APÉNDICE
1914 birga yogsaaledsulid
BIRGA durbo wilubbu Biblia durdagmalad sogdidii gusmalad 1914 gine ibagan bulegan nagunoniggoye. ¿Igi neg gunoniggoen sunna? ¿Igi anmar wisi 1914 birga yogasaaledsuli?
Lucas 21:24 gine Jesús sogsad: “Dule[mar] Judíosurmalad, Jerusalén neggwebur nue wiononimaloed. We dulemar, Jerusaléngi gudi gumaloed e ibagan berguoedse”. Jerusaléngi dummagan mamainad judíomarga neg idugega. Jerusaléngine reymar David sorba megdani gusnanaed (Salmo 48:1, 2). Wemardina bamalad reymarbo aggarmalanad ar Jehová sogedba reyga mamainad, Jehová e anar wemar mesisad (1 Crónicas 29:23). Degsoggu, Jehová, Jerusaléngi neg dagmaiyobi gussunnad.
Degidde, ¿ingu neggweburmala Bab gobierno oiddononimala? We ibmar gusad Babiloniadorgan Jerusalén oiddosmargua año 607 era común iduale (e.c.i.). Aa birgagi David sorba Jehová nuggi reymar megdani gusmaladi bergusad (2 Reyes 25:1-26). ¿Jerusaléngi Jehová nuggi bar bibbisaar reymar megosur sunde? Megoe, ar ángel Gabriel, Maríagala sogsad: “Igi ebbenne Rey David, reyga megis gusa, deyobi Bab Dummadi e wagwa imagmogoed” (Lucas 1:32, 33). Degsoggu Jesús reyga megwidele gannar Jehová gobierno signoniggoed.
¿Ingu we ibmar gusa? Jesús sogsad judíosurmalad sadegu neg dagmai guosurmarye. Daniel capítulo 4 gine sognaid bule undar neg dagmai gumaloe. Danielgi Babilonia rey Nabucodonosor gabdasad narmaggarnaid. Nabucodonosor gabgin dagsad sabbi dummad siglenai. Geb dagsabalid nabbi unnila e saglabi osismala, esgoro dubgi geb esnun dubgi edidsa sismala merbar dunguega. Geb ángel sogded: “Birga gugle deyob” sigoye (Daniel 4:10-16).
Inbaggwa Bibliagi sabbimargi sunmaglealir gobiernomar obardaed (Ezequiel 17:22-24; 31:2-5). Degsoggu, sabbi sigles daglesadi obared, Bab Dummad Jerusaléngi bar e gobierno siosurye. Degi inigwale soglesbalid “birga gugle” Jerusalén dummad oiddollegoye. ¿Bule undar sugu naguoe?
Apocalipsis 12:6, 14 gine soged, “1.260” día birgabaa abarye. Degsoggu, “birga gugledi” 1.260 día irbogwa wilubbid, 2.520 díado. Auggi Jerusalén oiddollesad sorba unnila judíosurmaladi 2.520 día Bab gobierno oiddonai gussurmalad. Degsoggu 2.520 día obarsulid. Be daggena Números 14:34 geb Ezequiel 4:6 gine igar maid: ‘Ibagwenye soglegedi, birga gwenad obardaye’. We igar maidba anmar ebisdele “birga gugledi” bela anmarga noed 2.520 año.
Weg soglenaidi 2.520 añoye, octubre 607 e.c.i. noded, Babiloniadorgan Jerusaléngi ubononimargu, David sorba Jehová nuggi reyga mainad onosmargu. Weg soglesadi 2.520 añoye octubre 1914 sega bergunoniggid. Degsoggu 1914 gine “Judíosurmalad, Jerusalén neggwebur nue wiononima[loye]” soglesad bergusad. Geb 1914 gine Bab Dummad, na Jesucristo nibneggi reyga sisad (Salmo 2:1-6; Daniel 7:13, 14). *
Jesús sogsad, an “nibneggi reygala megwisar” dummad neg gagaledoye, guerramar nodoye, uggumesed nagudoye, negabandur dummagana geb bonigan yaisur gudbaloye (Mateo 24:3-8; Lucas 21:11). Wegi ibmar gunaidbali nue mag dagleged 1914 gine Jehová nibneggi na e Reino sisa. Geb 1914 gine ‘neg duggumosad’ naguded, neg isgusnaid berguega (2 Timoteo 3:1-5).
^ parr. 4 Octubre 607 e.c.i., geb octubre año 1 e.c.i. sega, 606 año noed. Ar año cero saddesoggu, octubre año 1 e.c.i. geb octubre 1.914 e.c. sega 1.914 año nanasad. Geb 606, 1.914 bogwa anmar oburudele, 2.520 año anmarga noed. Nabbi be wisgubile bule Jerusalén 607 e.c.i., oiddollesa absogo “Cronología” garda Perspicacia para comprender las Escrituras gine, Jehovági sunmagmalad we garda onosmalad.
