FAN̈AMPINY FAN̈AZAVAN̈A
Azovy ma Mikaely Arkanjely Zen̈y?
TSY voakoran̈a matetiky amy Baiboly ao anjely Mikaely io. Baiboly koa fa mikoran̈a momba izy ao, izy efa miasa fo koran̈iny. Amy bokiny Daniela mivolan̈a fa Mikaely io miady aminy anjely ratsy. Amy taratasy nisoratiny Joda ao mitantara fa izy mimalo amy Satana. Amy bokiny Apokalypsy ahitan̈a fa izy miady amy Devoly ndreky demony aby io. Dikany an̈aran̈a Mikaely io, “Azovy ma Mira Zan̈ahary?” Leony tsarabe an̈aranany zen̈y, fotony izy miaro fitondrasan̈a Jehovah ndreky miady amy fahavalony Jehovah. Ke azovy marin̈y ma Mikaely io?
Olo araiky mety manan̈a an̈aran̈a maromaro. Ohatra, Israely mbala an̈aran̈a Jakoba. Simona ikahian̈a apostoly Petera. (Genesisy 49:
Arkanjely. Amy Baiboly ao, “arkanjely” ivolan̈any Mikaely. (Joda 9) Dikany “arkanjely” zen̈y, “pitariky anjely.” Amy Baiboly ao, olo araiky fo tiany volan̈iny, koa fa mikoran̈a “arkanjely” io. Toeran̈anany io koa mifan̈araka amy toeran̈a Jesosy. Karaha ty koran̈iny amy 1 Tesalonianina 4:16 momba Jesosy nivilominy Zan̈ahary: ‘Tompo eky amy zen̈y hijotso baka andan̈itry an̈y, sady hivolan̈a mare han̈amia beko, amy feony arkanjely.’ Dikanizen̈y, feony arkanjely io, feony Jesosy. Hitantsika baka amy zen̈y fa Jesosy Mikaely arkanjely io.
Pitariky tafiky. Baiboly mivolan̈a fa ‘Mikaely ndreky anjelinany aby io niady tamy dragona ndreky anjelinany aby io.’ (Apokalypsy 12:7) Dikanizen̈y, Mikaely io Pitariky tafikindro anjely tsy mivadiky aby io. Man̈ambara koa aminy Apokalypsy ao fa Jesosy io Pitarikindro anjely tsy mivadiky aby io. (Apokalypsy 19:
^ feh. 1 Izikoa tianao ho hay antony ivolan̈ana fa Jesosy Kristy fo Mikaely io, zahava boky Fandalinana ny Soratra Masina, ambaniny hoe “Mikaela”, naboakany Vavolombelon̈o Jehovah.