TAPILIUSSAQ
Kristumiut ilumoortut pallorfiginninnerminni sanningasulimmik atuisussaappat?
SANNINGASULIK inunnit millionilikkuutaanit pingaartinneqangaarlunilu ataqqineqarpoq. Den Store Danske Encyklopædi naapertorlugu “sanningasulik tassaalersimavoq kristumiussutsimut ilisarnaat pingaarnerpaaq”. Kristumiulli pallorfiginninnerminni sanningasulimmik atuisussaappat?
Maluginiarneqartariaqarpoq Jiisusi Kristusi sanningasulimmi toqunngitsoq. Grækerit oqaasiat amerlanertigut ‘sanningasulimmik’ nutserneqartartoq tassaavoq staurosʹ. Oqaatsip tamatuma isumavia tassaavoq “qisuk imaluunniit quassuttooq nappagaq”. Biibilimik nutsikkat ilaanni ima nassuiaatitaqarpoq: “[Staurosʹ] isumaqanngisaannarpoq qisuit marluk imminnut paarlangatillugit inissitat ... [Testamentitaap] grækerisut allanneqarnerani taatsiaannarneqanngilarluunniit qisuit marluk pineqartut.” – The Companion Bible.
Apustilit Suliaat 5:30; 10:39; Galatiamiut 3:13) Oqaaseq taanna isumaqaannarpoq “quassuttooq”, “ajaappiaq imaluunniit qisuk”.
Allassimaffinni arlalinni Jiisusip toqutaaffia pillugu oqaaseq alla atorneqarpoq – tassa grækerit oqaasiat xyʹlon. (Hermann Fuldap sanningasulik pillugu atuakkiamini sooq pillaalluni toqutsinermi qisuinnaap atorneqarajunnera ima nassuiarpaa: “Tamarmik takkuanni pillakkamik toqutsinissami toqutsiffissatut toqqakkat ilaanni orpeqarneq ajorpoq. Taamaattumik quassuttuuinnaq nunamut mangullugu napparneqartarpoq. Pinerluttuliortut assaat qullinngorlugit tassunnga qilersorneqartarput kikiattorneqarlutilluunniit, aamma isigaat qilersorneqarajupput kikiattorneqarajullutilluunniit.” – Das Kreuz und die Kreuzigung.
Uppernarsaataalluarnerpaarli Guutip oqaasianiippoq. Apustili Paulusi ima allappoq: “Kristusip akiliulluta inatsisit perloqqussutaannit aniguisippaatigut pilluta nammineq perloqqunarsigami – allassimavormi: ‘Perloqqunarsili kinaluunniit qisummut nivinngagaasoq.’” (Galatiamiut 3:13) Uani Paulusip Mosesimik allakkat issuarpai, taakkunanilu qisuk pineqarpoq, sanningasulik pineqarani. (5 Mosesi 21:22, 23) Pillakkamik toqutseriaatsip tamatuma pillagaq ‘perloqqusaalersimmagu’, Kristusip sanningasulimmiittup assinga kristumiut angerlarsimaffimminni ungatermiorippassuk naleqqutissanngilaq, ilaa?
Kristusip toqunerata kingorna ukiuni 300-ni siullerni kristumiussutsimik nassuerutiginnittut pallorfiginninnerminni sanningasulimmik atuisimanerannik takussutissaqanngilaq. Ukiunili 300-kkunni kaasari Konstantin Guutimik nalusoq kristumiunut tunussisimasunut ilannguppoq sanningasullillu kristumiussutsimut tamatumunnga ilisarnaatitut atornera siuarsalerlugu. Konstantinip pissutigisai suugaluarpataluunniit, sanningasulik Jiisusimut Kristusimut attuumassuteqanngilluinnarpoq. Sanningasulik Guutimik nalusuneersuuvoq. Ujarlerfissiami ima allassimasoqarpoq: “Kristumiut sioqqullugit inuusut kristumiuunngitsullu kulturiannut sanningasulik ilaasimavoq.” (New Catholic Encyclopedia) Paasissutissiisut tatiginartut arlallit allat sanningasulik pinngortitanik upperisarsiorfiginninnermut aamma Guutimik nalusut atoqatigiinnerannut ileqqulersuutaasunut attuumassuteqartippaat.
Taavami sooq Guutimik nalusut ilisarnaataat tamanna atorneqalersimava? ‘Kristumiussutsip’ akuerinissaa Guutimik nalusunut ajornannginnerulersinniarunarlugu. Ilisarnaatinulli Guutimik 2 Korinthimiut 6:14-18) Guutipilussiorneq qanorluunniit ittoq Allakkani inerteqqutaavoq. (2 Mosesi 20:4, 5; 1 Korinthimiut 10:14) Taamaattumik pissutissaqarluarlutik kristumiut ilumoortut pallorfiginninnerminni sanningasulik atorneq ajorpaat. *
nalusuneersunut sunulluunniit tunniusimaneq Biibilimi erseqqissumik assuarineqarpoq. (^ par. 5 Sanningasulik pillugu paasissutissaqarneruvoq uani: Lad os ræsonnere ud fra Skrifterne, qupp. 209-213. Jehovap Nalunaajaasuinit saqqummersinneqartoq.