ӘԜ МӘРЬВ йeд кӧ сейәканә баԝәр дькьн, дьбежьн кӧ Хԝәде се пʹар ә: Бав, Кӧрʹ у Рʹӧһʹе Пироз. Әв һәрсек йәк ьн, у ԝәкә һәв һьмзор ьн. Демәк, һинкьрьна ԝан әԝ ә, ԝәки Бав Хԝәде йә, Кӧрʹ Хԝәде йә, Рʹӧһʹе Пироз жи Хԝәде йә, ле Хԝәде тʹәне йәк ә.

 Гәләк жь ԝан мәрийа, йeд кӧ сейәканә баԝәр дькьн, ԛайил дьбьн кӧ нькарьн ве һинкьрьне шьровәкьн. Ле баԝәр дькьн, кӧ әв һинкьрьн жь Кʹьтеба Пироз ә. Бь рʹастийе, дь Кʹьтеба Пирозда ԛә щарәке жи хәбәра «сейәканә» нәһатийә ньвисаре. Ле дьбәк жи ль ԝе дәре тьштәк дәрһәԛа сейәканә те готьне? Сәва кӧ щаба ве пьрсе пебьһʹәсьн, ԝәрә әм пешийе пебьһʹәсьн ԝәки гава мәрьв дәрһәԛа сейәканә хәбәр дьдьн, кʹижан щи жь Кʹьтеба Пироз әԝана дьдьн хәбате.

Дь Йуһʹәнна 1:1-да те готьне: «Дәстпебунеда Хәбәр һәбу. Хәбәр тʹәви Хԝәде бу у Хәбәр хԝәха Хԝәде бу». Паше дь ви сәрида Йуһʹәнна шьровәдькә, кӧ «Хәбәр» әва Иса Мәсиһ йә (Йуһʹәнна 1:14). Чьмки ньвисар ә кӧ Хәбәр Хԝәде йә, ләма жи гәләка ӧса фәʹм кьрьн, кӧ Кӧрʹ у Бав әԝана һәр дӧ жи, һәнә Хԝәдек.

Дина хԝә бьдә ԝе йәке, кӧ әва пʹара жь Кʹьтеба Пироз сәре-серида ль сәр зьмане Йунанийа һатийә ньвисаре, паше ида ль сәр зьманeд дьне һатийә тʹәрщьмәкьрьне. Һьнә тʹәрщьманeд Кʹьтеба Пироз сафи кьрьн ӧса тʹәрщьмә кьн, ԝәки бе фәʹмкьрьне кӧ «Хәбәр» Хԝәдайе Һьмзор нинә. Мәсәлә, ԝана ньвиси кӧ «хәбәр хԝәде бу», бь һʹәрфа бьчʹук, чь кӧ те һʹәсабе ԝәки рʹаст ә хәбәр хԝәде йә, ле нә Хԝәдайе Һьмзор. Ле гәло чьрʹа ль сәр Иса, те готьне «хԝәде»? Чьмки ль сәр зьмане Йунанийа, «хԝәде» те һʹәсабе «йәки зор» у Иса рʹасти жи йәки зор ә у ль сәр әʹзмана паши Хԝәдайе Һьмзор, щийе бьльнд дьгьрә.

Чьмки гәләк жь мәрийа зьмане Йунанийа йа бәре ньзаньн, ләма жи пьрс пешда те: «Жь кʹӧ әм заньн ԝәки Йуһʹәнна бь ван гьлийа чь дьхԝәст бьгота?» Ԝәрә әм дәрһәԛа мәсәләкә ӧса дьшьрмиш бьн. Дәрсдарәк тьштәк шагьртeд хԝәрʹа гот, ле шагьрт бь тʹәмамийе фәʹм нәкьрьн кӧ дәрсдар чь дьхԝәст бьгота. Ле чь гәрәке шагьрт бькьн, ԝәки сәрԝахт бьн? Әԝана гәрәке жь дәрсдар һе зедә әʹламәти дәрһәԛа ве йәке пебьһʹәсьн, ӧса нинә? Бь сайа әʹламәтийeд зедә, шагьрт ида ԝе бькарьбьн һе рʹьнд гьлийeд дәрсдаре фәʹм бькьн. Дәрһәԛа  гьлийeд Йуһʹәнна жи әм дькарьн ӧса бежьн, сәва кӧ Йуһʹәнна 1:1 һе рʹьнд фәʹм бькьн, әм гәрәке дәрһәԛа Иса дь кʹьтеба Йуһʹәннада һе зедә әʹламәти бьхуньн. Һәрге тӧ дәрһәԛа ве пьрсе һе зедә избаткьрьне бьстини, тӧйе бькарьби бейи ль сәр нета рʹаст.

Мәсәлә, ԝәрә әм бьньһерʹьн чь Йуһʹәнна ньвиси дь кʹьтеба хԝәда, сәре 1-да, рʹеза 18-да: «Тʹӧ кәси тʹӧ щар Хԝәде [йе Һьмзор] нәдитийә». Ле мәрийа Иса Мәсиһ дитийә. Йуһʹәнна гьлийeд ӧса ньвиси: «Хәбәр [Иса Мәсиһ] бу хун у гошт, бь кʹәрәм у рʹастийева тʹьжи дь нав мәда коне хԝә дани. Мә рʹумәта ԝи дит» (Йуһʹәнна 1:14). Жь ве йәке те кʹьфше, кӧ Иса Мәсиһ Хԝәдайе Һьмзор нинә. Йуһʹәнна ӧса жи готьбу кӧ Хәбәр «тʹәви Хԝәде бу». Ле һәла дьшьрмиш бә, ча Иса дькарә тʹәви Хԝәде бә у әв Хԝәде хԝәха Иса бә. Мәсәлә ча тӧ дькари тʹәви кәсәк би, у әв кәсәк жи хԝәха тӧ би? Хенщи ԝе йәке, жь Йуһʹәнна 17:3 әм дькарьн пебьһʹәсьн, кӧ Иса ль сәр Баве хԝә гот кӧ әԝ һәйә «Хԝәдейе рʹасти бешьрики-беһәвал». Бь ве йәке Иса Мәсиһ хԝәха нишан кьр, кӧ дь ортʹа ԝи у Баведа фьрԛи һәйә, у әԝана йәк ниньн. Ӧса жи хьлазийа кʹьтебе, Йуһʹәнна әви һʹәму тьшти бь гьлийeд ӧса һәвва гьредьдә: «Ле бәле әв һатьнә ньвисаре, ԝәки һун баԝәр бькьн, кӧ Иса йә Мәсиһ, Кӧрʹе Хԝәде» (Йуһʹәнна 20:31). Дина хԝә бьде, кӧ Иса те навкьрьне ча Кӧрʹе Хԝәде, нә кӧ Хԝәде. Әва әʹламәтийeд зедә жь кʹьтеба Йуһʹәнна нишан дькә, ԝәки Йуһʹәнна 1:1 чаԝа гәрәке бе фәʹмкьрьне. Иса Мәсиһ, демәк Хәбәр, һәйә «хԝәде», чьмки әԝ паши Хԝәдейе Һьмзор щийе мәзьн дьгьрә ль сәр әʹзмана. Ле әԝ нә Хԝәдайе Һьмзор ә, у нькарә тʹәви ԝи бьбә йәк.

Ԝәрә әм мәсәла дәрсдар у шагьрта бәрдәԝан кьн. Бьдә һʹәсабе хԝә, кӧ паши ԝе йәке ча дәрсдар һе зедә әʹламәти да шагьртарʹа, шагьрт йәкә дӧдьли нә дәрһәԛа ве пьрсе. Бь тʹәхмина тә ньһа шагьрт чь гәрәке бькьн? Әԝана гәрәке әве пьрсе жь дәрсдарәки дьн жи бьпьрсьн, ԝәки ԝанрʹа һе избат бә. Һәрге дәрсдарәки дьн жи һʹәму тьшти мина дәрсдаре пешьн шьровәкә, ԝи чахи шагьрт ида ԝе баԝәр бькьн, ӧса нинә? Һәрге тӧ дӧдьли йи, һәла Йуһʹәнна дәрһәԛа Иса у  Хԝәдайе Һьмзор чь дьхԝәст бьгота, ԝәрә әм бьньһерʹьн, кӧ дәрһәԛа ве пьрсе ньвискʹарәки дьн Мәтта чь дьбежә. Чахе Мәтта дәрһәԛа хьлазийа ве дьнйа хьраб хәбәр дьда, әԝи гьлийeд Иса ԝәкʹьланд у гот: «Ле бона ԝе рʹоже у ԝе сьһʹәте тʹӧ кәс ньзанә, нә мьлйакʹәтeд әʹзмана, нә жи Кӧрʹ, ле тʹәне Бав» (Мәтта 24:36). Ча әв гьли нишан дькьн, кӧ Иса нә Хԝәдайе Һьмзор ә?

Бь ван гьлийа Иса нишан кьр, кӧ Бав жь Кӧрʹ, һе зәʹф занә. Һәрге Иса пʹарәк жь Хԝәде буйа, әԝи жи ԝе әв һʹәму тьшт бьзаньбуйа, чь кӧ Хԝәде занә. Ләма жи әм фәʹм дькьн ԝәки Кӧрʹ тʹәви Бав йәк нинә. Ле һьнәк дьшьрмиш дьбьн, ԝәки ԝи чахи Иса ча мәрьв хәбәр дьда ләма ӧса гот. Ле ԝәки ӧса нә, дәрһәԛа рʹӧһʹе пироз чь дькарьн бежьн? Һәрге рʹӧһʹе пироз пʹарәк жь Хԝәде йә, чьрʹа Иса гот кӧ тʹәне Хԝәде занә, ле дәрһәԛа рʹӧһʹе пироз тʹӧ тьшт нәгот?

Ԝәʹде һинбуна Кʹьтеба Пироз, тӧйе һе зедә бькарьби пебьһʹәси дәрһәԛа ве пьрсе. Әв һʹәму һинкьрьн ԝе али тә бькьн, ԝәки тӧ бьзаньби рʹастийе дәрһәԛа Бав, Кӧрʹ у рʹӧһʹе пироз (Зәбур 90:2; Кʹарeд Шандийа 7:55; Колоси 1:15).