Әʹламәтийе Зедә
Наве Хԝәде Чь те Һʹәсабе у Ча Ԝи Дьдьнә Хәбате
ДЬ КʹЬТЕБА Пироз Дәркʹәтьн 3:15-да, гьлийeд ӧса ньвисар ьн: «Диса Хԝәде готә Муса: ‹Аһа бежи зарʹeд Исраел: Хӧдан, Хԝәдейе кал-бавeд ԝә, Хԝәдейе Бьраһим, Хԝәдейе Исһаԛ у Хԝәдейе Аԛуб әз шандьм щәм ԝә. Һʹәта-һʹәтайе наве мьн әв ә у һʹәму ньсьлада әзе аһа бемә биранине (ПКʹМ)›». Һьнә тʹәрщьман, ль вьр дәԝса наве Йаһоԝа дьньвисьн «Хӧдан» йан жи «Хԝәде», һьнәк жи наве Йаһоԝа дьдьн хәбате. Ле гәло бь рʹастийе гәрәке ча бә? Гәрәке бе готьне «Йаһоԝа», йан сәрнавeд ӧса, ча мәсәлә «Хӧдан»?
Наве Хԝәде бь һʹәрфед Ибрани
Бь рʹастийе дь ве рʹезеда дәрһәԛа наве Хԝәде хәбәрдан дьчә. Сәре-серида, Кʹьтеба Пирозә орижинал ниве зәʹф ль сәр зьмане Ибрани һатийә ньвисаре, у дь ве орижиналеда наве Хԝәде те хәбьтандьне. Әв нав бь һʹәрфeд Ибрани аһа те ньвисаре, יהוה демәк (ЙҺԜҺ). Ле ль сәр зьмане Кӧрманщи, әв нав ӧса те ньвисаре «Йаһԝәһ» йан «Йаһоԝа». Ле гәло, әв наве Хԝәде дь Кʹьтеба Пирозда тʹәне щарәке һатийә ньвисаре? На. Дь тʹәмамийа Кʹьтеба Пирозә орижиналеда әв нав ԝәкә 7 000 щар һатийә ньвисаре!
Бь рʹастийе дь ве рʹезеда дәрһәԛа наве Хԝәде хәбәрдан дьчә. Сәре-серида, Кʹьтеба Пирозә орижинал ниве зәʹф ль сәр зьмане Ибрани һатийә ньвисаре, у дь ве орижиналеда наве Хԝәде те хәбьтандьне. Әв нав бь һʹәрфeд Ибрани аһа те ньвисаре, יהוה демәк (ЙҺԜҺ). Ле ль сәр зьмане Кӧрманщи, әв нав ӧса те ньвисаре «Йаһԝәһ» йан «Йаһоԝа». Ле гәло, әв наве Хԝәде дь Кʹьтеба Пирозда тʹәне щарәке һатийә ньвисаре? На. Дь тʹәмамийа Кʹьтеба Пирозә орижиналеда әв нав ԝәкә 7 000 щар һатийә ньвисаре!
Гәло наве Хԝәде чьԛаси фәрз ә? Мәсәлә, Иса готә мәрийа ԝәки әԝана ӧса дӧа бькьн: «Баве мәйи әʹзмана! Наве тә пироз бә» (Мәтта 6:9). Дәрбәке жи Иса хԝәха ӧса Хԝәдерʹа дӧа кьр: «Баво, наве хԝә бьльнд кә». Һьнге дәнгәк жь әʹзмен һат: «Мьн бьльнд кьр у әзе диса бьльнд кьм!» (Йуһʹәнна 12:28). Жь вьр те кʹьфше, кӧ наве Хԝәде гәләк фәрз ә. Ле ԝәки ӧса нә, чьрʹа һьнәк тʹәрщьмана әв нав жь Кʹьтеба Пироз дәрхьстьн у дәԝса ве йәке сәрнавәки дьн ньвисин?
Мәʹнийа дӧда, кӧ чьма наве Хԝәде жь Кʹьтеба Пироз дәрхьстьнә, тʹәвгьредайи йә тʹәви ԛәйде мьләте Щьһу. Наве «Йаһԝәһ» йан «Йаһоԝа», мьләте Щьһу бона мәзьнайа Хԝәде нәдьданә хәбате. Әв баԝәрбуна ԝана жь ве йәке дьһат, кӧ ԝана рʹаст нәдьданә хәбате әва ԛануна һан: «Наве Хӧдан Хԝәдейе хԝә бадиһәԝа нәди сәр заре хԝә, чьмки Хӧдан ԝе йе кӧ наве ԝи бадиһәԝа дьдә сәр заре хԝә, бе щәза наһелә» (Дәркʹәтьн 20:7, ПКʹМ).
Демәк әв ԛанун изьне надә мәрийа, ԝәки наве Хԝәде нәрʹаст бьдьн хәбате. Ле гәло, һәрге мәрьв наве Хԝәде сәва һӧрмәт-рʹумәткьрьна ԝи дьдә хәбате, демәк әв жи нәрʹаст ә? Әԝ мәрьвeд кӧ кʹьтебeд жь (Пәймана Кәвьн) ль сәр зьмане Ибрани ньвисин ә, амьн бун бәр Хԝәде у бь Ԛанунeд ԝи дьжитьн. Ле ԝана тʹьме наве Хԝәде дьда хәбате. Мәсәлә, ԝана наве Хԝәде дьда хәбате чахе бәр гәләка кʹьламeд Зәбур дьстьран. Хенщи ԝе йәке, Йаһоԝа хԝәха готә ԛӧльхкʹарeд хԝә, ԝәки әԝана наве ԝи бьдьнә хәбате, у кʹи кӧ гӧрʹа ԝи дькьр наве ԝи дьда хәбате (Йоԝел 2:32; Кʹарeд Шандийа 2:21). Ләма жи рʹожа иройин мәсиһи чʹәʹв дьдьнә Иса у наве Хԝәде бь ԛәдьр дьдьн хәбате (Йуһʹәнна 17:26).
Әԝ тʹәрщьманeд Кʹьтеба Пироз, йeд кӧ дәԝса наве Хԝәде сәрнавeд ԝи дьдьн хәбате, шашикә мәзьн бәрʹдьдьн. Бь ве йәке әԝана мәрийа жь Хԝәде дур дьхьн, ле Кʹьтеба Пироз дьбежә, ԝәки незики Хԝәде бьн (Зәбур 25:14). Һәла дьшьрмиш бә дәрһәԛа һәваләки хԝәйи незик. Тәйе бькарьбуйа незики ԝи буйа, һәрге тә наве ԝи ньзаньбуйа? Демәк, әԝ мәрьв йeд кӧ наве Хԝәде, Йаһоԝа, пьшт гӧһе хԝәва давежьн у надьн хәбате, тʹӧ щар ԝе нькарьбьн незики Хԝәде бьн. Хенщи ве йәке, гәләк ԛә ньзаньн наве Хԝәде чь те һʹәсабе. Ԝәрә әм пебьһʹәсьн.
Хԝәде хԝәха ԛӧльхкʹаре хԝәйи амьнрʹа, Мусарʹа әʹйан кьр, ԝәки наве ԝи чь те һʹәсабе. Чахе Муса дәрһәԛа наве Хԝәде пьрси, Йаһоԝа ӧса щаба хԝә да: «Әзе Бьбьмә Әԝ, Кʹе жи Бьхԝазьм Бьбьм» (Дәркʹәтьн 3:14, ДТʹ). Демәк, Йаһоԝа дькарә бьбә әԝ, кʹе жи лазьм те, сәва кӧ һʹәму нетeд хԝә у созeд хԝә бинә сери, әԝ ӧса жи дькарә ӧса бькә ԝәки әʹфрине ԝи бьбә әԝ кʹе жи Хԝәде дьхԝазә кӧ бьбә, сәва кӧ ԛьрара хԝә бинә сери.
Һәла хԝәрʹа бьдә һʹәсаб, йан чь тӧ дькари бьби әԝ, кʹе жи бьхԝази бьби. Тӧйе сәва мәрьвeд хԝәйи незик чь бьки? Һәрге кәсәк жь ԝан гьран нәхԝәш кʹәвә, тӧйе бьби һʹәкимәки ԛайим, ԝәки ԝи ԛәнщ ки. Ле һәрге щәм һәваләки тә чәтьнайeд тʹәви пʹәра гьредайи һәбә, тӧйе бьби мәрьвәки гәләки дәԝләти, ԝәки али ԝи бьки. Ле бь рʹастийе, тʹӧ кәс жь мәрийа нькарә бьбә әԝ кʹе жи бьхԝазә. Ԝәʹде һинбуна Кʹьтеба Пироз те пебьһʹәси, ԝәки ча Йаһоԝа дьбә әԝ, кʹе жи дьхԝазә, сәва кӧ созeд хԝә бинә сери. Йаһоԝарʹа гәләк һʹәԝас ә ԛәԝата хԝә бьдә хәбате сәва кʹара ԝан мәрийа, йeд кӧ ԝи һʹьз дькьн (2 Дирок 16:9). Ле әԝ кʹи кӧ дәрһәԛа наве Хԝәде ньзаньн, нә жи заньн дәрһәԛа ԝан хәйсәт-һʹӧнӧрeд Хԝәде, йeд кӧ әм һежа пеһʹәсийан.
Ида фәʹмдари йә, кӧ наве Йаһоԝа дь Кʹьтеба Пирозда гәрәке бе ньвисаре. Чахе әм заньн кӧ наве Йаһоԝа чь те һʹәсабе у наве ԝи дьдьнә хәбате ԝәʹде ԛӧльхкьрне, әм бь ве йәке незики Баве хԝәйи әʹзмана, Йаһоԝа дьбьн. *
^ абз. 12 Сәва кӧ дәрһәԛа наве Хԝәде һе зедә әʹламәтийе бьстини, тӧ дькари бьхуни брошура бь наве, «Наве Хԝәде ԝе Һʹәта-Һʹәтайe Һәбә», йе кӧ Шәʹдeд Йаһоԝа ль сәр гәлә зьмана дәрхьстьнә. Бьньһерʹә ӧса жи пʹара 1 бьрошура «Рʹебәри бона Һинбуна Кʹьтеба Пироз».
Дьбәкә Wәрʹа Һʹәwас бә
ҺИНКЬРЬНЕД КʹЬТЕБА ПИРОЗӘ СӘРӘКӘ
Гәло Наве Хwәде Һәйә?
Сәрнавед Хwәде пʹьрʹ ьн, мәсәлә Һьмзор, Әʹфьрандар, у Хöдан. Ле наве Хwәдейә шәхси дь Кʹьтеба Пирозда незики 7 000 щара һатийә ньвисандьне.
