IXEF WIS XEMSEṬṬAC
Leɛbada i geqbel Ṛebbi
-
Ddyanat meṛṛa ɛeǧbent i Ṛebbi?
-
Amek ara neɛqel ddin n ṣṣeḥ?
-
Ass-a, anwi-ten wid i geţɛebbiden s ṣṣeḥ Ṛebbi ɣef lqaɛa?
1. Acu ara nesfaydi ma yella neţţeɛbad Ṛebbi akken i glaq?
YAHWA ṚEBBI yeţḥebbiṛ mliḥ fell-aneɣ yerna yebɣa a nesfaydi si lewṣayat-is yeččuṛen d leḥmala. Ma neţţeɛbad-it akken i glaq, a nefṛeḥ w’a nemneɛ iman-nneɣ seg waṭas n lehmum. Yahwa a ɣ-ibarek w’a ɣ-iɛiwen. (Icɛaya 48:17) Lameɛna, llant xilla n ddyanat i d-yeqqaren belli sselmadent tideţ ɣef Ṛebbi. Uyerna, ayen i sselmadent ama ɣef Ṛebbi ama ɣef wayen i geţṛaǧu seg-neɣ yemxallaf mliḥ si ddin ɣer wayeḍ.
2. Amek i nezmer a nẓer anta leɛbada i gɛeǧben i Yahwa, yerna anwa lemtel ara ɣ-iɛiwnen a nefhem ayagi?
2 Amek ara teẓreḍ anta leɛbada i gɛeǧben i Yahwa? Ur teḥwaǧeḍ ara aţ-ţeɣreḍ ayen i sselmadent ddyanat meṛṛa neɣ aţ-ţnadiḍ anwa aselmed seg-sent i gifen wayeḍnin. Yewwi-d kan aţ-ţissineḍ ayen yesselmad s ṣṣeḥ Wedlis Iqedsen ɣef leɛbada n tideţ. A d-nefk lemtel: ţţilin yedrimen n lekdeb di xilla n tmura. Lukan a k-d-ḍelben a ten-tɛeqleḍ, amek ara txedmeḍ? Eɛni aţ-ţnadiḍ aţ-ţḥefḍeḍ amek yeţwaxdem mkul ṣṣenf n uṣurdi n lekdeb? Ala. Ţţif xiṛ lukan aţ-ţḥefḍeḍ amek i gan (mmugen) iṣurdiyen n ṣṣeḥ. Ma yella teẓriḍ amek i ţwaxedmen, aţ-ţɛeqleḍ wid n lekdeb. Ihi, kifkif deg wayen yeɛnan ddin. Ma neẓra amek ara neɛqel anwa i d ddin n ṣṣeḥ, a nfaq anti i d ddyanat n lekdeb.
3. Acu i glaq a nexdem akken a neɛǧeb i Ṛebbi?
Titus 1:16) Ihi, iwakken a neɛǧeb i Ṛebbi, ilzem a nelmed d acu i geţṛaǧu seg-neɣ, w’a nexdem ayagi. Ɛisa yenna-d belli wid ur nxeddem ara lebɣi n Ṛebbi d wid ‘ixeddmen lbaṭel.’ (Matta 7:21-23) Am yedrimen n lekdeb, ddin n lekdeb ur yeswi ara maḍi; yeţţawi-d ula d lemḍerra.
3 D ayen yesɛan azal ma neţɛebbid Yahwa akken i gebɣa. Geddac n lɣaci i gǧeɛlen (genwan) belli ddyanat meṛṛa ɛeǧbent-as. Acu kan, mačči d ayen yesselmad Wedlis Iqedsen. Drus ma nenna-yas kan belli neţţamen s Ṛebbi. Amceggeɛ Bulus yenna-d: “Qqaren belli ssnen Illu, lameɛna nekṛen-t s lefɛayel-nsen; mekṛuhit, d imɛuṣa, ur zmiren ara ad xedmen leṣlaḥ.” (4. Acu i d lmeɛna n wayen i d-yenna Ɛisa ɣef sin-nni n iberdan? Sani i geţţawi mkul yiwen seg-sen?
4 Yahwa yefka tagniţ i imezdaɣ meṛṛa n ddunit akken a d-rebḥen tudert n dayem. Acu kan, iwakken a nɛic i lebda di Lǧennet, yewwi-d a neɛbed Yahwa akken ilaq w’a nesɛu tikli i s-iɛeǧben si tura. Lameɛna, xilla ur nqebbel ara ad xedmen ayagi. Daymi i d-yenna Ɛisa: “Kecmet si tebburt iḍeyqen. Axaṭer, hrawet tebburt, iwseɛ webrid yeţţawin ɣer nnger, yerna aṭas n wid i geţɛeddin seg-s. Lameɛna, teḍyeq tebburt, iḥreṣ webrid yeţţawin ɣer tudert, yerna drus n wid i ţ-iţţafen.” (Matta 7:13, 14) Ddin n ṣṣeḥ yeţţawi ɣer tudert n dayem. Ddin n lekdeb yeţţawi ɣer nnger. Yahwa ur yebɣi ara ad yenger ula d yiwen. Ɣef wayagi i geţţak i lɛibad, anda ma llan, tagniţ akken a t-issinen. (2 Buṭrus 3:9) Ihi nezmer a d-nini belli leɛbada i ţţaken lɣaci i Ṛebbi ţ-ţamsalt isɛan azal ameqran: tezmer a sen-d-tawi tudert neɣ lmut.
AMEK ARA NEƐQEL DDIN N ṢṢEḤ?
5. S wacu i ţwaɛqalen wid ittabaɛen ddin n ṣṣeḥ?
5 Amek ara d-afen medden ‘abrid yeţţawin ɣer tudert?’ Ɛisa issefhem-ed belli ddin n ṣṣeḥ yeţban-ed di temɛict n Matta 7:16, 17) Nezmer a d-nini ihi belli wid ittabaɛen ddin n ṣṣeḥ ţwaɛqalen s tikli-nsen d wayen is i ţţamnen. Ɣas ur kmilen ara yerna ɣellṭen, ţbanen-d belli xeddmen lmeǧhud akken ad ssiwḍen ɣer lebɣi n Ṛebbi. Tura, a nerr lbal-nneɣ ɣer seţţa leḥwayeǧ s wacu i ţwaɛqalen wid ittabaɛen ddin n ṣṣeḥ.
wid i t-itebɛen. Yenna-d ɣef wannect-a: “A ten-tɛeqlem s lfakya-nsen. [...] Kra n ttejṛa yelhan teţţak-ed lfakya yelhan.” (6, 7. Amek i ḥesben iqeddacen n Ṛebbi Adlis Iqedsen? Acu n lemtel i d-yeǧǧa Ɛisa deg wayagi?
6 Iqeddacen n Ṛebbi ţekksen-d aselmed-nsen seg Wedlis Iqedsen. Adlis-agi s yiman-is yeqqar-ed: “Yal tira iqedsen s ɣuṛ Ṛebbi i d-tekka yerna twulem i uselmed, i wusefhem, i nehhu akk-d ţṛebga deg webrid n lḥeqq, iwakken yal aqeddac [taqeddact] n Sidi Ṛebbi ad yili d amdan ikemlen i gwulmen i yal ccɣel yelhan.” (2 Timutawus 3:16, 17, Awal n tudert, 2001) Amceggeɛ Bulus yura i yerfiqen-is imasiḥiyen imeslayen-agi: “Mi tqeblem awal n Yillu i teslam sɣur-nneɣ, testṛeḥbem yis, mačči d awal n wemdan, lameɛna akken i gella n ṣṣeḥḥ, d awal n Yillu.” (1 Itisalunikiyen 2:13) A d-nefhem ihi belli lefɛayel n wid ittabaɛen ddin n ṣṣeḥ d wayen is i ţţamnen ur d-kkin ara seg ixemmimen neɣ si lefɛayel n lɛibad; kkan-d seg Wawal i d-iţţuweḥḥan sɣur Ṛebbi.
7 Ɛisa Lmasiḥ yella d lemtel: yeţţawi-d aselmed-is seg Wawal n Ṛebbi. Yenna di tẓallit i Baba-s n igenwan: “Awal-ik, ţ-ţideţ.” (Yuḥenna 17:17) Yella d win yeţţamnen s Wawal n Ṛebbi, yerna ayen akk yesselmad yeɛdel d wayen yellan di Tira Iqedsen. Yezga yeqqar-ed: “Yura.” (Matta 4:4, 7, 10) Sakin yeţţebdar-ed aḥric si Tira Iqedsen. Akken i xeddmen daɣen iqeddacen n Ṛebbi ass-agi; ur sselmaden ara ixemmimen i d-yekkan sɣur-sen. Ţţamnen belli Adlis Iqedsen d Awal n Ṛebbi yerna aselmed-nsen ireṣṣa ɣef wayen yuran deg-s.
8. Acu-ţ yiwet ger leḥwayeǧ i xeddmen iqeddacen n Yahwa di leɛbada-nsen?
Matta 4:10) Ihi, iqeddacen n Ṛebbi ur ţţeɛbaden ula d yiwen nniḍen, ḥaca Yahwa. Sselmaden i medden anwa i d Ṛebbi n ṣṣeḥ yerna anwa i d isem-is; tagi d yiwet ger leḥwayeǧ i xeddmen di leɛbada-nsen. Yura deg Uhellil 83:18 (MN): “Kečč, i geţţusemman Yahwa, d kečč kan i gellan d Win Ɛlayen ɣef lqaɛa meṛṛa!” Ɛisa yeǧǧa-d lemtel n lɛali imi gɛawen medden ad issinen isem n Ṛebbi. Yenna deg yiwet n tẓallit: “Sbeggneɣ-d isem-ik i yemdanen i yi-d-tɛezleḍ si ddunit.” (Yuḥenna 17:6) Akken daɣen ass-a, wid iţţeɛbaden Ṛebbi s ṣṣeḥ sselmaden i medden isem-is, lmeqsud-is akk-d ṣṣifat-is.
8 Wid ittabaɛen ddin n ṣṣeḥ ţţeɛbaden siwa Yahwa yerna sselmaden isem-is. Ɛisa yenna-d: “Zdat n Ssid, Illu-yik, ara tseǧǧdeḍ, d neţţa kan ara tɛebdeḍ.” (9, 10. Amek i d-ţbegginen imasiḥiyen n ṣṣeḥ leḥmala wway gar-asen?
9 Iqeddacen n Ṛebbi myeḥmalen seg wul yerna bla ma ţnadin ɣef nnfeɛ-nsen kan. Ɛisa yenna-d: “Atan wamek ara ɛeqlen medden belli kwenwi d inelmaden-iw: ma temyeḥmalem gar-awen.” (Yuḥenna 13:35) D leḥmala am tagi i llan sɛan-ţ imasiḥiyen imezwura wway gar-asen. Leḥmala i gebɣa Ṛebbi a ţ-nesɛu a ɣ-tɛiwen akken ur nxeddem ara maḥyaf (lxilaf), akken a nḥemmel wid yellan si leǧnas nniḍen, akken a nili di lehna d wiyaḍ, ama d imeṛkantiyen neɣ d iẓawaliyen, ama ṭṭfen imukan ɛlayen neɣ ur ṭṭifen ara. Leḥmala-yagi tesdukkul lɛibad s tegmaţ taḥeqqanit. (Ɣer-ed Ikulusiyen 3:14.) Wid itebɛen ddyanat n lekdeb ur llin ara ţ-ţawacult ideg i tella leḥmala. Amek i neɛlem s waya? Imi ur llin ara zzeɛma seg yiwet n tmurt neɣ seg yiwen wedrum (lɛeṛc) ţţemyenɣan wway gar-asen. Ma d imasiḥiyen n ṣṣeḥ, nutni ur reffden ara leslaḥ bac ad nɣen atmaten-nsen imasiḥiyen neɣ lɛibad nniḍen. Yura deg Wedlis Iqedsen: “Atah wayen i d-iţbegginen lxilaf yellan ger warraw n Sidi Ṛebbi d wid n Cciṭan: kra n win ur nteddu ara s lḥeqq neɣ ur nḥemmel ara gma-s ur yelli ara si tarwa n Sidi Ṛebbi. [...] Ilaq a nemyeḥmal wway gar-aneɣ. Mačči am [Kayin] yellan d amcum yenɣa gma-s.”—1 Yuḥenna 3:10-12 (Awal n tudert, 2001); 4:20, 21.
10 Lameɛna, leḥmala i d-itekken seg wul ur ɣ-teţḥeṛṛim ara kan a nneɣ wiyaḍ. Imasiḥiyen n ṣṣeḥ ssexdamen bla cceḥḥa lweqt-nsen, tazmert-nsen d cci-nsen iwakken ad ţţemɛawanen w’ad ţţemseǧhaden. (Iɛebṛaniyen 10:24, 25) Ţţemɛawanen di cceddat yerna teddun s ṣṣfa akk-d medden meṛṛa. Ṭṭebbiqen ţewṣaya n Wedlis Iqedsen i d-yeqqaren “an-nexdem lxiṛ i yemdanen meṛṛa.”—Igalatiyen 6:10.
11. Acuɣer i glaq a nesteɛṛef belli s Ɛisa Lmasiḥ kan ara d-yawi Ṛebbi leslak?
11 Imasiḥiyen n ṣṣeḥ steɛṛfen belli s Ɛisa Lmasiḥ kan ara d-yawi Ṛebbi leslak. Adlis Iqedsen yeqqar-ed: “Leslak ur d-iţekk ara seg wayeḍ; ala, ur d-iţţunefk ara i yemdanen yisem nniḍen di ddunit swayes i glaq an-neţwasellek.” (Lecɣal 4:12) Akken i t-nwala deg yixef wis 5, Ɛisa yefka tudert-is d asfel ɣef ddemma n lɛibad yeţţaɣen awal. (Matta 20:28) Yerna, d neţţa i d Agellid i gesbedd Ṛebbi ɣef Tgelda n igenwan ara iḥekmen lqaɛa meṛṛa. Ṛebbi yeṭṭalab-aɣ-d a neţţaɣ awal i Ɛisa w’a nessexdam di tudert-nneɣ ayen yesselmed iwakken a nɛic i dayem. Daymi i d-yeqqar Wedlis Iqedsen: “Win yumnen s Umemmit isɛa tudert n dayem; win yugwin ad yamen s Umemmit ur iţwali ara tudert.”—Yuḥenna 3:36.
12. Acu i d lmeɛna-s m’ur nţekka ara di ddunit?
12 Wid iţţeɛbaden Ṛebbi s ṣṣeḥ ur ţekkan ara di ddunit. Asmi t-icuṛeɛ lḥakem n Ṛṛuman iwumi qarren Bilaṭus, Ɛisa yenna-yas: “Tagelda-w mačči si ddunit agi.” (Yuḥenna 18:36) Akken tebɣu tili tmurt ideg i zedɣen, inelmaden n ṣṣeḥ n Ɛisa llan ddaw n leḥkem n Tgelda n igenwan; ur ţcaraken ara maḍi deg wayen yeɛnan tasertit (lbulitik). Ur ggaren ara iman-nsen di ccwal n ddunit. Di tama nniḍen, ur ssekcamen ara iman-nsen di lecɣal n walbeɛḍ, ama yeqsed ad ibuṭi, ama yeqsed ad iddu d yiwen ukabar (ubaṛti) neɣ yebɣa ad iţekki ger wid iɣef ara buṭin medden. Xas akken ur ţcaraken ara di tsertit, ţqadaren leqwanen. Iwacu? Axaṭer Awal n Ṛebbi yumeṛ i “mkul yiwen ad iḍuɛ lḥukumat ɛlayen.” (Iṛumaniyen 13:1) Ma yella-d lxilaf ger wayen i d-yeṭṭalab Ṛebbi d wayen i d-teṭṭalab tsertit n yiwet tmurt, wid iţţeɛbaden Ṛebbi s ṣṣeḥ ttabaɛen lemtel n yemceggɛen, i d-yennan: “Ilaq an-naɣ awal i Yillu mačči i yemdanen.”—Lecɣal 5:29; Marqus 12:17.
13. Amek i ḥesben inelmaden n ṣṣeḥ n Ɛisa Tagelda n Ṛebbi, yerna acu i xeddmen?
Matta 24:14) Inelmaden n ṣṣeḥ n Ɛisa Lmasiḥ ur ţweṣṣin ara lɣaci ad ţeklen ɣef lḥukumat n yemdanen akken ad frunt iɣeblan-nsen; lameɛna, ţbecciṛen belli siwa Tagelda n igenwan n Ṛebbi i d asirem i yemdanen. (Ahellil 146:3) Atan wamek i ɣ-isselmed Ɛisa a neţẓalla ɣef lḥukuma-yagi ikemlen: “Tagelda-k a d-tas, lebɣi-k a d-iḍru di lqaɛa akken yeḍra deg igenwan.” (Matta 6:10) Awal n Ṛebbi ixebbeṛ-ed belli Tagelda n igenwan “aţ-ţemḥeq, aţ-ţessenger tigeldiwin agi meṛṛa [tid n tura], ma d neţţat aţ-ţdum i dayem.”—Danyil 2:44; Aweḥḥi 16:14; 19:19-21.
13 Inelmaden n ṣṣeḥ n Ɛisa ţberriḥen belli ḥaca Tagelda n Ṛebbi i gellan d asirem i yemdanen. Ɛisa icar-ed: “Linǧil n tgelda ad iţwabecceṛ di ddunit meṛṛa, d cchada, i leǧnas meṛṛa. Imiren a d-teḥḍer taggara.” (14. Ɛlaḥsab-ik, anwa ddin ideg i ṭṭebbiqen ayen akk i d-tecreḍ leɛbada n ṣṣeḥ?
14 Meyyez ɣef wayen akka i d-neẓra, testeqsiḍ iman-ik: ‘Anwa ddin i greṣṣan aselmed-is meṛṛa ɣef Wedlis Iqedsen yerna i geţɛawanen lɣaci ad issinen isem n Yahwa? Anwa ddin ideg i d-teţban leḥmala i geqbel Ṛebbi, ideg i d-iţban liman di Ɛisa? Anwa ddin ur nţekka ara di ddunit, yerna yeţberriḥen belli ala Tagelda n Ṛebbi i gellan d asirem i yemdanen? Di ddyanat irkel yellan di ddunit, anwa ddin i geṭṭebbiqen ayagi meṛṛa?’ Iban-ed ɛinani belli d ddin n Inagan n Yahwa.—Ɣer-ed Icɛaya 43:10-12.
ACU ARA TXEDMEḌ?
15. Yewwi-d a namen kan belli Ṛebbi yella?
15 Bac a neɛǧeb i Ṛebbi, ur d-yewwi ara kan a namen yis. Adlis Iqedsen issefham-ed belli ula d leǧnun ţţamnen belli yella Ṛebbi. (Yeɛqub 2:19) Acu kan, ur xeddmen ara lebɣi-s yerna ur s-ɛǧiben ara. Bac a neɛǧeb i Ṛebbi, ilzem a namen belli yella w’a nexdem ayen yeţṛaǧu seg-neɣ. Ilaq-aɣ daɣen a neǧǧ ddin n lekdeb w’a nekcem ɣer ddin n ṣṣeḥ.
16. Acu i ɣ-ilaq a t-nexdem deg wayen yeɛnan ddin n lekdeb?
16 Amceggeɛ Bulus issken-ed belli ur ilaq ara a ncarek di leɛbada n lekdeb; yekteb: “‘Ffɣet-ed si gar-asen, xḍut-asen, i d-inna Ssid; ur ţnalet acemma iɛefnen; nekk ad steṛḥbeɣ yis-wen.’” (2 Ikurintiyen 6:17; Icɛaya 52:11) Ihi, imasiḥiyen n ṣṣeḥ xḍan i wayen akk yesɛan lɛalaqa d leɛbada n lekdeb.
17, 18. Acu i d Babil Tameqrant? Acuɣer yeɣṣeb lḥal ‘a d-teffɣeḍ seg-s’?
17 Adlis Iqedsen iţwerri-d belli ddyanat meṛṛa n lekdeb, akken bɣunt ilint, ţekkant di ‘Babil Tameqrant.’ * (Aweḥḥi 17:5) Isem-agi ismektay-ed tamdint n zik n Babil, anda i d-tlul leɛbada n lekdeb, mbeɛd lḥemla-nni n waman. Xilla n leḥwayeǧ i sselmaden yerna i xeddmen ass-a di ddyanat n lekdeb nnulfant-ed dinna, acḥal n leqrun aya. Di lemtel, At Babil ţɛebbiden iṛebbiten yellan ɣef tlata. Ass-a, ayen umi qqaren Talut, yeɛni Ṛebbi yella ɣef tlata, d aselmed yellan d lsas deg waṭas n ddyanat. Meɛna, Adlis Iqedsen yesselmad ɛinani belli ḥaca yiwen n Ṛebbi n ṣṣeḥ i gellan, Yahwa, yerna Ɛisa Lmasiḥ d Mmi-s. (Yuḥenna 17:3) At Babil llan diɣen ţţamnen belli imdanen sɛan taṛwiḥt ur neţmeţţat ara i gţeffɣen si lǧeţţa n win yemmuten yerna i geţţenɛeţţaben deg yiwen wemkan n lɛiqab. Ass-agi, amur ameqran si ddyanat sselmadent belli taṛwiḥt neɣ ṛṛuḥ d ayen ur neţmeţţat ara, i geţţenɛeţţaben di tmes.
18 Imi leɛbada yellan di Babil n zik tezreɛ ass-a di ddunit kamel, nezmer a d-nini ihi belli Babil Tameqrant teţmettil-ed ddyanat n lekdeb s lǧemla. Ṛebbi icar-ed belli Babil-agi Tameqrant aţ-ţeɣli ɣef tikkelt. Tfehmeḍ tura ayɣer d ayen yesɛan azal meqqren aţ-ţexḍuḍ i wayen akk icudden ɣer Aweḥḥi 18:4, 8.
Babil Tameqrant? Yahwa yebɣa ‘a d-teffɣeḍ seg-s’ mebla leɛḍil, skud i mazal lḥal.—Ɣer-ed19. Acu ara d-trebḥeḍ ma tqeddceḍ ɣef Yahwa?
19 Ma yella tqesdeḍ aţ-ţexḍuḍ i ddin n lekdeb, izmer lḥal a k-rren kra di rrif. Acu kan, ma tqeddceḍ ɣef Yahwa kečč d wegdud-is, a d-trebḥeḍ akteṛ n wayen ara k-iṛuḥen. Aţ-ţesɛuḍ xilla n watmaten ţ-ţyessetmatin di ddin, am inelmaden imezwura i gqeblen ad ǧǧen seg yiman-nsen bac ad ḍefren Ɛisa. Aţ-ţiliḍ deg yiwet n twacult tameqrant n ddunit meṛṛa, ideg i llan imelyan n imasiḥiyen n ṣṣeḥ, ara k-iḥemmlen seg wul. Aţ-ţesɛuḍ daɣen asirem-agi itɛeddan: aţ-ţɛiceḍ i dima “di zzman i d-iţeddun.” (Ɣer-ed Marqus 10:28-30.) M’ara iɛeddi lweqt, wid i k-yeǧǧan ɣef ddemma n wayen i teţţamneḍ ad uɣalen ahat ad ɣren Adlis Iqedsen w’ad qqlen d iqeddacen n Yahwa.
20. Acu i geţṛaǧun ɣer zdat wid yettabaɛen ddin n ṣṣeḥ?
20 Adlis Iqedsen yesselmad belli qrib ad yekkes Ṛebbi nniḍam n ddunit-agi tamcumt w’ad yerr deg wemkan-is ddunit tajdiṭ ideg ara yili lḥeqq, ddunit ara yilin ddaw n leḥkem n Tgelda n Ṛebbi. (2 Buṭrus 3:9, 13) Acḥal ara telhu ddunit-a! Di ddunit-agi tajdiṭ, ad yili yiwen n ddin kan, win n ṣṣeḥ. Bla ccekk d ṣṣwab ma yella txedmeḍ ayen i glaqen iwakken a d-ternuḍ ɣer wid iţɛebbiden Ṛebbi s ṣṣeḥ. Acu i tenniḍ?
^ § 17 Iwakken aţ-ţfehmeḍ iwacu Babil Tameqrant teţmettil-ed ddyanat n lekdeb s lǧemla, ẓer timerna yeţţusemman: “Amek ara neɛqel ‘Babil Tameqrant’?”