FAN̈AMPINY FAN̈AZAVAN̈A
Karakory ma Andra Fitsaran̈a Zen̈y?
AMINAO, karakory ma Andra Fitsaran̈a zen̈y? Maro olo mieritreritry fa aminy Andra Fitsaran̈a io, hitsangana man̈oloan̈a Zan̈ahary olo tsiaraikiaraiky hitsarainy. Lan̈iany nan̈ano ny tsara handeha amy Paradisa andan̈itry an̈y, fa lan̈iany nan̈ano ny ratsy hijaly mandrakizay amy motrobe zen̈y. Baiboly tsy mampianatra zen̈y. Andra Fitsaran̈a io tsy raha tokony havozoan̈a, fotony aminandra io Zan̈ahary han̈atanteraka fikasan̈anany han̈ano tany ty paradisa.
Izikoa atsika mizaha aminy Apokalypsy 20:
Marin̈y ndraiky fa Zan̈ahary Jehovah Pitsara farany an̈abo, kanefa misy olo hafa nifidiny hitsara. Aminy Asan’ny Apostoly 17:
Amy bokiny Apokalypsy amy Baiboly ao man̈ambara fa koa fa vita Haramagedona, manomboko Andra Fitsaran̈a. * (Apokalypsy 16:
An̈atiny arivo taon̈o, Jesosy Kristy ‘hitsara ny velon̈o ndreky ny maty.’ (2 Timoty 4:1) Azovy ma iro ‘velon̈o’ io? Iro io “vahoaka be” ho tafitsaka aminy Haramagedona. (Apokalypsy 7:
Karaha nambarany apostoly Jaona in̈y, ‘nisy horonamboky nivilarin̈y, ke iro naty in̈y nitsarain̈y eraka raha nataondro voasoratra taminy horonamboky tao.’ (Apokalypsy 20:12) Izio ma raha jiaby nataonolo io talohany izy naty ma raha tiany apostoly Jaona koran̈iny? Tsy zen̈y, fotony Baiboly efa nivolan̈a karaha ty: ‘Olo koa fa maty, afaka madiodio amy fahotan̈anany.’ (Romanina 6:7) Dikanizen̈y, raha koran̈iny horonamboky io raha hafa irahiny Zan̈ahary hatao. Tsy maintsy man̈araka didinany olo jiaby tafitsaka aminy Haramagedona ndreky iro olo aby hivilomin̈y io, izikoa man̈iry hahazo fiain̈ana tsisy farany. Tsy maintsy man̈araka raha vaovao takiny Jehovah koa iro an̈atiny arivo taon̈o. Hitantsika baka amy zen̈y fa raha hataonolo araiky an̈atiny Andra Fitsaran̈a io hitsaran̈a izy.
An̈atiny Andra Fitsaran̈a io, olo mandeha andrivony tapitrisa sambany hiaraka hianatra ndreky han̈ano sitrapony Zan̈ahary. Dikanizen̈y, ho hisy asa farany maventy hatao amy zen̈y, fotony iro io tsy maintsy hampianarin̈y. ‘Hianatra ny Isaia 26:9) Ndray izy man̈ano zen̈y, tsy olo jiaby zen̈y von̈ono han̈ano sitrapony Zan̈ahary. Karaha ty koran̈iny Isaia 26:10: “Olo ratsy fan̈ahy ndray atao tsara, izy tsy mety mianatra ny marin̈y; ndray izy efa amy taniny fahitsian̈a, izy tsy mety hahita habezan̈a Jehovah.” Haripaka olo aby ratsy fan̈ahy karaha zen̈y an̈atiny Andra Fitsaran̈a io.
Izikoa fa ho tapitry Andra Fitsaran̈a io, ho “velon̈o” ankitin̈y olo jiaby tavela eto, fotony efa manjary lavorary. (Apokalypsy 20:5) Dikanizen̈y, an̈atiny arivo taon̈o io olo himpody lavorary ndraiky. (1 Korintianina 15:
^ feh. 1 Misy fan̈azavan̈a momba Haramagedona koa amy boky Fandalinana ny Soratra Masina (Malagasy), ambaniny hoe “Andron’i Jehovah” ndreky “Hara-magedona”, ndreky Toko faha-20 amy boky Mivavaha Amin’ilay Hany Andriamanitra Marina (malagasy), naboakany Vavolombelon̈o Jehovah.