kingor­na ilin­niar­titsisoq atuar­tunik pikitsitsiumatuunik inimit atuar­titsivim­mit anisitsis­sap­pat aam­ma paasisin­naas­savaat. Taamatul­li Jehovap nalun­ngilaa in­ngilinut inun­nul­lu eq­qor­tuliorusut­tunut tamanut iluaqutaas­sasoq takugunik­ku Saatani pikitsitseqataalu kuk­kusut inuil­lu nam­mineerlutik aqutsisin­naan­ngitsut. Itsaq Jeremiap paasisimasaa ilumoor­toq una paasilis­savaat: “Jehova, nalun­ngil­luin­nar­para inuup ingerlavis­si oqar­tus­saaf­figin­ngik­kaa. Inuk ingerlasoq al­loriar­tar­nerminik aqutsisin­naatitaan­ngilaq.” – Jeremia 10:23, NW.

15, 16. (a) Sooq Jehovap naal­liun­nar­toqar­nera taama sivisutigisumik akueraa? (b) Sooq Jehova ajor­tunik pisoqar­naveersaar­titsisiman­ngila?

¹⁵ Soormiuna Jehovap naal­liun­nar­toqar­nera taama sivisutigisumik akuerigaa? Aam­ma sooq ajor­tunik pisoqar­naveersaar­titsin­ngila? As­sersuusiami ilin­niar­titsisup iliuuserinian­ngisai uku marluk malugik­kit: Siul­lermik, atuar­toq pikitsitsiumatooq isum­maminik up­per­narsaaniarsarinerani unitsin­nian­ngilaa. Aap­pas­saanik, arlaan­naatigul­luun­niit ikior­nian­ngilaa. Taamatut­taaq Jehovap iliuuserinianngisai marluup­put. Siul­lermik, Saatanip taas­sumun­ngalu ilaliut­tut isum­mamik eq­qor­tuuneranik up­per­narsaaniarsarineran­ni unitsin­ngilai. Pif­fis­saqar­tin­neqar­tariaqar­put. Inuit oqalut­tuarisaaneran­ni ukiuni tuusintilin­ni aqutseriaatsinik as­sigiin­ngitsor­pas­suar­nik inuit pilersitaan­nik misileraanis­samut periarfis­saqarsimavoq. Inuit ilisimatuus­sutsik­kut al­latigul­lu siuariarsimagaluar­tut piitsuus­susermut, naaper­tuil­luan­ngitsulior­ner­nut, pinerlut­tulior­ner­nut sorsun­ner­nul­lu tun­ngatil­lugu pis­sutsit ajor­nerulersimap­put. Maan­na uppernarsineqareerpoq naalak­kersueriaatsit inuit pilersitaat atorsin­naan­ngitsut.

¹⁶ Aap­pas­saanik, Jehovap Saatani silarsuarmik aqutsiniar­nerani ikiun­ngilaa. As­sersuutigalugu Guutip pinerlut­tulior­nerit ingasat­tut pin­ngitsoor­tit­tarsimasuup­pagit pikitsitsisunik ikiuiin­narsimas­sagaluar­poq, ilaa? Guuti isumaqalersitseqataasimas­sagaluar­poq inuit nam­mineerlutik naam­maginar­tumik naalakkersuisinnaasut, ilaa? Jehova taamaaliorsimagaluaruni sal­lumik up­perin­nilersitseqataasimas­sagaluar­poq. Biibilimili ima al­las­simavoq: ‘Guuti sal­lusuitsuuvoq.’ – Titusi 1:2.

17, 18. Inuit Saatanimit siulersor­neqarlutik aqutsinerata kingunerisaanik ajoqusiinerit Jehovap qanoq iliuuseqarfiginiar­pai?

¹⁷ Taavami Guutimut sivisuumik pikitsitsisoqar­nerani ajoqusiiner­pas­suit suneqas­sap­pat? Eq­qaamasariaqar­par­put Guuti ajugaqan­ngitsuul­lunilu asan­nit­tuusoq. Taamaat­tumik ajus­sutsip kingunipiluinik aaq­qiisin­naal­lunilu aaq­qiiumaar­poq. Sam­meriik­katsitut nunarsuarmik aseruinerup kingunipilui aaq­qin­neqas­sap­put. Nunarsuaq paratiisin­ngorumaar­poq. Inuit Jiisusip uter­titsis­sutitut pil­liutaanik up­perin­nin­nermin­nik ersersitsisut ajor­tiliunerata kingunipilui nunguk­kiar­tuaar­tin­neqas­sap­put,  aam­ma toqup kingunipilui aaq­qin­neqas­sap­put toqusut makititaap­pata. Taamaalil­luni Guutip Jiisusi aq­qutigalugu ‘Diaavulup suliai suujun­naarsis­savai’. (1 Johan­nesi 3:8) Tamak­ku tamaasa Jehovap pif­fis­saq eq­qoq­qis­saarlugu naam­mas­sis­savai. Nuan­naarutigisin­naavar­put siusin­nerusuk­kut akulius­siman­ngim­mat. Erinitsajuin­neratigut sal­lusuis­sutip paasiniar­nis­saanut taas­sumun­ngalu kif­far­tor­nis­samut periarfis­saqarsimavugut. (2 Petrusi 3:9, 10 atuakkit). Maan­na, akuliutsin­nani, ilumoorfigin­nit­tunik pal­lorfigin­nitsis­sarsior­poq, pal­lorfigin­nitsinilu silarsuarmi ajor­nar­torsiorfiungaar­tumi naam­magit­tarsin­naaq­qul­lugit ikior­tar­pai. – Johan­nesi 4:23; 1 Korinthimiut 10:13.

¹⁸ Im­maqa ima aperiumasoqas­saaq: ‘Kisian­nimi naal­liun­nar­tor­pas­suit pin­ngitsoor­neqarsin­naasiman­ngin­ner­pat Guutip Adami Evalu pikitsitsisinnaanngitsutut pin­ngor­tis­simasuup­pagit?’ Apeq­qut taan­na eq­qor­tumik akis­sagutsigu eq­qaamasariaqar­par­put Jehovap erlin­nar­tumik tunisimagaatigut.

19. Jehovap erlin­nar­tumik sumik tunivaatigut, taman­nalu sooq pingaar­tit­tariaqar­par­put?

¹⁹ Kapitali 5-imi paasisatsitut inuit piumasamit­tut iliorsin­naatitaal­lutik pin­ngor­titaap­put. Tunis­sutip – nam­mineq piumasamik iliorsin­naatitaanerup – qanoq naleqar­tiginera paasiviuk? Jehovap uumasut as­sigiin­ngitsor­pas­suit pin­ngor­tip­pai, taak­kulu eq­qarsaq­qaar­natik iliuuseqar­tar­put. Aam­ma inuit robot­tilior­tar­put peq­qus­sutinik tamanik malin­nit­tus­san­ngorlugit program­merer­neqarsin­naasunik. Guutil­li taak­kunatut pin­ngor­tis­simasuup­patigut pil­luarsin­naasimas­sagaluar­pugut? Naamik, nuan­naarutigaar­put inut­tut qanoq it­toorusun­nerluta, qanoq inooriaaseqarusun­nerluta, kik­kut ikin­ngutigilis­sanerlugit ilaalu ilan­ngul­lugit nam­mineq  aalajangersin­naagatsigu. Kif­faan­ngis­suseqar­ner­put pingaar­tingaar­par­put, taman­nalu Guutip kis­saatigaa.

20, 21. Nam­mineq piumasatut iliorsin­naatitaaneq pitsaaner­paamik qanoq ator­neqarsin­naava, aam­ma sooq taamaalior­nis­sar­put kis­saatigisariaqar­par­put?

²⁰ Jehovap kis­saatigin­ngilaa pin­ngitsaalineqarluta kif­far­torfigis­sagitsin­ni. (2 Korinthimiut 9:7) As­sersuuteqariar­ta: Ataataasup anaanaasul­luun­niit suna nuan­naarutiginerus­savaa – qitor­naq peq­quneqarluni oqar­toq “asavak­kit” imaluun­niit qitor­naq peq­quneqar­nani uum­mam­mit pisumik taama oqar­toq? Nam­mineq piumasat­tut iliorsin­naatitaanerit Jehovap tun­nius­saa illit qanoq ator­niar­piuk? Pingaaruteqar­poq tamat­ta im­mik­kut apeq­qum­mik tamatumin­nga eq­qarsaatigin­neq­qis­saar­nis­sar­put. Saatanip, Adamip Eval­lu piumasamit­tut iliorsin­naatitaaner­tik ajor­ner­paamik ator­paat. Jehova Guuti tunup­paat. Il­lit suniar­pit?

²¹ Tunis­sutip nuan­ningaar­tup tamatuma – nam­mineq piumasatut iliorsin­naatitaanerup – pitsaaner­paamik ator­nis­saanut periarfis­saqar­putit. Jehovamut ililiut­tunut mil­lionilin­nut ilan­ngus­sin­naavutit. Taak­kua Jehova nuan­naar­tip­paat Saatanip sal­lutuneranik naalak­kersuisutul­lu atorsin­naan­ngin­neranik up­per­narsaaqataagamik. (Us­satit 27:11) Aam­ma il­lit taamaaliorsin­naavutit inooriaaseq eq­qor­toq toq­qaruk­ku. Qanoq iliorsin­naasutit kapitalimi tul­liut­tumi atuarsin­naavat.