1, 2. Up­perisarsior­nermit eq­qun­ngitsumit anereeraan­ni im­minut qanoq aperisoqar­tariaqar­pa, aam­ma sooq isumaqar­pit taama aperinis­saq pingaaruteqar­toq?

TAKORLOORUK paasigit najuk­kan­ni imeqarfik iser­tor­tumik mingutser­neqarsimasoq maan­nalu pis­sutsit inuunermut navianarsisimasut. Qanoq ilius­savit? Qular­nan­ngitsumik ingerlaan­naq mingutsin­neqan­ngitsumik imis­sarsius­saatit. Taamaalioreeraluarlutil­li er­numal­lutit im­minut ima aperis­saatit: ‘Toqunar­toqalersimaner­punga?’

² Up­perisarsior­nermut eq­qun­ngitsumut tun­ngatil­lugu pis­sutsit taamaas­sin­naap­put. Biibili naaper­torlugu up­perisarsior­neq eq­qun­ngitsoq ajoqersuutinit ileq­qunil­lu mingut­tuunit mingutsin­neqarsimavoq. (2 Korinthimiut 6:17) Taman­na pis­sutigalugu ilin­nut pingaaruteqar­poq “Babylonersuaq”, up­perisarsior­neq eq­qun­ngitsoq, qimal­lugu aninis­sat. (Saq­qum­mersitat 18:2, 4) Taamaalioreer­pit? Taamaap­pat silatusaarsimavutit. Naam­man­ngilarli up­perisarsior­nermit eq­qun­ngitsumit aninis­sat tamatumun­ngaluun­niit at­taveqarun­naar­nis­sat. Taamaalioreeruit im­minut ima aperisariaqar­putit: ‘Pal­lorfigin­nin­neq eq­qun­ngitsoq suli uanga iliuutsin­ni malun­naateqar­pa?’ As­sersuuteqariar­ta.

3. (a) Pal­lorfigin­nin­nermi as­silis­sanik al­lanil­lu ator­toqar­neq pil­lugu Biibilimi qanoq al­las­simasoqar­pa, aam­ma sooq inuit ilaasa taman­na akueriuminaatsis­sin­naavaat? (b) Pal­lorfigin­nin­nermut eq­qun­ngitsumut tun­ngasunik pigisaqaruit qanoq ilior­tariaqar­pit?

³ Inoqar­poq iluar­tuutitat as­singinik, altarinik imaluun­niit ‘il­ler­nar­tunik’ al­lanik ukior­pas­suar­ni pigisaqarsimasunik. Il­lit taama it­tunik peqaruit im­maqa takus­saasunik ator­toqar­nani Guutimut qinunis­saq eq­qumiigis­savat eq­qun­ngitsutul­luun­niit isigalugu. Al­laam­mi im­maqa taama it­tut ilaat ungagisutut ip­patit. Guutil­li nam­mineq oqalut­tuup­paatigut qanoq pal­lorfigineqar­nis­sani kis­saatigigini, Biibilimilu ajoqersuutigineqar­poq as­silis­sanik pigisanil­luun­niit al­lanik atuinis­sar­put kis­saatigin­ngik­kaa. (2 Mosesi 20:4, 5 atuakkit; Tus­siaat 115:4-8; Esaja 42:8; 1 Johan­nesi 5:21) Tas­sa pal­lorfigin­nin­neq ilumoortoq aalajangius­sin­naavat pigisan­nik pal­lorfigin­nin­nermut eqqunngitsumut tun­ngasunik tamanik suujun­naarsitsinik­kut. Pingaaruteqar­torujus­suuvoq Jehovap tamak­kunin­nga isigin­nit­taasiatut isigin­nit­taaseqar­nis­sat, taas­sumami tamak­ku ‘maajugai’. – 5 Mosesi 27:15.

4. (a) Sumit nalun­ngilar­put siuaasanik pal­lorfigin­nin­neq iluaqutaan­ngitsoq? (b) Sooq Jehovap in­nut­tani anersaarsior­nermut qanorluun­niit it­tumut peqataaq­qun­ngilai?

 ⁴ Aam­ma siuaasanik pal­lorfigin­nin­neq up­perisarsior­nerit eq­qun­ngitsut ilar­pas­suini nalingin­naavoq. Inuit ilaasa Biibilimi ajoqersuutigineqar­tut paasin­ngik­kal­laramik­kit up­peraat toqungasut silarsuarmi takus­saan­ngitsumi ilisimal­lutik inuusunik ikiuisin­naasut ajoqusiisin­naasul­luun­niit. Im­maqa siuaasan­nik toqungasunik saam­marsaaneq ilungersuutigisarsimavat. Soorluli kapitali 6-imi paasigip­put, toqungasut arlaan­ni ilisimal­lutik inuun­ngil­lat. Taamaat­tumik taak­kunun­nga at­taveqar­niar­neq iluaqutaan­ngilaq. Tusarlius­saq sunaluun­niit asasamit toqusimasumin­ngaan­neersorinar­toq anersaapilun­neersuuvoq. Taamaat­tumik Jehovap Israelik­kut toqusimasunik oqaloqateqar­niarsareq­qun­ngilai anersaarsior­nermul­lu al­lamut qanorluun­niit it­tumut peqataaq­qunagit. – 5 Mosesi 18:10-12 atuakkit.

5. As­silis­sanik atuineq siuaasanil­luun­niit pal­lorfigin­nin­neq ileq­qorisimaguk­ku qanoq iliorsin­naavit?

⁵ As­silis­sanik atuineq siuaasanil­luun­niit pal­lorfigin­nin­neq sior­natigut ileq­qorisimaguk­ku qanoq iliorsin­naavit? Biibilimi al­las­simaf­fin­nik Guutip tamak­kunun­nga isigin­nit­taasianik ersersitsisunik atuarsin­naavutit eq­qarsaatigin­neq­qis­saarlutil­lu. Ul­lut tamaasa Jehovamut qinusarit. Oqalut­tuuguk pal­lorfigin­nin­neq ilumoor­toq aalajangiuk­kusul­lugu, qin­nuigiul­lu isigin­nit­taasiatut isigin­nit­taaseqaler­nis­san­nut ikioq­qul­lutit. – Esaja 55:9.

6, 7. (a) Juul­lisior­neq sumik tun­ngaveqar­tin­neqar­pa, kristumiul­lu siul­liit nal­liut­torsiutigisar­paat? (b) Kristumiut siul­liit nalaan­ni inuuis­sior­neq sumut at­tuumas­suteqar­tin­neqar­pa?

⁶ Inuup Guutimut pal­lorfigin­nin­nera nal­liut­torsior­ner­nut nuan­narineqar­tunut tun­ngas­suteqar­tunit mingutsin­neqarsimasin­naavoq. As­sersuutitut juul­li sam­meriar­tigu. Oqar­toqar­tar­poq juul­li tas­saasoq Kristusip inun­ngor­nera eq­qaaniarlugu nal­liut­torsior­neq, up­perisarsioqatigiil­lu kristumiuunerar­tut tamangajam­mik juul­lisior­tar­put. Kristumiul­li siul­liit taamatut nal­liut­torsior­tarsimaneran­nik takus­sutis­saqan­ngilaq. Atuak­kami ima al­las­simasoqar­poq:  “Jiisusip inun­ngor­nerata kingor­na ukiuni 200-ni taas­suma qangar­piaq inun­ngorsimanera ilisimaneqan­ngilaq ikit­tuin­nar­nil­lu soqutigineqarluni.” – Sacred Origins of Profound Things.

⁷ Aam­mami Jiisusip ajoqersugaasa taas­suma qangar­piaq inun­ngorsimanera ilisimagaluarunik­kuluun­niit inuuis­sior­tit­tar­navian­ngik­kaluar­paat. Sooq? Qinerlerfis­siami ima al­las­simavoq: “Ilagiin­ni siul­ler­ni ileq­qoq taan­na [inuuis­sior­tar­neq] Guutimik nalusut ileq­quat­tut isigineqar­poq.” (Den Store Danske Encyklopædi) Inuuis­sior­nerit Biibilimi eq­qaaneqar­tutuat tas­saap­put naalak­kersuisut marluk Jehovamik pal­lorfigin­nit­tuun­ngitsut inuuis­sior­nerat. (1 Mosesi 40:20; Markusi 6:21) Aam­ma Guutimik nalusut guutii inuuis­sior­tin­neqar­tarsimap­put. As­sersuutigalugu Romamiut maajip 24-an­ni guuti ar­naq Diana inuuis­sior­tit­tarsimavaat, aqaguanilu seqinermut guutigititar­tik Apol­lon. Tas­sa inuuis­sior­nerit Guutimik nalusuus­sutsimut, kristumius­sutsimuun­ngitsoq, at­tuumas­suteqar­put.

8. Up­perisapalaat inuuis­sior­tar­neril­lu im­min­nut at­tuumas­suteqar­nerat nas­suiaruk.

⁸ Kristumiut siul­liit Jiisusip inuuianik nal­liut­torsiutigin­nit­tarsiman­ngin­nerat aam­ma al­lamik pis­suteqar­poq. Nalusimagunan­ngilaat inuuis­sior­tar­neq up­perisapalaanut at­tuumas­suteqar­toq. As­sersuutigalugu itsaq grækerer­pas­suit Romamior­pas­suil­lu up­peraat inuup kialuun­niit inun­ngor­nera anersaamit najuuf­figineqar­tar­toq inun­ngor­tul­lu inuunini tamaat anersaaq taan­na ser­nis­sor­tigisaraa. Inuuis­sior­neq pil­lugu atuak­kami ima al­las­simavoq: “Anersaaq taan­na guutimut inun­ngor­tup inuueqataanut paasis­saan­ngitsumik at­tuumas­suteqar­poq.” (The Lore of Birthdays) Jehovap iluarinavian­ngil­luin­nar­paa Jiisusi up­perisapalaanut at­tuumas­suteqar­tumik nal­liut­torsiutigineqas­sap­pat. (Esaja 65:11, 12; qup­per­nerup ataani ilan­ngus­saq ilan­ngul­lugu) Taavami sooq inuit taama amerlatigisut juul­lisior­tar­pat?

9. Sooq Jiisusip inuuia decembarip 25-an­ni nal­lius­sineqar­taler­pa?

⁹ Jiisusip nunami inuunerata kingor­na ukiut hundredil­lit qaangium­mata aatsaat taas­suma inuuia decembarip 25-an­ni  nal­lius­sineqar­taler­poq. * Jiisusili ul­lormi tamatumani inunngunngilaq, im­maqa oktobarimi inun­ngor­poq. * Taavami sooq decembarip 25-at toq­qar­neqarsimava? Man­na pis­sutaagunar­poq: Kingusin­nerusuk­kut kristumiuunerar­talersut “taman­na nal­lius­sineqar­tik­kusuk­kamik­ku ‘seqer­nup ajugaaf­figineqarsin­naan­ngitsup inuuia’, Romamiut Guutimik nalusut nal­liut­tuat, nalerorlugu”. (The New Encyclopædia Britannica) Ukiuk­kut, seqer­nup sak­kukin­ner­paaf­figisorinarsinerani, inuiaat Guutimik nalusut qaam­maq­qut kias­saal­lu taman­na ungasis­sumut angalasoq uter­tin­niarlugu ileq­qulersuuteqar­tar­put. Isumaqarsimap­put decembarip 25-at seqer­nup utimut aal­larfigisaraa. Guutimik nalusut al­lamik isumataar­tin­niarsaralugit up­perisarsior­nik­kut siut­tut nal­liut­torsior­neq taman­na atuler­paat kristumior­palaar­tin­niarsaralugulu. *

10. Sooq itsaq inuit ilaat juul­lisiorumasarsiman­ngil­lat?

¹⁰ Juul­lip Guutimik nalusunit pilerfeqar­nera qangali ilisimaneqar­poq. Juul­lip Biibilimut naaper­tuutin­ngin­nera pis­sutigalugu 1600-k­kun­ni Tuluit Nunaan­ni Amerikamilu nunasiaatit ilaan­ni juul­lisior­neq iner­teq­qutaavoq. Al­laat kinaluun­niit juul­lip ul­luani suliar­tun­ngitsoq akiliisitaasar­poq. Sivitsun­ngitsorli ileq­qutoq­qat ator­neqaq­qiler­put nutaanil­lu ilaneqarlutik. Juul­li tas­saaleq­qip­poq nal­liut­torsior­neq nuan­narineqar­toq, nunar­pas­suar­nilu suli taamaap­poq. Guutimil­li iluarisaarusut­tut juul­lip up­perisarsior­nermut eq­qun­ngitsumut at­tuumas­suteqar­nera  pis­sutigalugu juul­lisior­neq ajor­put, aam­ma nal­liut­torsior­nerit al­lat Guutimik nalusut guutisior­neran­nit pilerfeqar­tut nal­lius­sineq ajor­paat. *

11. Inuit nal­liut­torsuar­nik nal­liut­torsiutigin­nit­tar­neran­nut suna pis­sutaagajup­pa, sunali uagutsin­nut pingaar­ner­paasariaqar­pa?

¹¹ Inuit ilaasa juul­lip nal­liut­torsuil­lu al­lat Guutimik nalusunit pilerfeqar­nerat nas­suerutigigaluarlugu taak­kua nal­liut­torsiutiginis­saat eq­qun­ngitsulior­nerusorin­ngilaat. Amerlanerim­mi taamatut nal­liut­torsioraangamik pal­lorfigin­nin­neq eq­qun­ngitsoq eq­qarsaatigineq ajor­paat. Aam­ma nal­liut­torsior­ner­ni tamak­kunani ilaqutariit ataatsimoor­nis­samin­nut periarfis­saqar­tar­put. Aam­ma il­lit taama eq­qarsar­tar­pit? Taamaap­pat ilaqut­tatit asagak­kit – imaan­ngitsoq up­perisarsior­neq eq­qun­ngitsoq pingaar­tik­kak­ku – pal­lorfigin­nin­nermik ilumoor­tumik aalajangius­sinis­sat saper­nar­pasis­sin­naavoq. Qularutigis­san­ngilal­li Jehovap, ilaqutariin­nik pilersitsisup, ilaqut­tan­nut at­taveqarluar­nis­sat kis­saatigigaa. Iluarisaanil­lu periaaseqarlutit ilaqutariit­tut at­taveqatigiin­nersi nakus­satsis­sin­naavat. Uagutsin­nut pingaar­ner­paasariaqar­toq pil­lugu apustili Paulusi ima al­lap­poq: “Kisimi ator­tuuli Naalak­kap iluarisaa.” – Efesosimiut 5:10.

12. As­sersuuteqarlutit nas­suiaruk sooq ileq­qut nal­liut­torsior­neril­lu mingut­tuumit pilerfeqar­tut ingalas­simasariaqarivut.

¹² Im­maqa isumaqar­putit nal­liut­torsior­nerit sumit pilerfeqar­nerat ul­lumik­kut nal­lius­sineqar­tar­neran­nut at­tuumas­suteqar­pal­laan­ngitsoq. Pilerfiat ilumut pingaaruteqarami? Aap! As­sersuuteqariar­ta. Takorlooruk kus­siami mamakujut­tumik nas­saar­tutit. Tigus­sagaluar­piuk oqum­miul­lugulu? Soorunami naamik. Maajun­nar­pormi! Taamatut­taaq nal­liut­torsior­nerit kajumin­nar­pasis­sin­naap­put, mingut­tuumeersuup­pul­li. Pal­lorfigin­nin­neq ilumoor­toq aalajangiutis­sagutsigu pruf­fiititut Esajatut isigin­nit­taaseqar­tariaqar­pugut, taas­sumami pal­lorfigin­nit­tut ilumoor­tut ima oqarfigai: “Mingun­nar­tumik at­tueqinasi!” – Esaja 52:11.

13. Nal­liut­torsuit peqataaf­figiuman­ngik­kuk­kit unam­miniar­nar­tut suut nalaas­sin­naavigit?

¹³ Nal­liut­torsuit peqataaf­figiniar­nagit aalajangeruit unam­miniar­nar­tunik nalaataqarsin­naavutit. As­sersuutigalugu suleqativit ilaasa im­maqa eq­qumiigis­savaat nal­liut­tunut tun­ngatil­lugu sulif­fis­sin­ni ileq­qorineqar­tunut peqataarusun­ngin­nerit. Qanoq ilius­savit juul­limi tunis­sum­mik tuniniar­neqaruit? Tiguguk­ku eq­qun­ngitsulior­nerus­sava? Qanoq ilius­savit aap­pat ilit­tut up­perisaqan­ngip­pat? Nal­liut­torsior­ner­nut peqataasan­ngin­nersi pis­sutigalugu qitor­natit arlaan­nik pin­ngitsuugaqar­tutut misigin­ngin­nis­saat qanoq qulak­keersin­naaviuk?

14, 15. Juul­limi pil­luaq­quneqaruit imaluun­niit nal­liut­torsior­nermut atatil­lugu tuniniar­neqaruit qanoq iliorsin­naavit?

¹⁴ Pis­sutsini as­sigiin­ngitsuni qanoq ilior­tariaqar­nerluni paasiumal­lugu naliliisin­naas­suseqarluar­nis­saq pisariaqar­poq. Juul­limi pil­luaq­quneqaruit (imaluun­niit nal­liut­tumut al­lamut tun­ngatil­lugu pil­luaq­quneqaruit) ajun­ngitsumik kis­saas­sisoq qujaf­figiin­narsin­naavat. Im­maqali suleqativit nalun­ngisavil­luun­niit al­lap taamatut pil­luaq­quaatit. Taava im­maqa oqaaseqar­nerorusus­saatit. Qanorluun­niit ilior­niaruit periaaserit­tariaqar­putit. Biibilimi ima siun­nersuuteqar­poq: “Tamatigut oqalut­tas­saasi inus­siar­nersumik tarajulim­mil­lu, ilisimaq­qul­lugu kik­kut tamaasa qanoq akisariaqar­tas­sagisi.” (Kolos­semiut 4:6) Al­lat ataq­qin­nin­ngitsuliorfiginaveersaak­kit. Periaaseril­lutil­lu aalajangiusimasat nas­suiaruk. Erseq­qis­saruk katerisimaar­nerit tunioraan­neril­lu akerlerin­ngik­kitit, pif­fis­sanili al­lani pinis­saat kis­saatigiin­narit.

¹⁵ Qanoq ilius­savit tunis­suteqarfiginiar­neqaruit? Pis­sutsit qanoq in­nerat apeq­qutaavoq. Tunisiniar­toq im­maqa ima oqar­poq: “Nalun­ngilara juul­lisior­neq ajor­tutit, taamaat­toq tunerusup­pak­kit.” Im­maqa tunis­sut tigujumal­lugu aalajanger­putit pis­sutsini taama it­tuni taamaalior­nik­kut nal­liut­torsioqataal­lutit misigin­ngin­navit. Tunisisup up­perisat nalup­pagu soorunami juul­lisior­tan­ngin­nerit eq­qaasin­naavat. Taava tunisisup paasil­luar­nerusin­naavaa sooq pif­fis­sami tamatumani il­lit tunis­suteqar­nak  tunis­sum­mik tigusinersutit. Tunis­sul­li tigunagu qujaan­nar­nis­saq silatusaar­nerus­saaq erseq­qip­pat tunisiniar­tup up­per­narsar­niarsarigaa up­perisat pimoorutin­ngik­kit tunis­sutiginiagaaluun­niit iluatigiin­narlugu aalajangiusimasan­nik qasuk­kar­titseriaan­naanerit.

16. Nal­liut­torsior­ner­nut tun­ngatil­lugu qanoq periaaseris­sin­naavit?

¹⁶ Ilaqut­tatim­mi up­perisaqaqatigin­ngik­kuk­kit? Taak­kunun­nga aam­ma periaaserit­tariaqar­putit. Ilaqut­tavit ileq­qut malik­kusutaat nal­liut­torsiutiginiagaal­luun­niit tamaasa qas­siiliuutin­ngor­tit­tariaqan­ngilatit. Nam­min­neq isum­mersin­naatitaanerat ataq­qiuk, soorlu kis­saatigigit il­lit nam­mineq isum­mersin­naatitaanerit ataq­qis­sagaat. (Matthæusi 7:12 atuaruk). Guutip iluarin­ngisaanik nal­liut­torsiutigin­nin­nermut tun­ngasut suul­luun­niit peqataaf­figinaveersaak­kit. Aam­mali ingasaas­sinaveersaar­tarit nal­liut­torsior­ner­tavim­mut at­tuumas­suteqan­ngitsunut tun­ngatil­lugu. Soorunami iliuutsin­ni tamani ilerasuuteqan­ngit­tuar­nis­sat isumagisariaqar­pat. – 1 Timotheusi 1:18, 19 atuakkit.

17. Qanoq qitor­natit ikiorsin­naavigit al­lat nal­liut­torsior­tut takugaangamik­kit usoreq­qunagit?

¹⁷ Nal­liut­torsior­ner­nut Biibilimut naaper­tuutin­ngitsunut peqataasan­ngin­nersi pis­sutigalugu qitor­natit usoroq­qunagit qanoq iliorsin­naavit? Ukiup ingerlanerani pif­fis­sani al­lani sulerisar­nersusi apeq­qutaasorujus­suuvoq. Angajoq­qaat ilaat pif­fis­samik aalajangiisar­put qitor­namin­nut tunis­suteqarfis­samin­nik. Qitor­nan­nut tunis­sutigisin­naasavit pitsaaner­paat ilaat tas­saap­put il­lit taak­kunun­nga pif­fis­saqar­nerit aam­ma il­lit asan­nit­tumik sam­min­nin­nerit.

18. Kristumiut ataatsimiin­nerinut najuut­tar­nerit pal­lorfigin­nin­nermik ilumoor­tumik aalajangius­sinis­san­nut qanoq iluaqutigisin­naaviuk?

¹⁸ Guuti nuan­naar­tik­kumal­lugu pal­lorfigin­nin­neq eq­qun­ngitsoq itigar­tit­tariaqar­pat pal­lorfigin­nin­nerlu ilumoor­toq aalajangiut­tariaqarlugu. Tamatumun­nga suna ilaava? Biibilimi ima al­las­simavoq: “Im­mitsin­nut isumageqatigiin­niar­ta asaqatigiin­nermut ajun­ngitsulior­nermul­lu kajumis­saaqatigiit­tarluta, ilagiit­tut  katisimasar­nivut tamatigut peqataan­ngitsoorfigisar­natigit, soorlu ilaat taama ileq­qoqar­tut, oqaaq­qis­saaqatigiit­tar­niar­tali taamaalior­nis­saq suli pisariaqar­nerulermat nalun­ngin­nas­siuk ul­lus­saq qanil­lisoq.” (Hebræerit 10:24, 25) Kristumiut ataatsimiin­neri nuan­nersuup­put Guutip kis­saatigisaatut taas­sumun­nga pal­lorfigin­nif­figisin­naasatit. (Tus­siaat 22:23; 122:1) Ataatsimiin­ner­ni tamak­kunani kristumiut aalajaatsut ‘up­perisaqaqatigiin­nermik­kut kajumis­saaqatigiit­tar­put’. – Romamiut 1:12.

19. Sooq ilik­kak­kavit Biibilimeersut al­lanut oqalut­tuarinis­saat pingaaruteqar­pa?

¹⁹ Aam­ma pal­lorfigin­nin­neq ilumoor­toq aalajangiusimal­lugu ersersis­sin­naavat Jehovap Nalunaajaasuinit Biibilimik atuaq­qis­saaqatigineqar­tar­nin­ni ilik­kak­katit pil­lugit al­lanik oqaloqateqar­tar­nik­kut. Silarsuarmi inuuf­figisatsin­ni pisar­tut ajor­tor­pas­suit pil­lugit inup­pas­suit aner­saarulut­tarput. Im­maqa taama misigisunik nalun­ngisaqar­putit. Soormi siunis­samut neriuutit Biibilimeersoq pil­lugu oqalut­tuuk­kuk­kit? Kristumiut ilumoor­tut peqatigisaruk­kit sal­lusuis­sutil­lu nuan­ningaar­tut Biibilimeersut ilik­kak­katit al­lanut oqalut­tuarisaruk­kit up­per­nik­kut nakus­satsis­sutigis­savat, paasilis­saval­lu ileq­qunik pal­lorfigin­nin­nermut eq­qun­ngitsumut tun­ngas­suteqar­tunik malin­nik­kusus­suseqarun­naariar­tor­tutit. Pal­lorfigin­nin­neq ilumoor­toq aalajangiuk­kuk­ku pil­luaq­quneqangaarlutit pil­lualer­nis­sat qularin­ngil­luin­narsin­naavat. – Malaki 3:10.