SAQ­QUM­MERSITANI al­las­simasor­pas­suit as­sersuutaap­put. As­sersuutigalugu eq­qaaneqar­poq ar­naq qaamigut atermik ‘Babylonersuarmik’ al­las­simasor­talik. Ar­naq taan­na pil­lugu al­las­simavoq ‘inup­pas­suit inuiaqatigiil­lu’ is­siaf­figigai. (Saq­qum­mersitat 17:1, 5, 15) Ar­naq taamaaliorsin­naan­ngim­mat Babylonersuaq as­sersuutaasimas­saaq. Ar­naq ator­tit­tar­toq taan­na sumum­mita as­sersuutaava?

Saq­qum­mersitat 17:18-imi ar­naq as­sersuutaasoq taan­na ‘il­loqarfis­suar­tut nunarsuarmi kun­nginut naalagaas­suseqar­tutut’  eq­qaaneqar­poq. Oqaatsimit ‘il­loqarfis­suarmit’ erser­poq inuit eqimat­tat suleqatigiit­tut pineqar­tut. “Il­loqarfis­suaq” taan­na “nunarsuarmi kun­nginut” naalagaas­suseqarmat ar­naq Babylonersuarmik taaneqar­toq tas­saasimas­saaq nunarsuaq tamak­kerlugu aaq­qis­suus­saaneq sun­niuteqangaar­toq, up­perisarsior­nik­kut pis­saaneqangaar­toq. Taama isum­mer­nis­samut tun­ngavilersuutitut al­las­simaf­fiit Saq­qum­mersitaniit­tut maluginiak­kit.

As­sigiin­ngitsutigut pis­saaneqar­toqarsin­naavoq: Politik­kik­kut, niuer­nik­kut up­perisarsior­nik­kul­luun­niit. Ar­naq Babylonersuarmik taaneqar­toq tas­saan­ngilaq politik­kik­kut aaq­qis­suus­saaneq, Guutim­mi oqaasiani al­las­simavoq “nunarsuup kun­ngiisa”, tas­sa silarsuarmi naalak­kersuinik­kut oqar­tus­saasut, taan­na ‘kinguaas­siuutitigut inuunerluf­figisaraat’. ‘Ar­naq’ taan­na inuunerlup­poq nunarsuarmi naalak­kersuisut suleqatiginerisigut taak­kulu sun­niuteqarfiginiarlugit pis­saaneqarfiginiarlugil­lu pisariaqar­tumik iliuuseqar­nik­kut. Taamaat­tuminguna ‘ar­narsuarmik ator­tit­tar­tumik’ taaneqar­toq. – Saq­qum­mersitat 17:1, 2; Jaaku 4:4.

Aam­ma Babylonersuaq niuer­nermut tun­ngas­suteqarsin­naan­ngilaq, suujun­naarsin­neqar­pam­mi ‘nunarsuarmi niuer­tut’, niuer­nik­kut oqar­tus­saasut, aliasuutigis­savaat. Al­las­simavoq kun­ngit niuer­tul­lu Babylonersuaq ‘ungasil­lugu qeqarlutik’ isigis­sagaat. (Saq­qum­mersitat 18:3, 9, 10, 15-17) Taamaat­tumik tun­ngavis­saqarluar­poq isum­mis­sal­luni Babylonersuaq tas­saasoq up­perisarsior­nik­kut sun­niuteqangaar­toq, politik­kimut niuer­nermul­luun­niit tun­ngas­suteqan­ngitsoq.

Babylonersuup up­perisarsior­nermut tun­ngas­suteqar­neranut up­per­narsaat al­la tas­saavoq inuiaqatigiin­nik tamanik “angak­kuar­nik­kut” tam­mar­titsisar­nera. (Saq­qum­mersitat 18:23) Anersaarsioriaatsit tamarmik up­perisarsior­nermut tun­ngal­lutil­lu anersaapilun­nit isumas­sarsiarititaam­mata tupin­nan­ngilaq Biibilimi al­las­simasoq Babylonersuaq ‘anersaapiluit najugarileraat’. (Saq­qum­mersitat 18:2; 5 Mosesi 18:10-12) Aam­ma al­las­simavoq taan­na up­perisarsior­nermik ilumoor­tumik akerlilersuisoq ‘pruf­fiitinik il­ler­nar­tunil­lu’ malersuinermigut. (Saq­qum­mersitat 18:24) Aap, Babylonersuaq up­perisarsior­nermik ilumoor­tumik uumis­suingaarami ‘Jiisusip nalunaajaasor­taanik’ peq­qar­niitsumik malersuisar­poq al­laal­lu toqutsisarluni. (Saq­qum­mersitat 17:6) Tas­sa erseq­qip­poq ar­naq Babylonersuarmik taaneqar­toq silarsuarmi tamarmi up­perisarsior­ner­nut Jehovamik Guutimik akerlilersuisunut tamanut as­sersuutaasoq.