TIMERNA
Menhu i d Mixayil, ameqran n lmuluk?
LXELQ, yellan d ṛṛuḥ, yeţţusemman Mixayil ur d-iţwabder ara xilla n tikkal deg Wedlis Iqedsen. Lameɛna, m’ara d-iheddeṛ Wedlis Iqedsen ɣef Mixayil, iţwerri-t-id dima yecɣel. Ɣef lemtel, di tektabt n Danyil, yeţnaɣ neţţa d lmuluk imcumen; di tebṛaţ n Yahuda, ikker uxaṣem gar-as d Cciṭan; ma deg Uweḥḥi, ixeddem lgirra akk-d Iblis d leǧnun-is. Imi i geţdafaɛ ɣef leḥkem n Yahwa yerna yeţnaɣ d yeɛdawen-is, iţeddu ɛlaḥsab n lmeɛna n yisem-is, yeɛni “Anwa i gellan am Ṛebbi?” Meɛna, menhu-t Mixayil-agi?
Kra n lɛibad ur sɛin ara yiwen n yisem kan. Di lemtel, Yeɛqub iţţusemma daɣen Isṛayil; amceggeɛ Buṭrus ssawalen-as Cimɛun. (Laṣel n ddunit 49:1, 2; Matta 10:2) Kifkif daɣen, ɛlaḥsab n Wedlis Iqedsen, Mixayil d isem nniḍen n Ɛisa Lmasiḥ, i gella yesɛa-t uqbel a d-yas ɣer lqaɛa; yerna d wagi i d isem-is segmi i guɣal s igenni. A nẓer kra n leḥwayeǧ seg Wedlis Iqedsen i ɣ-issawḍen a d-nefhem ayagi.
Yahuda 9) Lmeɛna-s “lḥakem n lmuluk.” M’ara d-iheddeṛ fell-as Wedlis Iqedsen, yeqqar-ed dima “ameqwran n lmuluk”, mačči “imeqwranen n lmuluk.” Nezmer ihi a d-nefhem seg waya belli yiwen kan n lmelk i gesɛan amḍiq-agi. Uyerna, Adlis Iqedsen iţbeyyin-ed belli tella lɛalaqa ger Ɛisa akk-d ccɣel i gesɛa umeqran n lmuluk. Atan d acu i neţţaf di 1 Itisalunikiyen 4:16 ɣef wayen yeɛnan Ssid Ɛisa Lmasiḥ i d-yeḥyan: “Ssid s timmad-is a d-iṣubb seg igenni [...] s taɣect n umeqran n lmuluk.” (Ṭrejma n ddunit tajdiṭ, s tṛumit) Afir-agi yessefham-ed belli Ɛisa yesɛa taɣect n umeqran n lmuluk. Am wakken yenna-d ihi belli d Ɛisa s yiman-is i d ameqran-agi n lmuluk, yeɛni Mixayil.
Ameqran n lmuluk. Awal n Ṛebbi isemma i Mixayil “ameqwran n lmuluk.” (Lḥakem n lɛeskeṛ. Adlis Iqedsen yenna-d belli “Mixayil akw-d lmuluk-is ssekren ṭṭrad i lweḥc nni [...] akw-d lmuluk-is.” (Aweḥḥi 12:7) Ihi, Mixayil d Lḥakem n lɛeskeṛ n lmuluk unṣiḥen. Taktabt n Uweḥḥi tessefham-ed daɣen belli Ɛisa d Lḥakem n lmuluk unṣiḥen. (Aweḥḥi 19:14-16) Amceggeɛ Bulus immeslay-ed ɣef “Ssid-nneɣ Ɛisa” akk-d “lmalayek-is.” (2 Itisalunikiyen 1:7, Awal n tudert) Ihi, deg yiwet n tama, Adlis Iqedsen ihdeṛ-ed ɣef Mixayil d “lmuluk-is”, di tama nniḍen, ihdeṛ-ed ɣef Ɛisa d “lmuluk-is”. (Matta 13:41; 16:27; 24:31; 1 Buṭrus 3:22) Imi ulac anda i d-yenna belli llant snat trebbuyaɛ n lɛeskeṛ n lmuluk unṣiḥen (yeɛni yiwet d Mixayil i ţ-iḥekmen, tayeḍ d Ɛisa), nezmer a d-nefhem ihi belli Mixayil d Ɛisa Lmasiḥ s timmad-is ɛlaḥsab n ccɣel i s-iţţunefken deg igenni. *
^ § 2 Iwakken a d-tafeḍ akteṛ n leḥwayeǧ i d-isskanayen belli isem n Mixayil yeɛna Mmi-s n Ṛebbi, ẓer aḥric 2, isebtar 280-281 n Étude perspicace des Écritures, i d-ssufɣen Inagan n Yahwa.