တၢ်နီၤဖး တဆံသၢ
တၢ်အိၣ်ဒီးယွၤအတၢ်ထံၣ်လၢ ဘၣ်ဃးဒီး သးသမူ
-
ကစၢ်ယွၤထံၣ် သးသမူဒ်လဲၣ်.
-
တၢ်မၤဟးဂီၤဟုးန့ၣ် ယွၤအတၢ်ထံၣ်ဒ်လဲၣ်.
-
ပပာ်ဖျါထီၣ် တၢ်ပာ်ကဲသးသမူသ့ဒ်လဲၣ်.
၁. သးသမူခဲလၢာ်န့ၣ် မ့ၢ်မတၤတ့လီၤအီၤလဲၣ်.
ဝံယံးရမံယၤစံးဝဲလၢ ‘ယဟိဝၤ မ့ၢ်ကစၢ်အမ့ၢ်အတီလီၤ. အဝဲဒၣ်မ့ၢ်ကစၢ်လၢ အမူဝဲ’ လီၤ. (ယံးရမံယၤ ၁၀:၁၀) အါန့ၢ်အန့ၣ် ယဟိဝၤကစၢ်ယွၤ မ့ၢ်တၢ်ဘၣ်တ့ကစၢ်လၢ အတ့လီၤတၢ်လၢ အသးအိၣ်ခဲလၢာ်န့ၣ်လီၤ. ဘၣ်ဃးဒီးကစၢ်န့ၣ် တၢ်ဘၣ်တ့လၢမူခိၣ်တဖၣ် စံးဝဲဒ်အံၤလီၤ– “နတ့လီၤတၢ်ခဲလၢာ်, ဒီးမ့ၢ်နသးအိၣ်ဒီး, ကဲထီၣ်ဝဲ, ဒီးဘၣ်တၢ်တ့လီၤအီၤလီၤ.” (လီၣ်ဖျါ ၄:၁၁) ထါသးဝံၣ် စံးထီၣ်ပတြၢၤယွၤတယုၢ်အပူၤန့ၣ် စီၤပၤဒၤဝံး စံးဝဲဒ်အံၤလီၤ– “တၢ်မူအထံထီၣ်ပၢၢ်န့ၣ်အိၣ်ဒီးနၤလီၤ.” (စံးထီၣ်ပတြၢၤ ၃၆:၉) လၢတၢ်န့ၣ်အဃိ သးသမူန့ၢ်မ့ၢ် တၢ်ဟ့ၣ်လုၢ်ဒိၣ်ပှ့ၤဒိၣ်လၢ ယွၤအိၣ်န့ၣ်လီၤ.
၂. ကစၢ်ယွၤလုၢ်အီၣ် ပသးသမူဒ်လဲၣ်.
၂ အါန့ၢ်အန့ၣ် ယဟိဝၤ လုၢ်အီၣ်ပသးသမူလီၤ. (မၤတၢ် ၁၇:၂၈) အဝဲကတဲာ်ကတီၤန့ၣ်ပှၤ တၢ်အီၣ်လၢ ပကအီၣ်အဂီၢ်, ထံလၢပကအီအဂီၢ်, ကလံၤလၢ ပကသါထီၣ်သါလီၤအဂီၢ်, ဒီးဟီၣ်ခိၣ်လၢ ပကအိၣ်အဂီၢ်လီၤ. (မၤတၢ် ၁၄:၁၅-၁၇) ယဟိဝၤကတဲာ်ကတီၤန့ၣ်ပှၤ တၢ်သ့ၣ်တဖၣ်အံၤ ဒ်သိးပကမုာ်လၤလၢ ပတၢ်အိၣ်မူပူၤန့ၣ်လီၤ. ဘၣ်ဆၣ် ပကမုာ်လၤဘၣ် လၢလၢပှဲၤပှဲၤလၢ တၢ်အိၣ်မူပူၤအဂီၢ်, အလီၢ်အိၣ်လၢ ပကဘၣ်မၤလိ ယွၤအတၢ်မၤလိာ်တဖၣ်ဒီး စူၢ်အီၤန့ၣ်လီၤ.—ယၡါယၤ ၄၈:၁၇, ၁၈.
တၢ်ပာ်ဖျါ တၢ်ပာ်ကဲသးသမူ
၃. တၢ်မၤသံဟ့းဘ့းလးန့ၣ် ယဟိဝၤအတၢ်ထံၣ်အိၣ်ဒ်လဲၣ်.
၃ ကစၢ်ယွၤအဲၣ်ဒိးဝဲလၢ ပပာ်ကဲ ပနီၢ်ကစၢ်အသးသမူဒီး ပှၤအဂုၤအဂၤအသးသမူန့ၣ်လီၤ. အဒိ, ဖဲအၤဒၣ်ဒီးအံၣ်အု အကတီၢ်ခါ အဝဲသ့ၣ်အဖိခွါ ကၤယံၣ်န့ၣ် အသးထီၣ်အပုၢ် ဟ့းဘ့းလး ဒိၣ်မးလီၤ. ယဟိဝၤ ဟ့ၣ်ပလီၢ်ဝဲ ကၤယံၣ်လၢ အတၢ်သးထီၣ်န့ၣ် မၤကဲထီၣ်၁ မိၤၡ့ ၄:၃-၈) ကၤယံၣ်မၤသံ အပုၢ်အဃိ ယဟိဝၤ စံၣ်ညီၣ်အီၤလီၤ.—၁ မိၤၡ့ ၄:၉-၁၁.
တၢ်ဒဲးဘး အဒိၣ်အမုၢ်သ့န့ၣ်လီၤ. ကၤယံၣ်ကွၢ်ကပာ်ဝဲ တၢ်ဟ့ၣ်ပလီၢ်အံၤလီၤ. အဝဲ ‘ဂဲၤထၢၣ်ထီဒါ အပုၢ်ဟ့းဘ့းလးဒီး မၤသံအီၤလီၤ.’ (၄. မိၤၡ့အတၢ်မၤလိာ်အပူၤ တၢ်ထံၣ်အကြၢးလၢ ဘၣ်ဃးဒီးသးသမူကအိၣ်အဂီၢ် ကစၢ်ပာ်ဖျါဝဲဒ်လဲၣ်.
၄ ပူၤကွံာ်အနံၣ် အကထိဝံၤအလီၢ်ခံ, ယဟိဝၤဟ့ၣ်ဝဲ ပှၤအံၣ်စရ့လးဖိ တၢ်မၤလိာ်တဖၣ် ဒ်သိးကကဲထီၣ်တၢ်မၤစၢၤလၢ အဝဲသ့ၣ် အတၢ်ဘူၣ်ထီၣ်ဘါထီၣ်အံၤ ကဘၣ်ကစၢ်အသးအဂီၢ်န့ၣ်လီၤ. ကစၢ်ယွၤဟ့ၣ် တၢ်မၤလိာ်တဖၣ်အံၤ ခီဖျိမိၤၡ့အဃိ, ဘၣ်တဘျီဘျီန့ၣ် ပှၤကိးလၢ မိၤၡ့အတၢ်မၤလိာ်လီၤ. မိၤၡ့အတၢ်မၤလိာ် အဆၢဖိတဆၢန့ၣ် အိၣ်ဒ်အံၤလီၤ– “မၤသံတၢ်တဂ့ၤ.” (၅ မိၤၡ့ ၅:၁၇) တၢ်အံၤ လၢအံၣ်စရ့လးဖိတဖၣ်အဂီၢ် မ့ၢ်တၢ်ပာ်ဖျါထီၣ်လၢ ကစၢ်ယွၤန့ၣ် ပာ်လုၢ်ပာ်ပှ့ၤ ပှၤကညီအသးသမူဒီး ပှၤကညီတဖၣ်စ့ၢ်ကီး ကဘၣ်ပာ်လုၢ်ပာ်ပှ့ၤ ပှၤဂၤအသးသမူန့ၣ်လီၤ.
၅. တၢ်မၤဟးဂီၤဟုးန့ၣ် ပကြၢးထံၣ်အီၤဒ်လဲၣ်.
၅ ဖိသၣ်လၢ အတအိၣ်ဖျဲၣ်ထီၣ်ဒံးဘၣ် အသးသမူတခီလဲၣ်. မိၤၡ့အတၢ်မၤလိာ် စံးဝဲဒ်အံၤလီၤ– “ဒီးပှၤကညီ မ့ၢ်တီၢ်လိာ်အသးဒီး ဘၣ်ပိာ်မုၣ်လၢအဒၢထီၣ်, ဒီးအဟုးဟးဂီၤ, ဒီးတဘၣ်လၢၤတၢ်နီတမံၤဘၣ်ဒီး, ကလိးစ့သပှၢ်တၢၢ် ဒ်ပိာ်မုၣ်အဝၤ ကပာ်လၢအလိၤအသိး, ဒီးဘၣ်ဟ့ၣ်လီၤ တၢ်ဖဲဒၣ် ပှၤစံၣ်ညီၣ်ကွီၢ်အသးလီၤ. ဒီးပိာ်မုၣ် မ့ၢ်ဘၣ်တၢ်တမံၤမံၤဒီး နဘၣ်ဟ့ၣ်သး [‘စိလ်,’ ဟသ] လၢသး [‘စိလ်’, ဟသ] အဂီၢ်”လီၤ. (၂ မိၤၡ့ ၂၁:၂၂, ၂၃) ဒ်မိၤၡ့အတၢ်မၤလိာ်အသိး တၢ်မၤသံဖိသၣ်လၢအအိၣ်လၢ အမိၢ်အဒၢလီၢ်ပူၤန့ၣ် မ့ၢ်တၢ်မၤလၢအကမၣ်လီၤ. မ့ၢ်လီၤ သးသမူဒ်န့ၣ်သိးဒၣ်လဲာ် လုၢ်ဒိၣ်ပှ့ၤဒိၣ်လၢ ယဟိဝၤအဂီၢ်လီၤ. (စံးထီၣ်ပတြၢၤ ၁၂၇:၃) တၢ်အံၤပာ်ဖျါဝဲလၢ တၢ်မၤဟးဂီၤဟုးန့ၣ် ကမၣ်လီၤ.
၆. ဘၣ်မနုၤအဃိ တကြၢးပသးဟ့ ပှၤကညီကဒဲကဒဲလဲၣ်.
၆ တၢ်ပာ်ကဲသးသမူန့ၣ် ပာ်ဃုာ်ဒီး တၢ်ထံၣ်ဂ့ၤ ပှၤကညီကဒဲကဒဲလီၤ. လံာ်စီဆှံ စံးဝဲဒ်အံၤလီၤ– “ကယဲၢ်ပှၤလၢအသးဟ့ အဒီပုၢ်ဝဲၢ်ကိးဂၤဒဲးန့ၣ်, မ့ၢ်ပှၤမၤသံပှၤကညီလီၤ. ဒ်သုသ့ၣ်ညါလၢ ပှၤမၤသံပှၤကညီန့ၣ်, တၢ်မူအထူအယိာ် တအိၣ်ဘၣ်လၢအပူၤ နီတဂၤဘၣ်လီၤ.” (၁ ယိၤဟၣ် ၃:၁၅) ပမ့ၢ်အဲၣ်ဒိးမၤန့ၢ် တၢ်မူအထူအယိာ်န့ၣ် ကယဲၢ်တၢ်လၢအဒုးအိၣ်ထီၣ် တၢ်သူၣ်ဟ့သးဟ့လၢ ပှၤကညီကဒဲကဒဲန့ၣ် ပကဘၣ်ထုးထီၣ်ကွံာ်လၢ ပသးပူၤလီၤ, အဂ့ၢ်ဒ်အံၤ တၢ်သူၣ်ဟ့သးဟ့န့ၣ် ဒုးအိၣ်ထီၣ် တၢ်မၤဆူၣ်မၤစိးလၢ အဒိၣ်ကတၢၢ်အဃိလီၤ. (၁ ယိၤဟၣ် ၃:၁၁, ၁၂) အကါဒိၣ်လၢ ပကဘၣ်မၤလိဒ်သိး တဂၤဒီးတဂၤ ပအဲၣ်လိာ်ပသးကသ့အဂီၢ်လီၤ.
၇. လုၢ်လၢ်တနီၤလၢ အပာ်ဖျါထီၣ် တၢ်တပာ်ကဲသးသမူန့ၣ် မ့ၢ်မနုၤလဲၣ်.
ရိမ့ၤ ၆:၁၉; ၁၂:၁; ၂ ကရံၣ်သူး ၇:၁) ဒ်သိးပကဒိးန့ၢ်ဘၣ် ယွၤအတၢ်ဘၣ်သးအဂီၢ် ပကဘၣ်ဆိကတီၢ်ကွံာ် လုၢ်လၢ်တဖၣ်အံၤလီၤ. ပကမၤဒ်အံၤအဂီၢ် ဘၣ်သ့ၣ်သ့ၣ် ကကီဒိၣ်မးသနာ်က့, တၢ်မၤစၢၤလၢအလိၣ်န့ၣ် ယဟိဝၤ ဟ့ၣ်ပှၤသ့လီၤ. ပသးသမူလၢ ပဒိးန့ၢ်လၢကစၢ်အအိၣ်အံၤ ပမ့ၢ်ဂုာ်ကျဲးစၢးပာ်အီၤဒ် တၢ်ဟ့ၣ်လၢအလုၢ်ဒိၣ်ပှ့ၤဒိၣ်န့ၣ်ဒီး ကစၢ်ကပာ်လုၢ်ပာ်ပှ့ၤဝဲလီၤ.
၇ ပပာ်ဖျါ တၢ်ပာ်ကဲလီၤက့ၤ ပသးသမူသ့ဒ်လဲၣ်. ဒ်ညီနုၢ်အသိးန့ၣ် ပှၤကညီတဖၣ် တအဲၣ်ဒိးသံဘၣ်, ဘၣ်ဆၣ်ပှၤတနီၤန့ၣ် ကဒိးန့ၢ်ဘၣ် တၢ်မုာ်သူၣ်မုာ်သးအဂီၢ် မၤဝဲတၢ်လၢ တၢ်ဘၣ်ယိၣ်အလီၢ်အိၣ်လၢ အသးသမူအဂီၢ်တဖၣ်လီၤ. အဒိ, ပှၤအါဂၤ သူဝဲညါသူးလၣ်, အီၣ်သဘျုၣ်လၣ်, မ့တမ့ၢ် သူဝဲကသံၣ်မူၤဘီးလၢ တၢ်မၤမုာ်သးအဂီၢ်လီၤ. တၢ်သ့ၣ်တဖၣ်အံၤ မၤဘၣ်ဒိပနီၢ်ခိဒီး ညီနုၢ်မၤသံ ပှၤလၢအသူတၢ်အံၤ အသးသမူန့ၣ်လီၤ. ပှၤလၢအသူတၢ်သ့ၣ်တဖၣ်အံၤန့ၣ် တထံၣ်သးသမူလၢအမ့ၢ် တၢ်စီဆှံဘၣ်လီၤ. တၢ်အလုၢ်အလၢ်တဖၣ်အံၤန့ၣ် တကဆှီလၢ ယွၤအမဲာ်ညါဘၣ်. (၈. ဘၣ်မနုၤအဃိ ပကြၢးတိၢ်နီၣ်လၢ လိၣ်လၢပကဘၣ်သးစဲ တၢ်ပူၤဖျဲးလၢ တၢ်ဘၣ်ယိၣ်ဘၣ်ဘီအဂီၢ်လဲၣ်.
၈ ပမ့ၢ်ပာ်ကဲသးသမူဒီး ပကဘၣ်တိၢ်နီၢ်ပာ်လၢ ပကဘၣ်အိၣ်ဒီး တၢ်သးစဲလၢ ပကပူၤဖျဲးဒီး တၢ်ဘၣ်ယိၣ်ဘၣ်ဘီန့ၣ်လီၤ. ပတမ့ၢ်ပှၤလၢ အိၣ်ဒီးတၢ်တပလီၢ်သး, ဒီးမၤတၢ်လၢ အလီၤဘၣ်ယိၣ်လၢ တၢ်မုာ်တၢ်ပၠီၣ် မ့တမ့ၢ် တၢ်မၤကနိးသးအဂီၢ်ဘၣ်. ပကဟးဆှဲး တၢ်နီၣ်သိလ့ၣ်လၢ တၢ်တပလီၢ်သး, ဒီးတၢ်လိာ်ကွဲလၢ အလီၤဘၣ်ယိာ် မ့တမ့ၢ် တပျုာ်တပျီၤတဖၣ်လီၤ. (စံးထီၣ်ပတြၢၤ ၁၁:၅) ယွၤအတၢ်မၤလိာ်လၢ ဟ့ၣ်ဝဲပှၤအံၣ်စရ့လးဖိ လၢပျၢၤတဖၣ်အပူၤန့ၣ် ပာ်ဖျါဝဲဒ်အံၤလီၤ– “ဖဲသုဘှီထီၣ်ဟံၣ်အသီတဖျၢၣ်န့ၣ်, မၤလီၤတံၢ်လၢ သုကဒူၣ်ဝးတရံး ဟံၣ်ခိၣ်ဒုးအထိးနါဒီး ထးဘိတက့ၢ်. အန့ၣ်ဒီး, ပှၤတဂၤဂၤမ့ၢ်လီၤတဲာ်ဒီးသံန့ၣ်, သုမူသုဒါတအိၣ်ဘၣ်လီၤ.” (၅ မိၤၡ့ ၂၂:၈, ခစ) ဒ်တၢ်သိၣ်တၢ်သီမိၢ်ပှၢ်လၢ တၢ်မၤလိာ်အပူၤအသိး, လၢနဟံၣ် ပှၤတဂၤဂၤ အခီၣ်ဘၣ်တိၢ်, လီၤဃံၤ, ဒီးသုတကဲထီၣ် တၢ်ဘၣ်ဒိဘၣ်ထံး နးနးကလဲာ်အဂီၢ် တၢ်ဒ်သိးဒီး ဃီတဖၣ်န့ၣ် ကဘၣ်အိၣ်အသး ဂ့ၤဂ့ၤဘၣ်ဘၣ်လီၤ. နသိလ့ၣ်မ့ၢ်အိၣ်ဒီး မ်ကလီၤတံၢ်လၢ ကဘၣ်အိၣ်အသးလၢ ပှၤနီၣ်အီၤသ့လၢ တၢ်ဘၣ်ယိၣ်အလီၢ်တအိၣ်န့ၣ်တက့ၢ်. နဟံၣ်, မ့တမ့ၢ် နသိလ့ၣ်အဃိ နၤဒီးပှၤအဂၤ သုတကဲထီၣ် တၢ်ကီတၢ်ခဲတဂ့ၤ.
၉. ပမ့ၢ်ပာ်ကဲ သးသမူဒီး ဆၣ်ဖိကီၢ်ဖိတဖၣ်န့ၣ် ပကမၤအီၤဒ်လဲၣ်.
၉ ဘၣ်ဃးဒီးဆၣ်ဖိကီၢ်ဖိ အသးသမူတခီလဲၣ်. ဆၣ်ဖိကီၢ်ဖိ အသးသမူသနာ်က့ လုၢ်ဒိၣ်ပှ့ၤဒိၣ်လၢ တၢ်ဘၣ်တ့ကစၢ်အဂီၢ်လီၤ. ကစၢ်ယွၤဟ့ၣ်အခွဲးလၢ ပှၤကညီတဖၣ် မၤသံဆၣ်ဖိကီၢ်ဖိလၢ တၢ်အီၣ်အဂီၢ် ဒီးတၢ်ကူတၢ်သိး မ့တမ့ၢ် ကဒီသဒၢအသးလၢ တၢ်ဘၣ်ယိၣ်အဂီၢ်သ့လီၤ. (၁ မိၤၡ့ ၃:၂၁; ၉:၃; ၂ မိၤၡ့ ၂၁:၂၈) ဘၣ်ဆၣ် တၢ်မၤဆါ ဆၣ်ဖိကီၢ်ဖိတဖၣ်လၢ တၢ်သးကညီၤတအိၣ်, ဒီးတၢ်မၤသံအီၤလၢ တၢ်မုာ်တၢ်ပၠီၣ်အဂီၢ်န့ၣ် ကမၣ်ဒီး, မ့ၢ်ဒၣ်တၢ်ပာ်ဖျါလၢ တၢ်တပာ်ကဲ သးသမူအလုၢ်ဒိၣ်ပှ့ၤဒိၣ် လ့ၤတက့ၤန့ၣ်လီၤ.—ကတိၤဒိ ၁၂:၁၀.
တၢ်ပာ်ဖျါထီၣ် တၢ်ပာ်ကဲ တၢ်သွံၣ်
၁၀. သးသမူဒီး တၢ်သွံၣ်စဲဘူးလိာ်သးအဂ့ၢ်န့ၣ် ကစၢ်ယွၤပာ်ဖျါဝဲဒ်လဲၣ်.
၁၀ ကၤယံၣ်မၤသံ ဟ့းဘ့းလးဝံၤအလီၢ်ခံ, ယဟိဝၤစံးဘၣ်အီၤဒ်အံၤလီၤ– “နပုၢ်အသွံၣ်အသီၣ် ကိးထီၣ်ယၤလၢ ဟီၣ်ခိၣ်လာ်လီၤ.” (၁ မိၤၡ့ ၄:၁၀) ဖဲကစၢ်ယွၤစံးဝဲလၢ ဟ့းဘ့းလးအသွံၣ်အခါ, မ့ၢ်ဒၣ်ကစၢ်စံးဝဲလၢ ဟ့းဘ့းလးအသးသမူန့ၣ်လီၤ. ကၤယံၣ် ထုးကွံာ်ဟ့းဘ့းလးအသးသမူအဃိ ခဲအံၤအဝဲကဘၣ်တၢ်စံၣ်ညီၣ်အီၤလီၤ. လီၤဂာ်ဒ် ဟ့းဘ့းလးအသွံၣ် မ့တမ့ၢ် အသးသမူန့ၣ် ကိးထီၣ်ယဟိဝၤ ဒ်သိးကစံၣ်ညီၣ်န့ၣ်အီၤလၢ တၢ်တီတၢ်လိၤန့ၣ်လီၤ. နိအၣ်အစိၤ ထံလုၣ်ဘၢတၢ်ဝံၤအလီၢ်ခံ, တၢ်ပာ်ဖျါကဒီး သးသမူဒီး တၢ်သွံၣ်အဘၢၣ်စၢၤ တၢ်ဘၣ်ဃးလိာ်သးန့ၣ်လီၤ. တချုးဖဲ ထံလုၣ်ဘၢတၢ်န့ၣ် ပှၤကညီတဖၣ် အီၣ်ဒၣ်ဝဲ တၢ်ဒိးတၢ်လၣ်, ဘု, တၢ်ချံတၢ်သၣ်တဖၣ်လီၤ. ထံလုၣ်ဘၢတၢ်ဝံၤအလီၢ်ခံ, ယဟိဝၤစံးဘၣ် နိအၣ်ဒီးအဖိခွါတဖၣ် ဒ်အံၤလီၤ– “ကယဲၢ်တၢ်လၢ အမူဝဲတမံၤလၢ်လၢ်န့ၣ် ကကဲထီၣ်တၢ်အီၣ်လၢသုဂီၢ်, ဒ်တၢ်မဲတၢ်မါအသံကစဲာ်အသိးန့ၣ် ယဟ့ၣ်လီၤသုလၢတၢ်ခဲလၢာ်လီၤ.” ဘၣ်ဆၣ်ကစၢ်ယွၤ ပာ်လီၤ တၢ်တြီဃာ်အံၤန့ၣ်လီၤ– “မ့မ့ၢ်တၢ်ညၣ်အိၣ်ဒီး အတၢ်မူဒ်ပစံးတၢ်အသိး အသွံၣ်န့ၣ်, အီၣ်အီၤတဂ့ၤ.” (၁ မိၤၡ့ ၁:၂၉; ၉:၃, ၄) ဖျါတြၢၤကလာ်လၢ ယဟိဝၤ ဒုးစဲဘုးဝဲ တၢ်ဘၣ်တ့ခဲလၢာ် အသးသမူဒီး တၢ်သွံၣ် ဘူးဘူးတံၢ်တံၢ်ဒိၣ်မးန့ၣ်လီၤ.
၁၁. တၢ်သူတၢ်သွံၣ်လၢ နိအၣ်အစိၤလံၤလံၤန့ၣ် ကစၢ်ယွၤတြီဝဲဒ်လဲၣ်.
၁၁ ပပာ်ဖျါထီၣ် တၢ်ပာ်ကဲတၢ်သွံၣ် ခီဖျိလၢပတအီၣ်အီၤန့ၣ်လီၤ. တၢ်မၤလိာ်လၢ ယဟိဝၤ ဟ့ၣ်ပှၤအံၣ်စရ့လးဖိတဖၣ် အပူၤန့ၣ် မၤလိာ်ဝဲဒ်အံၤလီၤ– “ဖဲဒၣ်ပှၤလၢအခိးခးတၢ်, ဒီးမၤန့ၢ်ဆၣ်ဖိကီၢ်ဖိမ့ၢ်ဂ့ၤ, ထိၣ်ဧိၤလံၣ်ဧိၤမ့ၢ်ဂ့ၤ, လၢပှၤဂ့ၤအီၣ်ဘၣ်တမံၤမံၤ, ဘၣ်ဂၢ်လီၤကွံာ်အသွံၣ်, ဒီးကျၢၢ်ဘၢအီၤဒီးဟီၣ်ခိၣ်ကမူၣ်လီၤ. အဂ့ၢ်ဒ်အံၤ, ဖဲအဘၣ်ဃးဒီး တၢ်ညၣ်ခဲလၢာ်အသးသမူန့ၣ် အသွံၣ်န့ၣ်မ့ၢ်တၢ်တမံၤဃီဒီး အသးသမူလီၤ. မ့ၢ်ဝဲလၢအသးသမူလီၤ. မၤသးဒ်န့ၣ်ဒီး ယစံးဘၣ်တ့ၢ်ပှၤအံၣ်စရ့လးဖိ, ‘သုတအီၣ် တၢ်ညၣ်အသွံၣ်နီတမံၤတဂ့ၤ, အဂ့ၢ်ဒ်အံၤ, ကယဲၢ်တၢ်ညၣ်ခဲလၢာ် အသးသမူမ့ၢ်အသွံၣ်လီၤ.’” (၃ မိၤၡ့ ၁၇:၁၃, ၁၄) ဖဲပူၤကွံာ်နံၣ် ၈၀၀ဃၣ်ဃၣ်န့ၣ်, ကစၢ်ယွၤဟ့ၣ်တ့ၢ်ဝဲနိအၤ တၢ်မၤလိာ်အဆိကတၢၢ်လၢ တဘၣ်အီၣ် ဆၣ်ဖိကီၢ်ဖိအသွံၣ်တဂ့ၤန့ၣ် အိၣ်ဂၢၢ်အိၣ်ကျၢၤဒ်ဝဲလီၤ. ယဟိဝၤ အတၢ်ထံၣ်န့ၣ် ဖျါဆှံမးလီၤ– ကစၢ်အခ့အပှၤတဖၣ်န့ၣ် အီၣ်ဝဲဆၣ်ဖိကီၢ်ဖိအညၣ်သ့လီၤ, ဘၣ်ဆၣ် တဘၣ်အီၣ်ဝဲအသွံၣ်ဘၣ်. ဘၣ်ဂၢ်လီၤကွံာ်အသွံၣ်လၢ ဟီၣ်ခိၣ်လီၤ—နီၢ်နီၢ်န့ၣ် မ့ၢ်တၢ်ဟ့ၣ်ဆၢက့ၤ ကစၢ်ယွၤလၢ တၢ်ဘၣ်တ့အသးသမူန့ၣ်လီၤ.
၁၂. တၢ်မၤလိာ်လၢ ဘၣ်ဃးဒီးတၢ်သွံၣ်လၢ ဘၣ်တၢ်ဟ့ၣ်ခီဖျိသးစီဆှံန့ၣ် ဘၣ်ဃးဝဲဖဲ နံၣ်တၢကယၤ ပၢၢ်လၢမုၢ်မဆါတနံၤအံၤန့ၣ် မ့ၢ်တၢ်မၤလိာ်မနုၤလဲၣ်.
မၤတၢ် ၁၅:၂၈, ၂၉; ၂၁:၂၅) လၢတၢ်န့ၣ်အဃိ, ‘ကြၢးပဟးဆှဲး တၢ်သွံၣ်’လီၤ. ကစၢ်ယွၤအတၢ်ထံၣ်လၢ တၢ်ဟးဆှဲးတၢ်သွံၣ်န့ၣ် အကါဒိၣ်ထဲသိးဒီး တၢ်ဟးဆှဲး တၢ်ဘါတၢ်ဂီၤတၢ်ဖီၣ်, ဒီးတၢ်ကလုာ်ကလိၤတဖၣ်န့ၣ်လီၤ.
၁၂ ပှၤခရံာ်ဖိတဖၣ်သနာ်က့ တၢ်မၤလိာ်ဒ်သိးအံၤ အိၣ်စ့ၢ်ကီးလီၤ. နံၣ်တၢကယၤအပူၤ, တၢ်မၢဖိတဖၣ်ဒီး ပိာ်ခွါအဂုၤအဂၤလၢ အကဲခိၣ်ကဲနၢ်လၢ ယ့ၣ်ၡူးအပျဲၢ်အဘီၣ်တဖၣ်န့ၣ် အိၣ်ဖှိၣ်ဝဲဒ်သိး ကပာ်လီၤဝဲ တၢ်မၤလိာ်မနုၤတဖၣ်လၢ ခရံာ်ဖိတၢ်အိၣ်ဖှိၣ်ဖိခဲလၢာ် ကြၢးစူၢ်ဝဲန့ၣ်လီၤ. အဝဲသ့ၣ် ပာ်လီၤအသးဒ်အံၤလီၤ– ‘အဂ့ၢ်ဒ်အံၤ, လၢသုကဟးဆှဲး တၢ်လုၢ်လၢတၢ်ဂီၤ, ဒီးတၢ်သွံၣ်, ဒီးတၢ်လၢတၢ်စံၢ်သံအီၤ [တၢ်သွံၣ်အိၣ်ဒံးလၢ တၢ်ညၣ်ကျါ], ဒီးတၢ်မၤထွဲသးကလုာ်ကလိၤအခံတဖၣ်မုန့ၣ် ဘၣ်သးစီဆှံအသး, ဒီးပသးအံၤလီၤ. လၢတၢ်န့ၣ်တဖၣ်အမဲာ်ညါ, တၢ်ဝံတၢ်စိာ်ဒိၣ်န့ၢ်အန့ၣ်တက့ၢ်, ပတပာ်ဘၣ်လၢသုလိၤဘၣ်.’ (ကသံၣ်သရၣ်မ့ၢ်စံးနၤလၢနကဘၣ်ဒုၣ်သံးန့ၣ်နကသြီနုာ် တၢ်အံၤဆူနသွံၣ်ကျိၤပူၤဧါ
၁၃. တၢ်မၤလိာ်လၢ တၢ်ဟးဆှဲးတၢ်သွံၣ်န့ၣ် ဘၣ်မနုၤအဃိပာ်ဃုာ်ဒီး တၢ်သြီပှၤသွံၣ်လဲၣ်န့ၣ် တဲဖျါထီၣ်တက့ၢ်.
၁၃ တၢ်မၤလိာ်လၢ တၢ်ဟးဆှဲးတၢ်သွံၣ်န့ၣ် ပာ်ဃုာ်ဒီးတၢ်သြီပှၤသွံၣ်ဧါ. ပာ်ဃုာ်လီၤ. ပကစံးအဒိ, ကသံၣ်သရၣ်စံးနၤလၢ နကဘၣ်ဒုၣ်‘သံး’လီၤ. တၢ်အံၤအခီပညီကမ့ၢ်လၢ နအီသံးတန့ၢ်သနာ်က့ နသြီနုာ်ဆူနသွံၣ်ကျိၤပူၤသ့န့ၣ်ဧါ. တမ့ၢ်လ့ၤတက့ၤဘၣ်! ဒ်န့ၣ်အသိးလီၤ, တၢ်ဟးဆှဲးတၢ်သွံၣ်န့ၣ် မ့ၢ်တၢ်တပျဲနုာ် အီၤလၢပနီၣ်ခိနီၢ်ကစၢ်အပူၤလၢ ကျဲတမံၤဂ့ၤတမံၤဂ့ၤန့ၣ်လီၤ. လၢတၢ်န့ၣ်အဃိ တၢ်မၤလိာ်လၢ တၢ်ဟးဆှဲးတၢ်သွံၣ်န့ၣ် မ့ၢ်ပတဟ့ၣ်အခွဲးလၢ မတၤတဂၤဂ့ၤဂ့ၤ ကသြီနုာ်တၢ်သွံၣ်ဆူ ပသွံၣ်ကျိၤပူၤအဂီၢ်ဘၣ်လီၤ.
၁၄, ၁၅. ကသံၣ်သရၣ်တဖၣ် မ့ၢ်စံးဝဲ ခရံာ်ဖိတဂၤလၢ ကဘၣ်သြီပှၤသွံၣ်န့ၣ် အဝဲကတြီဆၢက့ၤဝဲဒ်လဲၣ်, လၢမနုၤအဃိလဲၣ်.
၁၄ ခရံာ်ဖိတဂၤ မ့ၢ်ဘၣ်ဒိနးနးကလဲာ်, မ့တမ့ၢ် လိၣ်လၢကဘၣ်ကွဲးအသး အဒိၣ်အမုၢ်တခီကမၤဝဲဒ်လဲၣ်. ပစံးဒၣ်ကလိာ်, ကသံၣ်သရၣ်စံးအီၤလၢ ကဘၣ်သြီပှၤသွံၣ် မ့ၢ်တသြီပှၤသွံၣ်ဒီး ကသံလီၤ. နီၢ်နီၢ်န့ၣ် ခရံာ်ဖိအံၤတအဲၣ်ဒိးသံဘၣ်. အဝဲဂုာ်ကျဲးစၢးဒီသဒၢဝဲ သးသမူလုၢ်ဒိၣ်ပှ့ၤဒိၣ်လၢ ယွၤဟ့ၣ်သးကညီၤအီၤအံၤ အဃိ ကတူၢ်လိာ်ဝဲ တၢ်ကုစါယါဘျါအဂၤလၢ တၢ်သူကမၣ်တၢ်သွံၣ်တပာ်ဘၣ်န့ၣ်လီၤ. လၢတၢ်န့ၣ်အဃိ, မ့ၢ်သ့ဒီး ကဃုဝဲ တၢ်ကုစါယါဘျါဒ်သိးအံၤဒီး ကတူၢ်လိာ်ဝဲ ကျဲအဂၤတမံၤမံၤလၢ တၢ်သွံၣ်အခၢၣ်စးန့ၣ်လီၤ.
၁၅ ခရံာ်ဖိတဂၤန့ၣ် အသးသမူကထီထီၣ် ဆံးကိာ်ဖိလၢ ဟီၣ်ခိၣ်တၢ်ရဲၣ် တၢ်ကျဲၤအံၤအပူၤအဂီၢ်, ကလုၢ်သ့ၣ်ခါပတာ် ကစၢ်ယွၤအတၢ်မၤလိာ်ဧါ. ယ့ၣ်ၡူးစံးဝဲဒ်အံၤလီၤ– “ပှၤမးသဲ ၁၆:၂၅, ခစ) ပတအဲၣ်ဒိးသံဘၣ်. ဘၣ်ဆၣ် ပမ့ၢ်လုၢ်သ့ၣ်ခါပတာ် ယွၤအတၢ်မၤလိာ်ဒီး ကျဲးစၢးဂုာ်က့ၤ ပသးသမူလၢ ဆၢကတီၢ်ခဲအံၤန့ၣ် တၢ်ဘၣ်ယိၣ်အလီၢ်အိၣ်လၢ ပကဘၣ်ဒုးလီၤမၢ်ကွံာ် သးသမူအထူအယိာ်လီၤ. ပမ့ၢ်သံလၢ တၢ်ဂ့ၢ်တမံၤမံၤအဃိဒီး ဖဲတၢ်ဂဲၤဆၢထၢၣ် သမူထီၣ်က့ၤအကတီၢ်န့ၣ် ကစၢ်လၢအဟ့ၣ်ပှၤသးသမူအံၤ ကသ့ၣ်နီၣ်ထီၣ်က့ၤပှၤဒီး ကဟ့ၣ်က့ၤပှၤ သးသမူအလုၢ်ဒိၣ်ပှ့ၤဒိၣ်န့ၣ်လီၤ. လၢတၢ်န့ၣ်အဃိ, ပမ့ၢ်နာ်တၢ်အံၤ အလၢအပှဲၤဒီး ပမ့ၢ်ပာ်ဂံၢ်ပာ်ဘါ ယွၤအတၢ်မၤလိာ်လၢ အတီအလိၤန့ၣ် မ့ၢ်ပအိၣ်ဒီးတၢ်ကူၣ်သ့လီၤ.—ယိၤဟၣ် ၅:၂၈, ၂၉; ဧ့ၤဘြံၤ ၁၁:၆.
တဂၤလၢ်လၢ်လၢ အသးအိၣ်ဟံးဃာ် ဒီးမၤပူၤဖျဲးအသးသမူဒၣ်ဝဲန့ၣ်, အတၢ်မူနီၢ်နီၢ် ကလီၤမၢ်န့ၣ်အီၤလီၤ. ဒီးပှၤတဂၤလၢ်လၢ်လၢ အဒုးလီၤမၢ်ကွံာ် အသးသမူလၢယဃိန့ၣ်, ကထံၣ်န့ၢ်တၢ်မူနီၢ်နီၢ်လီၤ.” (၁၆. ယွၤအခ့အပှၤတဖၣ်န့ၣ် ပာ်လီၤအသးကျၢၤကျၢၤလၢ ဘၣ်ဃးဒီးတၢ်သွံၣ်န့ၣ် ကမၤဝဲတၢ်မနုၤလဲၣ်.
၁၆ မုၢ်မဆါတနံၤအံၤ, ကစၢ်ယွၤအခ့အပှၤလၢ အတီဒီးအီၤတဖၣ်န့ၣ် ပာ်လီၤအသးကျၢၤကျၢၤလၢ ကမၤထွဲဝဲ ကစၢ်အတၢ်နဲၣ်လိလၢ ဘၣ်ဃးဒီးတၢ်သွံၣ်န့ၣ်လီၤ. အဝဲသ့ၣ် တမ့ၢ်ကအီၣ်ဝဲ တၢ်သွံၣ်တမံၤဂ့ၤတမံၤဂ့ၤဘၣ်. တၢ်အိၣ်ဆူၣ်အိၣ်ချ့အဂီၢ်သနာ်က့ တမ့ၢ်ကတူၢ်လိာ်ဝဲ တၢ်သွံၣ်ဘၣ်. * အဝဲသ့ၣ်နာ်ဝဲသပှၢ်တၢၢ်လၢ တၢ်အဂ့ၤကတၢၢ်လၢ အဝဲသ့ၣ်အဂီၢ်မ့ၢ်မနုၤလဲၣ်န့ၣ် ကစၢ်လၢအတ့လီၤတၢ်သွံၣ်အံၤ သ့ၣ်ညါဝဲလီၤ. နဲစ့ၢ်ကီး နနာ်ဒ်သိးန့ၢ်ဧါ.
တၢ်သူတၢ်သွံၣ်လၢ အကြၢးအဘၣ် သ့ထဲတမံၤဧိၤ
၁၇. လၢပျၢၤပှၤအံၣ်စရ့လးဖိတဖၣ် အစိၤခါ ယဟိဝၤကစၢ်ယွၤ တူၢ်လိာ်ဝဲ တၢ်သုတၢ်သွံၣ်ထဲ တမံၤဧိၤန့ၣ် မ့ၢ်မနုၤလဲၣ်.
၁၇ မိၤၡ့အတၢ်မၤလိာ်အပူၤ လီၤဆီဒၣ်တၢ် ပာ်ဖျါဝဲ တၢ်သူတၢ်သွံၣ်လၢ အကြၢး၃ မိၤၡ့ ၁၇:၁၁) ပှၤအံၣ်စရ့လးဖိတဖၣ် ဖဲမၤဘၣ်တၢ်ဒဲးဘးအခါ လုၢ်ထီၣ်တၢ်လၢ ဆၣ်ဖိကီၢ်ဖိတဒုဒီး, ဒိးန့ၢ်ဘၣ်တၢ်ပျၢ်တၢ်ကမၣ် ခီဖျိလၢ ဖှံဝဲတၢ်အံၤအသွံၣ် တနီၤလၢ တၢ်လုၢ်လီၢ်အဖီခိၣ်, ဖဲအအိၣ်လၢ ဒဲစီဆှံ မ့တမ့ၢ် လၢခံပှၤကိးလၢ ယွၤအတၢ်လုၢ်ဟံၣ် အပူၤန့ၣ်လီၤ. တၢ်သူတၢ်သွံၣ်လၢ အကြၢးအဘၣ် သ့ထဲတမံၤဧိၤန့ၣ် မ့ၢ်တၢ်သူအီၤ ဖဲတၢ်လုၢ်ထီၣ်တၢ်အခါန့ၣ်လီၤ.
အဘၣ် သ့ထဲတမံၤဧိၤန့ၣ်လီၤ. တၢ်မၤလိာ်လၢ ဘၣ်ဃးဒီးတၢ်ဘူၣ်တၢ်ဘါန့ၣ် ယဟိဝၤစံးဘၣ် ပှၤအံၣ်စရ့လးဖိလၢပျၢၤ တဖၣ်ဒ်အံၤလီၤ– “တၢ်ညၣ်အသးသမူအိၣ်လၢအသွံၣ်, ဒီးယဟ့ၣ်အီၤလၢ သုလၢတၢ်လုၢ်လီၢ် အဖီခိၣ်, ဒ်သိးအကမၤပူၤဖျဲး လၢသုသးအဂီၢ်လီၤ”. (၁၈. ယ့ၣ်ၡူးလူလီၤအသွံၣ်အဃိ ပဒိးန့ၢ်ဘၣ် တၢ်ဆိၣ်ဂ့ၤဒီး တၢ်အဘျုးအဖှိၣ် မနုၤတဖၣ်သ့လဲၣ်.
၁၈ ခရံာ်ဖိနီၢ်နီၢ် တဖၣ်န့ၣ် တအိၣ်လၢၤလၢ မိၤၡ့အတၢ်မၤလိာ် အဖီလာ်အဃိ တလိၣ်လၢ ကဘၣ်လုၢ်ထီၣ်ဆၣ်ဖိကီၢ်ဖိ ဒီးလူလီၤတၢ်သွံၣ်လၢ တၢ်လုၢ်လီၢ်အဖီခိၣ်လၢၤဘၣ်. (ဧ့ၤဘြံၤ ၁၀:၁) ဘၣ်ဆၣ် တၢ်သူတၢ်သွံၣ်လၢ တၢ်လုၢ်လီၢ်ဖဲ လၢပျၢၤပှၤအံၣ်စရ့လးဖိအစိၤန့ၣ် နဲၣ်ဖျါထီၣ်ဝဲ ယွၤအဖိခွါ, ယ့ၣ်ၡူးခရံာ် အတၢ်လုၢ်တၢ်ပာ်လၢ အလုၢ်ဒိၣ်ပှ့ၤဒိၣ်န့ၣ်လီၤ. ဒ်ပမၤလိဝံၤတ့ၢ်လၢ လံာ်အံၤအတၢ်နီၤဖး ၅ အသိး ယ့ၣ်ၡူးဟ့ၣ်လီၤ အသးသမူ လၢပဂီၢ် ခီဖျိလၢ လူလီၤဝဲအသွံၣ် ဒ်တၢ်လုၢ်ထီၣ်အသိးန့ၣ်လီၤ. တၢ်န့ၣ်အလီၢ်ခံ ကစၢ်က့ၤထီၣ်ဆူမူခိၣ်ဒီး အဝဲဟ့ၣ်ထီၣ် အသွံၣ်အလုၢ်အပှ့ၤ တဘျီဃီအဝံၤ ဆူယွၤအအိၣ်န့ၣ်လီၤ. (ဧ့ၤဘြံၤ ၉:၁၁, ၁၂) တၢ်အံၤမ့ၢ် တၢ်ဂ့ၢ်အခီၣ်ထံးလၢ တၢ်ကပျၢ်ကွံာ် ပတၢ်ဒဲးဘးအဂီၢ်ဒီး ကျဲအိးထီၣ်အသးလၢ ပကဒိးန့ၢ်ဘၣ် တၢ်မူအထူအယိာ်အဂီၢ်န့ၣ်လီၤ. (မးသဲ ၂၀:၂၈; ယိၤဟၣ် ၃:၁၆) မ့ၢ်တၢ်အုၣ်အသးလၢ တၢ်သူတၢ်သွံၣ်န့ၣ် အကါဒိၣ်ဒိၣ်မးန့ၣ်လီၤ. (၁ ပ့းတရူး ၁:၁၈, ၁၉) ပကဒိးန့ၢ်ဘၣ် တၢ်အုၣ်က့ၤခီၣ်က့ၤသ့ ခီဖျိလၢ ပနာ်ယ့ၣ်ၡူးအသွံၣ် အဘျုးအဖှိၣ်လၢ အလူလီၤတ့ၢ်ဝဲန့ၣ်လီၤ.
နပာ်ဖျါ တၢ်ပာ်ကဲ သးသမူဒီး တၢ်သွံၣ်ကသ့ဒ်လဲၣ်
၁၉. ပက “ကဆှီဒီး ပှၤကညီအသွံၣ် ကိးဂၤဒဲး” အဂီၢ် ပကဘၣ်မၤတၢ်မနုၤလဲၣ်.
၁၉ ပစံးဘျုးက့ၤ ယဟိဝၤကစၢ်ယွၤသ့ လၢအဝဲ ကတဲာ်ကတီၤန့ၣ်ပှၤ သးသမူအလုၢ်ဒိၣ်ပှ့ၤဒိၣ် လၢတၢ်အဲၣ်အဃိန့ၣ်လီၤ. ပဒိးန့ၢ်ဘၣ် တၢ်မူအထူအယိာ်သ့ ခီဖျိလၢ တၢ်နာ်ယ့ၣ်ၡူး အတၢ်လုၢ်တၢ်ပှ့ၤက့ၤအဂ့ၢ်န့ၣ် ကြၢးထိၣ်ဂဲၤထီၣ်ပှၤလၢ ပကဒုးသ့ၣ်ညါ ပှၤအဂၤအဂီၢ် တမ့ၢ်ဘၣ်ဧါ. ပမ့ၢ်ပာ်ကဲ ပှၤကညီကဒဲကဒဲအသးသမူဒ် ကစၢ်ယွၤအသိးန့ၣ် ကထိၣ်ဂဲၤထီၣ်ပှၤလၢ ပကမၤတၢ်အံၤလၢ တၢ်သးအံၣ်တဲာ်, ဒီးတၢ်သးဆူၣ်သပှၢ်ပှၢ်န့ၣ်လီၤ. (ယဃ့းစက့လး ၃:၁၇-၂၁) မူဒါအံၤ ပမ့ၢ်မၤအီၤ လၢာ်ဂံၢ်လၢာ်ဘါဒီး ဒ်တၢ်မၢဖိ ပီလူးအသိး ပစံးကသ့ဒ်အံၤလီၤ– “အအံၤတနံၤအံၤ, ယအုၣ်ယသးလၢ သုမဲာ်ညါလၢယကဆှီဒီး ပှၤကညီအသွံၣ်ကိးဂၤဒဲးလီၤ. အဂ့ၢ်ဒ်အံၤ, ယတဟးဆှဲးစံၣ်တဲၤတဲလီၤသုလၢ ယွၤအတၢ်ကူၣ်တၢ်ဖးနီတမံၤဘၣ်.” (မၤတၢ် ၂၀:၂၆, ၂၇) တၢ်စံးဘၣ်တဲဘၣ် ပှၤဂၤလၢ ကစၢ်ယွၤဒီး ကစၢ်အတၢ်တိာ်ပာ်အဂ့ၢ်န့ၣ် မ့ၢ်ဒၣ်ကျဲအဂ့ၤကတၢၢ်လၢ တၢ်ပာ်ဖျါ တၢ်ပာ်ကဲ သးသမူဒီးတၢ်သွံၣ် ဒိၣ်မးန့ၣ်လီၤ.
^ လံာ်အဆၢ. 16 တၢ်ဂ့ၢ်လၢဘၣ်ဃးဒီး တၢ်ဃုထၢအဂၤလၢ တၢ်သွံၣ်အခၢၣ်စးအဂီၢ်, ကွၢ်ယဟိဝၤ အပှၤအုၣ်အသးတဖၣ် ထုးထီၣ်ဝဲ ဘရိၣ်ခၠဲၣ်လၢအမ့ၢ်, တၢ်သွံၣ်န့ၣ် မၤပူၤဖျဲးနသးသမူ သ့ဒ်လဲၣ် (ပံၤယီၤကျိာ်), ဖဲလံာ်ကဘျံးပၤ ၁၃-၁၇ န့ၣ်တက့ၢ်.