APÉNDICE
¿Doagi arcángel Miguel?
BIBLIAGI soglenaid ángel wargwen nibneggi Miguelye nugye. Miguel daglealile ibmar imagnadaed, ¿ibu imagnai dagleardae? Danielgine soglenaid, Miguel ángelmar isganaganbo urwenaye. Judasgindi sognaid Miguel, Niabo gaenaiye. Geb Apocalipsisgindina sognaid, Nia e sordaganmala Miguelbo urwenaye. Degsoggu dagledo Miguel, Jehová isdarmaladbo urwega Jehová anar gwissiguar daedi. Miguel soglesoggua, “¿Doa Dule Bab Dummad Yobidi?” Aaga Bab Dummad anar gwissiguar daed. Ar ¿Migueldega nue doa sunna?
Be iddodiid abar dulemar nug soggwenna nigsurdamalad. Be ebinsadibe Jacob, dule buggidar mimmigan niggusadi Israelye onugsalesbalid, apóstol Pedro, Simónye nugbalinad (Génesis 49:1, 2; Mateo 10:2). Anba Bibliagi soglenamogad Jesucristo nibneggi gudi gua Miguelye ese gorlebalinye. Anmar daggoena Bibliagi igi soge ibigala deyob nugbalina.
Arcángel. Bibliagi soglenaid Miguel “arcángel[ye]” (Judas 9, TNM). We arcángel soglegedi “ángelmar e dummad” obared. Be dagdele Bibliagi arcángelgi sunmagledele unnila dule wargwenna bileardaed, bamalad ángelmar deyob bilesurmalad. Ugginbali Jesús arcángel ibmar imagged imagbalid. 1 Tesalonicenses 4:16 (Bab Dummad Jesucristoba Igar Mesisad Garda, [NVS]) gine sognaid, Jesús ibu ibmar imaggoe, soged: “Nibneggi Bab Dummad gaya burba ganguedba, anger dummad [arcángel] gayaba, degine, Bab Dummad gala gollalir, [...] Jesús agdedagoed”. Wegine soglenaid, Jesús arcángelyobi sunmagye. Ar wegine Jesúsgi sunmagnasoggua mag dagledo Jesús Miguelye nugbali.
Dummad. Bibliagi sognaid, “Miguel [...] e angermar” buraggwa, Niabo ulusmarye (Apocalipsis 12:7, NVS). Degsoggu nue mag iddolledo Miguel ángelmar nuegan e Dummadi. Ar anba Apocalipsisgine sognabalid Jesús ángelmar nuegan e Dummadye (Apocalipsis 19:14-16). Geb apóstol Pablo anba “Jesús[gi]” sunmasmogad geb “e angermar[gi]” sunmasbalid (2 Tesalonicenses 1:7). Ar Miguel, Jesúsbarsoggua aagala Bibliagi sognadaed Miguel e “angermar” buraggwa gudiye, geb Jesús e “angermar” buraggwa gudimoye (Mateo 13:41; 16:27; 24:31; 1 Pedro 3:22). Bibliagi soglenasulid ángelmar nuegana sogbo danar danar bugye, soggwen Miguel wemar idugedye geb bamaladdina Jesúsba gudidiye. Degsoggu Bibliagi Miguel nug bilealile, Jesucristo nibneggi ibmar imagdiid obarnadaed. *
^ parr. 4 Garda Perspicacia para comprender las Escrituras vol. 2, página 386, 387 segadgine nabbi be durdaggoed Miguel Bab massi obardaye, we garda Jehovági sunmagmalad onosmalad.
