1914-нҗи йыл — Мукаддес Язгылара гөрә‚ әхмиетли йыл

МУКАДДЕС ЯЗГЫЛАРЫ өвренйәнлер, 1914-нҗи йылың тарыхда әхмиетли йыл болҗагыны, бирнәче йыл өңүнден айтдылар. Шонда нәхили ваҗып вакалар болды ве нәме үчин биз 1914-нҗи йылы тарыхда әхмиетли йыл хасапламалы?

 Лука 21:24-де Иса Месих шейле дийди: «Олар мөвритлери [миллетлер дөври] долянча, Иерусалими басгылар». Иерусалим Ысрайылың пайтагтыды, ягны Давудың неслинден болан патышаларың шәхериди (Зебур 48:1, 2). Бу патышалар башга миллетлериң хөкүмдарларындан тапавутланярды. Олар «Реббиң тагтында» отурярдылар ве Худайың векиллериди (1 Тарыхлар 29:23). Шонуң үчин Иерусалим Ехованың хөкүмдарлыгыны аңладярды.

Худайың хөкүмдарлыгыны миллетлер хачан ве нәдип басгылап башладылар? Бу б. э. өң 607-нҗи йылда, бабыллылар Иерусалими басып аланда болды. Давудың неслиндәки патышаларың хөкүм сүрмеги бес эдилди ве шондан соң хич ким «Реббиң тагтында» отурмады (4 Патышалар 25:1—26). Худайың хөкүмдарлыгы эбеди басгыланармы? Ёк, чүнки Хезекиелиң пыгамберлигинде  Иерусалимиң соңкы пыташасы Зедекия: «Тәҗиңи чыкар-да гой... Ол хакыкы [кануны хукуклы] эеси гелйәнчә болмаз, Мен оны шоңа берерин» дийилйәр (Хезекиел 21:26, 27). Давудың тәҗини геймәге, Иса Месихиң кануны хукугы бар (Лука 1:32, 33). Диймек, миллетлер дөври Иса Месих Патыша боланда тамамланмалы.

Бу әхмиетли вака хачан болмалыды? Иса Месих миллетлериң вагтлайын хөкүм сүрҗекдигини айтды. Миллетлериң нәче вагт хөкүм сүрҗеги, Даниел китабының 4-нҗи бабында айдыляр. Онда Бабылың патышасы Небукаднезарың гөрен дүйши гүррүң берилйәр. Небукаднезар патыша дүйшүнде бир бейик агач гөрди, гөрен агаҗыны чапдылар. Агачдан тәзе балдак гөгермез ялы, оны демирдир мис билен «еди дөвре» багладылар (Даниел 4:10—16).

Мукаддес Язгыларда агач хөкүмдарлыгы я-да патышалыгы аңладяр (Хезекиел 17:22—24; 31:2—5). Гөрнүшдәки агаҗың чапылмагы, Худайың тагтында отуран патышаларың хөкүм сүрмегини бес эдендигини аңладяр. Эмма миллетлер Иерусалими эбеди дәл-де, «еди дөвүр» басгылар. Еди дөвүр нәче вагтка?

Ылхам 12:6, 14-нҗи аятлардан билшимиз ялы, үч ярым йыл [дөвүр] «мүң ики йүз алтмыш гүн» боляр. Диймек, «еди дөвүр» ондан ики эссе көп болуп, 2 520 гүне дең. Эмма Иерусалимиң басып алнанына 2 520 гүн геченде, миллетлер Худайың хөкүмдарлыгыны басгыламагыны бес этмедилер. Гөршүмиз ялы, бу пыгамберлик хас көп вагты өз ичине аляр. Хезекиел 4:6-дакы ве Санлар 14:34-дәки принципе гөрә, «гүни йыл» дийип хасапласак, «еди дөвүр» 2 520 йыл боляр.

Б. э. өң 607-нҗи йылың Гарашсызлык (октябрь) айында бабыллылар Иерусалими басып алып, Давудың неслинден болан патышаны тагтдан дүшүрдилер. 2 520 йылы шондан башлап хасапламалы. Бу дөвүр б. э. 1914-нҗи йылының Гарашсызлык (октябрь) айында тамамланды. Эдил шол вагт миллетлериң дөври тамамланып,  Иса Месих патыша болды * (Зебур 2:1—6; Даниел 7:13, 14).

Исаның өңден айдышы ялы, онуң гөкде Патыша болмагы билен ер йүзүнде уруш, ачлык, ер титреме, гыргынчылык ялы улы бетбагтчылыклар болмалы (Матта 24:3—8; Лука 21:11). 1914-нҗи йылда гөкде Худайың Патышалыгының беркарар боландыгыны ве шондан бәри залым дүнйәниң «соңкы гүнлериниң» башландыгыны бу вакалар субут эдйәр (2 Тимотеос 3:1—5).

[Чыкгыт]

[216 Сахыпадакы сурат\диаграмма]

«ЕДИ ДӨВҮР»

2 520 йыл

606 йыл ве 3 ай 1913 йыл ве 9 ай

Б. э. өң 607-нҗи йылың Б. э. 1-нҗи йылының

Гарашсызлык (октябрь) айы — Түркменбашы (январь)

б. э. өң 1-нҗи йылың айының 1-и —

Битараплык (декабрь) б. э. 1914-нҗи йылының

айының 31-и Гарашсызлык (октябрь) айы

607 ← б. э. өң б. э. → 1914

«Миллетлер... Давудың

Иерусалими басгылар» тәҗини геймәге

кануны Хукуклы гелйәр