PRUF­FIITI Danieli Jiisusip inun­ngor­nera ukiut 500-nit amerlanerusut sioq­qul­lugu inuusimavoq. Jehoval­li Danieli paasis­sutis­sip­paa Jiisusip qaqugu anersaamik il­ler­nar­tumik tanin­neqar­nis­saa taamatul­lu Mis­siarsitut, Kristusitut, toq­qar­neqar­nis­saa paasineqarsin­naaq­qul­lugu. Danieli ima oqarfigineqar­poq: ‘Nalujun­naarit taava paasiniarlugulu: Oqaaseq oqaaserineqar­pat Jerusalemi kingumut qarmaq­qul­lugu, tas­sanga Mis­siarsimut siulersuisumut naas­sap­put sapaatit  akun­neri arfineq marluk [7], aam­mat­taaq sapaatit akun­neri arfinilin­nik qulil­lit marlul­lu [62-it].’ – Danieli 9:25, 1900.

Mis­siarsip tikiuf­fis­saa paasiniarlugu paaseq­qaar­tariaqar­poq sapaatit-akun­neri versimi pineqar­tut qanga aal­lar­tin­nersut. Siulit­tuut naaper­torlugu taak­ku aal­lar­tip­put ‘Jerusalemi kingumut qarmaq­qul­lugu oqaaseq oqaaserineqarmat’. Taman­na qanga piva? Biibilimik al­lat­tup Nehemiap paasitip­paatigut Jerusalemip kingumut qarmaq­qul­lugu oqaaseq “ukiut Ar­taxerxesip naalak­kersuif­fiisa 20-an­ni” oqaaserineqar­toq. (Nehemia 2:1, 5-8) Oqalut­tuarisaanermik ilisimatuut up­per­narsar­paat Ar­taxerxesi Kr.in.si. 475-imi naalak­kersuilersoq. Taamaat­tumik ukiut taas­suma naalak­kersuif­fiisa 20-at tas­saavoq ukioq 455 Kr.in.si. Maan­na Danielip Mis­siarsi pil­lugu siulit­tuutaa  qanga eq­quul­luni aal­lar­tin­nersoq paasisin­naaler­par­put, tas­sa 455-imi Kr.in.si.

Danielip ersersip­paa ‘Mis­siarsip siulersuisup’ tikiuf­fis­saata tungaanut qanoq sivisutigis­sasoq. Siulit­tuum­mi eq­qaaneqar­put ‘sapaatit akun­neri arfineq marluk [7] aam­mat­taaq sapaatit akun­neri arfinilin­nik qulil­lit marlul­lu [62-it]’ – katil­lugit sapaatit-akun­neri 69-it. Biibilimik nutsik­kani arlalin­ni eq­qaaneqar­poq tas­saan­ngitsut sapaatit-akun­neri tamarmik im­mik­kut arfineq-marlun­nik ul­lul­lit, tas­saasul­li sapaatit-akun­nerisa ul­lui ukiun­ngor­titat. Tas­sa sapaatit-akun­neri tamarmik im­mik­kut ukiunik arfineq-marlun­nik sivisus­suseqar­put. Sapaatit-akun­nerisa ul­luisa ukiun­ngor­titaasar­nerat juutinit ilisimaneqar­poq. As­sersuutigalugu ukiut arfineq-aap­paat tas­saasar­poq ukioq sabbatisiorfik. (2 Mosesi 23:10, 11) Taamaat­tumik sapaatit-akun­neri 69-it siulit­tuutaasut tas­saap­put pif­fis­sat 69-it tamarmik im­mik­kut ukiunik arfineq-marlun­nik sivisus­susil­lit, tas­sa katil­lugit ukiut 483-iusut.

Maan­na naatsorsugas­saq naam­mas­sisin­naaler­par­put. Ukiumit 455-imiit Kr.in.si. ukiunik 483-inik siumut naatsorsuigut­ta ukioq 29 Kr.in.king. tikis­savar­put. Ukioq taman­nar­piaq Jiisusi kuisik­kami Mis­siarsin­ngor­poq! * (Lukasi 3:1, 2, 21, 22) Biibilimi siulit­tuutaasup eq­quun­nera taman­na maluginiar­nar­tuuvoq, ilaa?