KAPITALI 13
Guutip inuunermut isiginnittaasia
-
Guuti inuunermut qanoq isiginnittaaseqarpa?
-
Guutip naartuersinneq qanoq isigaa?
-
Qanoq ililluta inuunermik ataqqinnittuusinnaavugut?
1. Kina uumassusilinnik tamanik pinngortitsisuua?
PRUFFIITI Jeremia ima allappoq: “Naalagaq [Jehova, NW] ilumut Guutiuvoq, Guutiuvoq uumasoq.” (Jeremia 10:10) Aamma Jehova uumassusilinnik tamanik pinngortitsisuuvoq. Pinngortitat qilammiusut ima nersorpaat: ‘Illit suut tamaasa pinngortippatit, illit piumasakkut piulerput pinngortitaallutillu.’ (Saqqummersitat 4:11) Aamma kunngip Daavip tussiaasiamini ima unnersiutigaa: “Ilinni ippoq inuunerup puilaffia.” (Tussiaat 36:10) Tassa inuuneq Guutimit tunissutaavoq.
2. Guuti inuuinnarsinnaaniassagatta qanoq iliorpa?
2 Jehova aamma uagutsinnik inuuinnartitsisuuvoq. (Apustilit Suliaat 17:28) Nerisassat nerisartakkavut, imeq imertagarput, silaannaq najuussugarput nunarsuarlu inuuffigisarput pilersippai. (Apustilit Suliaat 14:15-17 atuakkit). Tamakkulu pinngortippai inuuneq uagutsinnut nuannersooqqullugu. Inuunerli tamakkiisumik nuannaarutigissagutsigu Jehovap inatsisai ilinniartariaqarpavut maleruarlugillu. – Esaja 48:17, 18.
INUUNERMIK QANOQ ATAQQINNISSINNAASUGUT
3. Abelip toqutaanera Guutip qanoq isigaa?
3 Guutip kissaatigaa inuunermik ataqqinnissasugut – nammineq inuunitsinnik allallu inuunerannik. Itsaq Adamip Evallu ernerata Kainip nukkani kamaatingaalerpaa. Jehovap Kaini 1 Mosesi 4:3-8) Jehovap Kaini nukkaminik toqutsimmat pillarpaa. – 1 Mosesi 4:9-11.
mianersoqquaa kamannera ingasattumik ajortuliornermik kinguneqarsinnaammat. Kainilli mianersoqqussut sumiginnarpaa. ‘Nukki Abeli saassuppaa toqullugulu.’ (4. Guutip inuunermut isiginnittaaseq eqqortoq Mosesip inatsisaani qanoq erseqqissarpaa?
4 Tamatuma kingorna ukiut hundredillit qaangiuttut Jehovap Israelikkut inatsisinik tunivai akuerineqarsinnaasumik imminut kiffartorsinnaaqqullugit. Inatsisit taakku pruffiiti Mosesi aqqutigalugu tunniunneqaramik aamma Mosesip inatsisaanik taaneqartarput. Taakkua ilaat imaappoq: “Inuassanngilatit.” (5 Mosesi 5:17) Tamatumannga Israelikkut paasisinnaavaat Guutip inuup inuunera erlinnangaartutut isigigaa namminnerlu aamma taamatut isigisariaqaritsik.
5. Naartuersinneq qanoq isigisariaqarparput?
5 Naartummi inuunera? Mosesip inatsisai naapertorlugit meeqqamik erniusimanngitsumik toqutsineq eqqunngitsuliorneruvoq. Aap, aamma naartup inuunera Jehovap isaani erlinnartuuvoq. (2 Mosesi 21:22, 23; * Tussiaat 127:3 atuakkit). Tamanna isumaqarpoq naartuersinneq eqqunngitsuliornerusoq.
6. Sooq inoqativut uumissussanngilavut?
6 Inuunermik ataqqinninnermut ilaavoq inoqatinut eqqortumik isiginnittaaseqarneq. Biibilimi ima allassimavoq: “Kinaluunniit qatanngumminik uumiginnittoq toqutsisuuvoq, nalunngilarsilu toqutsisimasoq kinaluunniit inuunermik naassaanngitsumik immini pigisaqanngitsoq.” (1 Johannesi 3:15) Naassaanngitsumik inoorusukkutta inoqatitsinnik uumissuineq tamaat sorlaa ilanngullugulusooq peertariaqarparput. Uumissuineq nakuusernerit amerlanersaannut pissutiviusarpoq. (1 Johannesi 3:11, 12) Asaqatigiinnissap ilikkarnissaa pingaaruteqarluinnarpoq.
7. Ileqqunik inuunermik ataqqinninnginnermut ersiutaasunik eqqaasaqarit.
Romamiut 6:19; 12:1; 2 Korinthimiut 7:1 atuakkit). Guuti akuerineqarsinnaasumik kiffartorfigissagutsigu artornaraluarpalluunniit tamakku atorunnaartariaqarpavut. Jehovap pisariaqartitatsinnik ikiorsinnaavaatigut, inuunerpullu tunissutaasutut erlinnartutut piniarlugu ilungersuutivut pingaartippai.
7 Namminermi inuunitsinnik ataqqinninneq? Inuit toqorusuttanngillat, ilaalli nuannisaarusunnermik inuunertik navianartorsiortittarpaat. Assersuutigalugu inuppassuit hashimik, tupamik naamaarniutinillu atuisarput. Allat ikiaroornartunik kimittunerusunik nuannaarniutigalugu qasukkarsaatigaluguluunniit atuisarput. Tamakku timimut ajoqutaapput toqussutaagajullutillu. Inuup tamakkuninnga atuiuaannalersimasup inuuneq illernartutut isiginngilaa, taamatullu atuisarneq Guutip isaani minguttuujuvoq. (8. Sooq isumannaatsuunissaq eqqarsaatigiuassavarput?
8 Inuunermik ataqqinnittarutta isumannaatsuunissaq eqqarsaatigiuassavarput. Aliikkutaqarniaannarluta pissanganartorsiorniaannarlutaluunniit sapiiserniarpallaassanngilagut imminullu navianartorsiortissanata. Umiatsiarluta biilerlutaluunniit mianersuaalliussanngilagut timersuutillu nakuuserfiusut navianartulluunniit timersuutiginaveersaarlugit. (Tussiaat 11:5) Inatsisini Guutip itsaq Israelikkunnut tunniussaani ima allassimavoq: “Nutaamik illulioruit [toqqissumik qalialimmik] illuit qaava ungalulissavat. Taamaalioruit nakkarluni toqusoqarpat illoqatitit aammut pisuutitaalersissanngilatit.” (5 Mosesi 22:8) Inatsimmi tamatumani najoqqutassaq naapertorlugu angerlarsimaffimmi majuartarfiit assigisaallu isumannaatsuutittariaqarput orluffioqqunagit nakkarfioqqunagillu taamalu ajoquserujussuarfioqqunagit. Umiatsiaqaruit biileqaruilluunniit isumannaatsuutinnissaa isumagisariaqarpat. Qulakkeertariaqarpat angerlarsimaffippit, umiatsiavit biilivillu ilinnut allanullu navialiffiunnginnissaat.
9. Inuunermik ataqqinnittarutta uumasut qanoq pisassavavut?
9 Uumasummi uumanera? Aamma tamanna Guutip isaani illernartuuvoq. Nerisassaqarumalluni atisassaqarumallunilu aamma 1 Mosesi 3:21; 9:3; 2 Mosesi 21:28) Eqqunngitsuliorneruvorli uumasunik naalliutsitsineq toqutsiniaannarlunilu toqutsineq. Taamaaliorneq inuunerup illernassusianik ataqqinninnginnerujussuarmut ersiutaavoq. – Ussatit 12:10.
inunnik navianartumut illersuiniarluni uumasunik toqutsineq Guutip akueraa. (AAMMIK QANOQ ATAQQINNITTUUSINNAASUGUT
10. Guutip inuunerup aallu imminnut attuumassuteqarnerat qanoq ersersippaa?
10 Jehovap Kaini nukkaminik Abelimik toqutsisoq ima oqarfigaa: “Nukkavit aavata nunamit torlorfigaanga.” (1 Mosesi 4:10) Guutip Abelip aava eqqaagamiuk eqqarsaatigisaa tassaavoq Abelip inuunera. Kainip Abeli toquppaa, tamannalu pillarneqaatigisussaalerpaa. Soorlulusooq Abelip aava, inuunera, naapertuilluartuliorfigeqqulluni Jehovamut torlorfiginnittoq. Inuunerup aallu imminnut attuumassuteqarnerat Noap nalaani ulersuup kingorna erseqqissarneqaqqippoq. Ulersuaq sioqqullugu inuit taamaallaat paarnat, naatitat, karrit qaqqortarissallu nerisaraat. Ulersuulli kingorna Jehovap Noa taassumalu erneri ima oqarfigai: “Uumasut nunami aalasut suut tamaasa nerisarissavasi.” Guutili ima killiliivoq: “Neqili uumassusertalik, tassa aattalik, nerissanngilarsi.” (1 Mosesi 1:29; 9:3, 4) Tamatumani Jehovap erseqqissarpaa pinngortitani uumassusilinni inuunerup aallu imminnut attuumassuteqarluinnarnerat.
11. Noap nalaaniilli Jehovap aak pillugu suna inerteqqutigaa?
11 Aammik ataqqinnittuusinnaavugut aammik nerinnginnikkut. Jehova Israelikkunnut inatsisimini ima peqqusivoq: “Israelikkuusup ... nersut nujuartaq timmiarluunniit nerinissaat inerteqqutigineqanngitsoq pisariguniuk aava kuutsissavaa issumillu matoorlugu. ... Israelikkut oqarfigaakka: Pinngortitap suulluunniit aavanik nerissanngilasi.” (3 Mosesi 17:13, 14) Tassa Guutip uumasut aavanik nereqqusinnginnera, ukiut 800-t missiliorlugit tamatuma siorna Noamut inerteqqutigineqartoq, suli atuuppoq. Jehovap isiginnittaasia erseqqippoq: Kiffai uumasup neqaanik nerisinnaapput, aavanilli nerissanngillat. Aak nunamut kuutsissavaat – taamaalillutik uumasup uumassutaa Guutimut utertissavaallusooq.
12. Kristumiut siulliit nalaanni aak pillugu inatsit – ullumikkut suli atuuttoq – suna anersaap illernartup siulersuineratigut atulersinneqarpa?
Apustilit Suliaat 15:28, 29; 21:25) Tassa ‘aak nerissanngilarput’. Guutip isaani tamanna guutipilussiunnginnissatulli kinguaassiuutitigullu inuunerlunnginnissatullu pingaaruteqartigaaq.
12 Kristumiunut assingusumik inatsiseqarpoq. Apustilit angutillu allat kristumiunut siullernut siulersortaasut ataatsimiipput aalajangiiffiginiarlugu ilagiinni kristumiuniittut tamarmik inatsisit suut maleruassaneraat. Imalu isummerput: ‘Anersaaq illernartoq uagullu aalajangerpugut allamik nammagassikkumanasi pisariaqartut ukua saniatigut: Nerissanngikkisi nersutit guutipilunnut pilliutaasut neqaat aammattaaq aak nersutillu qimitat [aaverneqanngitsut] neqaat, kinguaassiuutitigullu inuunerlunneq nigorsimaniarlugu.’ (Nakorsap imigassartoqqunngippatit imigassap taqqakkoortinnissaa ajorissanngikkaluarpiuk?
13. Nassuiaruk sooq aalersortinneq aattunnginnissamik peqqussummut ilaanersoq.
13 Inatsimmut tamatumunnga aalersortinneq ilaava? Aap. Takorlooruk nakorsap imigassartoqqunngikkaatit. Taava soorunami imigassartussanngilatit, imigassalli taqqakkoortinnissaa ajussanngila? Soorunami naamik! Taamatuttaaq aammik nerinnginnissaq aap sukkulluunniit timimut pisinnginnissaatut paasisariaqarpoq. Taamaattumik aattunngeqqussut naalanniaraanni aalersortinnissaq naaggaarluinnartariaqarpoq.
14, 15. Kristumiu nakorsat aalersortittariaqarnerarpanni qanoq pissava, aamma sooq?
14 Taavami kristumiu aqqunarujussuarsimappat pilatserujussuartariaqarpalluunniit? Oqariarta nakorsat oqartut aalersortinngikkuni toqussasoq. Soorunami kristumiut toqorusunngillat. Inuuneq Guutimit tunissutaasoq erlinnartoq annaajumanagu nakorsaariaatsit allat aammik atornerluinertaqanngitsut akuerisarpaat. Nakorsaatitigut ilisimatuussutsikkut aammut taartaasinnaasunik peqarpoq, ajornanngikkaangallu tamakku atorlugit nakorsartinniartarput.
15 Kristumiu Guutip inatsisaanik unioqqutitsiumassanerpa inuunini sivitsulaaginnarniarlugu? Jiisusi ima oqarpoq: “Inuunerminik annaassiumasup inuunini annaassavaa. Uangali Matthæusi 16:25) Toqorusunngilagut. Maannali inuunerput annaanniarlugu Guutip inatsisaanik unioqqutitsigutta naassaanngitsumik inuunissaraluarput annaasinnaavarput. Taamaattumik silatusaassaagut Guutip inatsisaanik tatiginnikkutta maleruaaguttalu upperilluinnarlugu toqussagaluarutta inuunermik Tunisisup makititaaffissaq nallerpat eqqaamajumaaraatigut inuunermillu tunissutaasumik erlinnartumik tuneqqissinnaalluta. – Johannesi 5:28, 29; Hebræerit 11:6.
pillunga inuunerminik annaasaqartup inuunini nassaarissavaa.” (16. Guutip kiffaasa aak pillugu suna aalajangiusimalluinnarpaat?
16 Ullumikkut Guutip kiffaasa aalajaatsut aalajangiusimalluinnarpaat Guutip aak pillugu inatsisaanik maleruaanissartik. Sukkulluunniit timiminnut pisikkumanngilaat. Aamma nakorsartinnermut atatillugu aap timimut pisinnissaa naaggaarpaat. * Qularutiginngilluinnarpaat aammik pinngortitsisup nalunngikkaa suna pitsaanerpaajunersoq. Aamma illit taama isumaqarpit?
AAMMIK ATUINEQ EQQORTUTUAQ
17. Itsaq Israelimi aammik qanoq atuineq Jehovap akuerisatuaraa?
17 Mosesip inatsisaani erseqqissarneqarpoq aak ataasiinnarmut atorneqartussaasoq. Pallorfiginninnermut itsaq Israelikkunnut piumasaqaataasumut tunngatillugu Jehova ima peqqusivoq: ‘Uinngup uumassutaa aammiippoq, 3 Mosesi 17:11) Israelikkut ajortulioraangamik isumakkeerfigineqarsinnaasarput uumasumik pilliinermikkut uumasullu tamatuma aavata ilaanik pilliivimmut tupermi naapeqatigiittarfimmiittumut kingusinnerusukkullu Guutip naalaffianiittumut tarnussinikkut. Aammik atuineq eqqortutuaq tassaavoq taamatut pilliinernut atatillugu atuineq.
ilissinnummi tunniuppara pilliivimmut ilisassanngorlugu saammaannarsissutissassinnik. Aak saammaannartitsissutaavoq.’ (18. Jiisusip aava kuisaq qanoq iluaqutigalugulu pilluaqquneqaatigisinnaavarput?
18 Kristumiut Mosesip inatsisaanik maleruaasussaanngillat, taamaattumillu uumasunik pilliineq ajorput uumasullu aavanik pilliivimmut tarnussineq ajorlutik. (Hebræerit 10:1) Itsarli Israelimi pilliivimmi aammik atuineq Guutip ernerata, Jiisusip Kristusip, pilliutaanut erlinnartumut siumut tikkuussivoq. Soorlu kapitali 5-imi paasigipput uagut iluaqutissatsinnik Jiisusip inuttut inuunini pilliutigaa nammineq aammi kuineqarnissaa akueralugu. Taava qilaliarpoq aammilu kuisap nalinga ataasiaammik Guutimut sassaallugu. (Hebræerit 9:11, 12) Tamanna tunngavigalugu ajortuliatsinnik isumakkeerfigineqarsinnaalerpugut naassaanngitsumillu inuunissamut periarfissinneqarluta. (Matthæusi 20:28; Johannesi 3:16) Paasinarsivoq aammik atuineq tamanna pingaaruteqarluinnartuusoq. (1 Petrusi 1:18, 19) Annaanneqarsinnaavugut aatsaat Jiisusip aavata kuineqartup nalinga upperigutsigu.
Inuunermik aammillu qanoq ilillutit ataqqinnittuusinnaavit?
19. ‘Kialluunniit aavanut pisuussuteqarumanata’ susariaqarpugut?
19 Jehova qujamasuffigingaarsinnaavarput asannilluni inuunermik tunisimammatigut! Tamanna kajumississutigalugu Jiisusip pilliutaata upperineratigut naassaanngitsumik inuunissamut periarfissaqartoqarsinnaasoq inoqatinut oqaluttuarerusunnartarpoq, ilaa? Inoqatitta inuunerannik ilumoorluta soqutiginninnerput aallussilluarluta taamaaliorusulissutigissavarput. (Ezekieli 3:17-21 atuakkit). Akisussaaffik tamanna eqiasuilluta eqqortikkutsigu apustilitut Paulusitut ima oqarsinnaassaagut: ‘Kialluunniit aavanut pisuussuteqanngilanga. Nipangiussaqarsimanngilangami, ilissinnulli Guutip piumasaa tamakkiisumik nalunaajaatigaara.’ (Apustilit Suliaat 20:26, 27) Guuti taassumalu siunertaa pillugit inunnut allanut oqaluttuartarneq inuunermik aammillu ataqqinningaartuunitsinnut ersiutaalluarpoq.
^ par. 5 Biibilimik nutsikkat ilaat naapertorlugit arnaq kisimi toquppat inuk pisuutitaasoq toqutaasussaavoq. Biibilimilli misissueqqissaartartut ilaat allapput allassimaqqaarfimmi hebræerisuumi oqaaseqatigiinnit ersertoq arnaq kisimi pineqarunarnani aamma naartoq pineqarunartoq.
^ par. 16 Katsorsaariaatsit aammut taartaasinnaasut pillugit paasisaqarusukkuit takuuk quppersagaq Hvordan kan blod redde dit liv?, qupp. 13-17. Jehovap Nalunaajaasuinit saqqummersinneqartoq.