FAN̈AMPINY FAN̈AZAVAN̈A
Paminan̈y Daniela Nan̈ambara Faviany Mesia
PAMINAN̈Y Daniela io velon̈o 500 taon̈o talohany Jesosy Kristy. Baka tamy Jehovah nahavitany Daniela nan̈ambara ombian̈a marin̈y Jesosy hanjary voahosotro, ke ho loso Mesia Daniela 9:25.
na Kristy. Karaha ty raha nambara Daniela: “Tsara ho hainao ndreky ho azonao tsarabe fa manomboko amy fotoan̈a hiboahany didy han̈avaozan̈a ndreky han̈amboaran̈a Jerosalema, mandrapaviany Mesia Pitariky, hisy fito herin̈iandra ndreky tsiotapolo aroe amby herin̈iandra.”—Dikanizen̈y, mila haintsika antsendriky daty niboahany didy han̈avaozan̈a ndreky han̈amboaran̈a Jerosalema, vo haintsika daty naviany Mesia io. Nehemia panoratra Baiboly nivolan̈a fa didy io niboaka tamy taon̈o faharoapolo nanjakany Artaksersesy. (Nehemia 2:
Tsy vitanizen̈y fo fa nambarany Daniela koa faharetany fotoan̈a lany firaka amy faviany “Mesia Panjaka” io. Izy nivolan̈a fa hahadin̈y “fito herin̈iandra ndreky tsiotapolo aroe amby herin̈iandra” izio, na 69 herin̈iandra. Mahadin̈y firy taon̈o ma zen̈y? Izikoa fandikanteniny Baiboly maro zahan̈a, izio tsy herin̈iandra araiky, fa fito taon̈o. Iro Jiosy taloha tan̈y efa zatra mikonty herin̈iandra soloan̈a fito taon̈o. Ohatra, isaka fito taon̈o, iro mitandrin̈y Sabata. (Eksodosy 23:
Hikonty amy zay atsika. Izikoa baka amy taon̈o 455 T.K. atsika mikonty 483 taon̈o io, atsika mahita taon̈o 29 T.A.K. (Tafarany Kristy). Tamy taon̈o io Jesosy natao batisa, ke nanjary Mesia! * (Lioka 3:
^ feh. 2 Izikoa atsika mikonty baka amy taon̈o 455 T.K. firaka amy taon̈o 1 T.K., atsika mahita 454 taon̈o. Misy taon̈o araiky koa baka amy taon̈o 1 T.K. firaka amy taon̈o 1 T.A.K. (tsisy taon̈o 0). Baka amy taon̈o 1 firaka taon̈o 29, misy 28 taon̈o. Izikoa iro jiaby zen̈y atambatra, man̈amia 483 taon̈o. Nivonen̈a Jesosy tamy taon̈o 33, tan̈atiny herin̈iandra faha-70. (Daniela 9: